مجلس شهادة الامام الصادق (ع)
تدعوكم رابطة الوفاء الطلابية لحضور هذا المجلس بفقراته التالية:
_صلاة العشائين جماعة
_زيارة الامام الحسين (ع)
_تلاوة قرآنية مباركة
_مجلس عزاء بحضور الخطيب *الشيخ جاسم البهادلي*
_فقرة الدعاء

بغداد 📌
المكان حسينية الامام السجاد (ع)_الأورفلي

الزمان: الخميس ٧ مساءً

☘️لاستشهاد الامام الصادق ع☘️

خل ننصب عزه للصادق اليلة
بدموع الحزن ياناس نبچيله...
..........
خل ننصب عزانه ونلطم الهامه
امام الرافضه هل خلصت ايامه
امدد ياحسافه بصفه العمامه
والحوزات والطلاب تنعيله...
🏴🏴🏴🏴🏴

تبچي حوزته والباب مسدوده
وين اهل العلم هاليوم مفگوده
هيهات الزمان الفات شيعوده
يايومك يصادق كلهه تبچيله...
🏴🏴🏴🏴🏴

خل ننصب عزيه بآه وبحسره
وندك الصدر ونعازي الزهره
بگلوب اليحبه صبّحت جمره
مگطع جبدته والسم بهض حيله...
🏴🏴🏴🏴🏴

مگابل باللطم وين التعاونه
خل  انساعد  بنياته  يردنه
تبچي  شيعته  بل آه  والونه
بعد هيهات مانسمع تراتيله...
🏴🏴🏴🏴🏴

كلهه محزنه الصوبين وتنادي
مشه مسموم ابو الكاظم ومترادي
الف لعنه على الظالم واليعادي
عساه بحاطمه اليتّم مداليله...
🏴🏴🏴🏴🏴

يكون هناك ننصب ماتمه وننعه
بلغردق نون ونجري الدمعه
نگعد علگبر ونضوي الشمعه
على جتاف اليحبك  نعشك انشيله...
🏴🏴🏴🏴🏴


تمت بحول الله باقلام شاعرات أهل البيت ع
✍️☘️ام فراس الساعدي ☘️
و✍️ام روكان الشمري

ttps://www.tg-me.com/alkalm313

☘نعي للامام الصادق ع☘

كأني بلسان حال بنت الصادق ام فروه عليهم السلام

نعي مجرد/

سموك يابويه الملاعين
ماعدهم رحم لاشرع لادين
ظليت انه اصفگ بليدين
اووووف بويه

بناتك صفن بعدك حزينات
بمصابك بچن زادت الونات
من ارحلت صارن  يتيمات
لاترحل يوااااالي


نورك طفه والنزل خالي
ابنك بچه وبلضيم حالي
بس الحزن بعدك جرالي
لييييش بويه


دار العلم بويه احرگوهه
وبناتك يبوالباقر سبوهه
واحبابك يبويه حاربوهه
ماعدهم مروووووه


راح الابو ماظن يجيني
بفراگه تره عميانه عيني
علزين ما  يبطل ونيني
مايدرون بيييييه


ظليت اون واجذب الونه
وبحالي  ما يدرون اهلنه
اييس ياگلب واگطع الظنه
مايرجع الغاااااالي


نايم عمت عيني على الطين
يا  هيبتي و يبن  الميامين
مسموم ابونه وناصر الدين
شيردك اليييييه



✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
ttps://www.tg-me.com/alkalm313

☘قصيده للامام الصادق ع☘


لسان حال الشاعر👉
وزن/ الحسناوي
فاعلن فعلن ...فاعلن فعلن

مفتاح القصيده //گلي يلميمون
____

ليش يلصادق ..
          منبرك خالي

تبچي الايتام ..
         والدمع هالي
🏴🏴🏴🏴🏴

منزلك حرگوه.. طشروا العيله
يودعك الكاظم...وروحه انحيله
الشيعه تتلاطم..تنعه هليله
حيف يلجيدوم
بلرطب مسموم
ياخذ بثارك ربنه العالي ...
ليش يلصادق ..
          منبرك خالي
🏴🏴🏴🏴🏴

مظلمه هلدار  ...  ونور مابيها
موحشه وترهب...عياله سابيها
مغبره بتربان ... خلاف راعيها
لحضرته اشتاگيت
زيارته   تمنيت
اصرخ انه بصوت وينه الوالي....
ليش يلصادق ..
          منبرك خالي
🏴🏴🏴🏴🏴


ياما  الك  ونيت ... انه واصحابي
بطيحتك مفجوع ...صوابك اصوابي
اكتب الاشعار   ... واقره بكتابي
اشهك الآهات
بگلبي الحسرات
الله يدري بهاي يعلم بحالي....
ليش يلصادق ..
          منبرك خالي
🏴🏴🏴🏴🏴

نعازي داحي الباب..جينه لمصابك
ريت كون هناك ... نكعد ابابك
للبقيع  انزور ..  انه   واحبابك
نعلك الشمعه
ونذرف الدمعه
امنيه وللدوم باقيه ابالي ....
ليش يلصادق ..
          منبرك خالي

🏴🏴🏴🏴🏴

الشيعي ينعيله .. يحضر المجلس
يخطب يحاضر ... بحوزته يدرس
ماتلوحه النار ....جسمه ابدمتمس
ينتفع بعلوم
يذكره للدوم
يدخل الجنه يفوز بالتالي....
ليش يلصادق ..
          منبرك خالي
🏴🏴🏴🏴🏴



✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

ttps://www.tg-me.com/alkalm313

☘قصيده للامام الصادق ع☘

الحوزه مظلمه  مسموم راعيها
اسف هيهات مايرجع بعد ليها

خالي منبرك والكتب مشموره
ياحيف انطفه من الوجه نوره
منعو شيعته لو اجت وتزوره
بلا كبه وضريح اتراب غاطيها....
الحوزه مظلمه  مسموم راعيها

صفه بيت العلم مظلم من انواره
ممنوعه الدراسه وضاعت اخباره
سموه واسف حركوا بعد داره
الف ياحيف صار اسفلها عاليها...
الحوزه مظلمه  مسموم راعيها

حوزة اربع طوائف خرّج الصادق
ماكو  مثل  علمه  صرّح  الناطق
ملعون الي سمه  فاجر  وفاسق
بنار وسقر هوه اوله وتاليها.....
الحوزه مظلمه  مسموم راعيها

انطه علوم بالطب والشرع والدين
هذا من نسل حيدر وابو الحسنين
الشيعه الماتمه كل سنه متحضرين
علومه بكل بلد والدنيه ماليها....
الحوزه مظلمه  مسموم راعيها

خل انعازي ابوه الكاظم الليله
ونكعد علجسر كل سنه وننعيله
ندعي من الله بالتعجيل ننخيله
ياخذ ثارهم قائمنه يمحيها....
الحوزه مظلمه  مسموم راعيها


✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

ttps://www.tg-me.com/alkalm313

https://www.facebook.com/share/v/CvcRWAwWkFd3szd4/?mibextid=oFDknk

الان صلاة الجمعة بإمامة سماحة الشيخ جاسم البهادلي مباشر يمكنكم الانضمام من خلال الرابط

*قصيده لفراق الاهل*

*ماتبطّل بس تهل یعیونه
ولامن الیسئل علینه اشلونه

من شالو اعزاز الگلب فدشیله
شنهوالسبب عافونه يوم ابلیله

آه يدنيا.آه يدنيا

---------

لیش یوم ابلیله عافونه ومشو
افراگهم تعبنه حيل ومادرو
یاحسافه العشره فدلحظه نسو
ناموابوسط الگبور وهاجرو

یار نارفرگتهم صعب ومچیده
والعایف احبابه بعد شیعیده

آه يدنيا.آه يدنيا

✍🏻المیرزه ام ليلي الخاقانی

-----------

ويلي يـوم الغربوا  بينه اشعمل
دار  دولابـــــچ   يدنيا   بالعجل
كل حــــــلو مرانگلب راح الامل
افــــــراگهم  موتنه  أبداً موسهل

گطعات ودروب ونواعي بحرگه
اعتاب ومضيعين  ما مش  ملگه

آه يدنيا.آه يدنيا

✍وعد الڪفيل

---------

هاجرينه وبينه خلو يا عذاب
سمره هاي وجوهنه بلون  التراب
ودعينه الراحه لاحفنه المصاب
مر نضوك الزاد مر حته الشراب

نتمنه كون انموت ونلاكيهم
هروش گلبی امگطعات اعليهم

آه يدنيا.آه يدنيا

✍طالبة الزهراء

----------

الماتو اهله خل يزيد عياطه
انفتگ جرحه ومايفيد خياطه
حتى گلبه  امگطعات  انياطه
احترگ بانت ريحته واشياطه

شما يمر طرواهم ايلچمونه
هيهات يادنيه الاهل يلفونه

آه يدنيا.آه يدنيا

✍️☘️ام فراس الساعدي ☘️

----------

العايف احبابه وسكن بالمگبره
شترجه منه شبرواربع مشبره
الخلصت ايامه دواة بمحبره
گشاش لمٌه وياه واخذ یامعبره

بطلو العتب والمات جوه ترابه
لايمَّه اهل فارگ جميع احبابه

آه يدنيا.آه يدنيا

✍️ام حسين المحمداويه

----------

تمت باقلام شاعرات رابطة ادب الطف
https://www.tg-me.com/alkalm313

فزاعي بطريقه الجنوب
ختام المجلس



الون شاجر على اعيونك..يعباس
وحيد اعداك يولونك..يعباس
على الهامه يصوبونك.. يعباس
*
يخويه بعازه الخوه... يعباس
اعرفك راعي النخوه..يعباس تنكط غيره ومروه..يعباس
✍طالبةالزهراء
****
خويه حركو الخيمه ٠٠٠٠يعباس.                                                                   خواتك تاهن الهيمه ٠٠٠٠يعباس.                                                                   مامش بل عدو شيمه ٠٠٠٠يعباس
ام خضير
**
من عطرك اعرفنك..يعباس
اجيت الشاطي ادورنك..يعباس
عن حالك انشدنك..يعباس
✍ام مسلم
*
يعباس العدو سبنه...يعباس
بحباله تجتفنه... يعباس
واخلافك تلوعنه...يعباس
***
عكبك هظموا الخدر...يعباس
وانه بس مره وافتر...يعباس

باصرني يبن حيدر
ماهي غيرتك خويه يعباس
   ام حيدر العباديه عماره
**
تعال اكعد يكفالي ...يعباس
وشوف الصاير بحالي ...يعباس
غريبة انفطر دلالي ....يعباس
ام حسن
*
يمن كلت النفس هوني... يعباس
افدي جفوفي وعيوني ...يعباس
كفو نعمين عنتوني...يعباس
✍ام محمد الطلقاني
***
تمت القصيده باقلام شاعرات رابطه
قرابين الطف
لا نجيز حذف الاسماء
🍂🍂🍂🍂🍂
https://www.tg-me.com/alkalm313

قصيده لسفير الامام الحسين  مسلم بن عقيل عليهم السلام.. وزن فائزي

━━━•✿🪬✿•━━━

حي الله ابو طاهر حضر بارضج يكوفان

شايل شهامة حيدره هزاز الاكوان

━━━•✿🪬✿•━━━

شايل شهامة حيدره ونفسه أبيه

يمشي وتماشيه الزلم صبح ومسيه

حسبالهم حيدر اجه حامي الحميه
 
هذا سفير آل نبي وللخوه عنوان
 
✍🏻أم عبــــــد اللــــــــــه العابـــــــــــدي

━━━•✿🪬✿•━━━

هدات مسلم تشبه الهدات عباس

مسلم لعب جوله وطگ الراس بالراس

مدرب بصولاته وسيفه عجب الناس

وخله زلمها مطشره بسيفه الريسان

✍🏻ام علي المالكي

━━━•✿🪬✿•━━━

للخوه يفدي مهجته او ينصر الدين

قاسم قسم للموت عهده يوافي لحسين

يمشي بطريقه اخر نفس وبرگبته دين

يبذل الروح ويرخص الغالي للاخوان

✍🏻ام نور الهدى المنصوري

━━━•✿🪬✿•━━━

ضنوة عقيل الهاشمي وعمه الصميده

نعمين من عنده وكفوا ناصر عضيده

بسيفه المنايا اعله الكفر وزعها بيده

ولبس الفروا من بطشته هدوم نسوان

✍️. أم محمد علي الشيباني

━━━•✿🪬✿•━━━

حي الله مسلم من يكر بسيفه كرات

طشر ارگاب اهل الغدر
مثل ابو الحملات

حاطوه برماح ونبل مارجف هيهات

كومها كلها اعله الارض وافنه الجيمان

*ام منــ✍️ـذر الحجار*

━━━•✿🪬✿•━━━

*تمت القصيده بـعون الله تعالى وبـأقلام*
*شاعرات اهل البیت عليـهم السلام في*
*رابطة القلوب النقية* 
*لانجيـز حذف الأسماء*
*نسالـكم الدعـاء*🤲

https://www.tg-me.com/alkalm313

☘قصيده،،، لائمه البقيع ☘


آه يگبور البقيع شگد بچيت
من شفتها تراب للعمره اجيت
٠٠٠٠٠٠٠٠٠٠٠٠٠٠٠٠٠٠٠٠٠٠٠

چنت اظنها گباب صفره مذهّبه
بيهه حضره وبيها باب مرتبه
لگيتهه  مهدومه كلهه متربه
نزلن دموعي وبحسره نعيت...
آه يگبور البقيع شگد بچيت
من شفتها تراب للعمره اجيت

✍🏻ام محمد باقر آل عبيد
======[[[⚪️]]]======

گلت ازور وياهم احچی شما ارید
وادعي الكل القريب وكل بعيد
من شفتها سياج كله من حديد
ادعي عل ظلموهم وانعى  بگيت ...
آه يگبور البقيع شگد بچيت
من شفتها تراب للعمره اجيت

✍️☘️ام فراس الساعدي ☘️
======[[[⚪️]]]======

مطوقين اسياج ممنوع اليزور
لا مراقد  لا صحن بيــها يـدور
بس ترابه الگيت اودايرها سور
بلهفه يم اكبورهم انه اعتنيت،...
آه يگبور البقيع شگد بچيت
من شفتها تراب للعمره اجيت

ام سجاد الشهيد
======[[[⚪️]]]======

من بعيد اشوفها ورفع الايد
للگبور امهدمه دمعي يزيد
و العتب للي نكرها  مايفيد
من شفتهم ايدي مديت ودعيت...
آه يگبور البقيع شگد بچيت
من شفتها تراب للعمره اجيت

✍🏻 ام زينب الأسدي
ــــــــــــــــــــــــــــــــــــــــــــ

ادموعي نزلن والطيور تناشدن
وكفن اعله كبورهم يتناحبن 
راحن يودن نعي ويعددن 
هايه گلت اگبورهم والها نحنيت...
آه يگبور البقيع شگد بچيت
من شفتها تراب للعمره اجيت

✍ام علي المالكي
ــــــــــــــــــــــــــــــــــــــــــــ

دموعي نزلن وندبت يالمنتضر
گوم لينه وشيل منهم الصخر
اگبور اجداد صفت بس الحجر
انه بالمهدي ارتجيته وانتخيت ...
آه يگبور البقيع شگد بچيت
من شفتها تراب للعمره اجيت

ام زين العابدين لمحمداويه ✍🏻
«««««««««««««««

تمت بعون الله بقلام ✍✍✍شاعرات رابطة ساقي عطاشه كربلاء   عليه السلام

https://www.tg-me.com/alkalm313

ليلة بهيجة مباركة
كل عام وأنتن بألف خير
مبارك عليكن ميلاد مولاتي فاطمة المعصومة
🩷🌷🩷🌷🩷
"فداك أبوك"

بِفَرْطِ الحُزْنِ أَضْنَانِي اغْتِرَابِي
وَ فِي يَمِّ الهَوَى مَخَرَتْ رِكَابِي

أَهِيمُ وَ أَشْتَكِي شَوقِي وَ أَنِّي
بِرُغْمِ البُعْدِ أَحْلُمُ بِاقْتِرَابِ

أَنَا كَلِفٌ ولي قلبٌ توشى
بِحُبٍّ فَاعْتَلَى مِنِّي خِطَابِي

فِدَاكِ أَبُوكِ مَا زَالَتْ بِسَمْعِي
يُرَدِّدُهَا الخَيَالُ إِذَا سَرَى بِي

إِلَيكِ إِلَيكِ يَا نُورًا تَجَلَّى
بِمَجْدِكِ -يَا كَرِيمَةُ- فِي القِبَابِ

هُنَالِكَ تُصْبِحُ النَّبَضَاتُ جَذْلَى
وَ أَنْعَمُ بِالرَّفَاهِ بِلَا حِسَابِ

هُنَالِكَ تَنْتَشِي كَالزَّهْرِ رُوحِي
وَ يُؤْنِسُنِي خِطَابُكِ عَنْ عَذَابِي

أَمَا بِالحُبِّ كَمْ أَمَّلْتُ أَنِّي
سَأَنْجُو بِالشَّفَاعَةِ فِي الإِيَابِ

وفاء الطويل
🌷🩷🌷🩷🌷
https://www.tg-me.com/alkalm313

‏أعوذ بالله من الشيطان الرجيم
بسم الله الرحمن الرحيم
((لَئِن شَكَرْتُمْ لَأَزِيدَنَّكُمْ))

الشكر لله دائما  وابدا

على كل نعمه انعم بها علينا وعليك

وعلى نعمة خدمة الحسين ع

سيصدر قريباً وحصرياً 🔥
من مكتبة حسن الطريحي للطباعه والنشر والتوزيع
ديوااان ﴿بين مسمومٍ ومقتول الجزء الثاني﴾


اقدم بين ايديكم يا خدام اهل البيت
ديوان [بين مسمومٍ ومقتول] ج/٢

    [ويتضمن هذا الديوان]

مجالس عاشورية نسائية مرتبة

متكونه من احاديث قصيرة +المصيبة +النعي +القصائد بأنواعها +هوسات



مع نخبة من أصحاب الأقلام الفاطمية في رابطة دموع العقيله بإشراف العلوية أم نور الميسانية

"بُعْدُ مَدَى"

مَا بَيْنَنَا بُعْدُ الفَضَا وَ مَدَى
وَ مَشَاعِرِي جَاءَتْ بِلَحْنِ نِدَا

يَا فَاطِمَ اللُّطْفِ الَّتِي رَفَعَتْ
فِي قُمَّ رَايَةَ حِكْمَةٍ وَ هُدَى

أَنْتِ الَّتِي فِي مُهْجَتِي سَكَنَتْ
وَلَكِ الحَيَاةُ وَمَا مَلَكْتُ فِدَا

أَشْتَاقُ لِلُّقْيَا أَ سَيِّدَتِي
مُدِّي عَلَيَّ مِنَ الحَنَانِ  يَدَا

حُطِّي عَلَى الأَعْتَابِ رَاحِلَتِي
وَ اسْقِي لَيَالِي النَّأْيِ كَأسَ رَدَى

وفاء الطويل