حسابي تيكتوك 👆👆👆

نعي لسان حال زينب عليها السلام تنادى وتقول..... 😢

ونت وصاحت صوت يحسين
عكبك يخويه نروح لا وين
حرمه ومتكفله بنساوين
لا يمي جار ولا محبين
نسونه نسونه اهلنه يابوووويه النسونه😭💔

نسونه ولا جن يعرفونه
اهلنه يزهره الضيعونه
ونصيحهم مايسمعونه
وغربه ييمه الرافكونه
راحو وكطعوها المحنه يابوووويه 😭😭

كطعو بكلبي احاه يهلنه
والغرب هل تبره الضعنه
جا وينكم يهل المحنه
تجون لو نكطع الضنه
كطعنه الضنه وايسينه يايمه 💔💔

بقلمي ام احمد البصراويه ✍️

نعي لسان حال زينب عليها السلام تكوول....

لا من اهل لا من كرايب
روحي صفت بين الغرايب
وتاليتي انامن بالخرايب
وكثرن عليه يمه النوايب
مرادف اعليه المصايب
چا بعد روحي ضاله المن يابوووويه 💔😭

المن بعد ظلتي بالدار
واهلي جفوها ازغار وكبار
مطفيه منها ذيج الانوار
صبح اكليبي اليوم محتار
شكول لو جوني الخطار
ظلمه صفت ديران اهلنه يايمه😭💔

الدار ضلمه تخوف اليوم
وبس الغراب ابابهه يحوم
ياخويه كلبي اعليك ملچوم
وعيني تهل لاسمك يمضلوم
يايومكم ودر عيوني يابن امي💔😭

ابجي على اهلي العمر كله
فراكهم حط بيه عله
يامن يروح العلي يكله
زينب مست بويه بذله
انه بعازتك واليوم اريدك يابوووويه 😭💔

ام احمد البصراويه ✍️

قصيده لعودة زينب عليها السلام في الاربعين 😢💔🏴

زينب جايه من الشام
خلونه نتلكاهه

انتلكاهه بلطم وبنوح
اخت الضامي المذبوح
ردت والگلب مجروح
اجت والروس وياهه

جابت روسهم وتصيح
نوب تكوم نوب تطيح
يم عباس ذبها الريح
تعاتب ليش خلاها

خلاها بهضم وهموم
ردتله بهذا اليوم
تبجي تصيح يالمظلوم
وتحشم بولياهه

تحشم بت علي وتنحب
دموع عيونها تصب
گلبها بنارهم عطب
محد سمع نخواها

نخت واخوانها نومه
يازينب المهظومه
عليج اليوم مندومه
اريد الطم وانعاها

خل ننعه ونون ليها
وبالماتم نعازيها
وصرختنا نعليها
للضيعت ملفاها



ام احمد البصراويه ✍️

عظم الله اجركم واحسن عزائكم 🏴🏴🏴

السلام على كريم اهل البيت 🏴

اللهم صلِّ على محمد وآل محمد الطيبين الطاهرين 💚💚💚

دارميات
لسان حال مولاتي زينب عليها السلام تقول....

ياخويه موش اصباح اصبح عليه
بيه اللطم وانياح يبن الزجيه

للصبح ماغمضيت يايمه ساعه
يكتل يزهره اليوم ابنج وداعه

فت كلبي يوم الكال بعدوها اختي
بالطشت خاف تشوف طاحت جبدتي

ركن اليكض البيت طايح حسافه
طاحو كبار البيت التكضي الكلافه

ياعلي ابنك مات هد حيلي اليوم
خلاني وسط الدار ازحف ولا گوم
💔😔😭

ام احمد البصراويه ✍️

‏محاضره بصوتي من الشاعره ام احمد البصراويه🎤🎤🎤

"اللهّم بلغنَا أرَبعِين مُولانَا الحُسَيْن"

ابوذيات

لسان حال مولاتي زينب عليها السلام
تقول.....

تبعت الضعن حيف الضعن ماون....
عن عيني ابعدو مدري وين ماون....
شلون اهجع وانام شلون ماون.....
على احبابي المشو من بين اديه

يون كلبي بتوالي الليل ون حيل
عله احبابي غديت تراب ون حيل
حزام الظهر وسفه ارتخه ون حل
عكب الحملو واكطعو بيه

بجت روحي على احبابي ولايت
وندهت بصوت ردت امي ولايت
زينبكم مشت طرت ولايت
عكب عيونكم يهل الحميه

بجيت ودمعي عالوجنات هل سال..
اكليبي اعلى المشو ياناس هل سال..
اخوك بيوم طبت الدار هل سال..
محمد من سال هد حيلي ليه..

اكعدت بالباب اتنطر يمر باي
كتلني فراككم خويه ويمر باي
ربيتك عكب امي يمه ارباي
ضيعته ورحت لارض المنيه


اخوي الجنت ازامط بي ماهان
نزل دمعي عليه شلون ماهان
عافاني ولحكته وابد ماهان
خلاني اون صبح ومسيه

شلون اكدر ابطل النوح ونساه
وعشرتي وياه كله فرح ونساه
بقيت محيره بعياله ونساه
خلاني عكب عينه وصيه

بجيت اعليك بجيي اليوم مندم
اظل طول العمر انعاك مندم
جرح كلبي يخويه اعليك مندم
جرح ال بالكلب شيروفه ليه

ابوذيات للاربعين

اجت زينب تلكوها يهلها
ودمع عيناها مايبطل يهلها
شبعت ظيم اختكم من يهلها
بعد فكد الابو وامهه الزجيه


دمع ماظل ترى بعيني وشاله
شلع عيني الاخو وحالي وشاله
يوم الطاح منهو الاجه وشاله
ظل اعله الرمل جسمه رميه

يروحي اعله الاخو نوحي وسلي
ويعيني اعليه دم ابجي وسيلي
كثري اعتاب يم كبره وسيلي
عجب ياخوي ماتنغر عليه

يون كلبي اعله فركاهم ولاهاد
ولو عالو عليه اسكت ولاهاد
ضيعت الدرب لا اندل ولا هاد
يدليني اعله اخوي الكطع بيه

اون ومن ونيني العرب يارت
عيوني امن البواجي اعليك ياريت
عله الشالو اموتن كون ياريت
تمنيت اندفن يمهم سويه

ام احمد البصراويه ✍️

https://www.tg-me.com/alsharahumahmad73