چان البيـت يضحـك وإنتي بــي نور
رغم ما چــان بيتـچ إسمه الاحـزان

نگضـــي الليل نجـرد بس بالأيتام
ونمســك عالدمـــع وي وكـت الآذن

أطلَـع بــس بعـد بالبــاب و اشتـاگ
من اطُـب قُـرآن أشوفن يقـره قُـرآن

حتّه الرحّـى چانت تطحـن اهـموم
يمچ أنســـى ماحِس عندي عـدوان

أحــس بعده محمـد عايـــش وياي
سَدّيتـــي المچــان ونِعْـــمَ المچان

فجــأة و لن محمــد ضلعه كِسـروه
أحــس موعـد مماتي بهالكسر حان

وأحس حتـه الكساء بطيحتچ طاح
مو الأولـــي وخــايف صــاير ألوان

وحته السبحه نِحْلَت باقيه الخيط
أويَه رِكنِچ حته بيتي إنهـد الاركان

الأرض فــرغت وچـن آدم ممخلوق
احـس كلمـن عليهــا بموتتـچ فان

آنــه وياچ چِنّــه اجنــايز اثنـين
ذيچ الســاعه بــس راد إلنــه دفان

#ياعلي💔

إلـ چلمة و إن .. خَلّك فَطِن
لَتْجامل إعله الزهراء .. ضِلّ إلعَن الحاچيها
ــــــــــــــــــــــ
حبل الچذب كلش گصير إبطبعه
لا تسمع الگال إعله محسن بدعه
باب الزچيه إثگيل موش إتدفعـه

لـ أمّ الحسن خَلّك عون .. مو عايِّزَه وتآذيها
ــــــــــــــــــــــ
أضعف الإيمـان إبلسـانك دافـع
وللينفي كسر الضلع خلك رادع
كسّر إسنونه الگال حـيدر رابع

الله وعلي وياك إيصير .. واثق خُطاك إمشيها
ــــــــــــــــــــــ
ألف وخمسمية سنه إيحرفوها
كافي الزچيه إگبالك إيضربوها
هُمَه وخليفتهُم صدگ مصخوها

والما سِكَت والعباس .. إطوال اللِّسن نچويها
ــــــــــــــــــــــ
بْكتـاب (إبـن القـيس) لووِّح بيـدك
وگِلّه الصِحَاح المو صحيحه تفيدك
خصمـك تره إبمـاء العَكِر لَيصيدك

عاشت يمين إبن القيس .. واللعنه عَالينْفِيها
ــــــــــــــــــــــ
چَذِّبوا چِذبه و صدِّگوا چذبتهم
السُنَّه إحنـه وچـذبه كل سِنَتهم
مو شـيعي إليجـاملهـم إبفعلـتهم

باچر يّحضّر لَه جواب .. خل يحسب إلتاليها
ــــــــــــــــــــــ
صاحب المبدأ صير .. تاني المُنقِذ
سلمان صاحب .. لا تصاحب قُنـفِذ
صبرك على قبض الجمُر لا ينفِـذ

إيدك بِدين المُقداد .. ياهو الـذي يلويـها ؟
ــــــــــــــــــــــ
دنياك مثـل الگنطـره وإنتــه ادره
مگضيّه كلها و كِلنا تـالي إبحـفره
خَلْصانه خلّصها . ويه رَبْع الزهره

بلون الچِفَن وجهك مُوت .. وأم الحسن واليها
ــــــــــــــــــــــ

مهدي التقي

الجامَل على إحسابچ
مثـل الدِفَــع بابــچ
آنه إبقضيتچ فاطمه .. ما جَامِل أُمّـي
ــــــــــــــــــــــ
أوضوح الشمس .. بأعله حِسْ .. هاچ إسمعي منّه
ضلعچ يِضَلْ .. يا أهَـلْ ؟ .. نتبرّه من أهلنـه

هاچ من خادمچ سمعي .. فاطمه حچاية زِلِم
أمـي اذا ما تـرضى عنّي .. إنتي أمّ أمّي ونِعِم

الـ أُمّ مـا تِسَـوّيها
من حُبّي أحچيها
هيچ آنه يومچ من يمر .. والله أنسى إسمي
آنه إبقضيتـچ فاطمـه .. ما جَــامِل أُمّــي
ــــــــــــــــــــــ
مو عاطفه .. والـ نِفَه .. لو چبير إخواني
كـلّ الأمُر .. ينشمُــر .. ما أتَعْـبْ إلساني

وداعتچ لو چم عشيره .. توگفت إبوجهي شرط
والله واحد واحد ألزَم ..طينته إبخدينه أحط

آه يـا نهيـبتنه
ضلعچ قضيتنا
موحش طريق الحگ لچن .. غير إنتي يمّي
آنه إبقضيتـچ فاطمــه .. مــا جَـامِل أُمّـي
ــــــــــــــــــــــ
واللي إعتَرَض .. والبُغَض .. هذا عندي واحد
فـارغ فِكِر .. بالحشِر .. إشـفرقه و الـ مُعاند

الما يدافع عــن عصـرتچ .. هذا بابچ دافِعَـه
العاش بالحيله ابقضيتچ .. هذا قُنفِذ مرجعه

ناكر حَــرِگ بابِـچ
دايس على أعتابچ
إبن الوليد إيشابهه .. وكل دينه وهمي
آنه إبقضيتچ فاطمه .. ما جَامِل أُمّـي
ــــــــــــــــــــــ
مو رافضي .. إلـ يرتضي .. وينكـر الثوابـت
والـ ينقلب .. ينحسب .. حاله حال الشامت

عدل ما بي وَسَط دربچ .. لا نسـيت و مِشـتبِه
الواگف إبصفّي وطعنّي .. هذا لابس چم وجه

والراضي عالثاني
بگد ضلعچ آذّاني
حرٌب لِمَن حارَب علي .. و أعتبره خصمي
آنه إبقضيتــچ فاطمه .. ما جَـامِل أُمّـي
ــــــــــــــــــــــ
بَخت الزمن .. يم حَسَن .. جيته مو بعيده
سهله و إجت .. گـرّبت .. طلعتـه الرشيده

من الخلافه الحَد زمنّه .. مثل صفحه وتنطوي
وفدك ترجع لچ إمربع .. بالظهـور المهدوي

الـ ويّـاكُـم أمبـيّن
وبكـل روايــه إيْوِن
بنفس الفصيله نتّفق .. دمّـه ويَه دمّـي
آنه إبقضيتـچ فاطمه .. ما جَـامِل أُمّـي
ــــــــــــــــــــــ

مهدي التقي

جرحچ إشكبُر .. مظلومه
ما إلــچ گبُــر .. مظلومه
فاطمة الصبُر .. مظلومه
ـــــــــــــــــ
وداعت كسِـرْتِچ والضـلع
عايش على الله وعالدمع
يوميّه بابچ يندفع .. يوميّه أحس إبابچ
ليليه أطيحن لِچ و أون
و بمجلس إثگيل الوزن
چف الطم يرجن رجن .. يوميّه أحس إبابچ

دمعاتي.. حطب واحتِرگَن .. ما خِلصن دمعاتي
دمعاتي .. الچ ما نِشْفَن .. بس يِجْرَن دمعاتي

مو هوى إلـ يِهِب .. بضلوعي
شگد حطب أذِب .. بضلوعي
نـار إلـچ تِشِـب .. بضلوعي
ـــــــــــــــــ
وشلون ما حب مجلسِچ
ابكُبره النبي يتنفّسِچ
يا فاطمه ما أقدَسِـچ ! ..قِمّة ضياعي إبدونچ
إنتي ومحمد لافَرِق
يا علّة إيجاد الخَلِق
يالخدمِتِچ أكبر رزق .. قِمّة ضياعي إبدونچ

آهاتي .. مثل ونّــاتچ .. وآهاتــچ آهــاتي
آهاتي .. اعله بيت احزانچ .. وأشجانچ آهاتي

مجلسچ قهر .. مولاتي
بي شفت أثر .. مولاتي
كوثر و نهر .. مولاتي
ـــــــــــــــــ
أعلى المراتـب بالِغَـه
يا نعمة الله السابِغَه
غير إنتي حجة ودامِغَه .. منّ العدم جبتـيني
يَمرايَةْ الحُـب والغَصَب
جعمو على بابچ حَطَب
لو اذكر اسمچ دمعي صَب .منّ العدم جبتيني

لِزْمِيني .. بعد ماطِيحن .. لاتِيهَن لِزْمِيني
لِزْمِيني .. رَحَه وفُرِّيني .. عِينيني لِزْمِيني

ابمحسن الـ وِگع .. حزميني
انطيني بس جزع .. حزميني
ابساعة الفَزَع .. حزميني
ـــــــــــــــــ
يا شرف ما بعده شرف
گدرِچ ولا واحد عرف
إنتي الوحي إبابچ وگف..يا راضيه ومرضيّه
يا غيرة الله غيرتِچ
الله وعلي يحِب وگفِتِچ
قامت لـ إمامه ابطيحتِچ ..يا راضيه ومرضيّه

سجليني .. أعله قنبر ديني..وفقيني سجليني
سجليني.. بسجل أحبابچ .. بمصابچ سجليني

بـجاهِچ إكبَرِت .. مشكوره
خـادمچ صــرِت .. مشكوره
وللعَزَه إحضَرِت .. مشكوره
ـــــــــــــــــ
ولْـ هذا ماهِــد مآتمِي
ســوّاني حــبِّچ آدمِـي
باقي اعله ديني الفاطمي .. قبليني آنه ودِيني
شما أعثر ابدمعي انتچي
ما ضايــع ويـاچ البچــي
وإنتي التِفَصلِين الحچي .. قبليني آنه ودِيني

خِدّامِچ .. لَگِط لِگطينه .. حِفظينه خِدّامِچ
خِدّامِچ .. رِوايه أروايه .. إنشِد رايه خِدّامِچ

ابنعمِتِچ عٍشِت .. نَعْم الله
ابفضلچ إكبرت .. نَعْم الله
عبدچ أصبحت .. نَعْم الله
ـــــــــــــــــ

مهدي التقي

يا حزنك وضيمه .. شادِد حيازيمه
يومك يمُر دمعه .. لو باب لو خيمه
ــــــــــــــــــــــ
اليوم وي أمْسَك تِسَاون .. گاضي عمرك صابر
من الفجـر للفجر يومك .. كلّه مغـرب صاير

اثنيهن عندك تَسَاوِي .. الشمس و فيَـاي
وعندك ابنفس الحراره .. الجمره والماي

ما تنعد احزانك .. ما نِشْفَت إردانك
لو تقره لو تنعه .. ومذَبّل أجفانك
ــــــــــــــــــــــ
باب جفنك من تِفِتحَه .. يجي الباب إبالك
تِغْمَض اعيونك يصيرن .. خيمه خيمه إگبالك

الساعه عندك عام كامل .. والگلـب نار
إمناشغ الطف بعده بذنك .. بچيّ إلزغار

تنام اعله آهاتك .. تصحه اعله لچماتك
من الجمعه للجمعه .. صارت مناجاتك
ــــــــــــــــــــــ
من تزور الزهره يمكن .. الله وحده العالم
الف صبر أيوب تآخِد .. كل زيـاره إلفاطِم

وين ما عينك تحطها .. إتّرسك أوجاع
محسن وعبدالله دمهُم .. تارس الگاع

تكتل زيـاراتك .. تخنـگ عباراتك
دم دمعتك تنزل .. ومتانـي ثاراتك
ــــــــــــــــــــــ
اشما تُمُر ابنار شبّت .. تركض إتطّفيها
جدمك اعله العِتبَه لومَر .. حذر من يخطيها

يومك إيمر مو روايه .. وتَرسَه نيران
دنيّتَك عايشها داخل .. بيت الاحزان

إمگابل مجالسها .. وكسرة علي إتسـحها
خمسه البچَوا وانته .. يالمهدي سادسها
ــــــــــــــــــــــ
من تمر بماي يجري .. يجري دم بخدودك
من تدوس بگاع صحره .. للسبايا إتگــودك

يبس ريجك عاليتامــه .. والحــزن فاض
و دمعه من دم فوگ خدك .. تركض اركاض

شيب رمش عينك .. ما بطّل اونينك
للطلعه بس تدعي .. وما نزلن ايدينك
ــــــــــــــــــــــ

مهدي التقي

يا فاطمه .. يا فاطمه
ـــــــــــــــــــــــ
يَـ مْرَايَتْ الخـالق .. وأمّ النبي الصادق
إنتي و رسول الله .. إلـ خـالق النـاطق

ابميزاته مشموله .. چا .صرتي مرسوله
لوما أبو القاســم .. الخـاتَم يصـيحـوله

يا فاطمه .. ياحُجْتْ الحجج
يا فاطمه .. بس إسمچ وهَج
يا فاطمه .. مفتـاح الفَـرَج

يا فاطمه .. سر الله الخفي
يا فاطمه .. يالما تنطفـي
يا فاطمه .. يالگبرچ عُفِي
ـــــــــــــــــــــــ
الله إبعِظُم شانه .. صرتي انتي ميزانه
ايسمعونچ إحچايه .. ما يرضى سبحانه

الحگ وَيّه ميزانچ .. آه يا عظُم شانچ
مخلوقه قدسيّه .. محد خذه إمكانچ

يا فاطمه .. حته إسمچ نِدَه
يا فاطمه .. حُجّه وشاهِدَه
يا فاطمه .. وحده وخالِدَه

يا فاطمه .. معنى العاطفه
يا فاطمه .. تحتاج معرفه
يا فاطمه .. عالدنيا العفه
ـــــــــــــــــــــــ
يـ حچاية القاضي .. حاضرنه والماضي
منّچ نِعَـرْف الله .. غضـبان لو راضي

يا منبع الحكمه .. يا نعمـة النعمه
اتراب النبي اترابچ .. ماذا إعله (مَنْ شَمََّ)

يا فاطمه .. ميزان العدل
يا فاطمه .. مَيْشِيْلِچ عقل
يا فاطمه .. يَمْضحيه ابطفل

يا فاطمه .. تَرفه وعالِمَه
يا فاطمه .. يَـ أمّ المَحكمَه
يا فاطمه .. حَيّرتِي السمه
ـــــــــــــــــــــــ
إبحيدر تِسَاوَيْتي .. ضِلْع إلعلي انطيْتي
يوم الكسا فاطم .. ويّـامـن إحچيـتي ؟

إعليچ الوحي صَلّى .. إبذيل الكِسَا شَغَلّه
جابر رِواه وانتي .. شو گلتي ( گال الله ) !!

يا فاطمه .. ربّچ كلّمـچ
يا فاطمه .. واسع عالمچ
يا فاطمه .. اللـه إمعلّمچ

يا فاطمه .. وبْسرِّچ شَكو ؟
يا فاطمه .. ليْفَسّرچ مِنو ؟
يا فاطمه .. بس حيدر كفو
ـــــــــــــــــــــــ
ما تِنعَد أوصافچ .. كُون الله بألطافـچ
چان الوحي السـادس .. لكـن ولا شافچ

بس صرتي ويّاهُم .. صــار إيتهجــاهُم
لحن الخطاب أصبح .. تحت الكِسَا ياهُم ؟

يا فاطمه .. أقـراچ قــرّرِت
يا فاطمه .. حَدّ فضّه أوْگَفِت
يا فاطمه .. استغفَرْت وتِبِت

يا فاطمه .. واحچي المُخْتَصَر
يا فاطمه .. لِيْحَجْمِـچ كُفــر
يا فاطمه .. والعافِــچ خِسَــر
ـــــــــــــــــــــــ

مهدي التقي

ربي لا تحرمنه مِن .. مجالس الزهراء
ــــــــــــــــــــــــــ
نَعَم .. دمعي العَذِب .. خَلْنِي انحِسِب .. خادم خَدَم
نَعَم .. صاحب ذَنِب .. لا أنسِلِب .. هاي النِعَم
نَعَم .. عمري الجِزَه .. وگاضي إبعَزَه .. نُونْ وقَلَم
نَعَم .. بس هالطَلَبْ . منّك يَرَبْ .. مازِل جِدَم

للزهره كــون ..
گلبي عِتبَـتْ باب هيچ ويتحرِگ
و مو الباب السمه اعليّه تنطبِگ
وآنـه والمجــلس يَرَب ما نفترِگ

مظلومه .. كون عُمرين أخْدِمِچ
محرومه .. كون أعيشن عالَمِـچ
ما لُومَه .. الشاب گلبه إبماتَمِچ
ــــــــــــــــــــــــــ
شَرَف .. عمري اليِجِي .. أگضِي بچِي .. لأمّ الحَسَن
شَرَف .. أكسر ضلع .. و اذرِف دمع .. زودي بهَذَن
شَرَف .. كِلّ الشرف .. والما عِرَف .. ضيّيع وطن
شرف .. والما قِبَل .. نور و جَهَل .. ما يلتِقَن

أمّ الكســـاء ..
فاطمه انخلقت قبل كِلّ الخلِق
وعن ظلامتـها الخلائِـق تِتّفِـق
ابمجلسچ فاطم ردِت مقعد صدِق

ودخيلچ .. يالمقامـچ مُختلِف
أبچيلچ .. لــو رواياتــچ ألـف
أمشيلچ .. كون للمجلس زحف
ــــــــــــــــــــــــــ
أدَب .. حبچ وِجَب .. بيهْ العَجَب .. نتحسَسه
أدَب .. كلمن حضر .. يلگه الأثر .. ويْلامِسَـه
أدَب .. نتعلّمه .. وبـ فاطمه .. چـم مدرسـه !
أدَب .. لطم الصدر .. ثوره و أجِـر .. نتنفسه

يومِـچ عظـيم ..
الـ عالروايه اينوح أبد ما مِشتبِـه
هذا وجْه وگُفَه إيموت أبيض وجه
والصــراط أويــاه يِمِيـل و يتِّجِه

عِذرينه .. عيون عدنه وما عِمَن
و إيدينه .. من اللطــم مـا وَرّمَن
حَزْمـينه .. فـاطميّـاتِـچ بِــدَن
ــــــــــــــــــــــــــ
حزِن .. نتصوّره .. ونستشعِره .. باب وجِذِع
حزِن .. يگطَع نِفَس .. محسنها حَس .. طگ الظلِع
حزِن .. ما ينحمِل .. يوگع طفِل .. خَد ينصفِع
حزِن .. بِيْتَه إشكبُر .. رايد صَبُر .. رايد دمع

أمّ الذبيـح ..
كون بيت احزانها اعلينه انهِدَم
وكلها ميته ولا ضلع منها إنلچَم
كون گدّ ادموعها اطيــح الخَدَم

نفديها .. ويمها نوگع بالسَرَه
ندريها .. جنّه في هيئة مره
نواليها .. أُمنـَه دنيــا وآخره
ــــــــــــــــــــــــــ
قَهَر .. و إبداخِلِي .. صورة علي .. الما ينثني
قَهَر .. ذاكَ الفَحَل .. بالمُغتَسَل .. ضل منحِني
قَهَر .. كون اللطُم . يكسر عضُم .. كون أنفني
قَهَر .. كون اندفِـن .. ودار الحِـزِن . ما ينبني

سِــرّ الوجــود ..
انتي دِرتي الكون چن قُطْب الرَحَه
إبغير ذكـرچ مـا تِفِيـد المَسـبحَه
مبدأ الطاعـه ابلطمنـه نِشْرَحَـه

مرضيّه .. والله هيـچ إمقـدِّسِـچ
و إلدنيه .. ابزغُر شَذرَة مِحبسِچ
مگضيّـه .. والخـلود إلـ مجـلسِچ
ــــــــــــــــــــــــــ

مهدي التقي

إشكُبُر ذوقك عاشت إيدك يا عقيل
جِبِــت للتاريــخ دُرّة وجــوهــره

موش حطيت النقاط إعله الحروف
انته حطّــيت الثُريّه اعلــه الثرى

من مشت فاطم جبت فاطــم دِريت
إلـ علي ما ترهــم بعد بس هالمره

وچـان بيــبان الحوائج نقصه باب
نعمــه وعليهــا الفواتِـح تنقــره

چانت ام عبــاس جــامِعْةْ الفُنون
صاحِبَة قانـون نَصْـب الســيطره

و إلها چــانت نظــريْة النهــروان
و إهي اكتشـفَتْ جاذبيةْ الگنطـره

كون مكتــوب الجهــاد إعله النساء
چان سوّت بالطـف أكبَــر مگبــره

بالمدينه وعدها بالطف بس إدين
ما ارتاحـــت إلا وهْيَـــه امبتـــره

منـــين ما تلتـف ذِكــر ام البنين
إي ( هِــيَ السمّوها زَوجة حَيّدره )

هيّه عنـد الزمجره المعروفه زين
زوجـة اللّيــث الـ أُجـام القَســوَرَه

كون للشــام ومشــت ويّـه البنــات
چا . شِـمِر مشّــته مثل المســطره

وچان باب الساعه ماضل شي أكــيد
تستحــق اتعيـد شـــغلة خــيبره

#عظم_الله_أجوركم🏴

وحگ الوِگــع مــن عِــدها ـ طِفلها
تِشِـب نـاري ولا يحصَـل ـ طفِ الها
علىَ الهادي أحس روحي ـ طَفّ إلها
إلفَگِد عاشِر إمام إطفوف بيّه ..

#عظم_الله_أجوركم🏴

وِلِدَتْ عُلُـوْمُ الكَـوْنِ فِـيْ مِيْلادِهِ
وَكَأَنَّمَاْ مُوْسَى مَعَ الْخِضْرِ إنْطَلَقْ

حَتّى جِدَارُ البَيْتِ فَـاْرَقَ بَعْضَهُ
لَمْ يَسْتَطِعْ صَبْراً تَبَسَّمَ وإفْتَرَقْ

#أسعد_الله_قلوبكم

قُــلْ لِلْمُغَــيَّبِ أخْـذُ ثَاْرَاتِ الْسِبَا
لَمْ تَلْتَئِـمْ يَبْنَ الحُسَـيّنِ جِرَاْحِيَاْ

مَاْذَا عَلَـى مَنْ شَــمَّ تُرْبَــةَ كَرْبَلاْ
أنْ لاْ يَعِيْـشَ وَ بِالْعَــرَاْءِ غَــواَلِيَاْ

صُبَّـتْ عَلَـيَّ سِــيَاْطُهُـمْ لَــوْ أَنَّهَاْ
صُبَّتْ عَلَـى حَجَـرٍ أصْـمَّ بَكَى لِيَاْ

فْالْيَوْمَ أَخْضَـعُ لِلْمَسِيْرِ مَعَ العِدَىْ
شَتْـمَاً أُجَــاْبُ إِذَاْ نَدَبْــتُ مُحَـاْمِيَاْ

فَـإِذَاْ بَكَـتْ مَسْــبِيَّةٌ فِــيْ أَسْـرِهَاْ
ضُرِبَتْ وَ صَـاْرَتْ تَحْتَمِـيْ بِرِدَاْئِيَاْ

وَرَأيْتُ فِيْ الشَاْمِ الدُفُوْفُ وَرَقْصِهَاْ
وَكَأنَّمَــاْ عِــيْداً أتَــىْ بِمُصَــاْبِيَاْ

يَبْنَ الْحُسَـيّنِ لِقِصَّتِيْ فَابْكِي دَمَاً
فِيْ الْشَــاْمِ لَا زَاْلَـتْ يَدِيْ بِحِبَاْلِيَا

ـــــــــــــــــــــ

بيت أحزان أمي اليوم ـ صَبْ بيت
وعَلَى جدّك دِمُوع إدموم ـ صَبّيْت
عَلَيّ صُبَّتْ مُصايب كُـون ـ صُبَّتْ
عَلَى الأيام صارن ليل إليّه ..

#عظم_الله_أجوركم_بشهادتها🏴

كون القصايد يمها تتحجب
محّد گدر يعرف قَدَر زينب
حيدر إمـربّيها
صورة أمها بيها
ـــــــــــــــــــــ
قدسيه تشبه فاطمه مو أي بشر يعرفها
لمن نحطها أويه الشعر يتوضه ويوصفها
مصحفها بالطف بي سِوَر فسّرها لاتحرُفها
تفسير زينب مو سهل بس الحسين أنصفها

إنعصرت الآيه وخلفت آيه
چنها الزچيه إگبال إلمرايه
يا عقل يحويها
صورة أمها بيها
ـــــــــــــــــــــ
بَرض الله ماضَلِّلها اثر عباس ابد ما يقبل
ما نِقَص شَعْرَه من الخِدِر بالهودج وعالهزّل
مقبوله تنحط بالنعي لكن شرط ما تنذَل
زينب علي وتدري بعلي يلبس درع من يزعل

مو بيدك إحبال وتجي تشدها
هنياله اليموت إعله مرقـدها
بالــك إتأذيهـا
صورة أمها بيها
ـــــــــــــــــــــ
فوگ الجرح لَتْحط جرح هذا ابكلامي اقصدته
من تنجرح زينب تره إتگلّك جميـلاً شفته
گدامها حسين ابرمح وبطوله واگف لخته
زين العباد ابهيبته يحچي بأدب وي عمته

يم معرفتها المعـرفه تِتْعَب
نار ابخيمهـا إبنـار لا تلعـب

كونَـك إطّفـيها
صورة أمها بيها
ـــــــــــــــــــــ
إحسب حِسَاب إلفاطمه أم عون بضعه من أمها
دورَيْن بس وحدة هدف مشكاة ياهو يضمها ؟
نسخة الزهره ام الحسن زينب فما أعظمها
إلمرقدها لاحگها الهضم مو كافي لا تهضمها

الما لحّگ اعله الخيمه يطفيها
زينب غريبــه إزيــاره تِكْفيها
يا شمر يسبيها
صورة أمها بيها
ـــــــــــــــــــــ

مهدي التقي

#رَجَـب أيامـه حــلوه ـ جاي أبو حسين
و يجـي #شعـبان مِسـرِع ـ جايِب حسين
( حُسَـين ) الخـير كلّــه ـ جاي بحسين
وبعد . #رمضان عدنه إيجيب أخيّه

حـلو . #شـعبان چـي عبـاس ـ بي هَلّ
سؤالي إبحــرف الإستـفهام ـ بي (هل ؟)
الماي الجابه بالطــف چـان ـ بي هيل ؟
أشــم ريحـــته إبتـــلّ الزينبـيه

المَلَك هالليله شمعَه ـ شـبْ للحسـين
لعلي ويستاهل أكثر ـ شِبل إلـ حسـين
إنولَـــد أوّل التســعه ـ شَبْ للـ حسين
يـَ هنيالك حُسَيْن بهالعطيه

مهدي التقي
#أسعد_الله_قلوبكم

هوسات الولادات شعبانية

الإمام الحسين (ع)
أنولد والنِدَه ضل بِذْن الوَرِد يهمِس
إجه و يم عطره ضاعت وَردَة النرجس
الوحيد حسين صار وبي فُرَح فِطرس

( فطرس فرحان إبميلاده )

الإمام السجاد (ع)
صار إبن الحسين ويا عظُم شانه
بي فرحت أرضنه وفرحت إسمانه
الدعاء شگد حلو السجّاد بلسانه
(يا هيبه وصاير من هيبه )

الإمام العباس (ع)
انولد عباس بس شلون إجه جَيّه
گطَع حتِه الگماط وصاح ها هيّه
شغلة ضعن زينـب بعد مگضيّه

( ومن زغره الجود إعله إمتونه )

مهدي التقي

ياعلي ياعلي ياعلي يـ الأكبر
ياعلي ياعلي ياعلي بيك أفخر
ــــــــــــــــــــــــــ
افتخر بيك علي وحيل افرحت
اهدعش شبعان سِهَرْتْ ومانمت
شمع ميلاد جبت لك و إعلگت
موش بيدين گلب بي صفگت

ياعلي ياعلي ياعلي جيت اسهر
ياعلي ياعلي ياعلي بيك أفخر
ــــــــــــــــــــــــــ
ابن الحسين علي و كلك حِسِن
بيك اوصاف ملك ما چن إبـن
حالف اليوم ولا أطبــگ جفـن
صدگ فرحان واريد انسه الحزن

ياعلي ياعلي ياعلي و إتصـوّر
ياعلي ياعلي ياعلي بيك أفخر
ــــــــــــــــــــــــــ
شايل اخلاق علي ما تنوصـف
جناح فرّاش .. بعد واكثر تـرف
تنعرف زين لچـن ما نتعـرف
بحور الاشعار علي يمك تجف

ياعلي ياعلي ياعلي ما تگـدر
ياعلي ياعلي ياعلي بيك أفخر
ــــــــــــــــــــــــــ
حجمك اچبير علي وضاع الشعر
هواي الاوزان لچن يمك صفــر
الك ينراد علي سجدة شــكر
بشهر شعبان بدر خلّف بدر

ياعلي ياعلي ياعلي يا محور
ياعلي ياعلي ياعلي بيك أفخر
ــــــــــــــــــــــــــ
هاي تحتاج بيان وترجمـه
لهاي ينراد فرح گد . السمه
رايده ارواح نظيفه امحزمه
شايله ارود تطشها الفاطمه

ياعلي ياعلي ياعلي بهالمنظر
ياعلي ياعلي ياعلي بيك أفخر
ــــــــــــــــــــــــــ


مهدي التقي

شعبان كِلّه انوار .. و إسـمك نَـوَّر
مولاي يوم العيد .. يوم إلـ تِظهَر
ــــــــــــــــــــ
حلـوه الولاده بسّ الأحله منها
يوم إعـله ميمونك تِشِد رِسِنها
وعدانه غيـرك ياهو يلْوِي إذِنها
الطايل لسنها گوم وگص لِسِنها

اللّبْسَوا ثِياب إگصار .. جِر بيهم جَر
مـولاي يـوم العيد .. يوم إلـ تِظهَر
ــــــــــــــــــــ
حـلوه الــولاده والجـميل البيـها
الطلعه البهيّه الـ عنـدك إنتانيها
والفرحـه تكمـل يـوم لِتْصفيها
طبّت علي إبـ خيبر تِجي وتنهيها

غزواتــك إثمـانين .. سـوّيها أكثر
مـولاي يـوم العيد .. يوم إلـ تِظهَر
ــــــــــــــــــــ
نُطْبِگّـ كِتاب الغَيِبه يوم إنشـوفك
وجـه وگفـه إنقبّل نريد إچفوفك
نتـرٍك اهلنـا ومســتحيل إنعـوفك
يمته النوارس ترتوي من اجروفك

كشخه وعليك إثياب .. سِندِس أخضر
مـولاي يـوم العيــد .. يوم إلـ تِظهَر
ــــــــــــــــــــ
انعيش الظهور وما نعيشه إطروحه
وكل شـيعي گدّامك يقـدّم روحـه
الشايل جِرُوح إتداوي كل إجروحه
دَولة عــدِل وســـوالِفَك مملوحه

حِلْم أنبيـاء هــواي .. يمّك خَضّـر
مـولاي يـوم العيد .. يوم إلـ تِظهَر
ــــــــــــــــــــ
الشيخ المُفيد إتگلّـه مـا ناسـيكم
إحنه إلمرضكم نِمرَض ونِشْفيكم
گبْـل آدم اللـه الخالـق إمسـوّيكم
قادتنه إنتم واحنه نفخـر بيكم

ولـ آيـة المِشـكاة .. إنتـو الجَـوهَر
مـولاي يـوم العيد .. يوم إلـ تِظهَر
ــــــــــــــــــــ

مهدي التقي

كلهــا إتعايــن إلها وگلبـــك إچبـير
تَعدّد باللّسِــن وأشــــكال الألــــوان

تفـاوُت بالعقــول إبليــل الإحـــياء
كلمن حســب فهمه إبنصـف شعبان

مــرّات الموالــي إيخونـــه تعبيـــر
وإنته بهـاي تدري وصــاحب إحسـان

وعلي لـو ما يحبــك ما فــرح هيــچ
عكـس المــا يحبّــك ذاك خســـران

تكثيــر الســـواد ويــاكـم أشــــكال
إلـ يهووّس لَك طلـع .. وإليقره قُـرآن

إعله أبو الموكب العيـن وعيـن مولاي
على المشّــاي جـاي وجِدمَـه تعبـان

على أبــواب الدخـول إمسـوّي تعـداد
وعلى الگاعد إبيته ويدعـي إلك چان

على الصاعد إبسطحه وزار لحسـين
وگضه ليله إعله حالك دمعه وأشجان

إلـ يحزَن وإليصفّـك نفس الإحسـاس
ميــلاك فرح .. بس وضعك .. أحـزان

أكو ميّثــم إبحـبّك و إنصِــلَبّ بيـك
وأكو إتحمّــل نَفِي وشي بينه سلمان

كلهـــن سجـّـلتهن بالـــك إوســـيع
الجاهل .. واليحب .. والعنده عِرفـان

مهدي التقي

#يا_فرج_الله