فزاعيه للخوان
خاصه لفقيدي ابو رافد 😭✍️

يخال ابني عليك اهلك يونون
حزنانه عليك دموم يبجون

ونيله خال ابنج هيبه
...........

ونيله ونين ودكي اعليه
اخوج الزين يالحلوه محاجيه
شمحلاته ابو رويفد حلو طاريه

شمحلاته من يكعد يمي
،،،،،،،،،،

شمحله كعدته من يكعد ويانه
حنين ومن يسولف كله باخوانه
دارت بينه وبالوالي دنيانه

الدنيا اعتابج باطل مالي اعتاب وياج
،،،،،،،،،،

شيفيد العتب يادنيا كليلي
هدمتي بيوتنا وجويتي دليلي
بعد المن نعايد ياهو اليجيلي

شلون نعيد وانتم نيام بهيمه
،،،،،،،،،،

حزام ظهورنه طاح وتضعضعنه
يعكازة اخوانه البيه جلبنه
وسفه وحيف شال اليوم من عدنه

طاح حزامي يبن امي ارجع
،،،،،،،،،


جنتو اخوان خمسه شمحله لمتكم
يمحمد يخويه وحلوه كعدتكم
تلگاه ابو رويفد جاي واصلكم
ويم راس الحنينه ام فالح تلمكم

افرشي فراش ولدج سيرو يمج
،،،،،،،،،

#بقلمي الحزين ✍️😔

#ام #احمد #البصراويه

فزاعيه للخوان
خاصه لاخي فقيدي حبيبي ابو رافد 😭😢💔

خلصنه وكضيناه عزاك اليوم
اليوم الاربعين وحيلي مهدوم

ختمناهه اربعينك خويه يالزين
تحزمنه بحزم للنجف ماشين
اشتاكينه الكعدتك آه يالحنين

مشتاكه روحي الملكاه
..........

مشتاكه اشوفك واكعد وياك
يبو طبع الحلو ويالحلو ملكاك
طالت غيبتك يوجعني فركاك

يفراكه جاويني بضلعي
..........

يفراك الحنين بكلبي جاويني
يختي وياي دكي حيل عينيني
مكابل لطمته وصوت سمعيني

صيحيله يبن امي ارجعلي
..........

ارجع للولد وارجع للبنيه
يبو رافد يبو الطيبه والحنيه
متانينك تجيهم هاي المسيه

متانينه اباب البيت
..........

الكضيت سنين وياها تفاركهه
مرتك يبو رويفد تقبل تذلهه
جا وين الوعد ياهو البعد الهه

جا وينه وعدك يالغالي
.........

تمت بعون الله تعالى
بقلمي الحزين✍️ 😔
#الشاعره ام احمد البصراويه

فزاعيه للشاب المتوفي بحادث
خصوصا الى ارواح الاخوان الشباب محمد وعلي المالكي😢💔✍️

ياعلم علاوي هداه حيلي
كومن انلاگي خوات الغالي

ارباج عمته ضاع ماتلكينه
علاوي نام بمكبره وسد عينه
بتراب نايم هل حلو موسدينه

ها بترابه مدلل نايم
...........

الطمن ياخواته اعليه وابجن
ريت اليوم اجت بالفاتحه امجن
تشوف اعزيزهه وتلطم وياجن

ويانه نريدج يمه
..............

يمه اخوانه شبان راحت
من الدنيا ابد كلشي مشافت
يمحمد عليك الروح ناحت

اعلى اخواني انهد كل حيلي
..............

اثنين اخوان شالو من اديه
محمد ودعانه وماله جيه
شال وياه علاوي بمسيه

فلوها الخوه ويانه
............

فلوها خوتنا وشالو ابعيد
اخوان اثنين خلو ايد بالايد
تلكاهم يبوهم جايهم عيد

يعيدونه العيد بهيمه
.............

حرت مدري عليمن ابجي وانعه
يبو ياسين صارت عدنه فجعه
تعال بساع بويه علي رجعه

رد لينه علاوي انحلفك
............

مرتك والجهال شلون عايفهم
اعزازك يعلاوي وسفه تفجعهم
بعازه ليك هم ارجع وفرحهم

رد ليها ازغيره امريتك
.........
تمت بعون الله تعالى
#بقلمي #الشاعره #ام #احمد #البصراويه ✍️

فزاعيه لاربعين الشاب المدعوم
خصوصا الى فقيدنا علي خضير المالكي😭💔

اليوم الاربعين اكعد يعلاوي
اكعد بعد عمتك للجرح داوي

جرح البلكلب علاوي هد حيلي
خلاني اون مانام كل ليلي
ارجع ليه يبني وارحم ادليلي

ارجع لينه علاوي هلاه
...........
ارجع لينه علاوي اجانه العيد
صحبانك اجوك تعنو من ابعيد
اكعد لبسه قاطك ضامته اجديد

وياهم اكعد وتعايد
..........
اجه عيد الضحايا وجاي عاشور
اكعد يالولد بين المواكب دور
والطم ع الحسين الگلبه ضل مفطور

لحسين نون ولمصابه
...........
ونتنه حسينيه يعلاوي
نذكر بيك الاكبر ع ثرى هاوي
وامه من البواجي راسهه خاوي

ذكريها الصاحت يبني
..............
اترخص من الزهره واونن ليك
يالطولك حلو واللبس لاك اعليك
عمت عين التراب وليدي المغطيك

يترابه احاه يالمظلم
...........
#تمت بعون الله تعالى
#بقلمي
#ام احمد البصراويه ✍🏻
ـ،،،،،،،،،،،،
21/6/2023

هوسـات
لولادة الـنـبـي محمـد (ص)❤️💚
ــــــــــــــــ

الليله مولده والناس فرحانه
محمد يالتحبه صلي ويانه
من ينذكر اسمه تزهي دنيانه

ها ودنيانه اسمك نورها
🎈🎈🎈🎈

اسمك يبو القاسم نور اعلينه
فرحانين كلنه بمولدك جينه
نعلكلك شموع وننشر الزينه

ها وفرحانه الشيعه الليله
🎈🎈🎈🎈

عطرنا المجالس من ذكرنه اسمك
وبهذا الحفل جينه نهني امك
ونهني الوصي حيدر بن عمك

مبروك نكلهم مولانه
🎈🎈🎈🎈

الباري ارسلك رحمه وهدايه النه
ياسور العلينه وبيك انقذنه
لولاك الفرض ماتم يوالدنه

نجانه الله بهادينه

🎈🎈🎈🎈

كتبت الهوسه ليك ورايده مرادي
من ايدك محمد برد افادي
اتنطر الفرحه تمرني يل هادي

ها ومكضيه الحاجه باسمه
🎈🎈🎈🎈
اللهم صل على محمد وآل محمد وعجل فرجهم💚❤️

تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌

بقلمي الشاعره ام احمد البصراويه ✍️

اللهم صل على محمد وآل محمد وعجل فرجهم💚❤️
نبارك لكم ولادة منقذ الامه نبينا محمد صلى الله عليه واله وسلم
🎈🎈🎈🎈
كل عام وانتم بالف خير
🎉🎊🍬🍬🎂🎂

ابيات شعريه بمناسبة مولد
علي الاكبر عليه السلام♥
ـــــــــــــــــــــــــــــــــــــــــــــــــ

انا اريد اكتب وانزل عن الاكبر هل شعر
يشبه المختار جده بالجمال وبالعبر
ومن يطب معركه يشبه فارس احنين وبدر
ابن حيدر كفو منه شحجي عنه وشفتخر
بيوم ميلاده اكتبله شعر والحان ونثر
علي الاكبر شرد اوصفك وانت بالظلمه كمر
خلي نعلك شمعه لجله وخل نهني المنتظر
حضرينه الزينه لجله والشموع من العصر
ــــــــــــــــــــــــــــــــــــــــــــ
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌
وغير مبرئ الذمه الئ يوم الدين من يحذفه👉

بقلمي الشاعره ام احمد البصراويه ✍️

هوسات لزواج النورين عليا وفاطمه عليهما السلام
🍬🍬🍬🍬🍬🍬

الليله زفته حيدر علي الكرار
خل تفرح الشيعه تهني المختار
باسم حيدر وفاطم شعت الانوار

منورينه الكون الليله
🎈🎈🎈🎈🎈🎈

نور كونه وازهرت دنيانه
بزواج المرتضى منج يريحانه
هاي الناس كلها الليله فرحانه

فرحانه لجلج يالزهره
🍬🍬🍬🍬🍬🍬

فرح عدنه ونطش باسمج الجكليت
حضرنه بمولدج ونهني راعي البيت
المختار ابوج بصوتي اله ناديت

ها مهنه بعرس الزهره يالهادي الليله
🍬🍬🍬🍬🍬🍬
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌
وغير مبرئ الذمه الئ يوم الدين من يحذفه👉

بقلمي الشاعره ام احمد البصراويه ✍️

مولود للامام الحسن عليه السلام
🎈🎈🎈🎈🎂🎂🎂🎂🎉🎉🎉🎉🎊🎊🎊🎊


ميلاد ميلاد بن حامي الحمه
🌺🌹🌺🌹

اليوم نور الحسن يسطع كالبدر
فرحان ابوه يوم السمع هذا الخبر
مولود اجاله كالو يشبه الكمر

نوره يشع عالي باعنان السمه
🌺🌹🌺🌹

الشيعه فرحت لجله كلها صفكت
جكليت وبخور المسك ليه اعلكت
وردات والزينه وهلاهل اعتلت

نهني ابوه حيدر نهني فاطمه
🌺🌹🌺🌹

يامحب افرح للحسن سبط النبي
اصواتكم علوها خل توصل علي
بسمه وبسم اولاده همك ينجلي

ع الخلق مولانه ربه كرمه
🌺🌹🌺🌹

نورت دنيانا كلها بجيته
الليله جن وانس كلها حيته
حياه سبط النبي وحي الجابته

سمعونا هلهوله لبن حامي الحمه
🌺🌹🌺🌹

صفكات اريدن اقوى وي هلهوله
ومبارك الحيدر علي كلوله
يالحاضرين بهل حفل غنوله

وبهموم البكلبك انت علمه
🌺🌹🌺🌹
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌
وغير مبرئ الذمه الئ يوم الدين من يحذفه👉

بقلمي الشاعره ام احمد البصراويه ✍️

مولد الإمام الحسن عليه السلام بصوت الرادود احمد الكربلائي 🎤🎤🎤🎤
بقلمي #ام احمد البصراويه ✍️

نشيد فكاهي عن كورونا😂👌
نلطف الجو شويه حبايبي😍

كركيعان وكركيعان يكرونا عوفي البلدان
عوفينا ورحلي عنه
ولاعدانه زيدي الونه
خلصينا وشمري منه

كركيعان وكركيعان يكرونا عوفي البلدان
😂👌☹️

لليكره حيلج شدي
عنا ولبعيد تبعدي
يكرونا بلحدج لحدي

كركيعان وكركيعان يكرونا عوفي البلدان
😂👌☹️

داعش وامريكا وسعود
شدي وياهم خنكي بزود
ويه اسرائيل انطي جنود

كركيعان وكركيعان يكرونا عوفي البلدان
😂👌☹️

شدي جنودج ع الكفار
ويه الحكومه الاشرار
وشعلي برئتهم النار

كركيعان وكركيعان يكرونا عوفي البلدان
😂👌☹️

اسلام احنه لتقربينه
بحيدر واهله تحامينه
بعدي لهناك وعوفينه

كركيعان وكركيعان يكرونا عوفي البلدان
😂👌☹️
ـــــــــــــــــــــــــــــــــــــــــ
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌
وغير مبرئ الذمه الئ يوم الدين من يحذفه👉
ــــــــــــــــــــــــــــــــــــــــ
27/04/2021

بقلمي الشاعره ام احمد البصراويه ✍️