قصيده لئ ابو فاضل الطلب الحاجه.

بدايه نعي

منك ياخو زينب انه اريد امراد
احلفنك بحركه بجاه ابو السجاد
وبسر المشت بسياط فوك افاد


*عليك بجاه زينب ها يمظلوم*
*اريد امراد منك طالبة اليوم*
_
عندي هموم يم شباجك احجيهه
تفطر كلبي منها وجيتك اطريهه
عليك ابجاه زينب كون تكضيهه

وتنشف دمعات عيوني

✍️ ام رقيه البطاط
___
عندي اهموم سوت بالكلب جمره
وكل وضعي اختلف مره اقسى من مره
ودمعات البعيني وداعتك حمره

بس يمك فليت آهاتي
✍طالبة الزهراء
__

النفس بالريه خنكه وحيل تدريني
يالبلحضره اغمض كون تشريني
مريضه بحبك وما اريد تشفيني

يا واهس كلشي ابدلالي
✍طالبة الزهراء
__

چثيره هموم كلبي
ومنهه تعبانه
اريدن حاجتي منك يمولانه
عيني ماغفت للصبح سهرانه

بس منك اطلب حاجاتي
✍️ام نور الباقر المالكي
____
احلفك بالعليل الماشي درب الشام
جروحه مذخنه بالحم حتى اعظام
خوفه اعلى الضعن بس كلبه ضل جدام

دكتوري انته وتدري بحالي
✍️ام ياسر يافاطمة الزهراء
____

اريد بجاه زينب تكضي حاجاتي
يا ابو فاضل ويمك ابدي اهاتي
لغيرك ما اسولفهن احجاياتي

طلبيتك والدمعه بعيني
✍افنان الدلفي

-------------

تمت القصيده باقلام رابطه شاعرات
#قرابين_الطف اللهم عجل لوليك الفرج يا مهدي مدد


https://www.tg-me.com/oo7750

ثقيله للعباس ع


يعباس الأخو مريود بالشده
وهنياله الأخو لو هيج أخو عنده
.........
هنياله اللي عنده اخوان ياعباس
منك والنعم يابو الفضل نبراس
تعلمنه الوفه منك يبو النوماس
انته العلى الخوه ينگطع زنده
الأسديه الكربلائيه
....
انته ال عالأخوة تفدي الچفین
واتلاگی السهام ابفتشت العینین
وفیت و أبد ما بقى ابذمتك دين
ولا خليت اخوك ابهل حرب وحده
....... الأهوازية......
ماخليت زينب تبقه محتارة
مثل حيدر علي لو شهر بتارة
تفنيهم فنی من تجبل الغاره
وشحده النوه اعله الخیم یتعده
الأسديه الكربلائيه
.......
الیوصل للمخیم وصل حد الموت
والعباس صل و العدو فنه ایفوت
یجی برجله مشات ویرجع ابتابوت
ما تلحگ علیه بل معرکه الشرده
....الاهوازیه.....
يشرد وين ماكو مجان للمشراد
سوا. الطف قیامه وقدّم الميعاد
ابو فاضل صگر لهل الغدر صیاد
ماگدرو عليه وخاطهه بزنده
الأسديه الكربلائيه
........
ما گدرو علیه سوا الزلم طشار
کل ما حطب لمو یوج بیه النار
یصید الوینه وینه ما یصید ازغار
وبتاره برگاب اهل الرده ایبرده
......الاهوازیة........

تمت برابطه قرابين الطف اللهم عجل لوليك الفرج يا مهدي مدد


https://www.tg-me.com/oo7750

لطميه لمولاتي زينب ع بعد فقد اخوتها تقرأ بعدة اطوار
بوزن التجليبة


گظت ياحيف عشرتنه ويه ابو سكينه
وخلصوا كل اخوتي وانگطع بينه

///////////////////
گظت شبساع خوتنه ويه ابو السجاد
انتهت ايامنه وابدا فلا تنعاد
مصيبتهم عمتني وحيلي مني باد
وايامي الزهيه ماترد لينه
//////////////////
برض الغاضريه انفلت الخوه
اختهم من بعدهم مالها تجوه
عمت عين الزمان وياهم شسوه
قسه ويانه الوكت فرق ليالينه

✍️ ام بهاء الكربلائية

//////////////////

قسه ويانه الوكت عاشرنه بس دمعه
وطفه ايامنه ولا من بكت شمعه
عيون مغروركه وتلالي باللمعه
بعد شيعيد لمتنه ومحاجينه
✍طالبة الزهراء القريش
//////////////////
كظت ذيج اليالي الجانت وياهم

شيعود الزمان ونكعد حذاهم

بقت روحي بألم كلساعه تنعاهم

ماترجع بعد جمعت غوالينه

✍ام خضير المهدويه

////////////////
يحلوه خوته والعدو فلاها

ولمتنه الثجيله وين نلكاها

وازلام الكلافه هوايه ردناها
نريد اخوان لو عال العدو اعلينه

✍️ ام رقيه البطاط
////////////////
راحت ذيج كعدتنه وسوالفنه

وخلصت حيف ترجع بعد جمعتنه
اخوي البيه محنه اليوم فاركنه

يريت ايعود لينه وما يخلينه

ام سيد حسن الموسوي
////////////////
ماتنعاد هالعشره اويه ولياني
حسين الراح مايرجع بعد ثاني
وأيام المضت نذكرهه ونعاني
بحره اطيوفهم هيه التشافينه
✍️الأسديه الكربلائيه
////////////////
تمت القصيده باقلام شاعرات رابطه قرابين الطف اللهم عجل لوليك الفرج يا مهدي مدد

https://www.tg-me.com/oo7750

✅ ديوان مؤسسة بني هاشم ✅

تصميم وطباعة خادمة الحسين
الشاعره نور الحسناوي
مو ديوان
نار
ابرع الشاعرات بيه
يعني تاخذين القصيده ونتي منتجيه بدون اخطاء وكلام يوجع

متابعينه انشروه على حب الحسين ع

#طالبة_الزهراء_القريش

https://www.tg-me.com/+BBRVxrhRoX1mNGFi

ديوان الجزء الثاني هنا انشره ☝️🔥

وقد اتيك يا اللهي بعد تقصيري واسرافي

اعوذ بالله من الشيطان الرجيم
/خطوات الشيطان/

قال الله تعالى في كتابه الكريم:
بسم الله الرحمن الرحيم
(ولا تتبعو خطوات الشيطان ومن يتبع خطوات الشيطان فانه يأمر بالفحشاء والمنكر)
نهى الله عن اتباع خطوات الشيطان لان الشيطان يتبع معنا خطوات الى ان يصل الى مراده اول خطوه واول فخ يتبعه الشيطان مع الانسان هو/ فخ الشهوه /
اول مفتاح يستخدمه الشيطان فبعد ان يوقع الانسان في الشهوه يبدء الشيطان لعنه الله بجر الانسان للخطوه الثانيه وهي
/ مايقرب الانسان/
من الزنا فهناك مقربات للزنا حيث قال الله تعالى ( ولا تقربو الزنا ) لم يقل لا تزنو حيث هناك مايقرب الانسان من الزنا كالنضره والكلام وكثير من الامور يجب ان نمنع انفسنا ودورنا كأمهات ان نتابع شبابنا من تواجدهم على السوشل ميديا حتى لا يقعو في حبال الشيطان التي من الممكن ان تجرهم الى الزنا واذا وقع الانسان في الزنا صار في شباك الشيطان اذن حتى المقربات للزنا حرام وليس الزنا فقط واذا صار الانسان في شباك الشيطان ينتقل لمرحله اخرى هي.......

الموالاة والموالاة هي حب ومتابعه سيكون محب ومتابع للشيطان بما يغضب الله وبعد الموالاة وفي آخر مرحله يدخل الانسان في مرحلة 🚫العبادة قال تعالى (الم اعهد اليكم يابني آدم ان لا تعبدو الشيطان) في هذه المرحله يبدء الشيطان لعنه الله يأمر والانسان ينفذ وهذا ما حصل مع بنو اميه فقد أطاعو الشيطان في مخالفة الحق وضلمهم وقتلهم للامام الحسين وسبيهم لعيال الحسين بعكس اصحاب الحسين اللذين حفظو انفسهم من حبال الشيطان ومكائد الشيطان ..وموقف مولاتنا زينب اعضم درس لنا كنساء .ففي اصعب الضروف مولاتنا لم تخل بحجابها رغم كل مامرت به لم تترك صلاتها وماذا اصعب من ان ترى الاخت اخوتها يقتلون امام عينها وان تتكفل بالعيال في طريق سبي وهي تنضر الى رؤس اخوانها امامها آه يازينب

ثم ندخل بالنعي

خادمة خدام الحسين

#المله_ام_رقيه
#رابطه_الحسنه_الجاريه

مسلم بن عقيل عليه السلام

يالفارگتني.      ريتك شفتني
مفجوعه والمدمع يصب.    ريتك شفتني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مسلم يبويه بحيرتي.   رحت وعفتني بهمي/  آنه حميده
طفله وهظم گلبي الدهر. وشكي الجرالي لعمي/.متمسكه بيده
يواسيني كلما انهظم   بچفوفه يبرد دمي / بعدك وحيده
يشتد حنيني.    يمته تجيني
يابويه ذوبت الگلب     يمته تجيني
٠٠٠٠٠٠٠٠٠٠
ظليت اتاني عله الدرب.   ما غمضتها عيوني/  ترجعلي يمته
مسلم يبويه امن الحزن.  بعدك تغير لوني./  نورك فگدته
يا خوفي غدروك العده.  بمصابك يفجعوني/   هذا العرفته
اول ضحيه.     بين آل اميه
يابويه وحدك بالحرب.     بين آل اميه
٠٠٠٠٠٠٠٠٠٠٠٠٠
يا بويه طولت السفر.   ما بينك ومابيني/   غدرت زماني
ادعيلك بدمع الفجر.  وتمنّه ما ناسيني./   لشخصك اتاني
كل غايب يعود لهلَه.  بس انت ما تلفيني/    جرحك سباني
ارحم دليلي     سهرانه ليلي
يا بويه ما عفت الدرب     سهرانه ليلي
٠٠٠٠٠٠٠٠٠٠٠٠٠٠٠٠
كالولي غدروك العده.   بالكوفه مسلم وحدك./ نقضت عهدها
ناس الاجتّك بايعت.   يا بويه أمست ضدك./  نزعت جلدها
تبعت يزيد وعافتك.   خانت ونكرت عهدك./   لا ذمة عدها
أهل الضلاله.     تصلح محاله
العاشت على الذل والرعب     تصلح محاله
٠٠٠٠٠٠٠٠٠٠٠٠٠٠٠٠٠٠
ذبوك من سطح القصر   ودمك نزف عالغبره/    ما بايعتهم
جسمك يجرونه بحبل   فدوه لحبيب الزهره/   ما ساومتهم
ماشفتك وگلبي انجرح. خنگتني بويه العبره/   يالعذبتهم
بزغري هضيمه.     اصبح يتيمه
مو هيّن الموقف صعب.   اصبح يتيمه
٠٠٠٠٠٠٠٠٠٠٠٠٠٠٠٠٠٠
لا راحه بعدك لا فرح  ولا تطفه نار جروحي./   ما تدري بية
طفله وهظم گلبي الحزن. والحسره تچوي بروحي/ صبح ومسية
مسلم يبويه مصيبتك.  زيدّت ونّي ونوحي./  ليوم المنية
هذا الجرالي.       بعدك يغالي
راح امشي لديار الغرب.     بعدك يغالي

سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

السلام عليكم جميعا ورحمه الله وبركاته

حبيباتي انتظروني راح انزل الكم
ديوان مؤسسه بني هاشم
هنا على شكل قصائد
مكتوبه
ولو انه نزلته ملف للي تحب اطبعه او تنسخه

القصائد كلها تحت اشراف لجنه مختصه من كل النواحي
يعني تاخذين قصائد سليمه من كل النواحي
لخيره الشاعرات دون تحيز لجهه معينه
اختكم
الاقل
الشاعره والمله
#طالبة_الزهراء القريش



https://www.tg-me.com/oo7750

✍طالبة الزهراء القريش


https://www.tg-me.com/oo7750

من ديوان مؤسسه بني هاشم
انتظرونا قريبا

قصيده حديث النور

للسبي


كلمه حقيقه  انذبح
والراس فوك الرمح
وزينب كلاها التعب
ودموع دم من تصب
_
وكلمن قره المستهل يتعذب ابداخله
بس الحقيقه امر
من نشرح المساله
خير الله وجه الشمس
بيا حال المدلله

الضيم بيها كثر
الضعن كاده شمر

والراس فوك الرمح
✍طالبة الزهراء
__
ياظيم شافت مره مو مثل زينب ابد
تتذبح العايله وتفگد  الچانوا سند
صيوانهه الي احترگ والضعن عنها ابتعد

غصبن مشت للسبي
يا حيف بت النبي

والراس فوگ الرمح

✍️ ام بهاء الكربلائية
_
گالو حسين انذبح وزينب مشت لليسر
عذرا الك  سيدي مولاي راعي الامر
لكن حقيقه الجره گلبي الك معتذر

ويلاه يشبل الحسن
   شتحمل آلآم المحن

والراس فوگ الرمح

✍ام كرار المنصوري
_
زينب تصدله بحزن الراس ينگط دمه
يتلاوح أعله الرمح نشهد عليه السمه
بس هيه زينب جبل عالصبر متعلمه

تشتاك حزم الاهل
مذبوحه من الجهل


والراس فوك الرمح
✍️العلويه أم علي الشرع
___
تاريخ يحجي ويقر مولاتي لمن مشت
تتعثر وتنتهض
لحسين اخوها وبجت
من عافته بيا وضع
اضلوع منها نحنت

عاينت كلبه السهم
حسين ذاك الشهم
والراس فوك الرمح
✍ام خضير المهدويه
____
عالأرض جسمه أنفرش وعظامه صارن طحن
والسما صبت دمه والكاع تبجي وتأن
مدللة حيدر علي دوهنها حيل الزمن

مجتوفة أديها بحبل
والحمل مال الحمل

والراس فوك الرمح
✍🏻 آلــــّعــلّويِـــه آلّمٌوسويِــــۿ
____...
تمت القصيده باقلام شاعرات رابطه قرابين الطف اللهم عجل لوليك الفرج يا مهدي مدد
...

قصيده فزاعي لاصحاب الحسين عليه السلام



الكم صيت بالطف شاعت اعلومه
واحدكم كلف لو يهد بالحومه
***
كتوله الك ارواحنه فدوه
يبو الاكبر قضيتك غاليه وتسوه
تحت اتراب جدمك سيدي نهوه

((ارخصنه انهد نلعب جوله))
✍🏻طالبةالزهراء
°°°°°°°°°°°°°°
تعاهدتوا ابد لا ما تخذلونه
وياه للنصر كلكم تنصرونه
شجعان وعليكم لايكه العونه
((يمناته يلصرتو اعلى الحك ))

✍🏻ام سيد حسن الموسوي
°°°°°°°°°°°°°
قدمتو العمر  وارخصتوا كل غالي
ابطال الشهاده توسمت تالي
بالجنه انبنه الكم قصر عالي

((وبيوم الطف طحتو اكباله))
✍🏻 ام بهاء الكربلائية
°°°°°°°°°°°°°°
عاهتو عهد والعهد وفيتو
                                                                                العمر كله لبو سجاد ضحيتو
                                                                        من ناده ياناصر انتو هديتو

((زلزال  الطف من طبوله ))

✍🏻 ام خضير المهدويه
°°°°°°°°°°°°°
انصاره ووكفتو دون ابو سكينه
ولبيتوا النداء حسين والينه
وحاربتوا الكفر
ماكلتوا ملينه

وارواح انطيتوا ابذلتوله
✍ام مرتضى الخزرجي
°°°°°°°°°°°°°°
انصار الحسين ونعم من عدكم
ضلت خالده يا ذيج هددكم
فديتوا الروح تشهد ذيج صولتكم

((بالدم والروح تضحوله ))                                                                         ✍🏻ام خضير المهدويه))
°°°°°°°°°°°°°
تمت القصيده باقلام شاعرات رابطه
قرابين الطف لانجيز حذف الاسماء


https://www.tg-me.com/alakelaa

لطميه لعلي الاكبر ع


*كوسر في خواته. الطاح بالحومه*
*الاكبر شبه جده بطوله ورسومه*
___
طلع جنه صكر وتهابه عدوانه
تفنن ورتجز من كال هذا انه
على الحك انه اكاون ورفع الوانه
من هد كللهم هذا انه
✍طالبة الزهراء
_
شجاع وزلزل الميدان بفنونه
منكب للحرب تجادح عيونه
مثل عباس ماكدرو يكحمونه

رج الميدان  بصولاته

✍خادمة الزهراء
الشاعرة هالي نور
_
جن جده علي لمن برز بيهم
ناده بصوت عالي اليوم يكضيهم
غار اعله الكحيله وعتنه ليهم

وبسفه يكر بعدوانه

✍ام خضير المهدويه
_
رج جيمانه من هد علي الاكبر
ماخذ شمرته من جده المشكر

ليث وبالشجاعه بصوته لوكبر

بشمراته يشبه عباس

✍#_ بنت العباس ع ام منتظر الجابري
____
شبيه المصطفى والغيره عربيه
يشد ابشمرته من اهله السباعيه
علي الاكبر جفوفه اربات حربيه

الطف فراها  بجفينه
✍️ ام نور الزهراء الزينبيه
____
تمت القصيده باقلام شاعرات رابطه قرابين الطف

اللهم عجل لوليك الفرج
يامهدي مدد

https://www.tg-me.com/alakelaa

هوسات للسبي

خذوني ميسره وعيني على اخواني
ياصعدت الناكه وضحك عدواني
الحزن بين عليه وغير الواني
 

ميسوره    زينبكم راحت

✍️ ام رقيه البطاط
_
الحزن بين عليه وحالتي صعبه
انه الصار بالطف شفته الف نكبه
وانه اليل كله نياحي بالنحبه

من عفت حسين اعلى الذاري

✍طالبة الزهراء
__
انه طول الدرب ماغمضت عيني
اعاين لليتامه الزيدو اونيني
هذا يصيح اخ وذاك ضميني

اشكف لسياط بجفيني
_
ماطبك جفن عيني وضكت نومه
اعاين راس اخوي الذبلت رسومه
نوبه  لليتامه الكلها مالومه


فرهود الشوف  اعله خواني


✍ام عباس السكيني
___
آنه تمنيت عميه ريتها عيوني
ولا أمشي غصب عنكم يبعدوني
أخت عباس آنه شلون يسبوني

ذباح الخوه اليسبيني
✍🏻 آلــــّعــلّويِـــه آلّمٌوسويِــــۿ
_
عفت اجساد اخوتي والضعن رايح
وبس الروس تبرالي ودمع سايح
والحادي منع كل صوت كل نايح

تعبني شگد سوط الحادي
_
حكها العين تبجي دموم يومية
بت سادة نسب ومشيت مسبية
جا وين الحيادة وتلحگ اعلية

زينبكم نامت.. بالهيمة

✍ضحى البلوشي

هوسات لسبي لسان حال مولاتي زينب ع

مشيت برفچت الذباح وعفت اجساد بالحومه
خذت راسك يبو السجاد ومنه تنزف دمومه
درب السبي يريد زلام وزلمي عالترب نومه
تعبانه وطريجي بعيد وبالرضعان ملزومه

كفلني حسين // احمي اعياله

✍🏻ام منتظر الجابري
___
تعبانه وطريجي ابعيد  وجفني من التعب ما نام
تلكونا  بطبل ودفوف اجت نسوانها وي ازلام
وصار اهلال يا ممشاي حجر ويصيب فوك الهام
انه اتمنيت ابو الكلفات حيدر لو حضرها الشام

يكلبها الشام اعلى البيها

✍طالبة الزهراء القريش
_
ذبل عودي وركد حيلي وتعبت من الحجي اليهضم

آنه مخدرة حيدر والعدوان بي تشتم

امشي وحسره بكلبي وبيه الناس ماترحم

وشل مايها عيوني وتذرف بلدمع من دم

البي غيره ياوسفه ينام

✍ام عباس السكيني
____
وي ذباح اخوتي امشيت وانكل بالجدم گوة
مجتوفة وحبل بيدي والعباس ماهوة
يازينب هلج عافوج حجاها الكلشي مايسوة
رافكت النذل ياحيف والماعدهم مروة

عباس اگعد انة بحيرة
✍ضحى البلوشي
____
اشباه الزلم تحدي ضعوني وتمشي تتبختر
ياوسفه السباع تنام تالي ام عون تتمرمر
برؤس اخواني روعوني ويكتل حيل هلمنظر
ناس الشام اذتني تتفرج على الخدر

ماهابوها عباس اختك


✍ام عباس السكيني

رابطه يا جبل الصبر

هوسات للسبي

خذوني ميسره وعيني على اخواني
ياصعدت الناكه وضحك عدواني
الحزن بين عليه وغير الواني
 

ميسوره    زينبكم راحت

✍️ ام رقيه البطاط
_
الحزن بين عليه وحالتي صعبه
انه الصار بالطف شفته الف نكبه
وانه اليل كله نياحي بالنحبه

من عفت حسين اعلى الذاري

✍طالبة الزهراء
__
انه طول الدرب ماغمضت عيني
اعاين لليتامه الزيدو اونيني
هذا يصيح اخ وذاك ضميني

اشكف لسياط بجفيني
_
ماطبك جفن عيني وضكت نومه
اعاين راس اخوي الذبلت رسومه
نوبه  لليتامه الكلها مالومه


فرهود الشوف  اعله خواني


✍ام عباس السكيني
___
آنه تمنيت عميه ريتها عيوني
ولا أمشي غصب عنكم يبعدوني
أخت عباس آنه شلون يسبوني

ذباح الخوه اليسبيني
✍🏻 آلــــّعــلّويِـــه آلّمٌوسويِــــۿ
_
عفت اجساد اخوتي والضعن رايح
وبس الروس تبرالي ودمع سايح
والحادي منع كل صوت كل نايح

تعبني شگد سوط الحادي
_
حكها العين تبجي دموم يومية
بت سادة نسب ومشيت مسبية
جا وين الحيادة وتلحگ اعلية

زينبكم نامت.. بالهيمة

✍ضحى البلوشي