#محرم_الحرام_١٤٤٤هـ
#ليلة_الثامن
#شجاعة_مولاي_القاسم_بن_الحسن_ص
___
لبس ثوب الحرب قاسم
أشد فارس واشد صارم
على عيونه الغضب بيّن
نـزل لـيهه وجفه الوادم

كسّر اجدام الخيل و داس اعليهه برجله
شـاب و كلمن طگى ظـل يفتر مثل النبله
طگت السيد توجع بمجانه الزلمه يشله

ماخله سالم بشر__واللاحه ظهره انكسر
كول وفعل والنعم__ گالبها بيده القدر
القاسم غلام الحسن__جم زلمه جفه طحن
واليغلط اويه السبع__ تصبح رگبته ثمن

هوه القاسم هوه القاسم
___
عرس عنده درع لابس
على العركه الـه واهس
خبط بيده الزلم والخيل
يـطـك الخيلة بـالفارس

عاف اثياب الزفه و سرفن ثوبه العركه
واللاحه اعله عيونه بسرج الخيل يطبگه
والشارد كض راسه خايف مـنّـه يحرگه

زلمة وجواهم صدك__كلمن بقى ينسحك
لـو يهوى جوه اديه__لو بالخزر يحترك
بالگاع مـال الحمل__اگباله الزلم تنسحل
لو يكسر ايد اليجي__لو رگبه منه ورجل

هوه القاسم هوه القاسمم
___
عـلـي جده وابـو قـائـد
العمى عين الجمل واحد
الحسن خلّف كلف مثله
على ارگاب الزلم گاعد

بيت و كـله اسباع امجمع الغيرة بكتره
زلمتهم مـن يدخل جيب الزلمة ايعبره
ايسد دروب الحومه لا فوگه و لا حدره

خانك نفسهه الزلم__امن الهاشمي والنعم
طالع لَـعمه الگمر__ لو طگ يعيب الجدم
واكـف ولا ينطلع__والخوف طب للضلع
صدو عيونه ويصد__الثوب ظل يـنّـزع

هوه القاسم هوه القاسم
___
الوگع بيده بـقـى ينازع
شتكثر سيفه رگب قالع
دخيل ايده الكلت كلشي
الـمهر مـن الـزلم شـابع

مهره مشبعه أمن الدم حدما گايل كافي
شگد وادم تتراكض بين العاري وحافي
حـگ تتشارد مـنـه هـذا العمه الساقي

تارسهه من الدمه__تلال الرگب ملحمه
صوت الزلم والبجي__واصل لسابع سمه
زلمه خلسهم خلس__القاسم شجاع وشرس
كاسر اخشوم ورگب__كسّار حته الضرس

هوه القاسم هوه القاسم
___
خادم الحسين محمد منير المياحي

#محرم_الحرام_١٤٤٤هـ
#ليلة_الثامن
#شجاعة_مولاي_القاسم_بن_الحسن_ص
__

(هوه شيخ الساحة)
من ظهر الهواشم
لو طبها قاسم
ما يبقى صارم__كلهه حدر ريوله
(لو رخت شداها)
لـوحـة مراجل
وجـفـه زلازل
ومن ابو فاضل__ماخذ الهيبة وطوله

طباها وعالذبح وازها
خلاها إبلا هدم خلاها

يتلاهب السعير
وبالموزمه امير
محد گدر عليه
ابن الحسن خطير

من طب..گامت تنردم الوجوه..من طب
ضهضب..ابن معزب الديوان..ضهضب
يشرب..سيفه من دمه الفرسان..يشرب

__

(طالع يزف ارگابها)
وروسهم شوباشه
ويمنته بطاشه
وصطرته هرّاشه__امسرفن عليهه اردانه
(ابن الحسن محلاته)
بسيفه صلبها
يلم برگبها
وجوم حطبها__بالطف فتح ديوانه

والقاده هيه صارت زاده
صياده كل شرس صياده

بمرادم الجحيم
خله البشر تهيم
صاحو تره الحسن
خَلّف ابن كريم

ماهم..معزب لو تمدحه الناس..ماهم
بالدم..خله ادلال أبوه تفور..بالدم
للعم..يعزب روسهه ورجليهه..للعم

__

(بجفيت ابو متحزم)
وازنوده سمره
راكبله شگره
وعيونه خضره__جنهه جفيت الساده
(يطك الضوه بخدوده)
يلوح اكتماله
وحته بخياله
ينضح جماله__خارق جماله العاده

محلاته وهلهن عماته
صولاته مثل ابو صولاته

شبل الحسن يحوم
عن صيده مايصوم
كاسر بالانقضاض
مايخطي بالهجوم

جَسور..اسد كاسر على الميدان..جَسور
وكّـر..يصيد الزلم بالخزرات..وَكٌـر
تسحر..ارموش العين مثل الريش..تسحر

__

(حته انبياء أمعزب)
شيخ المضايف
وبطوله واگف
عـزب طوايف__بزاده عرفنه الحوبه
(العزوبيه تبطل يمه)
وامعلمه عمه
ينطيهه هدمه
ماشفنه زلمه__لو تطفه يشعل ثوبه

أمن لسانه تشبع الجوعانه
بيبانه ما يسد بيبانه

مابيهه اي جدال
والرايد الوصال
مو من زاده شبع
يشبع من الجمال

يشبع..عيونه الزاد كلمن صدهه..يشبع
يركع..عبد للحسن يوسف لأبنه..يركع
منبع..الدخان الـمـراجـل صدره..منبع

__
خادم الحسين محمد منير المياحي

#محرم_الحرام_١٤٤٤هـ
#قصائد_الليلة_التاسعة
ليلة مولاي علي الاكبر
(صلوات الله عليه)
👇👇👇👇👇

#محرم_الحرام
ليلة التاسع
#نزال_شجاعة_مولاي_الاكبر_ص
_________
حيهم_طلع والشاره
بـــوجـــه بـــتـــاره__تطيّح سلف
الاكبر_اليشوف ارسومه
يـــذب اهـــدومـــه__دخيل ارتجف
_________
الحرب قامت مدري القيامة_الناس مدري شبيهه
كلهه ركعت يم الشهامة_ نصت يم عاليهه

علي الاكبر نازل_من كل جهة يلاگيهه
الزلم كد ماخافت_ذبت اخواچيهه
كفو زلمت هاشم_والعگل داس اعليهه

كلشي_رجف من عينه
وعـــلـــت جــفــيــنه__اعله ذيج الرگب
الأكبر_وكف والهوسه
غــدت مـخـلـوســـه__اجاها الغضب
________
الزلم تركض واهوا وراها_يجيب منهه ارواحهه
لزم بيده اظهورها ولواها_وسحك فوك اصفاحهه

المات من سطراته_اهون بموت عيونه
الشرد من گدامه_بس اوگف يصيحونه
يركض ويعثر وحده_واشمالك يسئلونه

جاوب_من يلاگيكم
وعـلـي يــسـويـكــم__درب لــلـخيم
إلحگو_وسلمو بريشكم
تـرى أمــن يـقـيـسكم__اعله گد الجدم
________
السمه رادت تطبك عليهم_وكضها طرف اردانه
زلمه گابل زلمه وبجيهم_ وصــل يــم صـيوانه

عمته زينب صاحت_تگوا يالاكبر يبني
لــفــهــم بجفيتـك_فرّح خواتك ذني
فوك ظهر اجيوشهم_ اصعد ولــَ تثني

واكف_ويطخ بسماها
إن صـعــد فـوگــاهـا__يطخ بالعرش
الاكبر _يدخن جتفه
ابـــو لـلـكلـــفـــــه_هـرشـهم هـرش
________
يكفي هذا شخله لعمامه_جا شنهي ظل للكافل
خلّص الطف كله بحسامه_و رجـع هم ما قابل

علــي نار بسيفه_تاكل خضّر واليابس
الصار جوا اجفوفه_مخنوك ظل يرافس
مثل الحطب جومهم_فارس اعله الفارس

ناره_تفور بسيفه
يـجــول بـكـيفه__اليشوفه ارتعد
حَيــهَ_ودخيل اذراعه
الشهامة اطباعه__شسولف بعد
________
خادم الحسين محمد منير المياحي

#قصائد_محرم_الحرام
#ليلة_مولاي_علي_الاكبر_ص_

لسان حال مولاي الحسين(ص) مع ولده الاكبر(ص)
————————————————
يالطايح بطيحتك حيلي
يالاكبر اتگطع دليلي
الحسين انه موش الحسين
جيتك عمامك تتجيلي

اسمعتك—لمن صحت بويه تعال
جيتك—اركض واطيح اعله الرمال
الكيتك—متگطعه كل الوصال
—اكبر محال

من طيحتك ظهري انخسف
مات الجفن حدمااا نزف
گوااااااا يبويه اوصلت الك
جرحي عله الغربه انكشف

واعليا يوليدي واعليا يوليدي
————————————————
اكبري كبّرته نوحي
يالفاتح بدمك جروحي
دربي اجيتك مااشوفه
امشي جسد ماهيه روحي

عكبك—بويه انكطع كل الغرام
دمك—من شفته عالدنيه السلام
يمك—اتمدد بطولي و انام
—ابلا كلام

طولي بعد مو مال امس
طولك سهم جاسه وشمس
جرحي عليك اكبر جرح
مالي عله الدنيه نفس

واعليا يوليدي واعليا يوليدي
————————————————
يمبدي يمك كل سنيني
يالچاوي عالتربان عيني
ماچني قائد بويه ضليت
نص غربه يتعالى ونيني

هدت—عيني دمه وشفت الرماح
كبرت—جروحي شيسد كل الجراح
كلبي—بويه وكف گد النياح
—بعيني لاح

ردت المنيه بس تجي
جفني احترك من البجي
لا يهنه بعدك كلشي صار
مالي ظهر حته انتجي

واعليا يوليدي واعليا يوليدي
————————————————
مرجعني للخيمات معمي
گوا انگله بويه جدمي
تذبحني كطره ماكو بيه
وشتلگا ناشف صبح دمي

راجع—اصفج اديه امن الهضم
طابع—جفي اعله خدي باللطم
جبيره—فركتك منهه اشظم
—كسرة عظم

كاسرلي غصني من رحت
امشي عله الكاع و طحت
طاح الگلب عكبك ترا
نشغت گبر من ناشغت

واعليا يوليدي واعليا يوليدي
————————————————
خادم الحسين محمد منير المياحي

#محرم_الحرام
ليلة التاسع

#شجاعة_وجمال_مولاي_الاكبر_ص
_______
اجمل وسامه واجمل عين
الاكبر مـثـيـلـه مـاكـو اثنين
اشرس مقاتل وأشجع روح
عمه أبو فاضل وابن حسين

اجمل وسامة__ من كلشي متكامل
رب الشـهامـة__ شـكّـل لـلـدم نـازل
يجدح حسامة__ وعيونه أمن يقاتل

عليهه__شـاد أحـزامـه دخل
عليهه__عرجه من جده فحل
صطرها__نخسفت ظهور الزلم
بجيهه__للسمه السبعه وصل
_______
شعره أعله متنه مغطي جتاف
و زلوفه ورگه أمن الصفصاف
تـيـهـت دربـها ازلام و خـيـل
خاطف وجـهّـم مــا يـنـشـاف

تيهت عگلها__من طب اعله المهره
بيده يخضها__والما لاحه يهطره
رجله نگلها__ويبّس وجه الشگره

دخيله__گاطع اعليهه النفس
دخيله__كلمن الشافه انخلس
دخلها__وانجفت يمه الخلگ
يشيله__ماكو اخضر مايبس
_______
مـن ظهره يطلع بـس دخان
الاكبر عجيب وموش انسان
عالمهرة رجـلـه تـلـوح الگاع
يجويهه غـيـرة امـن البركان

قادر قدير __وحار شما سـولـفـتـه
الاكبر امير __ومـا أوصـل معرفته
بئس المصير__الله يستر طـگـتـه

ضربته__مثل جفين الگمر
ضربته__تگلب اشكال البشر
شهامة__تنحجي بس للشهم
خزرته__ركن لـلـمـوت وقـدر
_______
صارت عجاجه من الناس
واليبقى يمّه فوگا انداس
هيه المراجل هيج تصير
زلمه اليلحّگ يكض الراس

ركضو و لاكن__محد لحگ يشرد
بجفوفه طاحن__فوك الرگبه يگعد
واگف يعاين__بلطاحو گام يعد

يعدهم__جم الف جوه الجدم
يعدهم__خبطت و بيهه يلم
عجيبه__ما رحم كائن يكون
يعدهم__امجومه اگباله الزلم
_______
خادم الحسين محمد منير المياحي

#محرم_الحرام
ليلة التاسع

ليلة مولاي علي الاكبر ص

حاولت أن اتكلم عن الآلآم مولاي الحسين ص
عندما وقع ولده علي الاكبر ص
_______
ضيعّت الدرب لمن طحت يبني
ياالاكبر فـرگـتك حـيـل كسرتني
جابوني الك گوه امشي يوليدي
اجدامي انشلت وبالگوه شالتني

اكسرتني.....يغالي
شني اللي...بقالي
رحيلك........اذيـه
عجيبه.......الليالي

يوليدي لـيـش بغربة اهضمتنه
يـأكبر حبيبي شـمـسـرع عفتنه
جيتك وعمك حطني اعله متنه

يالاكبر يبويه يالاكبر يبويه
_______
ماصدگت تشوفك عالترب عيني
حسرة تجيبني و حسرة التوديني
اتمنيت انه ميت ماشفت طولك
بگاع الطف يبويه تبدت سنيني

حسافه.....بحسافه
تطيح........الترافه
جمالك..........تبده
هضيمه......وسافه

ضليت اناشغ جن روحي تطلع
لـلـخـيـمـة گـوم وخلينه نرجع
مات ابنه صاحو كلساعه اسمع

يالاكبر يبويه يالاكبر يبويه
_______
بعد المن اعيش وانته مـو يمي
راح الشوف وأنه بروحتك معمي
حلات الوالد اگباله يشوف ابنه
مهضوم وعليك انه احترك دمي

وداعك........مصيبه
يروحي.........غريبه
جنتلي...بويه كلشي
حبيب..........وحبيبه

هسه انـه وحـدي واصفج بديه
يـولـيـدي مـيـت عـايـن عـلـيـه
واجـدامـي گـوه يـتـجـن الـيـه

يالاكبر يبويه يالاكبر يبويه
_______
بـعد هـاهيه واتمنى يجي موتي
مابيه احجي بفراگك خرس صوتي
شسوي بدنيه طولك ماهو گدامي
تجي الحسرة واگلهه للگلب فوتي

جوتني........حسرتي
تطشرت........دمعتي
يظهري...........حنيته
تبين..............كسرتي

حسينك يـبـويه امبين مصابه
امشي واطيحن فـوك الـترابه
شمحلاهه جانت بحلكك يبابه

يالاكبر يبويه يالاكبر يبويه
_______
خادم الحسين محمد منير المياحي

#محرم_الحرام_١٤٤٤هـ
#قصائد_ليلة_العاشر
👇👇👇👇👇

#محرم_الحرام
ليلة العاشر


يحسيني من خيماتك
ركضتلك بنياتك
تركض تطيح وتعثر
شافت أثر طيحاتك

لوعولي حرم
كسرولي علم
شافوني غصب
ماعندي خيم

ركضوني من اخيامي
وبان اثر لجدامي
متلوعة ايتامي
ابا عبدالله

صعبة من شتموني
بنص هيمه وشافوني
بلا والي يدروني
ابا عبدالله

ياعقيلة ياعقيلة ياعقيلة مدد
.....
يبن امي ذن دمعاتي
من ركضوها ابناتي
شحجي وأجت خيالة
كبال الفرس طيحاتي

حركولي خدر
دايسته جمر
ماعندي كفيل
رايحلي ذخر

ماعندي ولا والي
ياهو يعاين حالي
نام بدمه الغالي
ابا عبدالله

لا في الغطاني
صاير خشبة الساني
متهدم صيواني
ابا عبدالله

ياعقيلة ياعقيلة ياعقيلة مدد
.....
جيتك اريد احجيلك
شافوني جيت اشكيلك
لا انته لا عباسي
المن اصيح ادخيلك

متورمه جدم
تنظرلي زلم
بلحومه طحت
ماضنه حلم

لا مو هيج احلامي
تامرني خدامي
من عكبك يلضامي
ابا عبدالله

بتك خوية الحارت
اعليهه اخيول الدارت
بيه النار الغارت
ابا عبدالله

ياعقيلة ياعقيلة ياعقيلة مدد
......
ترضه بحبل شدوني
انه وبنات ضعوني
ماعدهه غيرة الوادم
تالي الوكت يسبوني

جابولي هزل
حضرولي حبل
خشن بملمسه
يجرحلي طفل

احبال التجرح بيه
ينادولي المسبيه
وجفوفي مدميه
ابا عبدالله

طيحاتي من الهززل
ليلي اعليه جلجل
براسك كمت اتوسل
ابا عبدالله

ياعقيلة ياعقيلة ياعقيلة مدد
.....
شام الحزن من تالي
ادخلها بيدي احبالي
بلحومه عفت الكافل
مجفية خوية ادلالي

ماعندي اخو
ينشدني شكو
شيسوي الدلال
وبصفا عدو

لا كافل لا راية
طبينه الشام ضماية
ويسمونه اسبايه
ابا عبدالله

يكلولة بت حيدر
هسه اعليهه اتأمر
وانه بجدمي اتعثر
أبا عبدالله

ياعقيلة ياعقيلة ياعقيلة مدد
.......
خادم الحسين محمد منير المياحي

#محرم_الحرام
ليلة العاشر

مولاتي زينب ص تتحدث عن مصائبها
________
صوت اجه أمن الخيمة ركضي
عـمـه زيـنـب خـيـل اجـتـنـه
اخيامي محترگة واصيحن
جـم طـفـل مـحـروك مــتـنـه

ويلاه يزينب احااه يزينب
________
هـوسـه واتراب اعله راسي
و الـخـيـم طـاحـت عـلـيـه
گــوه لـلـتـل مـن صـعـدتـه
تـرجــف اجـدامـي وأديــه

ويلاه يزينب احااه يزينب
________
وأفحطت گــدمــا احـشـم
ومـحـد الـيـسـمع نـخـوتـي
گـبـل مـحـد شـاف زيـنـب
وهـسـه شـافـوهـا يـخوتي

ويلاه يزينب احااه يزينب
________
ويـن اديـرن وجـهـي بـلا
لا اخــو لا مــن عـشـيـره
يـاهـو الـيـلمـهن بـنـاتـي
وبـالحـرم مـامـش جبيره

ويلاه يزينب احااه يزينب
________
ردت خيمة تضملي طولي
دون اخــو ايـتـعب نـهـاري
أمـن شوكت زينب الأميرة
تـلـوحـهـا شـمـس الظهاري

ويلاه يزينب احااه يزينب
________
الحادي جاب احبالي يركض
فـزعـة يهل الغيرة فـزعـه
گـومـو بس لحگو لأختكم
بأرذل السان اسمي اسمعه

ويلاه يزينب احااه يزينب
________
خادم الحسين محمد منير المياحي

#محرم_الحرام

#ليلة_العاشر
_________
طاحت الخيمة و جمرها فوك ظهر امدلله
وعاري وجه الله وجماله ضاع بتراب الفله
زينب تگل لــرقـيـة شـدي حيلج كـربـلـه

تحشم العافاها=يم غرب خلاها
حسين خويه الحگني=مادرت منواها

اكعد يحسين طبت بيتك النار
جمر الصيوان ما يرحم بالزغار
والمجوي شلون يبرد والگلب حار
_________
ركضت الگالو عليهه جبيره جانت بالعمر
موش عادتهه ركضها بس وجب هسه الأمر
شائت احكام الضرورة و لازم تلم الخدر

تلملم ابنياتهه=ويلي ياعثراتهه
والدوارة اعليهن=زيّدت شيباتهه

بنيات حسين بين العسكر وخيل
شَيبت ويلاه ماظل بالجدم حيل
تدور ابنيات ويل يجر الف ويل
_________
زينب تغيرت بلحظة و ماهي زينب مال امس
ذيج اخت شيخ واميرة و هاي حرگتهه الشمس
الجانت بفيّ الكفاله هسه گوه تجر نفس

هاي شو متعوبه=أمن الزلم مرعوبه
ويلي چا جم مرة=راكضه ومگلوبه

حگها أمن تطيح زينب ماهي تمثال
سمعوها هواي متروس الحجي اشكال
الشالن العباس مــَ يرهمن للـحبـال
_________
كلفة عالخوان اختهم يم غرب شي مو سهل
الجانت اتحطها اويه ظلمه ماتبين جن گحل
الرافگت جف الهواشم هـسه رافگـها الحـبـل

هاي مو عفّتهم!؟=زينب اجبيرتهم
بيد هذاَ و هذاَ=ويلي يمصيبتهم

من بطن اخيام لظهور المهازل
عفّت عـبـاس تمشي بلايه كافل
ماخوذة لوين شو مدمعها نازل
_________
خادم الحسين محمد منير المياحي

#محرم_الحرام
ليلة العاشر


گلب من التعب متروس شوغات
احير بروحي لو حير بيتيمات
تكوم امن الترب يحسين هيهات

جمر الخيم جاويني
يخويه افتر يلاگيني—صوط وحافر اگبالي
يروحي عذبت روحي
تعال وعاين جروحي—يفتر بالفله اخيالي

النار والحافر مردن گلب اخيتك
———————————————-
عله اطفالك يخويه الوادم تصيح
خدرك بالبراري لاحته الريح
ظل نايم اخاف اضلوعك تطيح

اخاف عليك تتعور
تريد تكوم ماتكدر—ماخلو كتر سالم
الماعدهه اخو تنسب
بلحظة تبدلت زينب—ظلهه شافته الوادم

الزلم يبن امي جالت فوك راسي
———————————————-
خوتنه تطشرت بين الاجناب
عفت حضن اختك ونايم بالتراب
عكب عطرك عبينه تفوح عطاب

عبينه حاضنه الجمره
وانت حاضن الغبره—عيونك غمضاها الدم
تشتم ضعنك الغربه
يخويه شتنحمل صعبه—بلا خوان وامخيم

حسين خوتنه بين الغربه ضاعت
———————————————-
ما متعوده اظل ابدون خوان
گلبي امن الدوارة حسين تعبان
عله ملگاك خويه الگلب عطشان

ادورك ياابو اسنيني
رمل حد راسي وبعيني—اثكنه وماترك رمشي
تدري شصاير بأختك
من عالرمل شافتك—ماكدرت بعد تحجي

فرگتك تذبح جااا شيسدهه خويه
———————————————-
خادم الحسين محمد منير المياحي

#قصائد_محرم_الحرام
#ليلة_العاشر
مولاتي الزهراء(ص)تخاطب مولاي الحسين

جيتك يبعد امك
وامدنگه گوا امشي—ايدي عله ضلعي
وامرافگه الويل
افركهن ايديه
محتاره ادورنك—ريحة دمه اشتمن
مو ريحة الهيل
شنهي الجرا احجيلي
من عاينت زينب—تركض زلم ليهه
وانت بلا حيل
عود افرشت حضني
بس انته مو انته—صاير الف وصلة
جا شدعي عالخيل

حسين يمه يمه—يمه حسين يمه
———————————————————
بيمن اغطيهن
اجروحك اهوايه —وانه ترا اعباتي
من حرگت الدار
ماحاجه احجيلك
تدري شحصل بيهه—ولهنانه لحگتگم
يوليدي هالنار
يمه اشلعت گلبي
بصدرك يبس دمك—فوك الترب خدك
وهذا الرمل حار
جنك تضم عني
اشخافي حدر ظهرك—خل الزم ايمينك
شو خنصرك طار

حسين يمه يمه—يمه حسين يمه
———————————————————

عود ارد الزمنك
بس انت متعور—خاف الجم جروحك
وتسيل الدموم
صعبه عله الربت
تحضر ابن ليهه—و ماتگدر اتشبگه
و مايگدر يگوم
بس انه اعذرنك
مالك عظم سالم—حافر طحن جسمك
ومسلوب الهدوم
نوم الهنه اوليدي
بس ياهنه گلي—حالك كسر ظهري
وگليبي ملجوم

حسين يمه يمه—يمه حسين يمه
———————————————————

اعتب على الوادم
التدري العطش لاحك—وماحركت ساكن
بس ترشگ انبال
بس رد علي يمه
كلي شوكت راحن—من يمك ابناتك
شوكت الضعن شال
يالحيرت روحي
كمت اوكف واوكع—شحال العله الناكه
وتجرها الحبال
جم فاجعه عندي
وهوا گلب واحد—ماظل صبر يمه
ماظل علّي حال

حسين يمه يمه—يمه حسين يمه
———————————————————
خادم الحسين محمد منير المياحي

#محرم_الحرام
ليلة العاشر

مولاتي الزهراء ص عندما جائت إلى كربلاء
___
گـوه امـشـي مـعمية عـيـن
جيت اشوفن ابني الحُسين
بگاع غـربـة گالـولـي طـاح
لا الـه صـدر ولا الـه اديـن

ولا ضلع ظل ماطاگ
ويلي والثوب انباگ
حيرة اشبگنه شلون
الصاير بجسمه اسباگ

ابني ارد اشمه وابجي لايوگف الگلب
ملجومه حسرة بيه ما ضايك الشرب
مامرتوي اقبلتهه بس صعبه وأنه ام
من ابني راسه ماهو والگيـته منگلب

ويلاه يمه حسين ويلاه يمه حسين
___
ادنيته انحب ماخذني خوف
گتله اهضمتني ماگمت اشوف
وين الكفيل أو وين البنات
شو ماكو راية ولاكو جفوف

و الألم بـيـه هـواي
مـحد اليبجي وياي
ابـنـي يابس ياناس
الله لا ينطي الـماي

ميته وهضمي خذاني ماجر نفس بعد
كل لحظه بي احرك ما يـگـعـد الولد
النار الكلت خيامه حرگت شكو طفل
وگالولي ياهو يركض بي جلّب الوتد

ويلاه يمه حسين ويلاه يمه حسين
___
امشي خطوة وخطوة اطيح
كلشي بالطف شفته جـريـح
مـنـيـن اديـرن گـدامـي نــار
وابـنـي شـفـته اگبالي ذبيح

وابنه ازغر عطشان
انـذبـح هـم ذبـلان
سلّـبـو حته اكماط
ثوبه ماهو وعريان

جـدّة والطف نهبني روحي للهم صفت
ابنياتي ويـه أجانب عـالهزلة طوحت
عبدالله ردته اسمعه يـگـلي جدّة لجن
امثلث مرد رگبته إبـلا حـظ ولا بخت

ويلاه يمه حسين ويلاه يمه حسين
___
بـس عـبـايـه بـيـهـه شـضـم
ضـاع جسمه و مـالـه عـظـم
ويلي يـبـنـي شهالموته هاي
روحي خلصت مـن الـهـضـم

گلبي يصرخ مفجوع
و الوجه كـله دمـوع
اتمنى الطم لحسين
لجن مكسورة ضلوع

ما بيه ارفع ايـدي يلجمني هل الصدر
ياهي الذبحو ابنهه وبيته انترس جمر
ابني ارد اغسله بيدي وبيدي اشـيّـعّـه
بس جسمه تارس الطف ويلي من كل كتر

ويلاه يمه حسين ويلاه يمه حسين
___
خادم الحسين محمد منير المياحي

#محرم_الحرام_١٤٤٤هـ
#ليلة_العاشر
لسان حال مولاي صاحب الزمان وهو يصف آلآم مولاي سيد الشهداء يوم العاشر

_(الناحية المقدسة)_
__

مملكة جرح
وناحية الم
وصاحب العلم __طايح على اتراب الصحاري
مُقبل لذبح
وما الك سند
مايسمعك أحد__محتار وحدك بالظهاري

جداه حسين....
اوكفت بين العده
زلمه وحده_العطش لاح الجبد_انزلت للمعركة

وبدوؤك بالحرب_فثبتَ للطعني والضرب
وطحنت جنود الفجار_واقتحمت قصطل الغبار
مجالداّ بذي الفقار_كأنك علي المختار

زَمّيت ايدك
ودارو عليك__بس أثبتت للضرب
راح الامان
ويلي الدخان__سد النظر والدرب

جداه حسين سلام سلام
__

منحرم عذب
حاطِتك زلم
وانته ما تهم__همك بناتك والمخيم
ابجي غُربتك
ويلا يكربله
وتارس الفله__ومن كل كتر يتنازف الدم

جداه حسين....
اياا جور الدهر
يراموك بحجر_جبينك صب دمه_وظهرك منكشف

فأمر اللعين جنوده_فمنعوك الماء ووروده
وناجزوك القتال_وعاجلوك النزال
ورشقوك بالسهام والنبال_وبسطو اليك اكفُ الاسطلال

مـنـا نـبـال
ومـنـا دلال__مـنـا يصيبك حجر
تكوم وتطيح
كلك جريح__سهم اعله صدرك عبر

جداه حسين سلام سلام
__

امحير السمه
ولية وبأسر
وبعينك الصبر__وحدك اسير بگاع غربه
مابقت جهة
ويلي منولي
تنادي ياهلي__الگباله أهله تطيح صعبه

جداه حسين....
اسير إبلايه اخو
واليك العدو_جم رمح وسهم_عبرن للظهر

قد عجبت من صبرك ملائكة السماوات
فأحدقو بك من كل الجهات
واثخنوك بالجراح_وحالو بينك وبين الرواح
ولم يبقى لك ناصر

اسمك امير
ضليت اسير __واستوحدك زلم
وحدك بقيت
والخوه بيت__والماله اخو ينهزم

جداه حسين سلام سلام
__

من على الفرس
عالوجه طحت
كلشي ماشفت__إهطاط الزلم جابت حوافر
شاغل النفس
وانت منجفي
طرفك الخفي__إتدوره لبناتك ويلي حاير

جداه حسين....
دُخان بـكـل كـتـر
محجوب الخدر_مشاعل حضّرو_يحركون الخيم

حتى نكسوك عن جوادك_فهويت إلى الأرض جريحاً
تطأك الخيول بحوافرها_وتعلوك الطغاة ببواترها
وقد رشح للموت جبينك

من عالجواد
عم السواد__عينك ترسهه الرمل
تلوج بتراب
من ذو الشعاب__بگلبك مجانه يظل

جداه حسين سلام سلام
__

راجع المهر
يصهل بهضم
والنسه بلطم__برزن يويلي من خيمهن
وين ابو علي
احجي يامهر
شيحجي والشمر__قابض لحيتك وشيگلهن

جداه حسين....
شبع جسمك طـعـن
بقيت إبلا متن_ترافس عالارض_وحريمك بالفله

فلما رأين النساء جوادك مخزيا
ونظرن عليه سرجك ملويا
برزن من الخدور_ناشرات الشعور
على الخدود لاطمات_الوجوه سافرات
الى مصرعك مبادرات_والشمر جالس على صدرك
مولعٌ سيفه على نحرك_قد سكنت حواسك
وخفيت انفاسك...

من الخباء
بزرن نساء__ويلي استباحو خدر
ماظل خمار
اخ النهار __صار احمر امن الجمر

جداه حسين سلام سلام
__
خادم الحسين محمد منير المياحي

#محرم_الحرام
ليلة العاشر

خطاب مولاتي رقية ص إلى مولاي الحسين ص
_____
افرش حضنك فياي...باجر اركض هواي
راح....باجر ابقى إبلايه والد
راح....الگا دمك بويه جامد
اگضي الليله وياي...باجر اركض هواي
_____
التوها متعلمة المشي شيصير بيهه
وينهه أو ويـن الحرك ترفات اديـهه
بـويـه بـاجـر كـربـله كـلـهـه عـلـيهه
حافية اعـلـه الـنـار لـلزهره شَـبيهه

بهدمي تصعد النار....ما محتارة واحتار

عيني..تعمه و بيهه دخان
وانته..فوك الغبرة عريان

محد يسند اگفاي...باجر اركض هواي
_____
بـاجـر أمـن تطيح احـتـار بـزمـاني
لدربي منهو بيه يدلي يـكـض رداني
المن اصرخ لو جمر خيمة جـواني
ياهو يمسح وجهي لو دمي عماني

دم من جدمي للهام...ما ترحمني الازلام

اركض..من الخيل اطب خيل
طفله.. ما عندي تره الحيل

شوك الحومه جواي..باجر اركض هواي
_____
الليله اشبگنك وانامن فوگ صدرك
بـاجـر الـحـافـر بدالي يغفى حدرك
يمي كامل هسه وانه بعيني انظرك
شلون اشوف خيولهم بويه اتطشرك

ها راح اغفى شتگول...يامن فدوه هالطول

حيرة..خاف اغفى وافز راس
اگبالي..اركض وانت تنداس

ويلي وبلوة بلواي..باجر اركض هواي
_____
عاشر اكبر مني فـرق الكبر سـبـعه
زغيرة مو مال اركض وتهطرني دفعه
ثوبي لـو حرگته نـار ابيش ارگـعـه
الواحد المن عنده خله يحمي ضلعه

ناري اتصاحب الثوب..وانت الثوبه مسلوب

متني.. تجيسه النار و عطاب
متنك.. إيضيع ابيّن التراب

بويه ايخوف الجاي..باجر اركض هواي
_____
خادم الحسين محمد منير المياحي

((هجر العشك))
لسان حال مولاتي زينب(صلوات الله عليها)
في طريق السبي


دمعي اصبه-ويه غربه-امشي صعبه
بلا اخو
ماعندي كافل-ظهري مايل-خدري شايل
وي عدو
ماعندي رايه-ولا حمايه-بس سبايه
ولا شكو

ردت اسمع كون—خويه ها يم عون
ممشه جدمج وين—بضعنج يطوفون

من خيمه اطر البراري—صوب الصحاري
وجدامي ترفه
اشثكله حبلهم عليه—جرّح اديه
يوجعني نزفه
ماعدهه خيمه تراها—محد وراها
اسمعها كلفه

تعالي يم حسن ليه تعالي

————————————————–––

يهلي هاشم-ضعني هايم-كلبي صايم
بدمعه فطر
مو عجيبه-اي غريبه-مالي هيبه
بلا كمر
مالي خيمه-والهضيمه-امشي هيمه
جدمي عثر

بكربله وبس نار—هسه درب الحار
من الهزل للكاع—شيمسح الاثار

اهل الحميه ردتهم—بلساني حيهم
ومحد سمعها
اصياط الاشاكفها توجع—بظهري تطبع
بيين طبعها
هاي التودع عشيره—تكضيهه اسيره
ويذبل ضلعها

تعالي يم حسن ليه تعالي

————————————————–––

ليلي عذابه-بكل خرابه-اعله الترابه
شلون انام
لاماهو كدري-تالي عمري-يخلني دهري
بلا خيام
اغفا ثواني-تعبي خذاني-افزع شجاني
امن الظلام

لسه افزع حيل—بحلمي زلم وخيل
والگلب ملجوم—لو يمر الليل

جلمة الخوه شيلمهه—تطشر رسمهه
بسهم وسحك
هسه وحيده العقيله—شدلي حيله
هجر العشك
ذلتني وادم عكبكم—وين علمكم
يلف محترك

تعالي يم حسن ليه تعالي

————————————————–––

هذا الجرالي-هذا حالي-من عز ليالي
لسوك الظهر
وبعد الجساره-اوكفت بحراره-ذيج النطاره
بباب القصر
طبول الرزيه-تخفگ عليه-مو هايه هيه
ام الخدر

جدمي ويه اخوان—الا يطلع جان
هسه ويه جتال—يخنك الديوان

المثلي شيطبها لقصرهم—شتسوي عدهم
علوية الله
والزهره اشهك واموتن—ما ارد افوتن
لا مالي ظله
هسه انه مطلوبه طلبه—للشام اجهبه
بجروحي بله

تعالي يم حسن ليه تعالي

————————————————–––
خادم الحسين محمد منير المياحي

ايام رجوع الضعن إلى المدينة ولقاء مولاتي زينب(ص)
مع أخيها محمد بن الحنفية فتبدء بروي آلآمها له...
__

يمحمد اجيت شلون جيه
ردت زينبك ردت سبيه
اكعد گابل اختك واسمع الصار
بدخلتي الشام طشو واهليه

اكبرت الفين عام بدخلت الشام
__امن أسمعت الهلاهل
حته المادره هم يگطف احجار
__على وجه المحامل

اليريد يصيح بأسمي لحد يرده
بباب الساعة خويه طالت الگعده
وهناك شكثر صاحت زلم بأسمي
هاي الشده ما منهه بعد شده

خويه اطلعت علويه ورديتلك مسبيه

__

حـالـك حـالـهـم گـلـي الغريبه
اشتفيد الخويه للكلشي سليبه
اجيتك و بطرك هاي العباية
اجيت امفرهده من المصيبه

طاح حسين والخيمه بـلا باب
__حته احمي اليتامه
واسمع جرو زينب من الخيام
__بعد وين السلامه

انـه الـردت إتـدور عـلـم يستر
وجهي من الشمس والهيمه متگشر
اريد اهدوم ابو فاضل اشم بيهن
متعوبة وأحس جم عظم متكسر

خويه اطلعت علويه ورديتلك مسبيه

__

دليني الدرب للبيت ماشوف
العگل متدوهن وهالگلب ملهوف
اتهمس مشيتي ومابقت عين
علة الشام ويلي وعلة الطفوف

اكثر شي جرحني امن الشبابيج
__أسمعت ضحكن عليه
وتمنيت كون الوكت بس ليل
__وتشبه الناس بيه

وجه متعوبة اجالك من تجاعيده
گلب يتمنى موته و مايصح بيده
المن عيشتي وأسمي سبيل انگال
وأنه اول بشر والحبل لف جيده

خويه اطلعت علويه ورديتلك مسبيه

__

شمالج مايلة لا تسئل بهاي
ادخلت قصر الزلم شتريد مگفاي
رديت اعرج ومن شفتك الفيت
صحت لاينهضم عدلني الوياي

مااريدن بعد لا سگف لا فّـي
__خل ابقى بترابه
فرق بأيامي بس هسه انه رديت
__واريد ابني خرابه

اريد ابجي لحدما تسكت انفاسي
وابجي اعله المصايب شيبت راسي
اكمل ايامي غربه بدون خوان
نوب ابجي لحسين ونوبه عباسي

خويه اطلعت علويه ورديتلك مسبيه

__
خادم الحسين محمد منير المياحي

#محرم_فاطمة_١٤٤٤هـ

مصيبة مولاتي الزهراء (ص) وآلآمها
وآلآم مولاي امير المؤمنين (ص)
_____

باب الشرف ليش انرمت يم عتبته النار
وضلع ام حسن من العصر صوبا البسمار
مـحـتـارة تـلـزم بالضلع لـو تلزم الباب
واهل السقيفه سوت البلعرب ما صار

ويلي ام الحسين__محروگة جفين
محسنهه وانداس__من داسو البيت

_____

اعـظـم جـريـمـه عـالـبـشـر مرت بالازمان
شعظم التجاسر والمصيبة و رد الاحسان
الـتـمـو عـلـيـهـه وشـعـلـو النيران بـلّـيـل
مـاتـگـدر تـجـر الـنـفـس خـانـگـها دخـان

مجفيه عالگاع__حته الولد ضاع
ماجرت انفاس__من داسو البيت

_____

ويلي ام حسن من الوجع ماشافت النوم
والـجـرح يلجمهه وتـنـز لو لاح الـهـدوم
والحسن صوت امه يگعده و يسمع الاه
لا بـيـهـه تـغـفـى وتنگلب لا تـگدر تگوم

تون أمن الجروح__بس ونهه مفضوح
وامعصبه الراس__من داسو البيت

_____

والمارجف مـرة بـحـرب تاليهه مـكـسور
دمعاتـه لوليده وحـرمـتـه ظـلـت تـفـور
يـكـسر الـخـاطـر ابـو زينب مـن الاهـات
والراس بين اركبه باقي ودومه محسور

آياعلي الحيد__ماحرّك الايـد
ظل حاسر الراس__من داسو البيت

_____
خادم الحسين محمد منير المياحي