فزاعيه
دخولية الامام الحسين
عليه السلام لكربلاء 🏴🙅🏻‍♀️

سدو بابهم اهل العزوبيه
بني هاشم اجو ياهلا بالجيه

اريدن حيل يالطمة الدهريه
لهل زينب وشدنهه اللطميه
الماهابو يزيد ولا بني اميه
عدهم عيد ياطبت الحربيه

طبوها سباع الترهب
...........

سباع وطبت الحومه ورجوها
مطاشر روسهم بالسما خلوها
صاحو ياعلي باسمك وبتروها
والرايه ترفرف فوك علوها

علوها الرايه الخضره
.............

بارض الطف حلات الرايه والكافل
يهوس بيها محلاته ابو فاضل
جيبن رايته ونهوس مكابل
حله الميدان عباس بعلي قافل

هزاها الرايه بايده
...........

شافته ام عون تنومست باسمه
كفو نعم الاخو للموزمه تضمه
اجت يم بن ابوها زينب تشمه
ابو النوماس كالتله يبو الهمه

يزماطي اتباهه بيومه
........
طبو كربله وهزو مبانيها
ومن صاحو علي اهتزت طواغيها
ضنو جايهم للحرب حاميها
خافو من علي الكرار يفنيها

من حيدر الزود البيهم
........
تمت بعون الله تعالى
بقلمي الشاعره ام احمد البصراويه ✍️

https://www.tg-me.com/alsharahumahmad73
🏴🏴🏴🏴🏴🏴

تابعو جديد كتاباتي واسالكم الدعاء لي بالتوفيق والعافيه🙏🏻🤲👇

فزاعيه يوم ثالث من محرم🏴✍️

هلج شجعان لعبو جوله بالحومه
هلا ومية هلا بحسين وبيومه

يوم حسين زلزل كل طواغيها
تشهد كربله هي ومبانيها
وجت نار باسفلها وعاليها
باسم الزهره صاحو وانتخو بيها

طبوها صاحو يايمه وطبوها
..........
تنخو بام حسن وام البنين امهم
اخوانج على الحد ياهو الي يوصلهم
كومي هوسي يم الخدر يمهم
سباع تحزمو دكوها اخيمهم

دكوها خيام النيبه
...........

دكو عمد خيمتها ونصبوها
بتك ياعلي ع روس خلوها
حوريه بديهم هم شالوها
هلا بزينب هلا وياهلا نادوها

طرواها اهلا بالحره وطرواها

..........
طرواها يزينب عفه وهيابه
تستاهل الحوريه الحبابه
ويستاهل اخوها الحزم ثيابه
وين الدك صدر ويصيح يايابه

دك صدره الجاي يعازي
...........
موش برهدنه اللطم عدلنه
يالنسوان منجن صوت علنه
لهل زينب يالتستاهل الونه
انه وياجن حزام الحيل ذبنه

موش ويانه يالمايلطم
...........
تمت بعون الله تعالى
بقلمي الشاعره ام احمد البصراويه ✍️

🏴🏴🏴🏴🏴🏴
https://www.tg-me.com/alsharahumahmad73

قصيده ليوم ثالث محرم🏴💔

نزلوني نزلوني بكربله نزلوني
عازوني عازوني اعلى الولي عازوني
نزلوني خواني هناه
بكربله واويلاه
بكربله نزلوني
.... .......

صعبه وضعنه يالاخو اعلينه
اللليل اجانه والحزن غاطينه
ردنه لديار امنه وله تبجينه
يابعد كلبي انت يابو سكينه

دمعاتي ع الخد سالت
اعليك خويه هانت
نزلوني نزلوني بكربله نزلوني


@@@@@@
شلون افارك صورتك وخيالك
وشلون انسه كعدتك وادلالك
ارجع تراهي بعازتك عيالك
ليش بعجل ترحل يوالي شجالك

لا ترحل وتهضمني
خاف العده تشتمني

نزلوني نزلوني بكربله نزلوني

@@@@@@
اليوم ثالث واصبحت حيرانه
وعيني غدت من السهر ذبلانه
احاه يومج كربله بچانه
صبحت روحي ياخلگ نحلانه

نحلانه يمه روحي
وزادت عليه جروحي
نزلوني نزلوني بكربله نزلوني
..........
شلون بيه لو اجاني العاشر
ولو شفت ابن امي تدوسه الحافر
وشلون لو رحت انا وي الكافر
واصرخ واصيحن ريت ابوي الحاضر

ريته علي يحضرني
وبيده يباري الضعني

نزلوني نزلوني بكربله نزلوني
............

زينب يزينب والحزن يحلالج
فدوه انا اروحن لاسمج ولخيالج
مولاتي روحي مجلبه بذيالج
مرفوع صيتي واسمي عالي بجالج

يسموني الخدامه
لحسين والايامه

نزلوني نزلوني بكربله نزلوني
............
تمت بعون الله تعالى
بقلمي
الشاعره ام احمد البصراويه ✍️
https://www.tg-me.com/alsharahumahmad73

قصيده ليوم ثالث محرم 🏴✍️

اليوم ثالث ياعلي
من شالو العياله

شالو وسدو بابهم
انطفت شمعة دارهم
كل الحرم وياهم
يابوي هاك اخبارهم
حتى ملائكة السما تنعاله
..........
تنعاله جن اويه الانس
حسين كاطعلي النفس
من شفته صاعد ع الفرس
مصابه بضلوعي يجس
يابوي اخوي اليوم يفجع حاله
........
لو صار عاشر ياهلي
ابقى انه حرمه بلا ولي
ياهو يباري محملي
منهو اليكلي تدللي

لو راح اخوي وغاب عني اخياله
............
من يوم ثالث ايست
يردوني لدياري ردت
خواني الهم حشمت
عباس ردني انا كلت

من كتله ردني انفطر دلاله
...........

نعازيج يابت حيدره
بحسين بن خير الوره
بعباس سبع الكنطره
بحماج دنيا واخره

العازه زينب بالحشر تبراله
..........
تمت بعون الله تعالى
بقلمي الشاعره ام احمد البصراويه ✍️
https://www.tg-me.com/alsharahumahmad73

عاشور اجانه نريد نجدد حزنه
لحسين ابو السجاد ننطي عهدنه

#لبيك #ياحسين🏴✋

ربي يحفظجن بعد روحي

يحسين الك رايات مرفوعه هليوم
ونندب نصيح بصوت باسمك يمظلوم

#ياحسين #يامظلوم🏴💔😔

احوو احوو احوو 🙅🏻‍♀️🏴

ابيات دارمي لرحيل الحسين عليه السلام من وطن جده محمد صلى الله عليه وآله وسلم
عن لسان حال العليله عليها السلام
كأني بها تنادي وتقول......
ـــــــــــــــــــــــــــــــــــــــــ
حسين اجه بهل يوم من ديرة اهله
شال وترك هالدار وبكلبي عله

بكلبي شبت نار من فاركوني
اعتب على اهلي هواي چي ماخذوني

ماخذني ابوي وياه ولا كال امشي
خلاني وسط الدار انحبله وابجي

ابجي اظل بالدار عكب اهلي وامي
لمن يجي العباس يحضرني عمي

من شال ابوي بليل عاينت ليهم
ازحف زحف ضليت واتنخه بيهم

اتنخه ابوي وكال عمج اودي
عاين العمي وكام بيه يوصي

دنكت وابجي اليوم يم عتبة الباب
شالو هلج يادار صبحو غياب

يرهب يبيت حسين يمه وكسرني
ماريد اضلن بي يالموت اخذني

يالموت اخذني وياه ماريد اظلن
ارد الحگ انا الشال ويمه احطن

كلبي وجعني شلون بيه يهلنه
تردولي لو هيهات اكطع الظنه

ردولي يالماشين مااحمل فراك
ليليه هاي الروح للملكه تشتاك

#الشاعره_ام_احمد_البصراويه ✍️

حي على العزاء 🏴🏴🏴