من لا يعس الدرب من قبل ممشاه
يطيح في جمرٍ غطاه الرمادي

ومن لا تركد بالهدف قبل مرماه
ترميه ناسٍ رميها بالركادي

‏لو كثر الله خيرهم ما بهم ، خير ،،
ناس تصور ضيفها والمواعين ،،

لا طاحت الدمعة من عين الصبور
اعرف ترى سود الليالي تمادت.

اللي ماهو مشيخه فعل يمناه
يجلس على حيد البساط متساوي

حتى لو ان الختم في وسط مخباه
الختم ماينفع ضعيف الهقاوي

إن تهادت على عوج الضلوع النحاف
‏ينبت الورد فوقه آثار خطواتها

أحيانً تلقىَ لك مع الناس إنسان
‏يغنيك عن كل العرب والرفاقه .💛

يا حبيبي .. والمحبه بدايتها سؤال
‏والنهايه قسوة تكسر الغصن الندي

‏والذي فضّل جمالك على كل الجمال
‏انك اغلى من عيوني ومن دم جسدي .

عيونك وش تشوف و خطاويك تمشي وين
‏و بالك ف من يسرح و صوتك من ينادي ؟ .

ثمن كلامك قبل تنطق كلامك
الهرج مثل السيف والسيف له حد

ناسٍ ليا مات ابوهم جددو صيته
وناسٍ ليا مات ابوهم كلهم ماتَو .

والله ما شفتك في صغار الفعايل
عشان ألومك في كبار المشاريه .

لا ترمي المزحه على كل جالس
ترا نفوس الناس ماهي سويّه

احفظ لسانك لادخلت المجالس
ماكل من قابلت « تصبح خويّه ».

من شافني ضاحك بكل التواقيت
يقول ما عنده من الهم ذره

ما يدري انه في صلاتي لا صليت
اسجد سجود السهو عشرين مره .

لك المرحبا .. وأرحبي ولبيه
يا صوتٍ جعل الخلايق تفداه

إن بغيت اوصفك وصفك مستحيل
وإن بغيت الصدق ما مثلك احد

وأخذ الحذر من صاحبك عشر مرات

جيتني صدفه يوم انا مثلك غريب
مادريت إن اجمل اوقاتي ...صدف .

مشتاق لك والشوق ناره سعرها
وطول الجفى والبعد له طير حايم
,الشاعر زناد الموالي,