خويه جينه بأربعينك
بينه عايش ظل حنينك
ضعنك هل يرد مابيه رقيه
إتمنيت التقي بهاي المسيه
خويه جينه بأربعينك
—————————————
من بعد طف المصيبه خويه جيتك
تكوم تتلكه اخيتك يبني امي ريتك
وين ملكاك الحلو خويه وحميتك
السبي تدري شعمل إبحال اخيتك
صرت تاليتي الغريبه
والسبيه هل المصيبه
وحالي المايسر اسمي السبيه
اتمنيت التقي بهاي المسيه
خويه جينه بأربعينك
—————————————-
تدري يبني امي شعمل بأحوالي دهري
هالسبي حيلي اخد ياخويه تدري
بين لوعات الزمن خلّصته عمري
واني لمعبود السمه سلمت امري
الفركه خويه عذبتني
وين ياديره عفتني
واسمع كل حجي المامر عليه
اتمنيت التقي بهاي المسيه
خويه جينه بأربعينك
——————————————-
لوّن عنها انشدت ماكو رقيه
اكلك ماتت بشام الرزيه
عله راسك غفت ياويلي هيه
صاحت بابه شو مترد عليه
شكد الك صاحت يبابه
بابه كعدونه بخرابه
براسه حضنته إلحد المنيه
اتمنيت التقي بهاي المسيه
خويه جينه بأربعينك
———————————————-
جيت بضعن فاكد نسمة حنانك
وطن كلبي صرت و رايد امانك
من ديره لديره ذبني زمانك
ذكره النه بقت نحضن مكانك
هل مسه جينه نشوفك
ياكلب اختك يطوفك
اجيت بجم جرح للغاضريه
اتمنيت التقي بهاي المسيه
خويه جينه بأربعينك
———————————————
اجيت وبيه جمره بليل الخرايب
لا خيمه بقت لا ظلت حبايب
اني بت اهل السمه صرنه غرايب
اه من ليل اليجن بأحوالي راهب
إبدمع حزني اجيتك
لا تظن مره نسيتك
مايرحم ابد دهر الرزيه
اتمنيت التقي بهاي المسيه
خويه جينه بأربعينك

علي موفق القزاز