☘️لاستشهاد الامام علي ع☘️
    ((ندبه))
لسان حال الشيعه👉

المستهل
مجزوء الهجري فاعلاتن فاعلات

النص //هجري فاعلاتن فاعلاتن فاعلاتن فاعلن

اليوم يم بابه نبات
بدونه منريد الحيات

واگفین احنه اعله بابه نصيح ياقاضي المحن
جينه ننعاه بمصابه
ننتحب وسط الصحن
ابد مانحمل طبرته ارواحنه اعليه انتهن

احنه ظلينه بسبات
من اهد يوم الممات


✍️☘️ام فراس الساعدي☘️
🏴🏴🏴🏴🏴

نوكف ابابه الليله ونبجي لمصاب الولي
راحه ماشفنه ابدونه ادموعنه دوم اتهلي

ظلم دنيانه وبلاوي  من بعد عينه علي
اصبحنه ابدونه شتات
من اهد يوم الممات

✍ام مرتضى الخزرجي
🏴🏴🏴🏴🏴
جينه محتارين كلنه   نندب  ابصوت الحزن
مصابك  الفاجعنه حيل وگلب كل شيعي انسحن
الفگدك انصيح وننادي
يمن للفاكد وطن

وين ايتامك تبات
من اهد يوم الممات
✍️  ام مهدي الفرطوسيه
🏴🏴🏴🏴🏴

دخيل كل احنه وگفنه نسوي يم بابك عزه
شخصك الغالي علينه دوم احنه نعوزه
الف لعنه عل يضدك تالي بافعاله اختزه

للولايه انت الثبات
من اهد يوم الممات

✍️ام سجاد الشهيد
🏴🏴🏴🏴🏴

اختزت الزمره العينه  وما بقه الها اثر
وحيدره اسمه يلالي وصار منقوش ابحجر
واية الحق بسمه نزلت ونقره بي القدر

علي اسمه  الذاريات
من اهد يوم الممات

ام✍🏻 زين العابدين لمحمداويه
🏴🏴🏴🏴🏴🏴🏴
علي يا قران   ناطق والمشه ابدربك سلم

تلوكلك هاي الامامه ونرفع ابأسمك علم
انته وينك يبن ملجم في قعر نار السقم

علي صار ابعاليات
من اهد يوم الممات

ام ✍🏻رحمه الگاظميه
🏴🏴🏴🏴🏴🏴🏴

تمت بعون الله بقلام شاعرات رابطة  الجفوف السخيه

غير مبري الذمه الي يحذف اسماء الشاعرات
https://www.tg-me.com/alikerem

نعي للامام علي عليه السلام

راح الابو وراحت ايامه
وبعده على الدنيه السلامه
والدهر صوبني بسهامه
مهظومه ياهل الناس روحي

ولاني زماني بعد فگدك
تعال بويه وشوف بتك
و غصبن عليهه عاتبتك
تجيني لو اگطع الضنه

طشرنه الوكت بويه شيلمنه
وكثران يالوالي هظمنه
بيوم الغربت يابوي عنه
زايد عليه ظيم گلبي

يحگلي العتب لو عاتبيتك
اجيت الثنيتك مالگيتك
مظلم صبح ينعاك بيتك
عميانه عليك اليوم عني

صبحت دار اهلي خليه
وضليت بس اصفگ  بديه
اجه.  العيد مامرو. عليه
عليه هظم واليوم اريدك

✍خادمه ام الحسن 
    ام مهدي الفرطوسيه
غير مبري الذمه الي يحذف الاسم

https://www.tg-me.com/alikerem

قصيده لمولانه الحسين عليه السلام
~~💔
شد الرحال حسين كاصد للعراك
وام البنين اتنوح ابكلب حراك
•───✧💔◐◐✧──•───✧◐💔◐✧──
شد الرحال اليوم لرض المنايه
كاصد صلح للدين بس هيه الغايه
وتمنه كلها الناس ترفعله رايه
لاجن وسافه وحيف يا عمره انباك

ام✍🏻 زين العابدين لمحمداويه
•───✧◐◐💔✧──•💔───
لارض المنايه اليوم حمل الوالي
حمله حرم واطفال واهله الغوالي
وعگبه فلاصح عيش
والنزل خالي
بوسط الگلب لهاب من نار الفراك

✍ام مرتضى الخزرجي
•───✧💔◐◐✧──•───✧◐◐✧──💔
محمل يراعي الزود البي
امروه
ماخذ شباب وياه والكلها حلوه
وعباس اخوه الزين والكله نخوه
وام البنين اصيح فدوه النفس ضاگ

ام ✍🏻رحمه الگاظميه
•───✧◐◐💔✧──•💔───✧◐◐✧──

ام البنين اعليه بس تهمل العين
حمل هله وياه وكل النساوين
خله الديار اتنوح
يبني يلحسين

البقه كل شي اعليك يادمعه تفاك
✍️ ام مهدي الفرطوسيه
•───✧💔◐◐✧──•───✧💔◐◐✧──
بالگلب وج چانون من شد الرحال
ضلت تعاين ليه والدمع همال
فراگك صعب يحسين ويهد الجبال
يعذبلي يمه الروح والموت سباگ

نبضي ✍🏻حسين
•───✧💔◐◐✧──•───✧💔◐◐✧──
مكتوبه عالجبين هاي المنيه
تتجتل الزينين بـاالغـاظريه
صارت دماهم سيل سوده عليه
طيف ويريت نشوف نشبگهم شباگ

✍🏻ام سجاد الشهيد
•───✧💔◐◐✧──•───✧💔◐◐✧──

يلماشي الله وياك ودعتك الله
حچاياتي ابطرواك لا ماامله
بس البعد يحسين گوه احمله

من سافرت لبعيد نشّفت الرياگ....

✍️☘️ام فراس الساعدي ☘️

•───✧💔◐◐✧──
تمت بعون الله بقلام شاعرات رابطة الجفوف السخيه

غير مبري الذمه الي يحذف اسماء الشاعرات
https://www.tg-me.com/alikerem

: ندبه للإما م الحجه عج الشريف..
الوزن فائزي
المستهل..
دعوات منك سيدي يبن الزچيه..
تنصر جنودك علئ العده واهل البغيه


الكفار جارو بالحقد وبكل اذيه
يشوهون دين المصطفئ ويمحون الاسلام



النص...
عجل. علينه يالولي   واحيي الشريعه
 
عادات سلكت هالملل  صارت وضيعه

سادت مظاهر    بالعلن  قذره وشنيعه

عافت الدين وخالفت امره والاحكام


لخادمة الامام الحجه ع ✍🏻 ام منتظر الركابي


___
طالت الغيبه وشيعتك شبعة هظايم.

يمته تهل بشارتك مثل النسايم.

وتاخذ بثار  ابن النبي وذيج الجرايم .

من بعد عملت كربله شكد شفنه ظلام .

ام فاطمة الزهراء✍🏻
____

كل جمعه نتنطر يهل نورك علينه
يبن الحسن ابهل وكت بلوه ابتلينه

ندعيلك احنه ابكل وكت ونرفع ادينه

يعجل ضهورك يالولي وتزهي الايام

ام✍🏻 زين العابدين لمحمداويه
__

قسط وعدل امليهه النه اظهر يمهيوب
بعدك يبو صالح ترى تيهنه الدروب
انتاني ظهورك سيدي يااغلى محبوب
دولة امان تأسس وحارب الظلام

✍ام مرتضى الخزرجي
_



يمته تجي يبن الحسن  وتنور الكون
مولاي ملينه الظلم من اليكرهون
طالت المده سيدي يانور العيون
اظهر يبن فارس مضر وزيح الاغمام
✍️ ام مهدي الفرطوسيه


.............................


يمته يعم عدلك يغالي الكلب نيران

تعلم غدت دنيانه غابه اوسوده الالوان

ظل اليتيم ابهظمته ماعنده وليان

نورك يكحل كل نظر ويزيل الغمام

✍ام اسعد الشمري


.....................................
تمت بعون الله بأقلام شاعرااات رابطة  الچفوف السخيه✍🏻


غير مبري الذمه الي يحذف اسماء الشاعرات
https://www.tg-me.com/alikerem

قصيده جنوبي لمولانه الحسين عليه السلام ورحيله للعراق لسان حال السيده فاطمه العليله عليه السلام
~~~~🚩
محمله اليوم كل اهل الكلافات
مشو كلهم هلي لرض المنايات
~~🚩🚩
محمل اليوم كلها وشاده احزام
متعنه الكسر شوكت الضلام
اهلي للحرب دكو الدمام

ابوي احسين طلعوله بهوسات

ام ✍🏻زين العابدين لمحمداويه
~~🚩🚩
هوسو للولي راعي الكلافه
طالع مبتشر تضحك اشفافه
ابن عودي علي تعجب اوصافه
اخذ ولده وهله وطلعو مسيرات

ام✍🏻 رحمه الگاظميه

~~🚩🚩
من شال السبط ماخذ هله وياه
ركبها الحرم بليل ممشاه
وأخوه الضيغمي للعلم شالاه
ومن ارض المدينه اطلعت رايات
📚🖌️ام زهراء
~~🚩🚩
يستاهل مسيره وننشد اشعار
هذا المارضخ لذله والعار
ظلت كربله بافعاله تذكار
ومنها تنطلق كل الهتافات

ام✍🏻 منتظر الركابي
~~🚩🚩
مشه ومستبشر وبيده علامه
ماخذ كل اخوتي وكل عمامه
وسام النصرمن الله وسامه
مايرضخ الذله ابـد هيهات

✍🏻ام سجاد الشهيد
~~🚩🚩
شايل لطفوف ورافع اعلام
ابو السجاد هذا النصر الاسلام
كفو يبن الصميده وثلث تنعام
الملك زاتوتهم روجات روجات
✍️ ام مهدي الفرطوسيه
~~🚩🚩

ويه اهل المروه حان الاوداع
وشدوها الضعون اليوم الاسباع
ولو طبوها باجر تهتز الكاع

ابراس الحد يدكون العلامات

عاشقة✍🏻 العباس ام عراق الشمري البصره
~~🚩🚩

هوسو للولي المايعرف الخوف
وبدمه يضحي وينطي اجفوف
لاجل دين النبي حارب بالطفوف
والمهدي اله ايطالب ابثارات
✍
ام مرتضى الخزرجي
~~🚩


تمت بعون الله بقلام شاعرات رابطة الجفوف السخيه

غير مبري الذمه الي يحذف اسماء الشاعرات
https://www.tg-me.com/alikerem

دارميات لسان حال العقيله ع
لفراق الحسين ع
المستهل

عني الولي من شال دمعي يتجاره
  وافراگه بالدلال تچويني ناره

   النص...
عني الولي  من شال ابن الزچيه

ادري يظل مشلوع گلبه عليه

زتيته بالدمعات ونتي خفيه
نوب انظر  لمگفاه ونوب اعله داره
ام منتظر الركابي
★☆★☆★☆★☆★★☆★☆

ودعته والدمعات تجاره نهران

رايح عزيزي حسين والكلب وجعان

يا دهري بسك عاد شالو الخلان

راحو اهنه اليوم الكلهم غياره

ام ✍🏻زين العابدين لمحمداويه
★☆★☆★☆★☆★★☆★☆★
ودعت ابوي احسين والكمر عباس
والضعن سار ابعيد وانه اشهك انفاس
ليش الفراك الصار كلولي يا ناس

طش الشمل وراح وماكو چاره
ام✍🏻 رحمه الگاظميه
★☆★☆★☆★☆★★☆★☆★
من شال عن الدار موحش بلايا
خلاني اون بالليل وابچي عله فرگاه
مااصبر ابلياه ولااگدر انساه
گلبي يون اعليه ليله ونهاره
✍️ ام مهدي الفرطوسيه
★☆★☆★☆★☆★★☆★☆★☆

انضر مجانه شلون من عنده  خالي

  راحت الكعده  اوياه  وذيج  اليالي 

     احا يبو السجاد  مايدري   حالي

     وخلانه بعده انوح كلنه  وحياره

✍🏻  الخادمة  زينة  الگريشاوية
★☆★☆★☆★☆★★☆★☆★


حن النياك اعليك بابويه حنيت.
لمن شلت لليوم موحش صفه البيت.
كون ابقه عمري حذاك يغالي ياريت.
والكلب جه التنور يلهب شراره.

ام✍🏻 فاطمة الزهرا
★☆★☆★☆★☆★★☆★☆★



تمت بعون الله بقلام شاعرات رابطة الجفوف السخيه
غير مبري الذمه الي يحذف اسماء الشاعرات
https://www.tg-me.com/alikerem

دارميات لسان حال العقيله ع
لفراق الحسين ع
المستهل

عني الولي من شال دمعي يتجاره
  وافراگه بالدلال تچويني ناره

   النص...
عني الولي  من شال ابن الزچيه

ادري يظل مشلوع گلبه عليه

زتيته بالدمعات ونتي خفيه
نوب انظر  لمگفاه ونوب اعله داره
ام منتظر الركابي
★☆★☆★☆★☆★★☆★☆

ودعته والدمعات تجاره نهران

رايح عزيزي حسين والكلب وجعان

يا دهري بسك عاد شالو الخلان

راحو اهنه اليوم الكلهم غياره

ام ✍🏻زين العابدين لمحمداويه
★☆★☆★☆★☆★★☆★☆★
ودعت ابوي احسين والكمر عباس
والضعن سار ابعيد وانه اشهك انفاس
ليش الفراك الصار كلولي يا ناس

طش الشمل وراح وماكو چاره
ام✍🏻 رحمه الگاظميه
★☆★☆★☆★☆★★☆★☆★
من شال عن الدار موحش بلايا
خلاني اون بالليل وابچي عله فرگاه
مااصبر ابلياه ولااگدر انساه
گلبي يون اعليه ليله ونهاره
✍️ ام مهدي الفرطوسيه
★☆★☆★☆★☆★★☆★☆★☆

انضر مجانه شلون من عنده  خالي

  راحت الكعده  اوياه  وذيج  اليالي 

     احا يبو السجاد  مايدري   حالي

     وخلانه بعده انوح كلنه  وحياره

✍🏻  الخادمة  زينة  الگريشاوية
★☆★☆★☆★☆★★☆★☆★


حن النياك اعليك بابويه حنيت.
لمن شلت لليوم موحش صفه البيت.
كون ابقه عمري حذاك يغالي ياريت.
والكلب جه التنور يلهب شراره.

ام✍🏻 فاطمة الزهرا
★☆★☆★☆★☆★★☆★☆★



تمت بعون الله بقلام شاعرات رابطة الجفوف السخيه
غير مبري الذمه الي يحذف اسماء الشاعراتhttps://www.tg-me.com/alikerem

قصيده لمولانه الحسين عليه السلام لسان حال السيده فاطمه العليله عليه السلام
~~~~
وين اليوم شال وحمل احسين
ضلت خاليه منه الدواوين
♕♕♕♕♕♕♕♕♕♕♕♕
ضلت خاليه منه الديار
شگله اليوم لو ينشد الخطار
اضل امدوهنه والكلب محتار

شكللهم هلي المن مرحلين

ام✍🏻 زين العابدين لمحمداويه
♕♕♕♕♕♕♕♕♕♕♕♕♕♕
وين اليوم منواكم يمهيوب
وجرت الكلب والكلب متعوب
اريد اندب علينه داحي البوب
ترجع ما تضل يبن النبين

ام ✍🏻رحمه الگاظميه
♕♕♕♕♕♕♕♕♕♕♕♕♕
شال حسين عن ادياره اليوم
محمل عليته وماشي المظلوم
شايل والمنايه اعليهم تحوم
رايح وين ياخلفه الطيبن
ام ✍ مهدي الفرطوسيه
♕♕♕♕♕♕♕♕♕♕♕♕♕

شال الجان ملفه لليكصدون .
تبجي عليه ظلت كل العيون.
شكل للناس لو عنه ينشدون .

اظل ابجي بغيابه وحزن سنين.

ام✍🏻 فاطمة الزهرا
♕♕♕♕♕♕♕♕♕♕♕♕♕

شال حسين ودموعي جريه
عاف ادياره وظلت خليه
گاصد راح لارض الغاضريه

ظلمه الدار وظلمه الدواوين

ام منتظر الركابي
♕♕♕♕♕♕♕♕♕♕♕♕♕
عفت الدور حزنانه وكئيبه
مثل شخصك يغالي من أجيبه
لعد الموت متعني مصيبه

كاصد يالأبو النصرت الدين

إم ✍🏻حيدر العبادي ناصريه

♕♕♕♕♕♕♕♕♕♕♕♕♕
مايرجع بعد راعي الهيابات
يرتاح الكلب بفراكه هيهات
ضل مضلم مضيفه شكد حرامات
وياوسفه رحل شيخ المعزبين.

الخادمة زينة الگريشاوية
♕♕♕♕♕♕♕♕♕♕♕♕♕
شايل الولي وسفرته اطويله
كاصد كربله وماخذ العيله
وخلاني ابوي انه عليله
وحيده ابكيت ومحمل الحنين

✍ام مرتضى الخزرجي
♕♕♕♕♕♕♕♕♕♕♕♕♕
تمت بعون الله بقلام شاعرات رابطة الجفوف السخيه


غير مبري الذمه الي يحذف اسماء الشاعرات
https://www.tg-me.com/alikerem

قصيده (بحر طويل) لمولانه الحسين عليه السلام
عندما غادر مدينة جده وتوجه اله كربلاء ولسان حال السيده زينب عليها السلام
~~💔
خلصان الگلب يحسين
ماضل حيل يبن امي
اتوچه على الجمات
يوالي وگابعه ابهمي

من يوم الضلع والباب
گلبي خويه والله انعاب

كل يوم وكسرني البين
وعيني من دمه تهمي
◾◾◾◾◾◾◾◾
چم امصاب اذكره اليوم
على امي اشگبر گسري
و طبرت حيدر الكرار
اخذ ثلثين من عمري
المن ماخذ اعيالك
محزم وين ما ادري
تريض يالولي اممشاك
يخويه مو خلص صبري

صدري من ترس آهات
اضل چندوب بالچمات
كل يوم ابمصيبه انه يخويه ومحترك دمي


ام ✍🏻زين العابدين لمحمداويه
◾◾◾◾◾◾◾◾
يخويه وداعت اعيونك گلبي حيل يجعوني
بعد مااحمل امصيبه المصايب والله اذني
تراني اتمرمرت يحسين وحگك من زغر سني
مصاب الباب والمحراب يخال الولد تعبني

زماني مارحمني دوم
عليه بالقهر محكوم
عشت كل عمري بالحسره
الدنيه اسهامه ترمي
ام ✍️ مهدي الفرطوسيه
◾◾◾◾◾◾◾◾
شحجيلك يبعد الروح
اشوفك بالرچب تعبان
خاف انوب ازيّد النوح
وانت من الجرى دوهان
وعيونك دمعها يلوح
هم وحزن بيهن بان

احنه هواي عشنه جروح
خويه افراگنه چن حان

تخلص بالحرب لرجال
يظل بس الدمع همال

ارد بالعيله متكفله وحيده والبجي سهمي

✍☘ام فراس الساعدي ☘
◼️◼️◼️◼️◼️◼️◼️◼️
تريض ياضوه عيوني مشيك هذا ياذيني
ماخذ كل غواليك لأرض الطف موديني

مااحمل تره صدمات المرني بصغري يكفيني

گلبي حاس يفگدكم وبكربله تخليني

أظل محتاره بالعيله
وانه مره ونحيله

وتالي ويالعده يحسين اروح ميسره بهمي

إم ✍🏻حيدر العبادي ناصريه
◾◾◾◾◾◾◾◾
مهموم الگلب يحسين
مايحمل بعد فرگه
وادري من تروح ابعيد
احن كل ساعه للملگه
شعندي بعد ارد لدار
شنطر وبعد شلگه
مايسوه العمر دونك
اعيش ابحسره وبخنگه

كلساع انكسركسره
وماصح للكسر جبره

ونار البگلب تسعر
اريدك بس تضل يمي

ام منتظر الركابي✍🏻
◾◾◾◾◾◾◾◾
راحه ماشافت يحسين
دومي امحزمه بالهم
راحو كل هلي وناسي
كلهم بالغدر والسم
حاربني الزمن بسهام
الباري ابحالي هوّ اعلم
ابجي ولوعتي ابصدري
وعلي كل الحزن خيم
الدنيه خلصت حيلي
والهم ذوب ادليلي
بعيني تجري دمعاتي
يغياب الاهل يعمي

✍ام مرتضى الخزرجي
◾◾◾◾◾◾◾◾
تمت بعون الله بقلام شاعرات رابطة الجفوف السخيه

غير مبري الذمه الي يحذف اسماء الشاعرات https://www.tg-me.com/alikerem

قصيده لمولانه الحسين عليه السلام  لسان حال السيده فاطمه العليله عليه السلام
~~~
جاوين النشامه غربت وين
ضلي ابجي عليهم دمه ياعين

~
ضلي ابجي على الحملها الضعون
اهلنه  الغربو ما ضن يعودون

مريضه  الوحدي شلون  يرضون
موتي يالعليله ولا تضلين

ام✍🏻 زين العابدين لمحمداويه
~
ولج ياروح موتي وئيسي منهم
لطّف غربو اهلي بضعنهم
بعد ماضن الي وكتي يردهم
وحكج عالاهل كونج تسلين

عاشقة العباس ام عراق الشمري البصره
~~
عفتني يالولي جرحي اشكبره
وعليك امكسره ابصدري العبره
اضنك يالابو نايم ابغبره

گطعي الضن يروحي من االمحبين

ام✍🏻 رحمه الگاظميه
~
شعندج ظاله ومحد بقه وياج 
بس حيطان هذه النزل تنعاج 
چاليش انعزلتي ومحد اخذاج   

يعرفونج مريضه وماتحملين  

ام ✍️حسين الحسني
~~~
غرب بالضعن مارجع ليه
اهلنه اديارهم ضلت خليه
تلفونه بعد لو هاي هيه

على اهلج يالعليله زيدي الونين

✍️ ام مهدي الفرطوسيه
~~
ضلي بحسرت احبابچ والحزان
بعد شال الأبو وماخذ الريسان
تصد للدار من الاهل خلوان
على أفراگ التودهم تعمه العين

إم ✍🏻حيدر العبادي
ناصريه
~

نامو بترابه ومالهم كومه.
ابجي علمشو بالله يمهظومه.

عافوج وحلت لحبابج النومه.
دكي ونحبي لشالو سنين.

ام ✍🏻فاطمةالزهراء
~~
تمت بعون الله بقلام شاعرات رابطة الجفوف السخيه


غير مبري الذمه الي يحذف اسماء الشاعرات
https://www.tg-me.com/alikerem

عكيلي
لسان حال الخادم والموالي لهل اابيت عليهم السلام
~~
خادم لحسين وخوانه
والزهره تحضر ويانه
~~~~🤲🏻
هنياله الوافاها الخدمه
ويكتب لحسين وهم لمه
ابدفترها اسجل اسمه

خادم واسجل عنوانه

ام ✍🏻رحمه الگاظميه
~~~~🤲🏻
عنوانه خادم لحسين
وتنصره وتقرله العين
ويشفعله سيد الكونين

وبالمحشر هم يرفع شانه

ام ✍🏻زين العابدين لمحمداويه
~~~🤲🏻
تكفيني الخدمه يم بابه
كل همي أوگف بعتابه
كناس الصحنه وترابه

افديه ابروحي مولانه

✍️هدى المطر ام محمد
~~~~🤲🏻
خادم لحسين ايسمونه
كون ايحطه بنص اعيونه
وتكون الخدمه مصيونه
يرضه علينه ودوم اويانه

ام✍️ حسين الحسني
~~~~🤲🏻
اتشرف بحسين وذكره
وبخدمة امه الزهره
والخادم لو يخلص عمره
حسين بمحشرنه تلكانه

✍️ام حسين الفريداوي
~~~🤲🏻
خادم ابقه كل سنيني
للغالي اخدمله بعيني
حسين حبه ينجيني
بالمحشر لا ما ينسانه
✍️ خادمة الزهراء أم أحمد الدريعي
~~~~🤲🏻

يبقى اسمه اليوم المحشر

وخادم يتسجل باالدفتر

وبيوم القيامه يتبشر

وحسين ايثقل ميزانه

✍ام مرتضى الخزرجي
~~~~🤲🏻
ويانه انريده ابكل لحضه
يتقبل هل خدمه اويرضه
كل همنه احنه بحبهم نحضه
خدمتهم همنه اورجوانه

✍️ام احمد المنصوريه
~~~~🤲🏻
خدمة الحسين تشرفنه
نتعلم معنى الحب منه
نخدم دوم نظل واجبنه
وبخيره الوالي غطانه

ام ✍️ مهدي الفرطوسيه
~~~~🤲🏻
بحسين واخوانه هايم
اتشرف وابقه الهم خادم
خل تسمع كلهاهالعالم
ونگيد ابحبه عدوانه
✍🏻سلمى أم جعفر
~~🤲🏻
نتشرف لو مر عاشور
ابخير ايامه امن ادور
واليحضر مجلس ماجور

نلطم لحسين ولخوانه

خادمة✍🏻 اهل البيت ام ابراهيم الحلفي
~~~🤲🏻
وبزودحسين وعنواني
خادم الزهره وخلاني
بوسكينه حاشه ينساني
وبعيني الدمعه وجريانه

✍️ام زهراءالفاطميه
~~~🤲🏻
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه


https://www.tg-me.com/alikerem

قصيده لمولاتي زينب عليها السلام لسان حالها
~~~~~
اشمعجلكم يخويه
وشلتو ابساع
حملتو سوه من غير اوداع
/////////////💔//////////////💔
لا ودعتو لا كلتو مرحلين
ابداعت حيدره اتعطل يالحنين
عليكم يالأخو اعميها العين
انبيع العمر ياكون ينباع
ام ✍🏻زين العابدين لمحمداويه
💔💔💔💔💔💔💔💔💔
أبيعنه العمر بلجن تردون
على غياب المشو ماضلن عيون
شعطلكم يخويه وماتعودون
صفيت ميسره من دون الأسباع

✍🏻آلّشآعرهً آلــــّعــلّويِـــه آلّمٌوسويِــــۿ
💔💔💔💔💔💔💔💔
شمعجلكم يهله وين ماشين
والله افراكم يعميهه للعين
ردو بساع گلبي صار نصين
يهاذا الامر يكون ينطاع
ام✍️ مهدي الفرطوسيه
💔💔💔💔💔💔💔💔
اشريكم يخويه ابکل الاثمان
بس ضلو ابلدنه والکم امان
من هذه السفر بطلو یالحنان
بيه الفراگ بيه هم کل الوجاع

✍🏻 ام زينب الأسدي
💔💔💔💔💔💔💔💔
ناعي البين ينعه بعالي صوته

اويوميه اوتموت الروح موته

موهين ترا اليفكد اخوته

اوكل ساع اوهضمني البين كل ساع

ام ✍🏻مرتضى الحواسي
💔💔💔💔💔💔💔💔
صفيت اميسره ودموعي اتسيل
وبعيله امحيره وعندي اعليل
مهمومه وغريبه وحملي اثجيل
واهلي ياحسافه اتطمهم الكاع
ام ✍🏻مرتضى الخزرجي
💔💔💔💔💔💔💔💔
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه


https://www.tg-me.com/alikerem

مستهل .

يهد الحيل يانوح المداليل.
وانا ميسره واهلي مجاتيل .
انا ميسره ومشي بالدروب.
كلبي يلوع من ضيم العده يلوب .
عجيبه الدنيه تمشي وياي مكلوب .
حيلي من المصايب كاضي ونحيل .

ام فاطمة الزهراء
.....................................
انه ميسره والگلب حيرانه
توجع حيل يافرگه الخوان
خليتو بگلبي خويه نيشان
وحق اسمك يوالي مابقى حيل
ام ✍️ مهدي الفرطوسيه
..............................
انه بت علي ومحد نظرني
ولن بكربله مسبيه  چني
من راحوا اخواني  الهم لحكني
شلون امشي يسيره وحملي يميل
ام جعفر الايرواني
..............     ...............
گلبي من المصايب حيل خلصان
شلكم يخوتي بنومت التربان
حرمه بين غربه وحيلي رگدان
وي سير المحامل روسكم تميل
إم حيدر العبادي ناصريه
.....................  .........
مكلوب الدنيه تمشي وياي
وياهو التحمل مثل بلواي
وشايل كافل اضعوني اورجواي
وبين الشماته ادموعي اتسيل
ام مرتضى الخزرجي
.............................
روحي امرمره وماشوف  دربي
من ضيم العلي خلصان گلبي
عتبي عالكفل ياخويه عتبي
اريدنه يجيني بهدوه الليل
ام ✍️ مهدي الفرطوسيه
.............................

تمت بعون الله بأقلام شاعرااات رابطة الچفوف السخيه
غير مبري الذمه الي يحذف اسماء الشاعرات
https://www.tg-me.com/alikerem

قصيده لسان حال مولاتنا السيده فاطمه العليله عليها السلام

🖤🖤🖤
واگفه ونظر  دربهم بعتبة اادار
انتظر ليلي ونهاري  ماكو اخبار
شوده وشجاب الدرب
متانيه احباب الگلب
ماكو اخبار ماكو اخبار
🖤🖤🖤🖤🖤🖤🖤
دارهم توحش عليه والمرض زاد
لاتهنه ابشرب  انه وحنظل  الزاد
والله افراگ الاحبهم الجبدي مراد
اون وبعبره انتحب
متانيه احباب الگلب
ماكو اخبار ماكو اخبار
✍️ ام محمد الساري
🖤🖤🖤🖤🖤🖤🖤🖤🖤
متانيه وبعبره اون ودمعي همال
وعني عودي الكربله بضعونه هلشال
وانه عليله.  ياهلي   والحال ياحال
جمر دمعاتي تصب
متانيه احباب الگلب
ماكو أخبار. ماكو أخبار
✍🏻 ام زهراء الزيداويه البصراويه
🖤🖤🖤🖤🖤🖤🖤🖤
منهم طارش ماوصل لاكو مراسيل
وحيده ابيت مظلم دمعي ايسيل
وين عمي الصدره دكه اريده لكفيل
الوضع كلش صعب
امتانيه احباب الگلب
ماكو احباب ماكو احباب
✍ام مرتضى الخزرجي
🖤🖤🖤🖤🖤🖤🖤🖤🖤
امتانيه اهلي يجوني وكل الاحباب
اغيابهم سلني وعماني والگلب ذاب
ليل ونهار اونن ابعتبت الباب
افراگهم روحي سلب
امتانيه احباب الگلب
ماکو احباب يگلبي ماكو احباب
✍🏻 ام زينب الأسدي
🖤🖤🖤🖤🖤🖤🖤🖤
وكتي يخلص بالمناطر صوب الدروب.
وكلبي عالراحو ابد مايهده ويلوب.
نار تلهب بدليلي وحيلي متعوب.
حيل ماخذني التعب.
متانيه احباب الكلب .
ام 🖤فاطمة الزهراء
🖤🖤🖤🖤🖤🖤🖤🖤🖤اضل متانيه يمته تعودون
ردو بساع يهلي موش تبطون
بشفوتكم يهلنه تقر العيون
ماكو اخبار شعجب
متانيه احباب الگلب
ماكو اخبار  ماكو اخبار
ام ✍️ مهدي الفرطوسيه
🖤🖤🖤🖤🖤🖤🖤🖤🖤
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
https://www.tg-me.com/alikerem

فزعيه المولانه الصادق عليه السلام
««««««««««
للصادق نون اليوم
شال ومنهدم حيله
~~~~💔
اذكري اليوم ابو الكاظم
مسمم چبده مو سالم
راح الطيب العالم

عزاء الليله انصبيله
~~~~💔
نصبوله العزاء المسموم
وعازو جده المضلوم
دكوله ابكلب مالوم
اليوم ابحزن ونيله

ام ✍🏻زين العابدين لمحمداويه
~~💔

ننوح ونسچب العبره
وبگلب المحب جمره
ونواسي امه الزهره
وعليه المدمع انسيله
ام ✍️ مهدي الفرطوسيه
~~💔
انواسي امه فاطمه
ولمصابه حزنانه السمه
والشيعه تبجي ولاطمه

وابنه ينوح الليله
✍️ام حسين الحلفي
~~~~~💔
ننصب مئتمه وننوح
لمصابه الگلب مجروح
انواسي ا بدمع مسفوح
وهوسات اله انسويله

✍ام مرتضى الخزرجي
~~💔

نعازي المهدي بمصابه
عليه اتنوح احبابه
ودموع العين سچابه
والله الروح نفديله
ام ✍️ مهدي الفرطوسيه
~~💔

جوادر اله منصوبه
بعيده الصادق دروبه
الدنيا اعليه مگلوبه
الشيعه دموعها تسيله

✍️ام صادق المنصوري
~~💔
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه



https://www.tg-me.com/alikerem

نعي للعليله عليه السلام طور الفراق
~~
عزاز كلبي... بعيد شالوا وتركوني

اعزاز كلبي.... ما اجو لا ناشدوني
اعزاز كلبي.... تبجي حك لهم عيوني
____
ها يهلنه.... فراكم والله كتلني

ها يهلنه... الحزن ولون خمدني
ها يهلنه..... ما رجع واحد نشدني

✍️ ام حسين العامري
﷼﷼﷼﷼﷼﷼﷼﷼

فاركونه ..راحو بعيد الغوالي.

فاركونه ...وصبحت ماعندي والي.


فاركونه ..وحشه بعيوني اليالي .

ام ✍🏻فاطمة الزهراء
﷼﷼﷼﷼﷼﷼﷼﷼
وحشة صارت.. دنيتي عكب الحبايب
وحشة صارت.. جمر كلبي يبقى لاهب
وحشة صارت.. أبقى أذكرهم وأعاتب
✍🏻آلــــّعــلّويِـــه آلّمٌوسويِــــۿ
﷼﷼﷼﷼﷼﷼﷼﷼
راحو اهلي دارهم توحش عليه
راحو اهلي ابد مافكرو بجيه
راحو اهلي وانه بس اصفگ بديه
ام ✍️مهدي الفرطوسيه
﷼﷼﷼﷼﷼﷼﷼﷼

اه يروحي ضلي ضلي للحزن
اه يروحي دمعي جرحلي الجفن
اه يروحي بدارهم ضليت اون

زاد وني من مشوعني الاهل
زادوني والدمع عالخدهمل
زادوني اوحالي عالغياب سل

ام مرتضى الحواسي
~~~
تمت بأقلام شاعرات رابطة سيد الشهداء
غير مبري الذمه من يحذف اويغير وايتلاعب بالكلمات او يحذف اسماء الشاعرات وينسب الكلام له


https://www.tg-me.com/alikerem

قصيده لمولانه ابا الفضل العباس عليه السلام عندما دخل للمعركه في يوم عاشر من محرم
~~~
زلزال وگلب هل كون
من عباس طب ليها
~~~🔥
زلزل حومة الميدان
حياه ياگمر عدنان
گطع روس هلعدوان
خله اسفلها عاليها

ام ✍🏻زين العابدين لمحمداويه
~~~🔥
گلبها وشرد العسكر
ابو النوماس ماقصر
وجه الشمر صار اصفر
صوته الگوم سابيها

خادمة✍🏻 اهل البيت ام ابراهيم الحلفي
~~~~~🔥
زلزلها البطل عباس
هيبه وبي رفعت راس
ثبت كربله بالساس
خله اولها تالها

ام✍🏻 رحمه الگاظميه
~~~~🔥
زلزلها ابو مريوش
كسرها ابطبته الجيوش
خلاه العده يدوش
صاح اليوم لفنيها

ام✍🏻 زين العابدين لمحمداويه
~~~✍🏻
طباهه ولعب جوله
فنهم لو يگدروله
مشيم يبن الفحوله
گلب عاليهه سافيها
ام ✍️ مهدي الفرطوسيه
~~~🔥
شجاع وصال للحومه
امسجله كربله اعلومه
صوره بيهه مرسومه
وتاريخه انرسم بيها

✍ام مرتضى الخزرجي
~~~🔥
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه



https://www.tg-me.com/alikerem

قصيده لمولانا الامام جعفر الصادق عليهه السلام

انعزي عترة الهادي
يشيعه كلنه هليله
🖤🖤🖤🖤
نعزي المصطفى المختار
وفاطم وي علي الكرار
ونصب الدمع مدرار
ونعازي ولده والعيله
ام محمد الساري
🖤🖤🖤🖤🖤🖤🖤🖤
وسفه الزين منه يروح.
ويخلي جرح بروح.
نذكره ونذكر المذبوح.
من الكلب نبجيله .
ام✍🏻 فاطمة الزهراء
🖤🖤🖤🖤🖤🖤🖤🖤🖤
انواسي النبي والزهره
ابسادس صادق العتره
ونبجي ونلطم ابعبره
الشيعه بحزن تنعيله
ام ✍🏻مرتضى الخزرجي
🖤🖤🖤🖤🖤🖤🖤🖤
عازو مولانه الامام المنتظر
امصاب الولي شيب النضر
وينه الذي يوصل الخبر
وولاده كلها اشيله
ام ✍🏻رحمه الگاظميه
🖤🖤🖤🖤🖤🖤🖤🖤
علو الونه للولي
وعزو الزهره وعلي
وخلو دمعكم هاملي
سمهم گطع اوصاله
ام✍🏻 زين العابدين لمحمداويه
🖤🖤🖤🖤🖤🖤🖤🖤
ياويلي تفجع حالته
ليش الاعادي سمته
الليله نعازي عمته
والدمع لجله انسيله
✍️ ام احمد المنصوريه
🖤🖤🖤🖤🖤🖤🖤🖤
عليه الشيعه حزنانه
مصابه حيل اذانه
ابوالكاظم يمولانه
يومك صعب شيشيله
✍️ ام مهدي الفرطوسيه
🖤🖤🖤🖤🖤🖤🖤🖤
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

https://www.tg-me.com/alikerem

من اليسر لشام مشونه الكفر
والارض چن نار تلهب من جمر

النص....
بالحجر والشوك نتعثر سوه
ولو يصير الليل ظلمه بلا ضوه
بلا يه ابونه حسين وراعي اللوه
وبعلي السجاد الخاسي يجر
لخادمة اهل البيت ع ✍🏻. ام منتظر الركابي
....................................
يجر بالسجاد يلماكو ضمير
الحاقد اعله الدين ولماله نظير
وسفه من غير الكفل احنه نسير
الحادي للمضلوم جابانه ويمر
ام✍🏻 زين العابدين لمحمداويه
................................
الشمس تلهبنه حركتنه حرگ.
والعده بينه تفر غرب وشرگ
والسياط بروسنه تحز بالفرگ
شمابطه جدم بمشيته لو عثر .
ام فاطمة الزهراء
..................................
زمخو اعلينه اوروعونه العده
اخلاف اهلنه ياخيمنه امفرهده
يامصاب البينه ماصار وسده
عالخلك ماتعده ولايمر
✍ام مرتضى الخزرجي
...........................
وسفه بس ايتام ظلينه وحرم
والعدو بگلبه ابد ماكو رحم
وعاالارض مطروح ضل راعي العلم
وانحرمنه من ابونه من الزغر
ام✍️ مهدي الفرطوسيه
...............................
من بعد عباس يحدونه الغرب
چن جمر مدمعنه فوك الخد يصب
والله ياهلناس موقفنه صعب
من بعد الاحباب المن ننتظر
ام✍️ مهدي الفرطوسيه
.............................

تمت بعون الله بأقلام شاعرااات رابطة الچفوف السخيه
https://www.tg-me.com/alikerem

السلام عليكم ورحمة الله وبركاته 🙋‍♀🙋‍♀
بسم الله الرحمن الرحيم...
الى جميع شاعراتنا المبدعات..المشتركات في دعم القلم الحسيني النسوي 🖌🖌🖌🖌🖌

سيقوم دعم القلم الحسيني النسوي..

بنشر كل قناة يوميا لمدة أسبوع مرتين باليوم حسب الاقدمية بالدعم..

وهذا تكريما لهم لاشتراكهم بالدعم..

اقدم القنوات المشتركة بالدعم..

الدعم بأدارة الشاعرة دمع الفواطم...ام علي الساعدي


جاء الان دور قناة الشاعرة شيماء ام نور



https://www.tg-me.com/shaymaumnoor