حسين ترضاها يه خويه راح اروح امچتفه...
رايحه او دمعي اعله طولي اوگاصده ادروب الجفه....
حسين لتضني نسيتك آنه ام المعرفه...
خويه عل ناگه او اصيحك گوم يل كلك وفه....


شيگومك يه خويه او كلشي ماضل بيك...
خاف اتگوم وترد الحوافر ليك...
يمن خليت زينب تستحي تناديك...
يبو اجروح الوسيعه بيمن اندوايك...

(ماشيه موش ابرضاتي ماشيه)
ــــــــــــــــــــــــــــــــــــــــــــ
هيچ اول تالي زينب تصعد الهزله اوتروح....
وداعتك مابيها گوا الفاگده اخوان اوتنوح....
كون كل البيك بيه اسهام اولدم ول جروح....
آنه بعدك گلبي ميت يل وگفتك ليه روح...


ميته اوداعتك من شفت البصدرك...
اثر حافر اليسحگ چان ويعبرك...
عمت عين الحوافر تجزي وطشرك...
كلهم خلصو محد يجي اينصرك...

(ماشيه موش ابرضاتي ماشيه )
ــــــــــــــــــــــــــــــــــــــــــــ
اعيون ماضلت عليه امن البچي ومن الونين....
هاذه راسك ذاك جسمك مدري انوح الياحسين...
راسك اگبالي امنشوفه گلبي يصرخ جسمه وين...
آخ يا گلبي المصيبه كون نبچي اعله الثنين...

يامن كون بيه البيك يبن امي...
بس صعبه امنشوف احترگت اخيمي...
نسيت البيه حالك صار كل همي...
متت يحسين من شفتك تون يمي...

(ماشيه موش ابرضاتي ماشيه)
ــــــــــــــــــــــــــــــــــــــــــــ
رايحه بس گلبي يمك الله يستر عل بنات...
تصعب الممشه عليهن توا يمك ركاضات...
اوداعت اعيونك يغالي اهواي كلش تاعبات...
امجرحات اچفوف اديهن ليش هيچ امچتفات...

حسين اوداعتك هم آنه تعبانه...
اگضي اليل اون اعليك سهرانه...
اباوع روحي بعدك چني موش آنه...
اول تالي اضل ابعاز عوانه...

(ماشيه موش ابرضاتي ماشيه )

ــــــــــــــــــــــــــــــــــــــــــــ
خالد السویطي

#ثگيل

ليلة قمر الله  ابلفضل العباس

راح اخوي الچان ملح السالفه
اعیون ابوفاضل الزینب طایفه

راح اخوي الماکوغیره ــــ نظرته اعیونه عشیره
         راح اخوي ــــــ  راح اخوي
ــــــــــــــــــــــــــــــــــــــــــــــ
طاحت رایت العباس ـــ لو رکن السمه اتهدم
رطبه الدنیه تبچي اهموم ــــ الحزن فوگ الخیم غیم
حتی اجروحي تبچي اهات ـــ خلص من الونین الدم
اشلون ارد امشي للحومه ــــ ویاهو الیحمي المخیم

مدري وین اطي الوجه ـــ مدري لاوین اتجه
       بیه حیره اتعادل الکون ابعضمته
مدري اصبر وانتظر ــــ یضحک الحالي الشمر
         یگلي ظهرک بالگمر والله کصرته

مدري اصبرمدري اتاني ـــ والله حیرني زماني
         راح اخوي ــــــ  راح اخوي
ــــــــــــــــــــــــــــــــــــــــــــــ
بعدني ابعازتک عباس ـــ بعدني اتباهه بعیونک
شجره وفارگاهه الماي ـــ یذبل طولي من دونک
حسینک منهدم مکسور ــــ والله ابعازت امتونک
الیباوع طولي چنه اهلال ــــ یذلني ابکلمة اشلونک

مره ارکض للنهر ــــ وصرخ اگعد یالگمر
       هو الیدوع اخو یتبده سکته
افتح اعیوني غصب ـــ امشي ابهیده الدرب
         ومره اگولن هاعبرته ما عبرته

راح المنور زماني ـــــ من الهوه الیعبرني اعاني
           راح اخوي ــــــ  راح اخوي
ــــــــــــــــــــــــــــــــــــــــــــــ
وصلتک والگلب ذایب ـــوگولن هوه مو هوه
اول مره اشوف اهلال ـــ من اجروحه یتلوه
تگلي اصبر یجیني حسین ـــ یمن اندارالک فدوه
سمعت الخویه من حلگک ـــ اوماتت کلمة الخوه

گتلک حسینک لفه ـــ گوم یا معني الوفه
     گال مولاي وهدم حیلي ابعبرته
خویه یخنگني الهوه ــــ گوم خل نرجع سوه
      المثلک ابین العده مایترک اخته

گلي خلیني ابمکاني ــــ واختي گلها لا تتاني
           راح اخوي ــــــ  راح اخوي
ــــــــــــــــــــــــــــــــــــــــــــــ
یعباس الخیام اترید ــــ حیل اشلون ارد الهه
اذا اوصل لعد زینب ـــ وتسئلني اعله کافلهه
شگلهه الئمنت ویاک ــــ یمعدل محاملهه
عوف الموت یا عباس ــــ اعلیک حسین اجلهه

اخ شیرجع الزمان ــــ وگفتک چانت امان
      خویه چبد حسین بغیابک فطرته
حایر وماعندي راي ــــ والزلم صاحوا وراي
     شلون حالک وانته ابوفاضل فگدته

شلوني حزني خذاني ـــ الماي مدري منین اجاني
         راح اخوي ــــــ  راح اخوي
ــــــــــــــــــــــــــــــــــــــــــــــ
کلمات الشاعر خالد السویطي

فزاعيه لسان حال السيده زينب تنقل صوره لام البنين عن العباس عليهم السلام
النعي
ــــــــــــــــــــــــ🍂🍂🍂

اريد اوصل لعد امه واگلها
خلها  تفتخر بالحيد خـلها
ارجاس الكفر يم عباس ذلها
ـــــــــــــــــــــــ🍂

ماقصر ابنــــــــج يـوم شد احزامه
باچر تشـــــــيل الراس كلها اعمامه
ـــــــــــــــــــــــــ🍂
زامـــــــطنه بي والحيد شال الرايه
افياي صـــــــــــــار لزينب و  تچايه
جاب الــــــفرات بأيــــده هو ومايه
يم البـنين الــيــــــوم  رفعي الهامه
ــــــــــــــــــ🍂ـ
ماقــصـــــــــــر ابنچ يلحليبچ طاهر
يگص بالرگاب يطــــــشر    المناحر
صاحت العســـــكر كولو بلا.شصاير
چنه علي مـحـــــــــد وگف .جدامه
ـــــــــــــــــــــــــ🍂
رد النه حــــــــــيدر اسد الله الغالب
واجب علـينه الشرده صارت واجب
مثل الغضـــــــنفر بس  يرف الشارب
فارس مضــــــر وحنين  هاي، ايامه
ــــــــــــــــــــــ🍂
افتخري بيه وشيـــــلي راسج يمه
ذيچ السيوف تصــيح گامت بسمه
لولا الغدر والمــــــــــوته بيها حكمه
ماچـــــــان يل  بالشام   دگ دمامه
ــــــــــــــــــــــــــــــ🍂
اچفوف الرذيله ابن الفحل  لاواها
ويه الارض يــــــــم البطل ساواها
لولا المـــــــحتم صـــــــار ماخلاها
فدوه تــــــروح ازلامها لصمصامه
ـــــــــــــــــــــــــــــــــــــــ🍂
تمت وبعون الله تعالى
بقلمي ام علي البابلي
لااجيز شرعا حذف الاسم
اسالكم الدعاء
.
🍂🍂🍂.......

.ثقيله امير جبل الصبر نحو الشام


يحسين رايح هودجي
وهاي الحرم شبعت بجي

ابناكه هزله
جتفي تهدله
يحسين يحسين
***🍂
درب اليسر بي جم جرح تدريهن اهواي
اولهن لراسك اون بالرمح وياي
والثاني احزام الظهر يا كسره حماي
والباقي ما بيه اعد يا زاجي الراي

جم سوط اعدله
جتفي تهدله
يحسين يحسين
✍طالبة الزهراء.                                                                                     **** 🍂
جم سوط اعدلة جم درب بي يسرونة
الراس يشهد عالجرة من طلعونة
مسبيه خواني وسف ماعطلونة
ام عون خلاها الوكت محتاجة عونة
والحرم ثكلة
جتفي تهدلة
يحسين... يحسين..
✍ضحى البلوشي
****   🍂                      يا خويه  بدروب  السبي  اذكركم  اني
جاوينه كفال الضعن ودللاني
خلي يجي يشوف اشعمل بيه زماني
ابجاله جنت امدلله بس هسه اعاني

ماهي سهله
جتفي تهدله
يحسين... يحسين..
✍ام خضير المهدويه.                                                                               * 🍂               
ما تنعد جروح اليسر لو رت اعدها
كلفه لون زينب گلت تمشي وحدها
وبطفال تدري مكلفه ونسوان عدها
من عگب حماي الضعن ياهو اليردها
مسبيه اردله
چتفي تهدله
يحسين.. يحسين...
*🍂
النوگ هزل والرچب يصعب عليه
وراح اليعدل هودجي ويثنيه اليه
ماتت يخويه ادللي بالغاضريه
امسيت بسياط الشمر حرمه
وسبيه

بالشوف امدله
چتفي تهدله
يحسين يحسين
✍️ العلويه الاء
*🍂
من المره تمشي بيسر وبلايه خوان
وبوليه مغصوبه الم تحديها عدوان
والحيل مهدوم وتعب وكت الهضم حان
من ضاگت الدنيا عليٌ مجفيه وليان

ولحالي صدله
جتفي تهدله
يحسين.. يحسين..
✍🏻  العلويه ام شهد البعاج                                                                     *** 🍂                              طش الشمل اه ياالولي وفلت العشره
ومشيت بدروب السبي بالجبد حسره
لن عايفه الحجة ابارض جثته اموذره
والباري يعلم حالتي اوبيه ادره

اثجيل حمله
جتفي تهدله
يحسين... يحسين..
✍ام مرتضى الخزرجي.                          ****🍂

تمت القصيده باقلام شاعرات رابطه قرابين الطف
لا نجيز حذف الاسماء
🍂🍂🍂

مشت زينب سبيه اليوم للشام
وعلئ اظهور الهزل من صعدوها
اتلفت يمنه يسره ماكو خوان
وخيمها والخدر هل فرهدوها
بقت صوب الشريعه اتودي واتجيب
حيل استغربت ماجاها اخوها
اتخيلها صاحت خويه حسين
جا وين الكفيل اخته سبوها
حاجاها الشمر تردين عباس
اجفوفه اعله النهر غاد اكطعوها
كالت خل احشم حسين ونشوف
عدهم فرد زينب جن نسوها
صدت عل يسار وشافت حسين
راسه اعله الرمح هم ارفعوها
ابسوطه الشمر طكه اعله المتون
وشتم فاطمه ورد سب ابوها
عندي اعتاب خويه وياك عباس
الحره ابطيحتك وليه ولوها
اشلون انطيت جفينك للسيوف
تدري اختك ياكافل سلبوها
كريم الجوراني

نحب احسين نموت ابدر الحسين
هوه حسين مو مات امن اجلنه
لطامه. نظل  وندك. زناجيل
اوسواد اعليه نلبس كل عمرنه
علئ منهج ابوه باقين ماشين
المحبه امن الله ماواحد جبرنه
روايات وامشينه اعله الروايات
وصار حسين عزتنه وفخرنه
خلقها الجنه الله امن اجل الحسين
وخدام لحظرته احنه انخلقنه
اليريد ايلوم خله ايلوم
يضرنه ابيش راضين ابوظعنه
باجر من نموت ويبدي الاحساب
غير ال النبي من يشفعلنه
الدنيه ابغيرهم ماتسوه فلسين
الحياة ابدونهم ماالها معنه
تعلمنه نعيش احرار نموت احرار
وعلئ حبهم وحب الله انجمعنه
كريم الجوراني

كوم ياكافل خدرها يله كوم
ماتريد الماي زينب نادتك
كوم ياكافل خدرها يله كوم
طاح اخوك حسين خويه امروتك
كوم ياكافل خدرها يله كوم
بسيوف ورماح الاعادي اتلكته
كوم ياكافل خدرها يله كوم
اكلب الحومه كلب طول وعرض
كوم ياكافل خدرها يله كوم
وخلي جيش ايزيد ميلمه الارض
كوم ياكافل خدرها يله كوم
كوم رد الجيش وصلت للخيم
كوم ياكفل خدرها يله كوم
وارث العباس شمرت حيدره
كوم ياكافل خدرها يله كوم
امن الزغر سموك سبع الكنطره
كوم ياكافل خدرها يله كوم
ابجفك الفقار واحصد بالركاب
كوم ياكافل خدرها يله كوم
زلزل الحومه مثل يوم الحساب
كوم ياكافل خدرها يله كوم
امعزب العباس من طب للطفوف
كوم ياكافل خدرها يله كوم
باد كل ذيج الكتايب والصفوف
كوم ياكافل خدرها يله كوم
كوم مسبيه تره اطفال وحرم
كوم ياكافل خدرها يله كوم
انشتمت الزهره وابوك انته انشتم
كوم ياكافل خدرها يله كوم

كريم الجوراني

☘️نعي للام المتوفيه ☘️
نعي //

جا ليش بيهم ذكرونه
نامو بعد ماضن يجونه
بفراكهم بلوه بلونه

خيالج ييمه عال بيه
ضليت الوبن بالثنيه
ياكون تلفيني المنيه


يلوالده واشكد عزيزه
بيها حنان وبيها ميزه
درب الفراك شلون اجيزه

✍️طالبه الزهراء
🏴🏴🏴🏴🏴

https://www.tg-me.com/sakiAtashi

كوم ياكافل خدرها يله كوم
ماتريد الماي زينب نادتك
كوم ياكافل خدرها يله كوم
طاح اخوك حسين خويه امروتك
كوم ياكافل خدرها يله كوم
بسيوف ورماح الاعادي اتلكته
كوم ياكافل خدرها يله كوم
اكلب الحومه كلب طول وعرض
كوم ياكافل خدرها يله كوم
وخلي جيش ايزيد ميلمه الارض
كوم ياكافل خدرها يله كوم
كوم رد الجيش وصلت للخيم
كوم ياكفل خدرها يله كوم
وارث العباس شمرت حيدره
كوم ياكافل خدرها يله كوم
امن الزغر سموك سبع الكنطره
كوم ياكافل خدرها يله كوم
ابجفك الفقار واحصد بالركاب
كوم ياكافل خدرها يله كوم
زلزل الحومه مثل يوم الحساب
كوم ياكافل خدرها يله كوم
امعزب العباس من طب للطفوف
كوم ياكافل خدرها يله كوم
باد كل ذيج الكتايب والصفوف
كوم ياكافل خدرها يله كوم
كوم مسبيه تره اطفال وحرم
كوم ياكافل خدرها يله كوم
انشتمت الزهره وابوك انته انشتم
كوم ياكافل خدرها يله كوم

كريم الجوراني

يا حسين

فزاعيه لبو فاضل

عباس ظهضب من دخل سوح الحرب
اتخردلت عدوانه ماتندل درب
عباس ظهضب والحرب لاكتله
شجعان صارت بالمبارز ختله
من صلب حيدر ياهو اليكدرله
السيف احمر من عدوانه
✍طالبةالزهراء
_____
عبااس طب وفصل لها اجفانه
امن جلودهم خله الاسم عنوانه
گطع رگاب وترس بوديانه
الطف غصت /صاحت كافي
✍ام حسين المحمداويه
_____

قصيده للسيده رقيه ع وهي تنضر الئ بنات الشام مدللات ....كاني بها تتكلم مع الامام الحسين ع
❥❥❥❥ـــــــــــــ❁❁ـــــــــــــ❥❥❥❥
هنيـــــــــالهن عدهن ابو هنيالهن
يجي المغرب ينشد اعله احوالهن

اه بس انـــه سبيه
بيد گوم بلا حميه

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
هنيالهن عــدهن ابو يتفگد الهن
مدللات العايشـــات ابيت اهلهن
ماحرگ جمر الخيم بويه جدمهن

بس انه نمت بخرابه
وتلجم بذاني الترابه

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
بس انه ضلــــيت بنت بلايه والي
ولايجي يوميه ينشد عله احوالي
حالتي بعدك بگت بــس دمع هالي

مادريت بحالي بعدك
يالروحي بگت عندك

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
كلي يالهاين عليك شلــونك انته
انه اذا تسئل علـــيه المر جرعته
جروا الترجيه مني ومتت سكته

كل وجع فدوه الك
گلبي بفراگـك هلك

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
بابا من يــــوم الرحت مانمت باليل
اشتاگلك والدمعه تبگه مني اتسيل
من السبي والضرب بويه بايد الحيل

بسوطهم ورموا متني
وانته ابد ماداري عني

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
هنــــيالها العدها ولي ينشد عليها
ولو بـــجت يعيونها يسكت بجيها
بس يروحي بغير والي شلون بيها

يالرحت يمته ترد
مرمر احوالي البعد

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
للشاعرة غدير الحساني
...

علي الاكبر من نزل.  للحوم
كال شنهو الموت كلمن يومه

اله اخلي الجيش يركع يم ابوي
سبط ابوالسجاد طيبه اعلومه
سرفن اردانه وابده يحصد زلم
كوم الشاش العده ابجيدومه

علي الاكبر من نزل للحومه
كال شنهو الموت كلمن يومه

صاح دنوها الكتايب خل تجي
واليصل لخيامي اكص زردومه
صال بيها وجال واشتد القتال
وكل كتايبهم صفت مهزومه

علي الاكبر من نزل للحومه
كال شنهو الموت كلمن يومه

جاب بيده راس ابن غانم واجه
وعل الارض خلاه تجري ادمومه
شمرت العباس عمه من يهد
صفن اعداه وبقت مصدومه

علي الاكبر من نزل للحومه
كال شنهو الموت كلمن يومه

لخادم اهل البيت كريم الجوراني

من الفجر حد الفجر .. ما توگف ادموعك
يومية خيل امعصبّة .. تركض عله اضلوعك
مستحية الشلونك .. اسم الله عله اعيونك
يا بوصالح .. يا بوصالح
=============
يالتبچي دم ابكل صبح
چا هاي عينك لو رمح .. يا بو العيون الرايحة

الف وثلثمية وكسر
ليلية تسمع جم كسر .. فوگ الاصدور الطايحة

ما تحچي بس تنگط حچي
يتنگب وما ينتچي .. هم حگة راعي الفاتحة

ما تدري عينك ترستك
ودمها يطيح بشيبتك .. ما چف اجاك وزايحة

شيسوي بيك الطف بعد .. عابر وجع گلبك
نزّاتك اليم الذبح.. .. .. كل مغرب اتصلبك
جيب اليتچونك .. اسم الله عله اعيونك
يا بوصالح .. يا بوصالح
==============
بالصحرة مايمك بشر
وعيونك انوكلن سهر .. چا يمته تاخذ راحتك

طف الذبح متحملة
وحرگان گلبك كربلة .. بس بچي اتخلص ساعتك

اصفن واگوم اتخيلك
من تذكر اعمايم هلك.. تشمرها هم اعمامتك

تذّكر اچفوف الگمر
ويطيح بعيونك نهر .. والدمعة تصبغ شامتك

من تسمع بطاري الهزل .. هم تمشي مشاية
يالمهدي يم طاري السبي .. هم تگطف الصاية
ابذني يغثونك .. اسم الله عله اعيونك
يابوصالح
===========
وين انت وين ابيا درب
والهيمة كرّاهة غرب .. استقرارك ابيا ديرة

ما تگدر اتنام وتحن
و إبذنك الحافر يرن .. الله واكبر حيرة

ابراسك سبي وركضة بخت
و امرية بخوتها انتخت .... وجاست جثثهم غيرة

ابالك مخيّم محترگ
وشردة طفل من يختنگ .. ومحترگة ايد ازغيرة

إيطگن اضلوعك سره .. لو ذكروا الحافر
وايعوّر اعيونك رمح .. من تسمع العاشر
وين اليذكرونك .. اسم الله عله اعيونك
يا بوصالح .. يا بوصالح
===============
گاعد حدر لسع الشمس
مت عيني ما يمك ونس .. ويباصرك وتباصرة

من احچي بالطف ما اشب
صح احترگ بس تنحسب .. حسبة مشاعر عابرة

الفاگدلة سبعين ازلمة
لو موت لو يبچي دمة .. واعيونة مدري شصايرة

روحك تشب وتنطفي
تذكر جسد نايم چفي .. الظهرية ذيچ الحارّة

إشلونة وياك الوكت .. يالدمعتك حمرة
يالمهدي روحة كربلة .. هم ظهرك تكسرة
ماكو اليشبهونك .. اسم الله عله اعيونك
يا بوصالح .. يابوصالح
==========
ماي الله هم تشرب صدگ
لو من تشربه تختنگ .. هسه انت مفطر صايم

اتغمض يطب عينك سهم
عندك سباية ابلا خيّم .. .. .. ألف سنة وما نايم

والعندة شام وكربلة
ايحس ابهوه الله سنسلة .. ايموت اكثر من اللازم

يالدمعتك ما تنگطع
واليطفة بعيونه الشمع .. فاتحته عرس القاسم


خايف عليك ومن تجي .. ومن تدخل الكوفة
ايگلولك اهنانه مشت .. خدر الله مچتوفة
گاعد يدورونك .. اسم الله عله اعيونك
يا بوصالح .. يابو صالح
=============
#علي هادي الخزعلي

🍂🍂