لايقودك سوء الظن .. مثل قود الذلول
‏ما يقاد إلا البهايم وعميان القلوب

تجمعنا مساحات الأدب والحزن والقيفان
‏وتربطنا تقاليد العرب .. والشيمه الحيه

درب ٍيهين النفس .. ماني بماشيه
‏لو قام خافقي على الضيق وأمسى

اليا شربتو منه .. وانتو مساكين
‏صرتو الدهاه اللي تحل القضايا

ترا جمال الشخص في حسن الاخلاق
‏وشخصٍ بدون اخلاق ماله محبه

‏لو تختلف عند العرب بعض الاذواق
‏تلقى خفيف .. النفس كلن يحبه

لا تجرد من ثياب .. الحيا لأجل الحياة
‏كافح وخل لك مبدأ وفي وجهك حيا

مع اكثر الناس عيا ما صفى جوّي
‏أميّز الكلمه اللي مالها خانه
‏ㅤㅤㅤㅤㅤ
‏والله ما يدري العاقل وش يسوّي
‏يطول البال .. ولا يطول لسانه

السلام الداخلي .. والراحه النفسيه
‏من ملكها ما يهمه في الحيّاه الا هي

ليّا منا لقينا كل باب .. لـ الأمل مسدود
‏طرقنا باب ربٍ ماعليه أقفال وحراسه

ما أرجي من أهل الأرض زود ومنافيع
‏أرجي من الله دعوةٍ .. مستجابة

‏والله إني مااسفهل .. بونس غيرك لوعطوني
‏قصر في حي المصيف وقصر في حي العليا

عيني على الإرتفـاع وما تشـوف النـزول
‏وفكري مع أهدافي ومستقبلي منشغل

‏ومجامل الناس ومدارى خفاف العقول
‏يبي لهم واحدٍ .. فاضي ما عنده شغل

نساير الدنيا .. على كف الاقدار
‏ساعه تسايرنا وساعه عنيده

‏جعل كل يوم قد مضى لي معك يعاد
‏أنا ما يكفيني معك .. ما مضى كله