كان (ابو محمد الفتلاوي) كبير قومه ، ووجيه صحبه ، ومحبوب رفقائه ...

فوگ هذا كله : كان كثير العبادة ، نهم الذكر ، ما كان يترك قراءة القرآن الكريم ، ولسانه يلهج ليلا ونهارا بالذكر والورد ...

#البارحة .... مات ابو محمد 💔

صديقي الوفي ، ورفيقي الصادق ، وصاحبي المخلص

مات وبيني وبينه مئات المواقف النبيلة ، وعشرات الحكايا الروحيَّة ، فهنيئا له لقاء الله الذي احبه بصدق وانتظره بشغف ...

#الفاتحة

هو الحق

السلام عليكم

في طريق الحقيقة ، وبدرب العبودية انت تحتاج الى أصول مهمة وقواعد اساسية تمشي عليها ومثل ما يگول أهل الله : لا وصول لا أصول

فانت دائما لازم تعرف القواعد وتفهم الاصول حتى تكون من المريدين الصالحين او السالكين الصادقين ومستقبلا ان شاء الله تعالى من العارفين الواصلين .

ووحدة من اهم القواعد ومن ابرز مبادئ الطريق في السير والسلوك والعرفان العملي هو أن تمد جسر بين الملك والملكوت بين العالم المادي والعالم العلوي المعنوي بين العالم الروحي المجرد والعالم المادي الملموس

دائما لازم تربط بين الظاهر والباطن

وطبعا هذا الربط يحتاج الى ذهن صافي وخيال مرهف وعقل فاهم وقلب نقي ونفس زكية ومعلومات كثيرة تربط بين الظاهر والباطن .

خلي انطيكم بعض الامثلة الي تقرب الفكرة وتسهل المطلب :

مثلا : الربط بين التربة (التراب) والقلب

التربة الخصبة والنظيفة والجيدة اذا زرعنا بيها يطلع الثمر جيد وطيب وصالح

والقلب نفس الشي ، القلب النقي اذا زرعنا بيه راح يثمر خواطر عالية وافكار عظيمة ومكاشفات كبيرة وتنفتح عينه على الملكوت وتصير اخلاقه اخلاق عالية وسامية

مثلا : البذرة والنفس

ما تطلع البذرة للفضاء الخارجي وتصير شي جميل اذا ما تندفن وتنسقي ونبعد عنها الحشرات الضارة

النفس كذلك : ضروري يكون جزءك الباطني مخفي حتى لا يخرب وتنسقي بذرتك بماء المعرفة والمحبة وتقتل حشرات الذنوب والملكات السيئة

مثلا : الوردة 🌸 الي هي مظهر للجمال الالهي تشبه وردة 🌷 روح المؤمن النقية اثنينهن يشتركن بالنقاء والجمال وووو

وبالمقابل : هاي الوردة ما تگدر تبعدها عن الشوك وهنا يگولولك : وردة روحك لازم تمر بمشاق وتحديات وتعب وشي قاسي

ومثل ما الوردة يرادلها ظروف ملائمة للنمو كذلك الروح النقية يراد لها ظروف حتى تنمو وتكون ذات عطر وعبير وشذى طيب

والوردة اذا طلعت ما تكدر - حتى هي - تخفي عبيرها وعطرها الطيب ، وكذلك النفس الزكية اذا تزكت ونمت راح يفوح منها الجمال والحكمة والحچي المعدل .

كلش آسف اخذت من وقتكم وطولت عليكم