*لسان حال زينب (عليها السلام) تخاطب ابيها أمير المؤمنين (عليه السلام)*

*دمع العين مدرار .. بفراگ الزچيه*
*يحامي الجاروینک .. بويه الحگ عليه*
*ما يخلص حزنه*
*على ام المحنه*
*بويه الحگ عليه*
_____
زينب واصبر اشلون.. بفراگ الوديعه
آنـا وحسن وحسين.. ليلتنه فجيعه.
ضاگت بويه هليوم.. هل دنيه الوسيعه.
وگلبي ايريد الاحباب.. وبس دمعي يطيعه.
*الونّه ابأثر ونّه*
*على ام المحنه*
*بويه الحگ عليه*

*ام يحيى العبودي*
_____
بويه انترس گلبي... هظم وآهات ودموع
اون ليلي ونهاري...مني الگلب مفجوع
انادي وينها امي...مكسورة الضلوع
ماردتلي اجواب ..بحسرته گلبي يلوع
*شگد صعبه وضعنه*
*على إم المحنه*
*بويه الحگ عليه*
ف
*إم ✍️ حيدر العباديه عماره*
______
بفراگ الودیعه الگلب مجسوم نصين
السهر ذبل اجفوني وماغمضت هالعین
نشتاگ الحظنها انه وحسن وحسین
علی الغرب ضعنها ورده اتوسدت الطین
ابسرعه ابعدت عنه
*علی ام المحنه*
*بويه الحگ علیه*

*✍🏻المیرزه ام ليلى الخاقانی*
___
صعب مگدر احمله آه یالیل الفــراگ،،
توأم روحي امي والهه الگلب مشتــاگ،،
المن احچی همي لــو منــي الخلگ ضاگ،،
ترس انفاسي مملي حنـین وآه واشواگ،،
*یا ریحة الجنه،،*
*علی ام المحنه،،*
*بويه الحگ عليه*

*ام مهدي مجدم*
___
يبويه اصياح طفله اصيح وگلبي محروگ
شوخلتني أمي وعليها الباب مطبوگ
باچر ينتظرني ييمه وطبة السوگ
أسيره آنه وغريبه أحوالي بچت النوگ
*امصاب وهد ركنه*
*على أم المــــــحنة*
*يبويه الحگ عليه*

*✍️ وعد الڪفيل*
____
تمت باقلام رابطة جبهة القلم المقاوم
منتدى القلم الفاطمي
#المنتدى_الفاطمي
https://www.tg-me.com/alkalm313