🌹 قصيده لسان حال الميت 🌹

حار ويكتل يهلنه اترابنه
علينه محد نشد يحبابنه

&&&&&&&&&&&&

ارواحنه ظلت تلوب عليكم
تجي كل جمعه وتريد تشوفكم
روحي محتاَمه تحن وتريدكم
تمنينه لومنكم عطر شمينه

&&&&&&&&&&&&&

ظلت عيوني تهل لغيابكم
وانه كل جمعه ادكن بابكم
ياريت لو لحظه كعدنه حذاكم
عليكم روحي تظل ولهانه

&&&&&&&&&&&&

ردت منكم هايهلنه الفاتحه
ماردت ولله انه كل نايحه
للكبر ارجع دموعي سايحه
والكبر صاير. تره ديرانه

&&&&&&&&&&&&

ركعه منكم ردنه وياهه ثواب
علينه مسدود الكبر والكلب ذاب
بعد مااحمل تره ذاك العذاب
عليكم عيوني تظل سهرانه

&&&&&&&&&&&&

تربي. عيوني انه لدروبكم
اشوكت تلفوني وشوف اطيوفكم
بعدني ولله بشوق انه لرسومكم
والتراب اليوم صار وسادنه
&&&&&&&&&&&&

تمت والحمد لله ✍️ بقلمي
الشاعره ام احمد شهد الرضوي
https://www.tg-me.com/alzmqpa

🌺. قصيده لام البنين ع🌺


اجيتج والكلب مكسور
يم عباس جبريني

###########

اجبري خاطري المكسور
بكليبي النار تفور
من كثر الظلم والجور
يم عباس غيثيني

##########

احلفج بلكفل زينب
اجيتج والكلب ينحب
والدمعات مني تصب
بروحي النار تجويني

###########

الدنيا مظلمه بعيني
تعبتني انه سنيني
عليه الظيم تدريني
بس انتي تعينيني

###########

فرحي كلبي المهموم
اكظيهه الكلافه اليوم
كلبي محمل ومالوم
بس انتي تفرحيني

##########
عليله انه وريد دواي
ولله طلبتي بس هاي
انتي غايتي ورجواي
ونتي زين تدريني

###########

تمت والحمد لله ✍️ بقلمي
الشاعره ام احمد شهد الرضوي

https://www.tg-me.com/alzmqpa

: قصيده للعباس مع الوالده

الوزن شبكها


سامحيني يمه موتج ماحظرته
سامحيني ابكبري اعتابج سمعته
سامحيني سامحيني

****

يمه حال الموت مابينج وبيني
انه بلطف والسهم صوب العيني
يمه اقدم اعتذاري اقبليني
مرمي فوك الشاطي ريتج تنظريني

اعذريني اعليج دمعي مانثرته

اعذريني اعذريني
****
يمه عندج خبر من كطعو أديه
خبر عندج زينب راحت سبيه
من مشت يمه الظعن مرو عليه
منظر عليه اشد من المنيه
عاتبوني والعتب لمن سمعته
عاتبوني كل طفل يمه بدمعته

عاتبوني عاتبوني
****

يمه انه بالحد واسمع ونينج
جفوف ماعندي اغمض بيه عينج
راسي بلشامات ظل اشلون اجيلج
يمي يم الوفه وفيت انه دينج

حشموني الحرم الجودي حملته

حشموني والعمر الهم نذرتهه
تعرفيني تعرفيني
*

يمه انه وياج نتلاكه سويه
اوكر عينج انه كدام الزجيه
الج وفيت الربه بالغاظريه
بس تظل ناري على مصابج سريه

من ولوني عالنهر اسمك ذكرته

من ولوني الماي ابد ماشربته
اكبال عيني اكبال عيني

*
يمه انه ماحظرتج علم عندج
انذرت دمي لبو اليمه دون دمج
انطيت يحبيبه جفوفي دون خدرج
خدر زينب استلمته يمه منج
ضخرتيني للخدر وانه حفضته
ضخرتيني من العده يمه حرسته

انصرت ديني انصرت ديني
**

يمه الله اوياج يلي ارضعت طيبج
محظرت يم الوفه بلاجل يومج
ريت انزل بالحد وانظر الطولج
اوكل صباح الجمعه يحبيبه ازورج
تسمعيني دمعي لو يمج سجبته
تسمعيني يمه اسمج لو ندبته

اتجاوبيني اتجاوبيني


***


✍تمت والحمد لله بقلمي الشاعره ام احمد شهد الرضوي

غير مبري الذمه من يغير اسم الشاعره
https://www.tg-me.com/alzmqpa

🌺قصيده لام البنين ع 🌺


الج بيرغ عراضه يم البنين
ضحت بربعه هليوم لحسين

🌺🌺🌺🌺🌺🌺🌺

هاي ام الوفه وام الكرامات
تنطيهه التريد اليوم حاجات
بسمج هلرفعنه اليوم رايات

( انعليهه الرايه بأسمج )

وسعي مجلسج يامن تلطمين
كلها حاظره وتلطم علعين
وحنه اليوم ننخه ام البنين

( انخاها وبزود اليوم )

اليوم البيارغ هل عكدناها
اريدن بلحشر للدوم وياها
الج ارواحنا ولله فديناها

( افديلج اليوم عيوني )

شيعتج واحنه ريد وياج
ورب العرش هليوم علاج
انت ام البطل وشلون ننساج

( طاريج ايرد الروح )

عد عيناج احنه ام الميامين
نلطم علارض ظلو مطاعين
ماهمج اولادج همج حسين

( نخسف هلصدر ماهمنه الموت )

🌺🌺🌺🌺🌺🌺

تمت. والحمد لله ✍️ الشاعره ام احمد شهد الرضوي

: قصيده للامام الكاظم ع

حليف السجده الطويله

على طور عدنه جريمه قتل لباسم الكربلائي

~~
خلي نشوف السجن
موسى نسمعه يون
يسچب يويلي الدمع
الشوفت اهله يحن
▪︎▪︎▪︎▪︎▪︎▪︎▪︎
ابن جعفر بالسجن محد يعينه
شابح اعيونه يويلي عالمدينه
اسنين صار ابسجنه احنه مادرينه
عله هالحاله گضت روحه الحزينه
هارون منه اشطلب
هذا جزات النسب
انفاس منه گطع
الشوفت اهله يحن
▪︎▪︎▪︎▪︎▪︎▪︎▪︎

بالسجن ويلي كظه عمره وسنينه
مرّد السم جبده بس الله اليعينه
وحدّه بطاموره ما بطّل ونينه
نعشه بصفاد الحديد امكيدينه

اشحال يوم الولي
اينادي وينك علي
اني على هذا الوضع
الشوفت اهله يحن

*
ننادي وينك يبن حماي الحميه
جرحه يشبه جرح يوم الغاظريه
جثته فوك الجسر يا ويلي رميه
والرضا ينادي بحزن دمعه جريه

وسفه على ذاك الجسر
ظل النعش ينتظر
والغربه ما تنجرع
الشوفت اهله يحن


****
الشيعه تنادي امامي شلون بينه
كل يوم احنه بلكي يجينه
زادت الهموم ياموسى علينه
الرضى ا يون وتسيل عينه

يصرخ اريدن هلي
ولا واحد منهم الي
القلب من عده نفجع
ولشوفت اهله يحن

*****
ابنه ينادي ومنه تهل عينه
بويه خلافك انه اشلون بيه
كثرت همومي يابويه عليه
تدريني انه بلياك مالي تجيه

حرموه من شم الهوه
وبلسم ياويلي ارتوه
ذايب مثل الشمع
ولشوفت اهله يحن



🥀🥀🥀🥀🥀🥀

✍️ الشاعره ام احمد شهد الرضوي
غير مبري الذمه من يغير اسم الشاعره

https://www.tg-me.com/alzmqpa

🌺 قصيده للامام الكاظم ع 🌺

الكاظم بلسجن مسموَم
يستاهل تلطميله

&&&&&&&&&$&&&

. الطمي حيل للمسموَم
كظه عمره يون مالوم
من شم الهوه محروم

( أ يسمونه ياحيف اشلون)

الدمعه اليوم هليهه
معصومه دواسيهه
ويلي الهظم غاطيهه

( نواسيهه معصومه اليوم)

نواسيهه ونهل العين
وياهه نلطم الخدين
الشيعه اليوم حزنانين

( حزنانه الدنيه عليه)

مظلمه اليوم دنيانه
علئ المسموم مولانه
الزهره تلطم ويانه

( وعينوهه علرايح منهه)

كلنه انعاون الزهره
حزينه والدمع يجره
كلبهه شلون شيصبره

( شيصبره كلبه الَمهظوَمه)

🌹🌹🌹🌹🌹🌹🌹

تمت والحمد لله ✍️ بقلمي
الشاعره ام احمد شهد الرضوي

https://www.tg-me.com/alzmqpa

💠قصيده للكاظم ع💠
لطميه فزاعيه


من الكاظم اريد مراد
هو الي يشافيني
💦💦💦💦💦💦

ماعدي وسيله اليوم
انخه والقلب مالوم
دوم محمله بهموم

(يشافيني الكاظم بيده )

الكاظم والنعم منه
ماقصر ابد عنه
كفو نعمين من عنده

(ايسمونه قاضي الحاجات)

دوم احنه ندك بابه
ابد ماخاب طلابه
نلزم حيل شباجه
(يكظيهه لو جانت صعبه )

الشيعه اليوم ملتمين
للكاظم نهل العين
واحنه هل كظانه البين

(ايفرجهه اليوم همومي )

كومو اليوم يامحبين
يستاهل لطمنه الزين
نكلبهه اله الصوبين

( نعليهه الرايه الخضره )


💦💦💦💦💦💦

تمت ✍ الشاعره ام احمد شهد الرضوي
غير مبري الذمه من يغير اسم الشاعره
https://www.tg-me.com/alzmqpa

قصيده للامام الكاظم ع
الوزن بحر الطويل
~~~~
منك انه اريد امراد ماخاب اليندبونك
انت البلكرم معروف ابو طلبه يسمونك

🍁🍁🍁🍁🍁🍁🍁🍁
اليوم انه بگلب لهفان اجيت ابگلبي ادك بابه
ماترد الطلب هيهات دومك تذكر احبابه
انته البلكرم معروف ابد مايرد طلابه
كفو نعمين من عندك قاضي الحاجه يلقبونك

🍁🍁🍁🍁🍁🍁🍁🍁
كضه عمره بسجن مظلم محد يرحم بحاله
بطاموره كظه سنينه عنه تنشد اعياله
بالسم انمرد جبده وهوبين جتاله بسجن مظلم گًضه نحبه والسجان سد بابك

🍁🍁🍁🍁🍁🍁🍁🍁
الشيعه اليوم يالكاظم تنخه و الكلب مالوم
بلمجلس تهل العين تبجي محمله بهموم
تريد تشافي المرضى كفو منك یاجيدوم
الزم بابك ابد‌ماخاب وكلهه تطلب مرادك


🍁🍁🍁🍁🍁🍁🍁
هليوم الرضا مالوم يبجي على الابو شحاله
منه تسجب ادموعه ولله بيوم من شاله
مقيد بلسلاسل شاف ومنه امزوركه اوصاله
والشيعه تعلي الصوت الله يساعد احبابك

🍁🍁🍁🍁🍁🍁🍁🍁

انه الخادمه مولاي اريد وياك تاخذني
بجنان النعيم وياك انه جارك تخليني
دوم بخدمتك للموت عن النار تنجيني
ادخل حظرتك هليوم ولزم حيل اشباجك

🍁🍁🍁🍁🍁🍁🍁🍁
تمت ✍️ والحمد لله بقلمي
الشاعره ام احمد شهد الرضوي

https://www.tg-me.com/alzmqpa

قصيده للامام الكاظم ع
الوزن تجليبه
~~~••
اجنازه على الجسر محد دره بيها
بغداد اضلمت ولله ضواحيها

***
المن هلجنازه وين اهاليها
عله جسر الرصافه ومادرو بيها
بغداد اظلمت رايات علكوها

( ايعلكوها اعلام السود )

******
الشيعه اليوم ملتمه عليه صوبين
تلطم علصدر اوتنگبه المحبين
هذا الكاظم المسموم ياطيبين

(تحله الهوسه وعليه اليوم )

****
الزجيه اليوم كل احنه نواسيها
يستاهل عراضه اليوم واليها
اليوم علجسر مشمور راعيها

(نون عليه الميت بلسم )

****
السمه هاليوم تجري من دمه ادموعه
على الكاظم يويلي الناس مفجوعه
تبجي على الامام بقلوب مصدوعه

(ايسمونه كظاي الكلفه)

******
ابو طلبه كفو ونعمين من عنده
يطيب كل مريض اليوگع ابشده
من عنده اريد امراد من. ايده

(ايشافيني من علتي الطالت )

🌹🌹🌹🌹🌹🌹🌹

تمت والحمد لله ✍️ بقلمي

الشاعره ام احمد شهد الرضوي

https://www.tg-me.com/alzmqpa

🌹قصيده للكاظم ع🌹


متعنيه للكاظم وارد ادك بابه
تبجي اليوم كلها بحظرته احبابه


🌺🌺🌺🌺🌺🌺🌺

اريد اليوم منه الحاجه مكضيه
من غيره تره اشبع مهظميه
ايزيل اليوم هذا الهم العليه

( ينطيني المراد بأيدي )

وسفه اليوم هلغدرو عدوانه
هو ابو الكرم والجود عنوانه
دوم الشيعته مفتوح بيبانه

( اندك بابه قاضي الحاجات )

ابو طلبه كفو نعمين منعده
يوكفلي صدك لو طحت انه بشده
والعايل عليه بأيده ايرده

( يحمينه كظاي الكلفه )

امد ايدي للكاظم وجذب حسره
بقلبي حيل وانه مكسره العبره
اريد اليوم من عندك انه الجبره

( تشافيني وطيب العله )

الشيعه اليوم الك رايات رفعوهه
للكاظم الرايه همه سموهه
سود اعلام ولله اليوم خلوهه

( انعليهه الرايه بأسمه )

🌺🌺🌺🌺🌺🌺🌺🌺

تمت ✍ بقلمي الشاعره ام احمد شهد الرضوي
غير مبري الذمه من يغير اسم الشاعره

https://www.tg-me.com/alzmqpa

السلام عليكم مشتركيني

طبعا اعتذر منكم علئ هذا الانقطاع
كانت حالتي تعبانه اشويه
ان شاء الله راح ارجع اتواصل وياكم
وتحياتي الكم

🌹اختكم الشاعره ام احمد شهد الرضوي🌹