ها ها
بجاه حسين اويه اوليده//نريد الفرحه الليله
👏🎂🎈

ياطير وصلي تهاني وبلغ ارض الطف سلام
البيها الحسين واخيه وگله مني احلى الكلام💚
مهنه بالمولد حبيبي اليوم اكول وكل عام
صورتك سيدي كبالي وانا صاحي وبالمنام
ماتفارك عيني لحظه بفكري انت وبالاحلام💞

#حبيبي #ياحسين
💗💓💞

🎊🎉🎈🎂

بقلمي الشاعره ام احمد البصراويه ✍️

ها ها
حسين بحبه//هامت ناس ومجنونه
💞💞💞💞

ها ها
العاشگ لا لتلومه//حگه يجن بمحبوبه
🎊🎊🎊🎊

حسين نحبه وعاهدناه//نضحي الروح الاجله

💐💐💐💐

رباط هوسات لمناسبة
ختان الاولاد طلب من خادمات الحسين💞💓

ها ها
اليوم طهور الغالي نسمع هلهوله

👏👏👏👏
ها ها
افرحلك يبني يانور عيوني

👏👏👏👏

ها ها
ارد اردح ردح بطهور المدلل

👏👏👏👏
ها ها
عماته فرحانه الليله

👏👏👏👏

ها ها
خالاته لعبلك جوبي

👏👏👏👏
ها ها
امك فرحانه تهوس//واحنه نهوس وياها

👏👏👏👏
ها ها
امك بطهورك فرحت يانور عيوني

👏👏👏👏
ها ها
احفظهم ربي//كل احبابي وكل ناسي

👏👏👏👏
ها ها
الجاي يهنيني اتشكر منه

👏👏👏👏

بقلمي الشاعره ام احمد البصراويه

هوسات للحنه للولد💞👏

الليله حنته الغالي هنوني بنور العين
فرحانه واهلهل ليه يستاهل وليدي الزين
يحفظه الله ورسوله بجاه ابو الحسنين

ها ها
الحنه الليله//وباجر ربعه يزفونه
👏👏👏👏

باجر زفته فرحو يهاليته
محمد ونعم منه ومن صيته
وثلث تنعام من اهله وتربيته

ها ها
الزين معرس يستاهل هوسه
👏👏👏👏

فرحانين كلنه الك يالغالي
جينه الحنتك ياريع دلالي
ودمعات الفرح من عيني تلالي

فرحانه كل ربعه وناسه
👏👏👏👏

عجنت الحنه بيدي والك فرحانه
كضيت الليل اهلهل وانا سهرانه
وين اللي يحبه يشارك ويانه

وين اليفرح ليه اصبي العين معرس
👏👏👏👏
ــــــــــــــــــــــــــــــــــــــــــ
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

بقلمي الشاعره ام احمد البصراويه ✍️

رباط هوسات للاعراس💞👏

ها ها
امشو نتبارك ليه العرس هاي الليله
👏👏👏👏

ها ها
معرس يمه معرس واهله يزفونه

👏👏👏👏
ها ها
وعمك عرسك حاضر بي لا تهتم يالغالي
👏👏👏👏
ها ها
وعمه وخاله يحلونه العرس الليله
👏👏👏👏
ها ها
اهله وكل ناسه فرحت لابني بحناته
👏👏👏👏
ها ها
وخاله وعمه يزفونه الليله
👏👏👏👏
ها ها

الزفه تلوك اعليه ابني شمحلاته
👏👏👏👏

ها ها
هوسات وگوله بنص الملعب تحله
👏👏👏👏

ها ها
افرح بيك افرح ياماي عيوني
👏👏👏👏

ها ها
كالو حنته الليله جيت اتبارك ليه
👏👏👏👏

ها ها
وخالك والعم حضرو عرسك هوسو بي
👏👏👏👏
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌

بقلمي الشاعره ام احمد البصراويه ✍️

مولود للامام الحسن عليه السلام 🌹❤🎂🍬👑🎊🎉👏🎈

اليوم ميلاد الحسن هنوله
نشرو الزينه وسمعو هلهوله

سمعوني صفكه وهلهلو بحس عالي
سمعو الزجيه فاطمه والوالي
حيدر علي مبارك بجية الغالي

ع الخير بوليدك علي كلوله

👏👏👏👏
نتبارك الليله ونعلگ الزينه
شاركنه بالحفله والك هل جينه
والمحب من الفرحه دمعت عينه

فرحانه كل الشيعه ويغنوله

👏👏👏👏
نورت بيه الدنيا وضواها
ابنك يحيدر كمره هل سواها
شع نوره بنص الشهر بسماها

كيكات حلوه للكمر سووله

👏👏👏👏

كيكه نزينها بإسم مولانه
اسمه الحسن وشگد حلو عنوانه
فدوات اروحن لاسمه والخوانه

ع نبي جده هلهلو وصلوله


👏👏👏👏

الله مصلي ع نبي سمعوني
امه تنادي بالحسن هنوني
فرحانه هي تكول نور عيوني

فرحو يشيعه وياها وهوسوله
👏👏👏👏
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌
ــــــــــــــــــــــــــــــــــــ
14/4/2022

بقلمي الشاعره ام احمد البصراويه ✍️

#رباط هوسات لمناسبة مولد الامام الحسن المجتبى عليه السلام 🎈🎈🎈🎈

ها اهلاً يالاسمه //ضوه الدنيا بنص رمضان

👏👏👏👏

ها اليوم انهني الزهره //بمولود الهيبه

👏👏👏👏

ها وجهك ضوه الدنيا //يابو الجود شمحلاته

👏👏👏👏

ها وحيدر گل للزهره// شنهي هل نور الضاوينه

👏👏👏👏

ها وجده يلولي اعليه// اتونس يوم الشافه

👏👏👏👏

ها وحيدر ويه الهادي// تباهو بالصار اللليله

👏👏👏👏

ها وخلي نهوس ليه //الشگ الكاع بنوره

👏👏👏👏

ها وتحله الهوسه تلوگ اعليه// ابنج يالزهره

👏👏👏👏

ها وخل نتبارك لامه/ /نگلهه مهنايه

👏👏👏👏

ها وجينه نبارك //للشع نوره بدنيانه

👏👏👏👏
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌
ــــــــــــــــــــــــــــــــــــــــــــــ
14/4/2022

بقلمي الشاعره ام احمد البصراويه ✍️

صفكات للامام الحسن عليه السلام 👏👏👏👏🎊🎊🎊🎊🍬🍬🍬🍬


صفكه حلوه مرتبه نعليها
المهدي الحفله يمر اعليها

نفرح اليوم وفرحنه نزيده
للحسن مولاي هذا عيده
والمحب شارك وصفگ بيده

الليله بافراح ورد نحييها

👏👏👏👏

هل فرح ماينوصف هليله
فرحت الشيعة وعلي تهنيله
بمولد السبط الحسن تهديله

ورد جوري وعطره فوح بيها

👏👏👏👏

كلمن يشارك فرحته بن البتول
يكضي حاجه آله ومراده ينول
بالكرم معروف بن فحل الفحول

حاجه هو بالعجل يكضيها

👏👏👏👏

هلهل وصفگ اله بميلاده
شعشع النور ويمحله اعياده
الف فدوه نروحله ولاجداده

الشيعه جده هو يشفع ليها

👏👏👏👏

جده المختار شافع لامته
واليموت هناك امه حضرته
تشفع النه هناك يامن جابته

يالزجيه بدفترج سجليها
👏👏👏👏
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره🙏🙏

لا اجيز حذف اسمي❌
ـــــــــــــــــــــــــــــــــــــــــــ
14/4/2022

بقلمي الشاعره ام احمد البصراويه ✍️

رباط هوسات الحنة العروس😍👏

ها الليله الحنه// وخل نفرح بيها

ها ونفرح كلنه الليله //بحنات الزينه

ها اهلاً بالجاي يهني// نرحب بيه بهلهوله

ها وفرحانه الليله الحنه

ها وخلي انحني المزيونه//بحنة الزهره

ها بليلة حناها// ارد العب جوله

ها الحنه تلوگ بچفچ//يانبعة ريحان

ها نسوي الجلوه// بأسم الزهره ام الحسنين

ها الكل فرحتلج ياماي عيوني

ها وفرحانه بالحنه الليله

تمت بعون الله تعالى
بقلمي الشاعره ام احمد البصراويه✍🏻