زينب ع يوم العاشر تكول

حافي اركضت ما بين الخيول
وعله ابن ابوي العكل مذهول
وصلته ولكيت حسين مجتول
كتله انه أظل لو اروح شتكول
*

يفواك. الرمل. نايم لكيته
ودم منحره مخظب لحيته
جرحه الجم من كلبيته
وسهم الكلب ما طلعيته
*
هز راسه جنه يكول روحي
من الطعن. كثرن جروحي
بس اعله كيفج من تنوحي
بخيط الصبر يم عون لوحي

عندما سار الظعن من المدينه فمشا خلف الركب الفضل ابن عباس ع تبعتهو ام البنين ع مناديه

رد يالفضل لا تعرضلهم
جنهم نوو يمشون كلهم
لو عاتبت يكلف حملهم
*
يل بيك اشمن ريحت ابني
يهذا. الظعن كلش أتعبني
رديت. بس. الظهر محني
****
يبن. ابني. رد للبيت وياي
هلبت تساعدني اعله بالواي
مو تيهيت. الفكر والراي
***
حادي الظعن طوح بصوته
وعودك مشه اوياه اخوته
وانته. البگه الگلبي سلوته
*
خل المحامل راشده تروح
ونتكابل. إنه وياك ونوح
عليهم يضل الدمع مسفوح

حامد الابراهيمي

زينب تعاتب الامام الحسين عليهم السلام
من طاح اخوي وعاينيته

من الخيم ركظه عتنيته

وصليت جسمه وكلبيته

ما بيه كتر. سالم لكيته

كعديت يمه وعاتبيته

****
كتله. الحراير كوم ليهن

والتمت الوادم. عليهن

من الظرب وسمع بجيهن

يتسترن كامن. بديهن

قاسي العدو وما رحم بيهن

حامد الابراهيمي

ليلى عندما برزا علي الاكبر ع تكول

من راح. الكبر للمعاره

كلبي اسعرت عل ولد ناره

لمن بطت ماجت اخباره

تاره انحب والحسين تاره

كمت عتني ودمعي يتجاره
****
يحسين شو منخطف لونك

وللمعركه شبحن عيونك

دين الفزع. جن يطلبونك

بس لا بالكبر يفجعونك

ساعه. بعد كلهم يجونك
حامد الابراهيمي

زينب يوم العاشر تنادي إخوتها

حادي الظعن هل صاح اسمعه

جاب الهزل يحسين رجعه

شلون اصعد اعله انوك ظلعه

لو ما. البجي كلبك يصدعه

لكظي. الدرب وعليكم انعه
++++--------


لعتب وعتبي وياكم. يلوك

صاحولي يم صيوان محروك

هينه على ختكم صعدت النوك

كلبي يخذف من طبت السوك

وحدي من طب شيسكت الحلوك

حامد الابراهيمي

العليله تكول
الكم يهلنه. شكثر تانيت

كل ما يصير اغروب حنيت

وحشه وابد ما ينطب البيت

وياكم. رحت. ياما تمنيت

ولا بالحزن والنوح ضليت

لو يمي. جان. الكم تعنيت

وي الطروش اهواي وصيت

ولكم. كتاب العتب وديت

من. إيست. بالدمع رديت

لهدومكم. يابوي شميت
حامد الابراهيمي

حميده تتفقد إخوتها يوم العاشر بعده خروجهم من المخيم تكول

شفت. اخوتي طلعو سويه
وياهو اليطيح يشيله اخيه
بين. الفزع. ظاعو عليه
يوين. اخوتي. يالغاظريه

عني ابعدو مدري شجاهم
ولا بيه حيل اركض وراهم
لو. مرضه اجيبلهم دواهم
ياهو التنشده يكول ماهم

بالحومه من ركضو شفتهم
من كل كتر والخيل اجتهم
شتكول. من. ترد. اختهم
اخوتها. الزغار وما حمتهم
حامد الابراهيمي

الحسين عليه السلام لما رأى انصاره صرعى على طف كربلاء
ناداهم بلسان الحال
حيكم الأنصار اصيحن وينكم
جاي عندي عتاب بيني وبينكم
شلون. رحتو كلكم بسبعينكم
وما سألتو شلون حال حسينكم
*
من صحت حيكم ولا واحد يجيب
وبالخيم. زينب وصاحت يا حبيب
هذا يوم. البل مهد منه. يشيب
كومو. شدو احزام ينصار الغريب
****//
ابد ماكو. أنصار تشبهكم محال
يل طلعتو بلايه نخوه على القتال
ونعم تتزاودون اعلى النزال
وبيكم بلايه درع لاكه النبال
*
يل مروين الأرض. من الدمه
راح. أودعكم ورد. للموزمه
اليوم كلها تصيح. يابن فاطمه
ساعه وظلوعك تصير. مهشمه
حامد الابراهيمي

نعي مصيبة مصرع العباس (ع)
لسان حال الحسين (ع) عندما طلب العباس (ع) الرخصة للقتال :

شلون تعوفني عباس وحدي
عگب عينك يخويه شيظل عندي
لواي انت وغيابك يفت چبدي
يخويه وبيك ظهري تره محزم
_____________
جواب ابي الفضل العباس (ع):يگله

يخويه حسين مو هين عليه
اعوفك وحدك بين ال اميه
لجن تدري يبن حامي الحميه
الموت اهون ولاشوفك مخذم
__________
فما كانت الا لحظات واذا بصوت من جهة العلقمي: عليك مني السلاميا ابا عبدالله ادركني يا اخي ، ذهب الحسين اليه مسرعاً جلس عنده :

صاح بصوت ها يابو المحنه
ناوي تروح ياعباس عنه
اكسرت ظهري وظهر زينب وسكنه
شجاوب من تناشدني النساوين
___________
كيف كان حال مولانا الحسين (ع) بعد فقد ابي الفضل العباس (ع)

رجع مكسور ابو السجاد ياناس
ظهره منحني ومهبط الراس
هدم حيله يويلي مصاب عباس
ون والحجر من ونته تفسر
___________
عگب ما راح اخوه ظل حاير حسين
التفت بالخيم ظلت بس نساوين
ما ظل لا محامي ولابگه معين
واهله صحبته كلهم مطاعين
__________
خادم اهل البيت (ع )
الشاعر عبد العظيم احمد الإبراهيمي

نعي ليلة العليلة
بعد أن طال الفراق على فاطمة العليلة اخذت تجلس من الصباح حتى المساء على باب دارها وتسأل كل من في الطريق عن ضعن الحسين (ع) ، لسان حالها تقول :

غيبة هلي طالت عليه
وديارهم وحشه وخليه
هم ترد لمتنه سويه
وبحجرتي وكت المسيه
تلتم عليَّ اهل الحميه
كل عله ابد ما تظل بيه
لو والدي رد عَلَيْ فيه
وتحن عليَّ اختي رقيه
وعبدالله يمي، سلوه اليه

لما رأت ذلك الأعرابي وبعثت معه كتاب إلى والدها ، وصل الأعرابي يوم العاشر والحسين (ع) وحيداً لا ناصر ولا معين :
شاف الرسالة وجرت عينه
وتوجه لصوب المدينه
وزينب تگله ياولينه
منين الكتاب الجايبينه
كلها وسبگ حچيه بونينه
هاي الرسالة من الحنينه
بكتابها تعتب علينه
ما درت شنهو الصار بينه
________________
خادم اهل البيت (ع)
الشاعر عبد العظيم احمد الابراهيمي