راسه نزله يارمح
عمري صار بلا صبح
يارمح وارحم حالي
نزلي راس الغالي....يارمح
————————————
بالله اسألك يارمح وانته تعرف حالتي
الليل ساهر ماغفه وي غربتي ودمعتي
الجان تارس هالعمر هجره تارس صفنتي
راح إمن ايدي الابو بعيني ظلمة دنيتي
ليش وجه كل دم
شوفته صارت عدم
مني خذت آمالي
نزلي راس الغالي....يارمح
———————————-
يتعب اشوفن منحره يرتاح خله بحضني
ياذيه ادري لو علم من السوط ينزف متني
من شيبه امسحها الدمه رغم الحبال تعتني
من دمعي اقطرله ردت واروي شفايف ذني
شفاف ابوي مفطره
كسر ظهري منظره
نزف دم دلالي
نزلي راس الغالي...يارمح
———————————-
يابويه انظر جبهتك باقي اثر ذاك الحجر
لمن احضنك بي شفت اثنعش طبره عالنحر
المن عفتني بيا جرح زماني شبعني قهر
بنيتك انه و ياراحتك متعب عيوني السهر
افياي اسويله ردت
ياويلي يتلوه شفت
راس الحنين اكبالي
نزلي راس الغالي...يارمح
———————————
هل فاجعة بيهن تمر كلمن اجت تشكيلة
هاي الفواطم حايره بعازة ابو هالعيلة
هضموها تدري بنيتك فاض الدمع مسيله
اني رقية الغالية ضيم اليسر ارويله
مني خذوا ترجيتي
وناكة هزيلة ناكتي
حادي الضعن جتالي
نزلي راس الغالي....يارمح
——————————-
عمتي العقيلة حايره تعاتب اشوف بعمي
اعتاب الاخو وبلا زعل وتگله ريتك يمي
مدللنه كل يومك جنت وجان الاميره اسمي
دار الوكت رحنه بسبي وعكبك تغيّر رسمي
اكعد تكله ياكمر
بالغربه ودانه القدر
انت المحامي الوالي
نزلي راس الغالي....يارمح
——————————
عطشان يارمح الابو تلهب جمر لهاته
يقشعر جلده ياوسف من ينظر إبنياته
مايحتمل انا انولي يغمض شفت نظراته
من اشكف اسياط الزجر عالي صده وناته
خليته عاري عالثره
فاجعني والله هالجره
ذبح الابو يبرالي
نزلي راس الغالي....يارمح

تمت

علي موفق القزاز

ابني من دم منحره مغسلينه
ذنبه شَربة ماي ممشربينه
——————————
جانت احلامه زغيره هالطفل
جن بدر بليلة تمامه مكتمل
راد شربة ماي مو مالت جتل
ابني ياناس العده معطشينه
——————————
يبجي كاروكه من إمناغه سكت
شهل مصيبة عالكلب من انزلت
بضيم احزاني وجروحي فرفحت
والده وكلبي بألم مرّوعينه
——————————-
عله خدوده يغفه وينام النده
ترف ابني وحار رمل ايوسده
والضمه بذيجه شفافه يمرده
اه من ذبحوا جمال اسنينه
——————————-
برد حضني وكل حناني انذبح
يوم كالوا ركبته دمها انسفح
لا هنا عمري ولا حزني برح
من يرد لخيمته مخضبينه
—————————-
بين اديه تغفه يوليدي جنت
لجن باحضان المنايه غربت
فكدك ادهاني تراني اتلوعت
يساعده الله والده ويعينه
——————————-
ويلي ياسهم الغدر حار الاجاك
عجب ستة اشهور ماخلص رباك
ريت اشوفنه كبر طولك هذاك
ادعي ربي هالصبر ينطينه
——————————-
والبراءة تنام يحضنها التراب
ذاك طولك يختفي يصبح سراب
وجهك النوراني بدموم الخضاب
وبيَّ جن سهم الاسى مصوبينه
——————————

علي موفق القزاز

عليله ودهري طاوعني وأتنطر بعد جيه
اكولن ترجع احبابي ادعي ربي يوميه
""""""—————-"""""———
حمّل ضعن احبابي ونزلت دمعتي بخدي
من هذا السفر خايف ماخله اخو عندي
ارد امشي يبويه وياك روحي اوي الضعن تحدي
واشوف احزاني مشرعه تطحن روحي ليليه
—————————————-
الغايبله ابو ياناس بشغف يتنطر اخباره
اجيبه الحسبه وتوديه تربي عالباب انظاره
جم موقف تذّكر راح خيمه الوالد للداره
رايح ياعمود البيت تشيل اوياك الحنيه
—————————————-
ملاني حجي الهجران بنار الفركه محتركه
تدري بس دواي انته وتطيّب علتي الملكه
عليله ودهري عاكسني عيشني طعم الفركه
صحت ياعازة الاحباب تعرف لوعتي البيه
—————————————-
كلما يتحرك الباب جايب هوه احبابي
إلعليلتكم همْ ترّدون وانسه محنة اصوابي
واشيلن بيدي عبدالله وتكّحل عيني غيابي
شكثر مشتاكه يسكينه غيابج طوّل اعليه
——————————————
ورقيه بلهفه تحضني وعالخد دمعتي اتلالي
ما غبتي عن بالي يوم غالي يحضن بغالي
يطاريكم هوه عذيبي يضمد جرح دلالي
واسولف غربتي وهمي نزلت دمعة ارقيه
——————————————
وعباس الكمر كلي هلا ببنيت احسيني
ياهيبة بني هاشم ياعمي يضي عيني
كل غربة سنيني تروح من عمي يحاجيني
والصدره يجي يضمني واحضنه بجفوف اديه

علي موفق القزاز

المن تخليني ..يلماخذ سنيني
ترجعلي وانتظرك
وين وين حاجيني يوليدي
وين وين يافرحتي وعيدي
ترجعلي وانتظرك
———————————-
گلت جّسام يكبر وبيدي ازفنه
ابني وحكي افخر بتعبي اكبرنه
لشبابك راح احضر الياس والحنه
يوم ويوم يكبر حلمي الاريدنه
تحجيلك احلامي...تفرّحها ايامي
يلمكتمل بدرك
وين وين ياشمعة ادروبي
وين وين بدمعاتي مكتوبي
ترجعلي وانتظرك
——————————-
ثوب العرس يمه لايك لطولك
واشوفن للحرب لامه يفصلولك
متعني لطفوفك كاموا يكلولك
ولنصرة احسينك يبني يحجولك
ينصر ابو اليمه ...يضحي اله بدمه
تفدي اله عمرك
راح راح يبني تفاركني
راح راح دهرك يباعدني
ترجعلي وانتظرك
————————————
لكلشي محسبه وممحسبه لوداعك
سفينة حبنه تغرك لو كسروا شراعك
باجر من تردلي شمكثر اوجاعك
وبجسمك جروحك صايره امتاعك
عايفني يوليدي...وانه اصفك ابيدي
ماينتظر دهرك
وين وين دمعاتي بخدودي
وين وين لتخّيبه معهودي
ترجعلي وانتظرك
————————————
طفوا شمعتي يوليدي من امشيت
ياخطوة رحيلك ارجعلي ماحنيت
لوّن مره تجيني بالطف مامريت !
تدري بعيني دمعه من رحت ماخليت
متحيره خلاني...ماتخلص احزاني
ادور العطرك
وين وين يلدوهنت فكري
وين وين مايحتمل صبري
ترجعلي وانتظرك
————————————
ساعة من يرد متخضب بدمه
عله احواله منكسر ياناس عمه
ويجيبه لخيمته وانتحب يمه
دحاجيني يجاسم وكول يايمه
فدواتك دحاجيني...فايضلك حنيني
وبياكلب انظرك
وين وين هالرايح جماله
وين وين وترابه حلاله
ترجعلي وانتظرك
————————————
لهل ساعة تمنّوا ربعك يزفوك
مو رايح الحتفك وبالدمه يشوفك
يبني وانت نايم عالرمل إيخلوك
مكطع ذاك طولك عطشان ويذبحوك
يامعظم مصابه ...من دفنو شبابه
واتوسد بكترك
وين وين ماترحم ادموعي
وين وين احزاني موضوعي
ترجعلي وانتظرك


علي موفق القزاز
( وزن المذيل-المقطع)

ياعباس يعضيدي ياذخري
ياعباس ليش اكسرت ظهري
—————————————-
للمشرعه رايح صحت وحدي تخليني
يعضيدي غيرك ماالي ترجعلي حاجيني
سكنه تكلي من الضمه ذبلت رياحيني
بجودك يعمي مرّوتك وترد ترويني
ياعباس منتظره ياعمري
ياعباس ليش اكسرت ظهري
—————————————-
ياخويه جنك ماترد واتحير بهمي
جنّه وداع الموت الي وبي انطفه نجمي
وينك يكفال الخدر بيك الضعن محمي
تسمعها اطفال وحرم وينه الكمر عمي
ياعباس شنهو بعد عذري
ياعباس ليش اكسرت ظهري
—————————————
اعليك زينب يالاخو بالخوه احلفنك
بهل دنيه مثلك ماحصل واحد اخو منك
ذبيت جفك عالنهر وإسهام صابنك
وعيونك التنزف وفه خجلانه اشوفنك
ياعباس وبحالي لو تدري
ياعباس ليش اكسرت ظهري
—————————————
يانفسي هوني للعذب خله الكلب يضمه
وفاي انت والنعم امك هلـ إمعلمه
بدوية هاي الربتك عالشيمه اتكلمه
وتكله يبني هاي ابد يعطش ابو اليمه
ياعباس بالطف يظل فكري
ياعباس ليش اكسرت ظهري
—————————————-
ماقصرت ياالفضل وفيت بعهودك
اروع مثال بموقفك كطّعوها لزنودك
وانتَ بعظيم المنزله مشكور مجهودك
رواي تبقه بكربله وشاهد يظل جودك
ياعباس باقي عذب تجري
ياعباس ليش اكسرت ظهري
—————————————-
شكد عظيمه وكفتك ياصاحب الرايه
كدها اعرفك ياشهم من تنطي الحجاية
متخلّف ادري ام الوفة بس ناس وفايه
ومعروفك بحلگ الزمن يترجم لأيه
ياعباس و اليشهدك دهري
ياعباس ليش اكسرت ظهري

علي موفق القزاز

اعله ابني جنّها مشتبكة الهنادي
و الكلب جنّه سمع يمه ينادي
يمه يا ليلى يصيح
اكبرج طايح ذبيح
————————————
بيك اشمن ريحة موادع اخير
تاه فكري واعرفه هذا المصير
احساس كلي يرجع اوصاله بحصير
وحيره تاخذني وترد ونوب احير
يبني اني ودمعتي بحسره اكابر
ربي احفظلي علي من المخاطر
دمعتي من دم تطيح
اكبرج طايح ذبيح
—————————————-
يا الهي ويستغث خاف الكلب
والسيوف تحيطه و ارماح الغرب
مكطع اوصاله وبقه دمه يصب
البيض هاي مشرعه ابصدره نصب
كعبة صار بحومته وجسمه تطوفه
الكّطعو اوصاله منو يكدر يروفه
عالارض دمه يسيح
اكبرج طايح ذبيح
——————————————
جسمه رايح تنهشه حصة الرماح
وهذا ثوبك يلولد بحضن الجراح
يمه تاركني رحت بس للنياح
مابرح حزني يظل ليل وصباح
هالجمال الاحمدي تلمه حصيره
وهذه عظامك تنجوي بحر الظهيره
نايم معفر جريح
اكبرج طايح ذبيح
—————————————
صدك ما اشوفه بعد يمه الجمال
والربه تعب السهر ذاك الدلال
اعله هونك يلولد جن حملي مال
دهرك يكلي بعد يرجع محال
جن اشوفه المصطفى بالطف رميه
و مكسره اضلوعه بحوافر اعوجيه
ويلي بالبيده طريح
اكبرج طايح ذبيح
—————————————
ابن غانم ماسلم من ضربتك
الحومه طلكت ولطفوفه جابتك
وجفوف ابو فاضل نعم من ربتك
يعني خريج الشريعة سيرتك
تربية عمه وكفو بدر الهواشم
وراسه بيده حامله لبكر بن غانم
هاشمي وسيفه صريح
اكبرج طايح ذبيح —————————————-
هي مو تعلوم معروفه الطباع
علي من حيود الوغى تعده السباع
من جثههم مشبعه بسيفه الجياع
تسجد اركاب العده برهبه تطاع
من برز ياهيبته مفرّگ الكتايب
عنده نزهه من دخل سوح الحرايب
بالحرب دمهم تبيح
اكبرج طايح ذبيح

علي موفق القزاز

لبّوا لهل الموزمه احبابك
بيهم اكشخ ياحسين اصحابك
———————————
كعبة للدين اصبحت راحت تطوف
بالدمه هل تلبية تحجلك إلوف
والهدي عدهم نحر تحفه السيوف
وبشيبته يهوس ابن ظاهر تشوف
والنحور اتقدمت ابابك
———————————
هذا يوم التضحية تحج النحور
تحت ظلك سيدي اعظم شعور
لك عذرًا إذ بدى منا قصور
لهل الشرف هذا نعد صرنه شهور
نروح فدوه سيدي لترابك
———————————-
الشاكري بعشكه لبو اليمه فصح
ياجنونه الهايم من كلبه طفح
عمره يخسر حبك الطاهر ربح
مايهمه لوّن هل دم انسفح
و الغياره ناطره إجوابك
———————————
الرياحي بتوبته جابه هواك
يبو اليمه اقبله العبدُ اتاك
عفوك ولنصرتك طالب رضاك
با ابي انت وامي كلنه فداك
والعبير اطيّبه اطيابك
———————————
صحبة ماعدهم تراهم مصلحه
انت يحسين الوسيله الواضحه
باعوا الدنيه بتجاره رابحه
كفته بين البشر هالراجحه
كلُ نفسً بالطفوف احجابك
——————————-
على المنية من إجوا يتسابقون
للعقيده صحبتك يتنافسون
الامنوا بحبك غدًا هُم مفلحون
لا يضيّع الباري أجره المؤمنون
كلها ترخص ناذره اعله اعتابك
———————————
شلون صحبه خيره أُولي الالباب
الذين اعطوا باليمنه الكتاب
للديانه لاذوا ولاهل الصواب
ضحوا بأغله ثمن لسيد الشباب
وبدماهم رتلوا اكتابك

علي موفق القزاز

عّباْسُ يا سّنَدِيْ كَفْالُ زَيْنَبْ
أَ كوْكَبٌ أَمْ وَجْهُكَ المُخَضَبْ
أَنتَ كفيلُ الحوراءْ ...ابا الفَضِلْ
مِنْ كفِكَ أُشْتُقَ الماءْ...ابا الفضلْ
*************************
يْامُؤنسَ القَلبِ إِنطوىٰ وَكفُكَ السَلامْ
أَبْكيكَ يابَدرًا رَحلْ مِّنْ عِاْلمِ الخِيامْ
ماحْالُ تَبقىٰ أَنجمي أَندىٰ بها الظَلامْ
وَالَليلُ عَنْكَ يَنْسَأَل أَينَ بَدرُ التَمامْ

يا بَدْرَ لَيْلِيْ فيّ عاْلَمِ مُغَيَّبْ
أَ كوكَبٌ أَمْ وَجْهُكَ المُخَضَبْ
للدهرِ تحكي العلياءْ ...ابا الفضلْ
مِنْ كفكَ أُشتقَ الماءْ...ابا الفضلْ
""""""""""""""""""""""""""""
إِركبْ بِنَفسيْ يا أَخيْ عَباسُ ياحِماناْ
أَثْقَلتَ تَدْريْ شِدَتيْ لَماْ هَوىٰ لِواناْ
أَنتَ عُضيدُ مِحْنَتيْ صَّبَ الدَهرُ هَواناْ
إِلِيكَ أَشكوْ وَحْدَتِيْ ياسَيِّداْ رَجاناْ

يانَبْضَ قَلْبيْ مَنْ غَيركُ مُعَتَبْ
أَ كوكَبٌ أَمْ وجهُكَ المُخَضَبْ
يندبُكَ خدر السماءْ..اباالفضلْ
مِنْ كفكَ أشتقَ الماءْ...ابا الفضلْ
"""""""""""""""""""""""""""""
ماْلِي أُناْدِيكَ أَخي وَ أَنتَ لا تُجيبْ
إِسْتَضْعَفونِي قَومُكَ في كُرْبَتِيْ غَريبْ
ياكَوكَبَ الطَفِ إِنطَفىٰ مُذْ عَنهُ تَغيبْ
هذِي نَواْئحُ زَينَبً أَمَلئَها النَحِيبْ

أَخَشىٰ عَليها قَلبُها يُعَذَبْ
أَ كوكَبٌ أمْ وَجهُكَ المُخَضَبْ
قُم واطويها البيداءْ....ابا الفضلْ
مِنْ كفكَ أشتقَ الماءْ...ابا الفضلْ
"""""""""""""""""""""""""""""
جَنْبُ النَهرِ مُصّحَفٌ آياْتَهُ شَكِياْ
وَ دَمكُ شَذراً نَزفْ عِطْرَاً فاْحَ زَكِياْ
كَفاْكَ خَرَتْ ساْجِدَ شاكِرتً رَضِياْ
عَيناْكَ كانَتْ خاْشِعَة لِرَبِهاْ سَّجِياْ

الجَنةُ بعِطرِ رَحِيقْكَ تُطَيَّبْ
أَ كوكبٌ أَمْ وجهُكَ المُخَضَبْ
يا فارسً أَشضى الاعداءْ...ابا الفضلْ
مِنْ كفكَ أُشْتُقَ الماءْ ...ابا الفضلْ
"""""""""""""""""""""""""""""""
ياكافَلاً خِدْرَ السّماْ عَليكَ الإِلهُ صَّلىٰ
ناْفذَ بَصِيرةً كُنِتَ بِكَ المَعصومُ أَدلىٰ
يَتلوكَ قُرآنَ الوَفىٰ وَحيُّكَ عَباْسٌ جَلىٰ
بَيْنَكَ المْاءُ إِرتَوّىٰ كَفيّكَ آياْتٌ تَلىٰ

سّاْقي عُطاْشىٰ كَربَلاءْ مُلَقَبْ
أَ كوكَبٌ أَمْ وَجهُكَ المُخَضَبْ
لِجودِكَ تتعالا الاصداءْ...ابا الفضلْ
مِنْ كفكَ أُشْتُقَ الماءْ...ابا الفضلْ
""""""""""""""""""""""""""""""
أَخياْرَ كُنتَ نُصرَتي كـ هارونٍ وَزِيراْ
وَ صاْلَحٌ عَبداً نِلِتْ مَراْتِباً قَديراْ
أَوسَعها الباري غُرَفْ مَنْازِلاً مُنيراْ
هذْا جَزاْءُ الصّالحِ في جَنةٍ مَصيراْ

يُبْلُغَكَ البْارِيْ مَعْالِيا مُرَتبْ
أَ كوكَبٌ أَمْ وَجهُكَ المُخَضَبْ
ما أعظمَ هذا الجزاءْ...ابا الفضلْ
مِنْ كفكَ أُشْتُقَ الماءْ ...ابا الفضلْ
"""""""""""""""""""""""""""""

علي موفق القزاز

قصيدة ثلاث دكات (وزن الدارمي)

ياليل الاوداع...لاترحل بساع
شلون بِضعون السّمه
تحديها أَهل الظالمه
يا ليل الاوداع
————————————-
يا ليل طوّل ارتجي بهاي المسيه
اجروح يضملي الصبح بالغاضرية
وريح للفركه اشم بأهل الحميه
صاير موادعنه صدك تحجي الرزيه
يا ليل الافراك....تخليني اشتاك
وتبدي الليالي المؤلمه
تحديها اهل الظالمه
يا ليل الاوداع
————————————
حسين دمعاته تصب ودمعة أخيّته
باجر لوّن طر الفجر يحضني شفته
يمسحها بيده دمعتي ومن نحره بسته
هذي وصية فاطمة تشمه بركبته
إيذبحون الحسين..باجر تشوفين
بجفوف هاي الناقمه
تحديها اهل الظالمه
يا ليل الاوداع
————————————
انته يخويه الإكفلت بيهه ضعوني
إشكد عظيمه خوتك كتلي بعيوني
ذاك الدلال وهيبته إيودعوني
بس ليل واحد ينتهي اويه الدليلوني
كتلي يعباس...خدرج مينجاس
غيره وحميه ومرحمه
تحديها اهل الظالمه
يا ليل الاوداع
————————————-
بحسره خيامك ودعت بكسر الخواطر
ريت ما يطلع صبح لايجي باجر
كل غالي باجر مايظل بدمها المناحر
باجر اشوفن بس حرك ذيج العساكر
يا ليل الامصاب...متبقي احباب
يصوري ليلك بي دمه
تحديها اهل الظالمه
يا ليل الاوداع
—————————————
يا بابا جم جلمة اسمعت تبجي بناتك
تكلك يبويه لو رحت نموت وغلاتك
باجر يتاني جم سهم ياخذ حياتك
وياك بس ليله تظل بس ذكرياتك
بأيتامك شلون... لمّن ترحون
باجر يرّوعها الضمه
تحديها اهل الظالمه
يا ليل الاوداع
————————————
للسبي يا ليل استعد تبدي المصايب
اه من يوم احدعش صرعه الحبايب
كلها الحيود مخضبه فوك الترايب
يادهري إجروح وهظم لدلالي جايب
هاي الفجيعه ...بالطف صريعه
يادهري كلبي لاجمه
تحديها اهل الظالمه
يا ليل الاوداع

علي موفق القزاز

ليلة وحده وزينب توّدعوها
باجر بدرب السبي يروّعوها
———————————
ليلة بيها يعيش بس طاري الدمع
وبيه ونات الثكالى تنسمع
ظهر باجر مايظل هذا الجمع
والاماجد باجر ايذبحوها
———————————
هيه ليله و الابو يوّدع البنات
خلاف عينك والله ماتسوه الحياة
مدللاتك هالتون متحيرات
خيمه لعياله الابو تدروها
———————————-
هيه ليلة نشاهد يطول الوداع
يصيح كلب الوالده كل حلمي ضاع
اه يوداع الابن لجروحي ذاع
تعب عمري وردتي يقطفوها
————————————-
يموت كلشي باجر تعيش الجروح
وين زينبكم يهل نخوه تروح
كل كلب يم جثته تسمعه ينوح
بالحبايب باجر ايفجعوها
———————————-
باجر الاحباب صرعه عالثره
لاجل دين الهادي يبصم منحره
والحرم تفتر تظل متحيره
والطفوف ابهل دمه يكحلوها
———————————-
عالشريعه ينكسر ظهر الحسين
طايح اعضيده البقه ينزف حنين
لخوتك الگه بعد ياخويه وين
خوّتي ياحسرتي طشرّوها
——————————
بظهر عاشر تحترك كل الخيام
ويحدي بضعون السمه ابن الحرام
بالطبول الصاخبه إضيّفنه شام
بالطبول وبالحجر يلاگووها
———————————-

علي موفق القزاز

أُنادِيْ أنتَ أين أبَكيتَ كُل َعَينْ
يْاصْاحبَ الزّمانْ يْاصْاحبَ الزّمانْ
**************************
يوسف عشكنة ننتظر يبزغ نهارة
ويكحل عيون الفلة بهيبة وقارة
ياحجة الله طلعتك احله بشارة
وتسر نواظر شيعتك كلب الحيارة

منْ تِشْهر الفِقْار ْ بِزغْ وَحيِّ النَهارْ
يْاصْاحبَ الزّمانْ يْاصْاحبَ الزّمانْ
***********************
يعكوبك اني من غبت يمته اشوفك
يايوسف الزهرة العمر انسجتة بحروفك
دمـعة الـذايـب جـمر تـروة بـجفـوفـك
عطشان ظل ماية النهر مضيع جروفك

يا سَيّدَ الوُجودْ مَتْى لَنْا تَعُودْ
ياصْاحبَ الزّمانْ ياصْاحبَ الزّمانْ
**********************
شمعة روحي ذايبة بنار إنـتظارك
يـمته يلغايب تجي وتـشهر فـقارك
الصـبر ذاب الـصبـر كَـد اصـطـبارك
ياجمعة احسب مالمح طيف اعتبارك

كَمْ جِمْعَةَ الفِرْاقْ رِسَمْ شَوْقهَ العِرْاقْ
ياصْاحبَ الزّمانْ ياصّاحبَ الزّمانْ
***********************
نـشف إشفافي الحجي يلغالي وينـك
وجفوفي تارسها دعه اي وحك عينك
بجمرة فراكك أنچوي فدوة لـسنينك
يـلمهدي لـيلية انـعصـر بحسرة حنينك

يَحكِيْ لُظى الحَنِينْ تَدعوا لكَ السّنِينْ
ياصْاحبَ الزّمانْ ياصْاحبَ الزّمانْ
***********************
عايش حلم يبن الحسن الطلعة الرشيدة
ارزقـنة يـاربي الـفرج الغرة الحـميـدة
شـبعـت مـظالم امـتة والحق يـعيدة
وحـكم الـسقيفة يـنمـحي لازم يـبيدة

گربْ عَدل السَمْاءْ ظَهرْ مَهْدِيْ الإباءْ
يْاصْاحبَ الزَمْانْ يْاصْاحبَ الزَمْانْ
***************************
غيم الظلام اتبدده بنظرة بهاءك
ويكحل عيون الارض مقدم لقاءك
جبريل إيزف الفرج بعالم سماءك
مهديكم الغايب ظهر نسمع نداءك

عَجِلْ لَنا الظهورْ.... ظُلمٌ تَمْضِي العِصورْ
يْاصْاحبَ الزَمْانْ يْاصْاحبَ الزَمْانْ



علي موفق القزاز

هاي زينب رايده كفالها
من سباها و الشمر يبرالها
يحرك براسه الكفيل
من دمع اخته يسيل
ماتسرك زينبك أحوالها
————————————-
هاي زينب رايده يكوم الكمر
يشوف حال الحشمت فارس مضر
شلون بيه وفاركك عني الدهر
خويه عفتك نايم بكتر النهر
العمد هشم يخويه اجبينك
وبسهم طفوا تراهم عينك
كطعوا منك جفوف
وبالسبي زينب تشوف
ماتسرك زينبك أحوالها
—————————————
ركبونه خلاف عينك عالهزل
شكد هزيله ناكتي يابو الفضل
اليحدي بينه إبلا مُروه ولا اصل
خوية هل جلماتهم ما تنحمل
تدريِّ ابطول السبي يشتمونه
واحنه ربات السمه يدرونه
بس هضم هذا المسير
شكوتي لرب القدير
ماتسرك زينبك أحوالها
————————————
يابعد اختك تعدّل محملي
عالكفاله دمعتي اظل تصطلي
ونتي يمك شفت من تعتلي
لجن خويه هيبتي هيبة علي
اني بنت الإدحه بيبانهم
ماثنه عزمي ابد طغيانهم
مفخره وعز وآباء
ترجمتها كربلاء
ماتسرك زينبك أحوالها
—————————————
هل الاميره الماشيه بهيئة وَحيِّ
مايذل والله ابد كل طالبي
هيه زينب تبقه زينب بالسبي
كل وثن هي اهدمت كل ناصبي
و ابثبات الفاطمي ذلتهم
ذوله أشباه الزلم شافتهم
مايرف جفن الجبال
جلمة أشباه الرجال
ماتسرك زينبك أحوالها
————————————
اجساد تنهشه غدت هاي الرماح
وتشتم اثياب البقت تنزف جراح
بحضرة الليل انذبح نحر الصباح
اعله زينب انكتب ما تستراح
بحيره زينب تلتفت لإخوانها
إبتدت محنتها بدمع أحزانها
الصبر ماله مثيل
والدهر بيها يعيل
ماتسرك زينبك أحوالها
———————————-
تفصل العباس لوعات السنين
دللتها زينبك ها يلحنين
ردت ابوسك هشمو حته الجبين
بعيني كتلي بالسهم طفوها عين
للشام عدوانك يخي ودوني
و بقصر ابن الدعيِّ وكفوني
ماثنه عزمي يزيد
لمبدئي ابدًا أَحيد
ماتسرك زينبك أحوالها

علي موفق القزاز

شافت عينك نكبات يالباقر مالوم
بالوالد الله يعينك
بثالث عمرها سنينك
يالباقر مالوم
————————————————
شفت يلباقر مصايب جنت حاضر يوم عاشر
كل مصيبه اشد منها يوم هجمت هالعساكر
حسين جدك شلون شفته طحنت اضلوعه الحوافر
كل مصيبه واخره اصعب
تشب نار اخيام زينب
وخدر الفواطم إيتسلب وبالبراري هل حراير

وعيونك بعد اشافت شنهو بهذا اليوم
هشموا ضلوع احسينك
بثالث عمرها اسنينك
يالباقر مالوم
——————————————
يامصيبة اعليك مرت وهيجت بيك المواجع
شفت ابو اليمه يعالم الشمر سيفه بنحره طامع
عله الارض دار وجه ويلي نحره بيده كاطع
وبيده يلزم شيبته
رايد يحزها ركبته
لعياله اخر نظرته وبدماءه عفته ناكع

نحرك هذا المكطوع عطشان ومظلوم
شيّب رمشها عينك
بثالث عمرها اسنينك
يالباقر مالوم
——————————————
عالنهر ذيج المصيبة عمك العباس طايح
جان همه يملي جوده للشريعه بهمه رايح
بالسلامه يرجعلهم يبرد اكلوب النوايح
هناكه تصير الفاجعه
مارد خبر امن المشرعه
الساقي جفوفه مكطعه وخجلانه معتذره الجوارح

اخيامك منتظره أتعود ترّوي كل محروم
عامود امهشم اجبينك
بثالث عمرها اسنينك
يالباقر مالوم
———————————————
هناك كل أُم بجمرها كاصده لمصرع ابنها
تشوف رمله ويه جاسم مابرح امك حزنها
بشبابك ردت افرح و ماغفه عيني وسنها
ماصار يوليدي العرس
يلوجهك احلى من الشمس
لحسين قدمت النفس وماتبالي بكل ثمنها

متهمك هاي جروحك وتنزف بيك ادموم
مابطل امها اونينك
بثالث عمرها اسنينك
يالباقر مالوم
———————————————-
هاي ليلى بكلب ذايب تفتر بحيرة امرها
تشوف الاكبر امكطعينه إنعمت عيني نظرها
وذره وذره تشوف جسمه شلون إضمه لصدرها
شلون حال ام الولد
لامه مايرجع ابد
راحت ايام السعد و مارحم بيها دهرها

عايف امك للنوح والكلب ملجوم
عايفها بجلمة وينك
بثالث عمرها اسنينك
يالباقر مالوم
———————————————-
والدك جبده تكطع بيد اصحاب الرديه
تشيّعه رايح توسده بهاي ساعات المنيه
مكطعه اسمومه وصاله ورايح تضمه الوطيه
نزفت جفوف البسمله
بثكل السلاسل يحمله
رغم المرض رغم البله
والعليل اكبر جروحه شاف عماته سبايا

علي موفق القزاز

انه هيبة حيدره يخواني
وبقصرهم راعبه عدواني
————————————
اني هيبة حيدره ذاك الشهم
الجان ترعب حملته كل الزلم
كل طواغيت العصر واهل الظلم
على المبادىء والدي رباني
———————————-
رغم هول مصيبتي ودمعي الذروف
لثورتي عين السمه رايح تشوف
كل قرائين الشرف يمي تطوف
وصار قران الشرف قرآني
————————————
اية اية جنها محتركه الخيام
وجن كتاب الله انذبح بجف اللئام
ودم يجري زمزمه ابيت الحرام
وعالرمح للتلبيه ادعاني
————————————-
خيولهم جن صاعده بصدر الوجود
و الهوه جنّه إختنك بروحه يجود
والنسل نفسه نسل عاد وثمود
وبتعاليم وفكر شيطاني
————————————-
الرابي بأحضان الجبل متهزه ريح
هالثبات الحيدري يدوي صريح
بيدي راية كافلي وعزم الذبيح
والأبيه بهل فخر عنواني
————————————
ولمقامي ماوصل الارذل يزيد
هاشميه مسكته افواه العبيد
ماشيه بصبري انه بدرب الشهيد
ماثنه عزمي ابد سفياني
—————————————-
انه واضح موقفي يبن الدعيِّ
احنه ربات السمه يجلّنه الوحيِّ
والله عايش مايمت كل طالبي
صوت الدين النبي تلكاني

علي موفق القزاز

تلگانه ....تلگانه ..دوم اعله الوعد
مولانه ....مولانه...منعوفك أبد
معشوكي أمشي وبجمراتي
فدواتك كل تعب خطواتي
—————————————
بلايه قيمه ايامي....مشتاكة والله اجدامي
حافي تمشي الضامي...ننتظر جمر اللقاء
عهد هذا انطينه... بكل صفر تلكَينه
حسين ماناسينه ....تشهد اعلينه السماء
اخذ هاي الجلمة....المحب يمك حلمه
الك كلشي مقدمه....هاي صرخات الولاء
احلامه ....احلامه ....يِحقق هل حلم
صرخاته...صرخاته... ناداك بعزم
محبوبي بي تدك نبضاتي
فدواتك كل تعب خطواتي
—————————————-
شفت دربك راحة....صوت حبك صاحه
عشك جونك لاحة...إبحر عطفك يرتمي
بموج بحرك ساير...العاف شخصك خاسر
بجمر حزني مناطر...بيك اذلن لايمي
هذا درب الجنة...الارض بي تحسدنه
كل عدو ميهمنه...الدخل حصنك ينحمي
هنياله ...هنياله ....مجوي إمن الخيم
لجروحه...لجروحه...رافعله علم
خليني ذايب بحسراتي
فدواتك كل تعب خطواتي
—————————————
سبي زينب بينه ...عين اخوها اعلينه
طيبو جرح اسنينه...من تماشو ام الخدر
صعب ظل ممشاها...عثر كلشي اوياها
ولا اخو اتلكاها.....من بعد عشرة عمر
كل جرح ياذيها...حيل ماظل بيها
يا صبر يرثيها...شيحمل الفاكد صبر
واسوها ...واسوها...وي ضعن الخدر
تدروها.....تدروها ......تعبها اليسر
تعرفني من هضم عبراتي
فدواتك كل تعب خطواتي
————————————-
ارد اوافي عهودي...الزهرة شدة زودي
جنتك مقصودي ....رحت ازور الغالي
إمأذنه بيه جروحي... تحاجي صارت روحي
بونه زيدي ونوحي....بعيني دمعي هالي
الهوه صايح ياهله ...بيه فرحت كربلة
قبلتي عقد الوله ....مشتاك يدري بحالي
اقسمله ....اقسمله ....ماخنت العهد
گاصدله...گاصدله..الشايب والولد
ودموعي تواسي وي اهاتي
فدواتك كل تعب خطواتي
————————————-
مقدسه هاي الشعيره..ويه مهدينه المسيره
يواسي بجروحه الاسيره...اويانه كاصد جده
يمشي وي ممشانه...بشوگه ظل حيانه
بكلبي انتو هنانه...انصاره انتم عنده
الذرف منكم دمعه ...بكبره يشعل شمعه
يخصه باجر وضعه ....اخذو هذا وعده
بشرنه...بشرنه ......و بهذا الدرب
واعدنه ..واعدنه...للجنة نطب
بمهدينه يستجب دعواتي
فدواتك كل تعب خطواتي
—————————————
عين الله اويانه ....الرحمه تمشي اويانه
بهل درب ترعانه...عنه ترضه فاطمة
بنيّه راح لكبره ...الف حجه وعمره
الزار ابن الزهرة....ينول حسن الخاتمه
إثنعش نور يحضره...العاش هاي الجمره
الزهرة راح تنطره...هذا شرف الغانمه
بجناته ...بجناته...يسقينه العذب
بجناته .. بجناته ... مايضمه الكلب
وانعامي من فضل ساداتي
فدواتك كل تعب خطواتي


علي موفق القزاز

انبياء الله وملائكته
نزلوا سَبِّحوا يمك
كل كوكب الك صلى
وسلم سيدي بإسمك
واديانه السماويه
تنعاك العبوديه
—————————-
جلى خالق القدره
سرك حافظَّ الرحمن
وبساق العرش مكتوب
اسمك يا اخو القران
توراة و سور وانجيل
بكل دين وصرت تبيان
رسالة مجدك الوصلت
كتبت للسمه عنوان
دمك طهر التاريخ
تحيَّ الدين وكتابه
اختارك خالق الاكوان
بمبدأ حكمه و اسبابه
بالدعوه الأحمديه
تنعاك العبوديه
—————————————-
روح النبوه بمسعاك
رسالة جم نبي مُرسل
فراعين الزمن صدت
نصك سيدي منزل
احبارك بني مروان
دينك عندك الاول
مارايد حكم سفيان
لجدك دعوته تكمل
بمضامين الكتب يحسين
مصّدر نهجك الاصلاح
مضحي بكل اهل بيتك
طاهر دمك الإطاح
مأييد من الربوبيه
تنعاك العبوديه
—————————————-
بالزبور الك مضمون
اتعلم منك المزمار
مئة واكثر من الايات
يرتلن واحد القهار
يسبح عالرمح راسك
يشكر يحمد من اذكار
تليِّن هالرمح هاماك
لو طالب يكُن لن صار
شُبه زبورك بداوود
المنطق إتعلم طير
من حر الشمس يصبح
بجناحه غمامه يصير
من رماحٍ سمهريه
تنعاك العبوديه
—————————————-
ابراهيم النبي بوصفك
خليل لدينه وكتابه
قواعد ثبتت للدين
بنيت اركانه واحجابه
ابليس اتحشد ويرميك
صدرك حمّل اصوابه
من شبّوا خيامك نار
بيت الله انحرك بابه
خليل لكربلاء مبعوث
تنشر دعوة المعبود
من الذله تحرر ناس
للعِزَه جان المجهود
ضد اهل الوثنيه
تنعاك العبوديه
———————————-
بيو حنا إصدر جرحك
انت بكربلاء تصلب
جسمك عالرمضا مقطّع
ياترى هذا الاعجب!
على تل الحزن اية
تلك المكنونه زينب
هامت اية التقديس
وخدور السّمه تلهب
لم يصلب عيسى العذرا
لم تفجع فيهِ مريم
نحرك عالقنا مرفوع
صلى لخالقه وسلم
بتراتيلِّ المسيحيه
تنعاك العبوديه
—————————————
لابحر اليوسع حزنك
منهو الفّسره قدرك
بيك اجتمعت الاديان
بِصّرتْ من دمه نحرك
ثورتك باقيه بكل عام
للإنسانيه عصرك
مهدم كل وثن موجود
ربك ينعبد أَمرك
امام ومصدر الرحمه
واضح كالشمس وأَوضح
الله منعبد لولاك
دمك للباري الْصَرح
تعريف الإلهيه
تنعاك العبوديه

علي موفق القزاز

لفاطم دمعي مو كافي بخطوات الهجر اعثر
نعش عمري عله اجتافي على حمله فلا اكدر
(بحر طويل )
——————————————-
غمضت عيون الزهره احس اظلمت ايامي
بعدها إبدايه العشره راحت بهجت احلامي
بكسرها هوايه تتألم ضلعها مهشم ودامي
ولا يقوه بعد حيلي
نهاري اساوا وي ليلي
منِيدي تروح ياويلي
تتنفس صعب ياحيف كلبي اعليها يتفطر
——————————————
ابو ذر ناديلي ومالك يعينوني عله مصابي
لنعش الزهره اريدنهم جبير بكلبي اصوابي
انكسر ظهري وصدح وني عصروا زهرتي ابابي
تعرف كلها حملاتي
حزني تفضحه دمعاتي
ثكلت بيه خطواتي
ابو الحمله انه الصنديد لوني تاليها اتغير
—————————————-
تذّكرني بإبن عمي يوم الواريته بكبره
يسلمان الجرح واحد طه وفاطمة الزهره
جن عمري اوياهم ادفن للفارك تظل جمره
راحوا اغلى احبابي
جبير شمعظم امصابي
عصروا زهرتي ابابي
لأحبابي تظل روحي بثوب الحزن تتكّدر
——————————————
كلبي ماينطيني احفر ووسد عشرة سنيني
اذكر احله لحظاتي من تصابحني وتمسيني
اليدفن كلي زهرائه تذّبل كل ر ياحييني
الدافن بيده عافيته
تصير المكبره بيته
موته يريد تاليته
بيته المكبره يصبح وبركان الدمع احمر
——————————————-
مو هيّن عليِّ سلمان بفاطمتي انكسر ظهري
وشباقي بعد ياحيل مو ذاكه علي تدري
جسمي إضعضع واعظامي وشيّحمل بعد صبري
ملجأ حزني وجروحي
ماتت عافتني إلنوحي
يعالم فاطمة روحي
لو يصح جنت والله انطي عمري للكوثر
——————————————-
اعيش بهمي واحزاني شيهوّد هظم ليلي
شحجي والجروح هواي راح إوياه كل حيلي
شوّصف الطيبه والاحسان هيه كلشي تعنيلي
زهرتي وجوهر اسراري
لفكدها نزفت اعباري
ماينطب بعد داري
بعمري بس هيه املك بعدها يتمت حيدر

علي موفق القزاز

أدعي من رب البرية
فاطمة ترضَه عليه
*****************
دعوتي   منك   الهي... كون   تقبل   دعوتي
كون أموتن بالمجالس ...اغله  عندي  دمعتي
يحله عمري بالخدامة ...شلون اوصف  خدمتي
خدمتي تعلينه هيه ....  وراح  تشهد لطمتي
لطمتي تشهد اليه
فاطمة ترضه  عليه
******************
من   تمر هاي الليالي... يبدي يومي بمحنته
يواسي صدري للزجية...انكسر  ريت  بلطمته 
بالعَزى   حيدر   اشوفه...كَلبه   ماخف   ونته
دموع  عينه  تجري حركه...بيده  يلطم  جبهته
تبقه    وناته   خفيه
فاطمة  ترضه   عليه
**********************
فاطمة  بيوم القيامة... تشفع   لهاي   الخدم
ماتمسه   النار والله....بصدره   ظل   هذا الالم
دمعة  الخادم  غريبة.... مو   دمع   يهملها   دم
يواسي هليلة امامه....بضلع امه اللي   انهشم
أيامي   صارت   فاطمية
فاطمة   ترضه   عليه
*************************
فاطمة قرأن   اسمج....والعرش   رتل   حروفه
والعيون الما بجتلج.... تحلم المهدي تشوفه
دارج الكعبة يزهرة....و الحزن  خيم   يطوفه  
والتناشد كلها  فضة....راحت الجانت عطوفه
كلها حست بالرزية
فاطمة   ترضه   عليه
*********************
انتي  للجنة   اليخدمج ....حيدر   يوصله بسلامة
ما تركناها   المجالس.... والعَزى ليوم   القيامة
يسجل الخادم  حضورة.... عمره ماعاش  الندامة  
تاج   نعرف هل الخدامة....تنطي للخادم كرامة
اسمه  خادم للزجية
فاطمة   ترضه   عليه
 
 
علي موفق القزاز

كوم ياحيد وفخر عدنانها
شعلّوا ابابك وسف نيرانها
———————————
تفاخرت اهل اللغوه تشوف الحصل
ايده نكسه مغرضه زمرة هبل
اجاسرت عالزهره لادين وخجل
ايد هاي الناقمه وأعوانها
————————————
ايد هذه مغرضه انمدت يحيد
كون حملاته علي بيهم تعيد
ندري عن هذا الجره ماظن بعيد
كوم عجّها الوسعه ياقرآنها
————————————
كوم عجها بطلعتك بيك الرجه
علم عندك مو خفي يلمرتجى
انت حبل الله القوي اعليك الشجه
تمحي عن هاي الارض اوثانها
———————————-
تشوف فرقة اتجمعت كالو صحاب
وين عن طه النبي نسأل عجاب !
حق للزهره خذت تحركَله باب
وبينت ابهل الجرم اضغانها
————————————
منكر بجف الحقد خدها صفع
فوك هذا الصار والباب اندفع
تكله فاطم مايهم ماجن سمع
عجب ماهمه ابد عنوانها
————————————
مارعوا حرمة وقرب بنت النبي
بكل صلافه رد رفسها الناصبي
بالوصيه مكيد إبأمره الوصي
يعرفون منهو قالعه بيبانها
————————————
بهل جريمه نشاهد وهذا الفعل
سيدة كل النسه تموت بقتل
ابطن امه يموت بالعصره الطفل
مو صحابه أعلنت عدوانها

علي موفق القزاز