#شهادة_مولاتي_ام_البنين_ص

مولاتي ام البنين ص عند رجوع ضعن الغريبه.....
__
صوت أسمعت طش الخبر
رجع ضعن ولياني الي
يتلوا جاي أمن السفر
ماكو ضوا ابلا كافلي

بغربة الضعن**ياحسين
لوعة ومحن**ياحسين
ماكو ضوا للكفيل
عيوني انعمن**ياحسين

جاي....
ضعن الحبيب وولدي ماجوني
زينب تكلي يمه عافوني
بديار غربة هناك خلوني

جاي....
ماكو ضوا لحسين والكافل
ردت حرم منهه دمع سايل
ظهر الحبيبة شو اجه مايل


ويلاه ياضعن الحسين
__
يمه اگلهه وين الشهم
ترجف إعضاي وكل ادي
تگلي بگا بين الزلم
والناس حركت خيمة علي

اه والم**ياحسين
تون عالخيم**ياحسين
واعليهه اصبر لِأن
مورمة جدم**ياحسين

شوگ....
بباب المدينه وافرگ ابيدي
زينب تكلي رايح اعضيدي
روحي اكلهه بالهده هيدي

شوگ....
رحت اركض وماشفت عباسي
الجايه بمصايب شيبت راسي
من سولفت كطعتلي انفاسي

ويلاه ياضعن الحسين
__
ظهري انحنه شصبر بعد
شفت الحبل عايف اثر
الكلي ارد يمه وعد
شو ظل رميه عالنهر

شو مارجع**ياحسين
جف انكطع**ياحسين
كعدنه ننوح بحزن
گلبي انشلع**ياحسين

راح....
حسين وكفيلي وعايف ضعونه
زينب اجتني بضيم محزونه
وتكلي بين اجناب عافونه

راح....
هيبة خدرنه والضعن خالي
بيتي صفا مابي بعد والي
مثل العليلة الهجر جتالي

ويلاه ياضعن الحسين
__
بيهه اغطي من الشمس
المن اغطي وشبعت حرك
انحب واونن ماكمت احس
بريحت عباية كمت اختنك

ضاكت حرك**ياحسين
وانته بسحك**ياحسين
تسولفلي عاللي جرا
وانه اختنك**ياحسين

طاح....
ستر الخيم وهناك طلعونه
وانه ورقية بهيمه ركضونه
وغصبن علينه بناگة رجبونه

طاح....
جم طفل عدهه مات عالناگة
تكلي ييمه العذب ماضاگة
وأنه انحنيت بحزني مشتاگة

ويلاه ياضعن الحسين
__
خادم الحسين محمد منير المياحي

السلامُ على القلب المكمود حُزنا

دخيل مولاتي ام العباس ص
__
يخيمة غيرة بچيني اعله الخيام
العطفچ بس جرح جابتني الايام
تـايـه و الـحـزن يمج طـعـم بـي
حرگيني على المن طاح ما گـام

للظلت عينه أعله خيامه..
خـل تـظـل عيني تصب دمـعه..
حزني بحزنج بـدّه أيامه..
ولوعة و ويـل لكسرت ضـلعه..

كسريني....وبچيني....وسويني....انسان
لوعيني....وخل....انحب....للظل عطشان
لليسمع....بعياله....جاستهه....الــنــار
وبينه....وبين....اخيامه....حال الدخان

نـاعـيـة الـحـزن ام الــبـنــيــن
__
يباب الحيل منچ اطلب الحيل
اريدن حسرة تكسرني بحجي الليل
على التيهته اخته وتاهت اوياه
على الضعن الكِلته النار والخيل

بين ضـلوعي شبي الخيمة..
جرحي احساسي بطاري الحافر..
باگت ضـعـن حسين الهيمة..
جــايـچ اطـلـب دمـع لـبـاچــر..

يامركب.....لأحزاني.....وجفچ.....الشراع
زحمه.....ابرد.....والعاشر.....ضيّع ماضاع
اطلب.....دمعة.....وحرگة.....ونوح واهات
للمحد.....گال.....شبي.....طايح عـالـگـاع

نـاعـيـة الـحـزن ام الــبـنــيــن
__
انتي اول گـلـب للنوح مـوقـوف
وگلبج غير ذاك الضعن مَـيشوف
مثل ماهمتي بين افـراگه و الآه
مثلج هم اريدن غَيره مـاشـوف

مـديت ايدي لصوب اجفوفج..
شـدي اجروحي الـضـعـن الغيرة..
محتارة بشخصج و بمعروفج..
هَيمي احساسي بـغـربـة بـحـيـرة..

ااااااه...
حيرة.....وغربة.....وناكة.....وذبحيلي الحال
ارد.....أسهر.....للجفهن.....حـزَتـه احـبـال
تاخذ.....بيه.....الصفنه.....وارجـع متعوب
شحال.....الردّن.....يمشن.....وي الـجـتـال

نـاعـيـة الـحـزن ام الــبـنــيــن
__
الــچ امـنـت جـرحـي ويـن ماروح
خليلة روحـي يـمـج كل الجــروح
على زينب واهـلـهـه رايد دموع
جايبلج گلب من دمـعـه مفضوح

العاشك دمعة تفضحه بحبه..
شمـحـلـه دمـوعـه مــن يـنزفـهـه..
عشت الغربه وابجي اعليهه..
بگلبي و بـالـي جـن شـايـفـهـه..

شفت.....بگلبي.....اليركض.....ركضة مهضوم
شفت.....الخيل.....تدوس.....الماعنده هدوم
مولاتي.....كل.....دمعة.....بـعـيـوني تـعيش
تنزل.....لـلـما تكدر.....من.....ونـهـه تـگـوم

نـاعـيـة الـحـزن ام الــبـنــيــن
__
خادم الحسين محمد منير المياحي

زينب تسير والمصائب تسير معها...
___

مــن اهـلـهـه....طلعت أميرة كلهه هيبة و دلال
اويه الكفلهه....بسد عشيرة بس تنتظرها الحبال

هسه أميرة امدلله
عدهه گمرها مكفله
بـاجـر تطب كربله__ويـنـتظـرهـا الويل
مايظل عدهه علم
وفوگها تطيح الخيم
الكافل بعينه سهم__وأهيه اويه الخيل

هسه أميرة و باجر اسيرة
هسه عزيزة وعدهه عشيرة
عدهه اخوها اليرويهه بيده
بس الهضيمه تنطرها حيرة

___

درب الاخضر....وي گمرها وصاير الـهـه خيام
لـيـهـه يسهر....بطوله يوگف بالدرب لمن تنام

جبيرة خمسين العمر
تركض بـذاك الـظـهـر
حايرة وحـار الـجمر __والحيرة هواي
وعدهه طفله امحرگه
تركض لصوب السگه
تگله شفته امشگگه__وبابا إبلا ماي

ضعن بأسمهه وعدهم حبيبه
واعليهه عين اخوتهه جريبه
بـاجـر زلمهه فـوك الـتـرابه
وتبقى اختهم بالطف غريبه

___

الهيمة بـاجـر....تبوگ كلشي والجرح لا مايطيب
بـالـعـشـايـر.... فشله تمشي حرمه وي واحد غريب

گـوه تمشي وي غرب
الماله اخو يشبع ضرب
تطلع امجان وتطب__كلساع امجان
تمشي بالدرب البعيد
مـنا حبل مـنا حديد
زينب تروح وتـريـد__بهالسفره اخوان

من ناكة وضحه لناكة هزيله
سفرة عذاب و كلش طويله
شتسوي جايه التنطرها غربه
ايضيعون اسمهه الماكو مثيله

___

گلبه ينحب....ظل اخوها الكافل المالحظه خاف
شلون زينب....ايطلعوها و كلهه تفتر عالعفاف

اللحظه ماعافت گمر
بـاجـر يـفـرها الـقـدر
محد اليمسح اثـر __ذيج الرجلين
الـهــسـه ويـاها اهـل
تـصـفـى باجر للفشل
وعينه يترسهه الخجل__لو صدهه حسين

المهيوبة باجر تبجي لخدرها
تتمنى گاضي بالطف عـمـرها
الجوه الكفيل وفَـيّـه وحميته
مجلس شماته مـاهـو گـدرهـا

___
خادم الحسين محمد منير المياحي

مولاتي زينب (صلوات الله عليها) تروي ماسيجري عليها ومولاي امير المؤمنين (صلوات الله عليه)على فراش الموت



ليلة عجيبة_اختنگن مواعيد السموات
دمعة ومصيبة_كل اليتامه ببابك تبات
روحي غريبة_والغربة تبدي لو علي مات

ابجي الدمع ياعيني
انكسرت عقيلة هاشم__بفراك ابوها
والصوت يترس ذاني
الماعدهه جف يسترها__بسع طلعوها

ياخبزت المحروم راحت
دمعت هضيمه عيني سالت
علي ياعلي
_
طاحت دمعتي_اعله اذيالي واشتميت عطاب
كتله بحسرتي_من وين اجيبن للخيم باب
هينه ركضتي_بس صعبه اخوي بلايه الثياب

يابويه ابد ما ترهم
باجر ركض وامشاگف__سياط أعله ظهري
علويتك المستورة
وياك أودع كلشي__ يتبده گدري

حسرت غريبة تصير باجر
مصابك بده وافتحت عاشر
علي ياعلي
___
برجلينه بسته_واتوسله بس ياعلي گوم
ابجي وشبگته_مهضومه يبجي اعليهه مهضوم
تبين كسرته_وگلبي تعرفه الناس ملجوم

ظل الحجي المامحجي
والوكفه فوك التله__انكتبت عليه
من هسه أعلم روحي
اركض واطيحن واوكف__وحبلي بأديه

شيصير بيه و بدلالي
ياغالي أودعه وشنهي حالي
علي ياعلي
_
اسم الأميرة_من بالي شلته واعرف الجاي
ادري اسيرة_وانــه وخواتي كلنه حفاي
حيدر عشيرة _خلاني اون وجرحه جواي

حيدر جواني بگلبي
ماحاجه تجوي اجدامي__نار المخيم
فحطت اعيوني التهمل
گمت اغفى وأنه اتخيل__فوگ الظهر دم

النيران تلسع كلشي بيه
يضيع اسمي ويشلون اديه
علي ياعلي
___
المتعوبه زينب_مـن امــي للطبره للحبال
حگ ظهري حدب_مو صخره انه ولاني تمثال
مايرضى اتعب_ليش اقتنع بنته أويه جتال

بوشية حگت اثخينه
حته من اطب مجتوفه__ماشوفن الشام
ويدري بلايه الهودج
تلوح الشمس بجتافي__ومااغفى لا نام

طبول الفرح اسمع هضيمه
ايتيمه واسكت جم يتيمه
علي ياعلي
_
خادم الحسين محمد منير المياحي

خدام مولاي سيد الشهداء ص...
بسم مولاتي الزهراء(صلوات الله عليها) خلال هاي الايام انّزل....
((برنامج قصائد محرم ١٤٤٤هـ))
نسئل الله التوفيق لخدمة آل محمد

ملاحظة: اي ((مفردة)) بالقصيدة مو واضحة بالمعنى او اللفظ راسلني خاص وانه بالخدمة
حسابات البرامج👆👆👆👆
07705287256 👈👈
معرفي 👈👈👈 @mm779mm

#محرام_الحرام
#الليلة_الأولى
((هلال ام الحسن))

—————————————

هل هلال ام الحسن نشرت قميص
عالسمه وانرسمت انواع الصور
اجروح عدهه اهواي ماتحصى وتعد
من السهم للخيل حد دوس النحر

حسين حسين حسين حسين

—————————————

تحير بيمن تمسح الدمعه التطيح
لوّن ترفع جفهه يلجمهه الصدر
تريد تلطم عالحسين وماكو حيل
يعينهه الله النايم بجفهه جمر

حسين حسين حسين حسين

—————————————

امعصبه وجرت النفس تلجمهه حيل
والعشيرة كلهه ماخذهه العطش
تبجي عاللاچمهم اتراب وشموس
لو اسيرات المشن يوم اهدعش

حسين حسين حسين حسين

—————————————

سالفت كسرت ظهرها امن الخيام
كل محرم نار بيهه و تشتعل
تلزم ابنيتهه زينب من الادين
ليش يمه امشگگ اجفوفج حبل

حسين حسين حسين حسين

—————————————

عينهه اعله الشاطي ظل نايم جريح
تعاتبه اعله اخته المشت بيد الغرب
يگلهه يمه ترى غطتني الجروح
اگوم كلساعه وعلى وجهي انگلب

حسين حسين حسين حسين

—————————————
خادم الحسين محمد منير المياحي

#محرم_الحرام
#الليلة_الاولى

مصائب مولاتي الزهراء ص وعذابها
مع هلال شهر الاحزان والجروح
——————————————————

نشرت قميص حسين ابنهه
والـگـاع تسمع صوت ونهه
محنية اجـت گـوه تـشـيله
ام الـحـسـن مـيـت متنهه

نشرت قميصه وتبجي اله
وتكول ويلاااه كربله
الله واكبر عالفله—هناك اعلته—صوت الخيول

عدهه ضناها ذبيح—عدل اندفن بالتراب
توكف عالكاع وتطيح—شافت انواع العذاب

واويلاه يازهراء واويلاه يازهراء
——————————————————

التشلع گلبها و بيهه تمرد
يا بـت ابنهه شلون تشرد
زغيره رقيه و طايح حسين
والخيل تركض ليهه وتهد

النار و الخيل و جمر
بنيه زغيره بهالعمر
تتلاكه وي نار وشمر—المن تفر—مامش ابو

دم من اذنهه حرام—و ما واعية للحيات
من ركضت من الخيام—ماتدري والدهه مات

واويلاه يازهراء واويلاه يازهراء
——————————————————

الزهره عمرها بس مصيبه
عدهه جمر يسعر لهيبه
بنيات عدهه بهيمه ضاعت
واصبح اسم بتهه الغريبه

مهضومه والمدمع يهل
لثمنطعش راحو جتل
وزينب على جفهه الحبل—فوك الهزل—راحت غصب

ابنيتهه فوك الهزيل—ما تدري ماخوذه وين
الناكه عرجه وتميل—ومجفي اعله صدره الحُسين

واويلاه يازهراء واويلاه يازهراء
——————————————————

شهر المصيبه اعله العظيمه
ايرد يفتح أبواب الهضيمه
دايـر سـنـة تنوح بحزنهه
امكضيتهه بس آه وحريمه

تبجي ابـنـهه النطحن
لـو تبجي عـالـتيسرن
وجروحها تصب ماشفن—ويلي الضعن—ماله ولي

مابيهه تلطم عجيب—جرح الضلع بعده حار
راح الضعن وي غريب—وشافته عين النهار

واويلاه يازهراء واويلاه يازهراء
——————————————————
خادم الحسين محمد منير المياحي

#محرم_الحرام

يبن شبيب إن كنت باكياً لشيء فأبكي الحسين فأنه ذبح كما يذبح الكبش


مولاي الرضا(ص) يُحدث ابن شبيب على آلآم الحسين (ص) وآلآم الضعن ومأسيه وماعاش من جروح
_____
ويــلاه...يبن شبيب
لو تنعى...انعى الغريب
بالبر نايم
والشيب...بدم خضيب
مــن...اثيابه سـلـيب
لا مـا سـالـم
بالهيمه...خـد تـريب
والصاير...بي عجيب
تدوسه الوادم

أمن المهر طاح_وجهه عالكاع
بصدره جم آه وسهم
حار التراب_وداسته الخـيـل
وظهره نصين انگسم
ونـتْ اطـفال_والخـيـم نــار
وحسين باله عالخيم
ينهض يطيح_ويسمع اصوات
تحشم ادخيل الحرم

وآحسيناه وآحسيناه وآحسيناه
_____
دمعه...تسولف هيام
حافر...فــوگا يــنـام
كاسر صدره
فوك...اعياله الخيام
طاحت...حل الظلام
وسحگو جمره
ذبحو...نـحـر الـغرام
رَوو... ريجه بـسـهام
نامت حدره

امن العطش آخ_والجبد ذاب
وثوبه من عنده انسلب
و ضعنه محتار_بعسكر و نـار
واصل لـرجـلـه الـلـهب
لأخت الحسين_صدّت الناس
صدهه من هب و دب
إبجي من روح_ولا تمل دوم
تعشك امصيبه انكتب

وآحسيناه وآحسيناه وآحسيناه
_____
إنَّ...يـــوم الـجـروح
ما خله...عـدنـه روح
كلنه بهضمه
زينبنه... ويـاها نــوح
خلي...جروحك تلوح
وتبجي بظلمه
الذبحتني...مـن تروح
و بيهه...الجمره تفوح
دوم ابقى انعه

بدمعتي يعيش_الحبل والنوك
الفوگها زيـنـب مـشـت
مدري لا ويــن_بـدون عـبـاس
بيهه هـزلـة طـوّحـت
كربله اجـروح_اخذت اهواي
حگها لو عيني بجت
إبجي من دم_ابجي عالصار
گلبي ون وما سكت

وآحسيناه وآحسيناه وآحسيناه
_____
يسمونه...أهل المصـاب
من تبجي...ابجي العذاب
المر اعلينه
سيدنه...اعـلـه الـتـراب
ذبحو...طـفـل الـربــاب
روح إحسينه
مايسوه...الـمــي عـتـاب
دلّال...الــضـامــي ذاب
وجبد إسكينه

ويل وي ويل_عـشـت الآلآم
والحجي لا مـا خلص
ليش الضعون_بـين الـدروب
جم طفل بدموعه غص
كلشي الي راح_والدمع ضال
گلبي عالدمعه حرص
تهيج الاحزان_كربله و شـام
ماتجي بروي القصص

وآحسيناه وآحسيناه وآحسيناه
_____
خادم الحسين محمد منير المياحي

#محرم_الحرام_١٤٤٤هـ
#الليلة_الاولى
((محرم الباكين))
مولاتي الزهراء(ص) تخاطب الخدام



هـذا مـحـرم جـانه__يخدام
وانعادت النه احزانه__يخدام
ابني احترك صيوانه__يخدام

طاح وخيمته__حركوها گدامه
مسحوك وبقت__عينه عله اخيامه
داسو بالفرس__واتسلب اعمامه

عينه بقت__صوب الخيم
يسمع اخت__عندك حرم
كوم انتهض__لمن سمع
گـام أو وگع__من السهم

شدو الهمه و لطمو لأبني البلفله
الدمعة التنزل منكم حسرة لكربله
دمع الصادق بالحب يروي العايله

وآحسيناه وآحسيناه

__

عينوني اون ما بيه__يخدام
اعله الجثته مجويه__يخدام
واخته مشت مسبيه __يخدام

مرمي بالشمس__والناس حاطّته
يسمع زينبه__يحسين حشمّته
ابجو للوگع__وبالغربه عاف اخته

مصابه ابـد__ما بي صبر
ياكل گلب__ايگصر العمر
محد مثل__حاله ابـد
عنده حرم__راحن يسر

إنعو بگلب الذايب لمصابه بحزن
عالميت بس راسه ما سد الجفن
بحرگه وحيل اليلطم يلطم عالمتن

وآحسيناه وآحسيناه

__

عالظال مـحـد شـالـه__يخدام
اتطشر أمن الخياله__يخدام
ماسلم شي بأوصاله__يخدام

لطمو عالولد__ظل مرمي بالصحره
نايم عالوجه__مدري شيضم حدره
ابني عالترب__والترب مو گدره

ويلي الولد__ظـل وحّـده
بنتي مشت__بيد العده
هضم بهضم__ويل بألم
فوك الرمح__راسه غده

لا هدم السالم ظل لا سالم صدر
عمري امصايب كله خلصت العمر
مـن بابي للخيمة لـجروح اليسر

وآحسيناه وآحسيناه

__

ابجو عليهه اهوايه__يخدام
ضعن المشه بلا رايه__يخدام
والناس كالت هايه__يخدام

كالو عالضعن__هذا ضعن زينب
كدام الخلك__كلما حجو تتعب
من كد البجي__حته الظهر حدب

زينب فرق__ويه الگمر
بعده العمر__بس للقهر
ماشت زلم__تالي الوكت
مـا ينحمل__هذا السفر

ياسفرة اللي ترهم من دون الاخو
مسبيه والوادم ما بيهم كفو
شما طبت لمجان يعيرها العدو

وآحسيناه وآحسيناه

__

خادم الحسين محمد منير المياحي

#محرم_الحرام_١٤٤٤هـ
#قصائد_الليلة_الثانية
ستكون الليلة الثانية مشتركة
لمولانا كريم اهل البيت
الحسن المجتبى (صلوات الله عليه)
ولخدام الحسين (صلوات الله عليه)
👇👇👇👇👇

#محرم_الحرام_١٤٤٤هـ
#الليلة_الثانية
((جاي الضعن))
____

جـاي الضعن للغربة والآه
بحسرة ودمع خدام تنعاه
للموت رايح والذبح ذاك
بالهيده يمشي وصحنه ويلاه

محله الهوادج طلعت شمحلاها
بيده ابو فاضل للدرب شداها
باجر تميل وماكو اخو وياها

رايح لا وين__ياويلي حسين
حضروله النار __يانار البين

____

هاجر دياره وخله اله روح
عاف العليلة تبجي وتنوح
أتمنت تروح وتركض بخوف
سگف الخيام اعليهه مطروح

رادت رقية تكضهه من ايديهه
والخيمة بأطراف الردن تطفيهه
آه العليلة انكسرت ابجو عليهه

تمنت ونوب__صار المگلوب
الخاطر ملجوم__ويكتله اغروب

____

الشايلهه فوگ الراحه عباس
جايه لمصيبة تشيب عالراس
أمن بيت طلعت والضره سيوف
والجدم فوك الگاع ماداس

زينب عله جتاف الگمر مرتاحه
الماشاف لوعة راح ايگض صفاحه
باجر دربها يگضي بس انياحه

هاي التنهاب__يغيرها تراب
باجر تحتار __بوجه السلاب

____

يالجاي تدري بروحك تطيح
خدر الحراير تاكله الريح
هاي العشيرة باجر تضيع
مو هينه هل من ناصر تصيح

ضيف اعله گاع ايسلبون اهدومه
ماصارت وبس انت نص الحومه
تريد لخيامك عونه بس للگومه

ياشيخ الماي__جا المن جاي
كلكم عالگاع__ماترهم هاي

____
خادم الحسين محمد منير المياحي

#محرم_الحرام_١٤٤٤هـ
#الليلة_الثانية
لمولانا كريم اهل البيت الحسن المجتبى
(صلوات الله عليه)
————————————————-

بسم الحسن—يبدي الكلام
بغيرا الحجي—كفر وحرام—مولاي الحسن
باب الكرم—ماسد مضيف
وي الگصد—يگسم رغيف—مولاي الحسن

باب العطايا—الما—ردله—بشر
فارس سفرته—للجاي—و عبر
حاتم يسولف—بأطباع—الحسن
بس حاول—شكد يوصل—ماكدر

الحسن يشعل ثيابه بخفتت النار
حاتم ذره وي الحسن ما صار
ماتطفى المواگد عامره ادلال
الكرم عد الهواشم ماله مگدار

خال حته اثيابه___للگصد لأعتابه
غيرته بأصياره ___علي معزب جابه

————————————————-

باب العطف—باب الفضل
شيخ الزلم—واهل العگل—مولاي الحسن
مفتوحه ايده—تنطي دوم
مسمعت سائل—رده يوم—مولاي الحسن

متفضل وبيده—شكد—وزّع—رزق
ايد الابو—حيدر—عالوادم—فرق
من حلكه—يكطع—ويوكل—الخلگ
الوادم حدر—ايده—ترفض—تنعتق

الحسن خله الخلگ حبته بجنون
دخيله غير اخو العلويه ام عون
منو مثله بزمانه معزب الناس
نطا حته الحصيره و جان ممنون

شفايتلهم هاشم___جان عدهم حاكم
مثل بعزوبيته___شبخ فوك الوادم

————————————————-

مضرب مثل—ملگه الهله
غيره و كرم—كلهن اله—مولاي الحسن
حلم الگلب—خادم اصير
عبد الحسن—واهوا الامير—مولاي الحسن

اعشكته گلب—والساني—بلهجه—هام
هنيالي عاشكلي—كريم—اهله—كرام
عبد بمضيفه—كل—حلمي—اصير
يقبلني—ريته—و بالعتبه—انااااام

الحسن يمشي بوريدي مشيت الدم
صرت بسمه عبد مجنون و امتيم
فخر وجهي اصبغه بگمگمه الاسود
ابيض وجهي عنده لخدمته امحزم

خادمه بكل حاله___فعلي من اقواله
مرجعيتي الگمگم___وفتوتي أمن ادلاله

————————————————-

تكصد ل اديه—كل البشر
بصدر المضيف—عنده گمر—مولاي الحسن
عباس اخو—رب الحجي
غيره ووفه—يعزب اليجي—مولاي الحسن

عنده گمر—يسگي—للـيگصد—وفه
ادخيل—الهواشم—حكمة—و معرفه
جان الحسن—يگعد—ويگله—يخوي
اسگي الگصد—يمنه—حُب—وعاطفه

الحسن يملك اخو معروف سگاي
(شهم)(كافل)عله الديوان حجاي
بفصليت العشاير ينحلف بي
كلهه تكول ظل يم شاربه الراي

والفصل بالراية___يصير موش اهواية
و اليجيبه بطاري___ايطيّح البي جاية

————————————————-
خادم الحسين محمد منير المياحي

#محرم_الحرام_١٤٤٤هـ
#الليلة_الثانية
((رهينة الحب))
_____

روحـي رهـيـنه__روحي أسيرة بـيـهه شـايـل خيام
جروحي ضعينه__كلي حيرة تحدي بيه اعله شام

جنت احس روحي صنم
عايش بدنيه الوهم
مرت اعليه الخيم__وصحتّني الخيل
اتراكض بروحي الضعن
صرخة بالنار انجون
يـم زلـم يـتـراجـفـن__واهنا بعد ويل

الـ اعله جبينه يشوفه ونصيبه
وأنه نصيبي اعشك مصيبه
طالب سبيل اعبرت اعله حزنه
وجاست ضميري صرخة غريبه
_____

گلت اعاشر __حزنه اشوفن شنهي يضم محتواه
شفت الخواطر__مكسوره تبجي وكلهه تصرخله اه

جولة اخذت بهالحزن
واطلعت كلي اون
اتصورت نار و متن__وحرگـتّه هواي
وببالي طفله امحرگه
تركض لصوب السگه
تگله شفته امشگگه__وبابا إبلا ماي

گـلـبـي لـعـذابه وقّـع مصيره
هـزنـي كياني وهالصرت اسيره
الشفته وجرحني اهواي بعذابه
الاكثر هضمني ابنيته الزغيره

_____

حُـبـه خضّر __وي دمعتي وماعندي ويا شريك
كلشي اگدر __وكلشي اتيه بس گتله اندل اجيك

روحي معگوده اله
وحزني كله لكربله
انـه اسـير بسنسله__بس إبلا صوط
مرتبط ويه الدمع
الحسرة تاكل بالضلع
واليحب عنده طبع__مَتهمه اشروط

عين البصيرة الخلتني اجيله
عدلتني حيل دموعي الثگيله
مااسوه جنت وخلاني اسوه
طباني بـيـتـه انـعـى العقيله

_____

انـوي دمـعـي__كـلـه قُـربـة وديـن اسده العلي
عندي ضـلـعي__وخل الحّگ حيل الطمه بـدي

خايف يروح الوكت
وانا مو هلگد نحت
ما نطيته بس ردت__من عنده حسين
طبعه لا ما يعتذر
لله ثـوبـلـه خـدر
وخيمته أثواب الجمر__شيسد هالدين

شخصه سحرني الرخصلي نفسه
تبحر جروحي و بيبانه مرسه
النطاني كلشي خاضع اجيته
يروض دمعتي وروحي الشرسه

_____
خادم الحسين محمد منير المياحي

#محرم_الحرام_١٤٤٤هـ
#الليلة_الثانية

الى كل عاشق هام في الطف
____
العاشگ حلاته يون وينوح
تگضي حياته كلهه جروح
الدمعه قدرها تصب لحسين
مثله منو ضامي ومذبوح

والغربه الما ترحم__بيهه احتار
من مهره للهيمه__و رمل الحار
متفرهد صيوانه__وطاح بناس
ما رحمت بعياله__بنص النار

ماينلام اليعشك من يبجي...اهواي
لا خير أمن الدنيه الما تنطي...ماي
محتار ابن الزهره إبلا ستر...اخيام
وياهو الگبله بغربة وماصحله...فياي

مولاي ياحسين مولاي ياحسين
____
اليعشگ مصيبة يتعبه الليل
يكضيهه آه وحسـره و ويل
هيه المصيبه اتريد اگلوب
تهم بالغريبه و ذيج الخيل

واليتعب يستاهل__جرح حسين
والمجوي أمن الخيمه__يشوف اثنين
المحدبه عالتله__و صدر انداس
ومالومه لو يهمل__دمـع العـيـن

الگلبه يون للطايح مسحوك...اجتاف
للوكفت عـالتله و مـن ظلهه...تخاف
شكد عايش باللوعه من گلب...وروح
الشال الطف بگلبه و بالدنيه...عاف

مولاي ياحسين مولاي ياحسين
____
التاكل بـگـلبه تطيح اخيام
جاشنهي حاله بطاري الشام
اليسمع ضعن ويطب عالسوك
يهجر ادياره و عيب اينـام

واحجيله عالمسبي__شگد سهران
أمن الخيمه للناگه__يون تعبان
هسه شگد متغير__كد ما طاح
البين أهله وبفيهم__امدلل جان

الجرحه يهزه و دمعه ينزل...مخنوگ
ما ظن لحظه يشرد من باله...السوگ
البي دخلن يا حيف بنيات...حسين
وگوه الحادي إيعثّر بأجدام...النوگ

مولاي ياحسين مولاي ياحسين
____
المرتاح يـفرق عــن مـتعوب
العاشك الطف تحسه منهوب
ما عنده راحة و يدوم يلوج
المسلوب عشگه بدمعه يذوب

و اليبجي للضامي__ايمل شلون
للضحه ابما يملك__يظل مديون
مايسكت من نوحه__وحجة يريد
عالسلبوله اثيابه__ولأخته ام عون


كلمن حصته وضيمه والطف...احساس
بس محد يعرف بي بس...الينجاس
ليش الـنار الـبردت يــم ...ابراهيم
مابردت يـم رجـلين اخت... العباس

مولاي ياحسين مولاي ياحسين
____
خادم الحسين محمد منير المياحي

#محرم_الحرام_١٤٤٤هـ
#قصائد_الليلة_الثالثة
ليلة مولاتي عليلة الحسين
(صلوات الله عليها)
👇👇👇👇👇

#محرم_الحرام_١٤٤٤هـ
#الليلة_الثالثة
#ليلة_مولاتي_العليلة ص

لسان حال مولاتي العليلة ص
_____

يروحي تعذبج الفرگة_وعلى الملگة
طلع صوته ونينج
هلچ مـا الـهـم اي رده_ ومـنـو بعده
يمسح دمع عينج

عليلة وگـمـت أجـلـب بـالـيعبرون
اريد اعرف خبر عن ذيج الضعون
خلصت الدمع راح ابـجي الـعيون

عيني خلّص دمعها__روحي ذابل ضلعها
العليل تهجره أهله__حـالـه محد سمعها

اه يهلي غريبه اه يهلي غريبه

_____

حزينه وانتظر واحد_ بقى گاعد
على الاعتاب طولي
اريد حسين اشوفنه_ واحضننه
ويگلي شبيج گولي

غريبة ومـن غربتي تـنـحب الـدار
على حضنه الگلب محروك بـالنار
جفاني ومادرى شنهي العلّيْ صار

گمت انـام بعتبتي__ماكو منهه غربتي
ردت اشوفن أبويه__حته تطفى حسرتي

اه يهلي غريبه اه يهلي غريبه

_____

غريبة وروحي مهجورة_بقت صورة
لهلي تشدهلي بالي
السهر ما لايگ اعليه_انحجه البيه
وخذت حيلي الليالي

صرت سالوفة تحجي بيه عربـان
هاي الــ بالضعن ماحصلت امجان
اجاني الموت بس الملگه ما حان

ضعن راح و تركني__حسب بس ماحسبني
خطيه وحدي اظلن__الدمع يترسلي جفني

اه يهلي غريبه اه يهلي غريبه

____

عـلـيـه انكتبت الـدمـعة__اظل انـعـه
هـلـي يالـضـيـعـونـي
روحي شتنسه وشتذكر البُعد يكسر
بَـعـد مـاظـن يجوني

خيالي وبالي يمهم لـحـظه مـانـام
واليشتاگ دوم تـشـوفـه مـحـتـام
گـلـبـي امـن الفـراك تشلعه الايـام

على الضيعوني ويلي__هجرني حته حيلي
اموت وروحي تطلع__انجوت روحي ودليلي

اه يهلي غريبه اه يهلي غريبه

____

اگـابـل وجهه وعيونه__وعله متونه
جنت عيني اسدهه
مـايرضى يسد جـفنه__الا اشـبـگنه
وهسه ايدي ردهه

لـيـش ايـرد اديـه و گـال مَـتـروح
ابـاوع و الگلب مـن اهلي مجروح
خطوه ولن اشوفن صوتي مبحوح

ضعن يكتل برحيله__الجدم صارت ثكيله
عله اتراب اليسحگه__گمت اشتم نحيله

اه يهلي غريبه اه يهلي غريبه

____
خادم الحسين محمد منير المياحي