لتلومني أذا تعبان
أحبلي أنسان جان يحبله غير أنسان

چـم مرة حلفت ما أرجع وأشتاك
وچـم مرة دفعت كفارة على حلفان


محمد العبدلي 💜

أحرم روحي مني وأبقه وياه
اشعلت روحي وضويت بدربه قنديل

وأخذ حصته الخلال وحصتي الفياي
خذت الافياي أبيعه وچلچل الليل


يوسف حسن 💜

جربت غيرك أحب وأعشك تفاصيلة
حاولت بي أنعجب بس شفته ماله ذنب

يحجيلي عن حبه الي
وعن حبك أحجيله


محمد قصي 💜

جنت لو مريت بيه ...
جدامي ترجف والجتاف

ومن كثر ما خوفتني
أتمردت ما كمت أخاف


رحيم المالكي 💜

بعيدة النقطة ذيچ الرايد أوصلها
أريد أرجع لأول مشكلة نحلت ، وما أحلها


محمد صلاح 💜

موش أنا اليحبك يوم لو يومين
أنا المجروح كلبة ورادك ضمادة


حسين آلـ دليهم 💜

نلعب لعبة ...؟
أني أختل ، وأنت تفتح وتبدي

تدور واحد بهل كون
يحب عيونك بكدي


محمد قصي 💜

من اسولف سالفة بلا شاهد أحلف بيك
وسادتنا التشور ما تجي أبالي
يبوي شكد جنت غالي


باهر الجنديل 💜

واطلع الصور وابجيلك بجي من هذا البالك
شويه الهاي أبجي ، شويه أبجي لهاي
مثلك من ترش بالورد مالك


يونس محسن 💜

شفت أيدك ، بأيد غيري
وحب جديد تريد تبدي

جان أجمل يوم عندك
وانا اسوء يوم عندي


فاطمة محراب 💜

غاد من كلبي لكيتك تحجي عنه
تكول ما شايل محنه

زين ياهو البارحة المات اعلى شوفك
لاچن طيوفك حينه

غير كلبي الما تهنه
ولك كلبي اهواي تلگه اكلوب بس ما تلگه منه


رسول المنصوري 💜

والهدية تهون بس شنطي قليل
كون ينحط بظرف گلبي العليل


ليث ماجد 💜

تبجي اعلى غيري شكد جنت
وأني أمسح بدمعك



عصام كريم💜

جان ابسط فعل منك
يخلي احساسي متطمن

أذكر شاورتني وصوتك يجنن
ورجعت لبيتنا وكل عقلي اضم لصوت

مخلي أيدي على اذاني شون اليأذن


يونس محسن 💜

بعيـد انته وطويل الليل شيجـيبك
العـوض بـ الله ومكـاتيبك .!


رسول المنصوري 💜

گولو مشتاگين مره
وانه الم حزني واجيكم
بالچذب سووا العليكم


طارق بريسم 💜

عطشتني بماي حبك
أمطر .. أمطر
خاف ربك



مظفر ألنواب 💜

مرات احس روحي انطفت
من تشتعل حنيتي

واشتاگ ودموعي مطر
ومناشغ ودخان تارس ريتي


لـ كاضم شاكر 💜

مشكلتي احس فراكنا بي رجعة
يالغيري عندك وأنت وحدك عندي

عندك الحب حسيته مثل المشروع
من يفشل تخطط الثاني وتبدي !!


محمد قصي 💜

ما الها حوبات الأثر ، لو كلبي أچويه؟
حنيت ما اكدر بعد شتسوي سوي

السوتني هيج عيونك المن تعتب؟
يا غيرتي ، بنية وصديقتها تحب


علي مهدي 💜