🥀. قصيده للعباس ع 🥀


شمس الهوت عل الكاع من الكمر غاب
ربك لطف بلناس جاصارت تراب

🖋️🖋️🖋️🖋️🖋️🖋️🖋️

لمن هوه العباس وعلى الارض طاح
ناده على خيه حسين ها يلولي صاح
بعيني السهم مصيوب مني النظر راح
وشلون اشوف اليوم بعيني الاحباب

🖋️🖋️🖋️🖋️🖋️🖋️🖋️🖋️

زينب تنادي بصوت خويه ياعباس
القمر وسفه يطيح ياراعي الطاس
احمر سماها اليوم لجلك يانبراس
تنحب تراهي عليك اهلك والاصحاب

🖋️🖋️🖋️🖋️🖋️🖋️🖋️🖋️

ظلمه اصبحت دنياي من بعد عيناك
على الارض مرمي شلون والرمل غطاك
اتمنى كون الموت ياخذني وياك
ولا.وحدي ابقه اليوم مابين الاجناب

🖋️🖋️🖋️🖋️🖋️🖋️🖋️

ادري السهم بلعين ياخويه ياذيك
لا بيه اضمد اجروح لا بيه اداويك
لو بيدي إنه اليوم ابروحي لشريك
كثرن عليه الهموم وطال الغياب

🖋️🖋️🖋️🖋️🖋️🖋️🖋️🖋️

بعدك صرت عباس اسمي السبيه
رحت بعجل ياحيف من بين اديه
عفتك وحيد شلون غصبن عليه
اعتب بعد ميفيد ياخويه العتاب

🖋️🖋️🖋️🖋️🖋️🖋️🖋️🖋️

تمت والحمد لله✍️ بقلمي
ام احمد شهد الرضوي


https://www.tg-me.com/alzmqpa

🌴 قصيده ليوم العاشر من محرم 🌴

تقراء بطور ثكيل وبعدت اطوار


وزينب عل التل تنادي ياهلي
من بعد ذاك الدلال إنه انولي

🖋️🖋️🖋️🖋️🖋️🖋️

صاحت بصوت وتنادي ياحسين
محمل إنه الاه والحسره وونين
مثلك إنه وين. الكه يلحنين
صرت انادي بصوت وينك ياعلي

🖋️🖋️🖋️🖋️🖋️🖋️🖋️

كوم ليه ياعلي وشوف شجره
جثث ويلي علارض ومذره
عميه كون العين لا شفت الجره
والحزن يابوي. صاير ثوب الي

🖋️🖋️🖋️🖋️🖋️🖋️🖋️
خذوني.وياكم تره محمل هظم
فراكم لعد الكلب صابه بسهم
كل دوه لفراكم لا مارهم
شلون ترضوهه بعدكم انولي

🖋️🖋️🖋️🖋️🖋️🖋️🖋️🖋️

ياهلي ناديت ماكو كل جواب
شلون كلبي يحمله ذاك المصاب
وحدي إنه بهلزمن والكمر غاب
كابعه بثوب الحزن يحلالي

🖋️🖋️🖋️🖋️🖋️🖋️🖋️

من صغري معاشره الهم والحزن
اعتب. إنه. عليك كلي يازمن
خذت مني اعزاز عشت إنه بمحن
راح مني حسين اخوي الغالي

🖋️🖋️🖋️🖋️🖋️🖋️🖋️🖋️

تمت والحمد لله ✍️ بقلمي الشاعره
ام احمد شهد الرضوي

https://www.tg-me.com/alzmqpa

🥀 قصيده للامام ~العباس ع🥀


من دخل عباس زلزل كربله~
طشر اعداهه يراعي المرجله

🥀🥀🥀🥀🥀🥀🥀

من دخل عباس بيده رايته
يصرخ بصوته وسيفه بيمنته
هلهلت زينب تره من شافته
يكص بيده الروس والصوت عتله

🥀🥀🥀🥀🥀🥀🥀

فنه والله اليوم لحدوده كرب
يكص روس اعداه يعلنهه الحرب
وصل . نهر العلكمي لا ماشرب
ظلت اركاب ال اميه مايله

🥀🥀🥀🥀🥀🥀🥀

ظلت اركاب العده لجله تميل
طكهه روج بروج عباس الكفيل
كال هيهات اليجي يمي ويعيل
مااخاف. الموت. منه ياهله

🥀🥀🥀🥀🥀🥀🥀🥀
ياهله بالموت ناده من ارتجز
تنخطف الروح مـنه الي برز
انكسر الجيش من عنده وعجز
بخزره من عيونه الجيش ابتله

🥀🥀🥀🥀🥀🥀🥀🥀

ما يهمه الموت لا كثرت رجال
معلم من الزغر سيفه اعله القتال
اليگرب العباس منهو البنزال
يگلبه الطف وعليه يزلزله

🥀🥀🥀🥀🥀🥀🥀🥀

الرواح من عدوانه الکافل خطف
والنعم عباس سجلهه نعرف
الخوه وي حسين ثبتهه بشرف
يسجل التاريخ ويسولف اله

🥀🥀🥀🥀🥀🥀🥀🥀


تمت والحمد لله ✍️ بقلمي

الشاعره ام احمد شهد الرضوي
.
https://www.tg-me.com/alzmqpa

🌺. قصيده للسبي 🌺


زينب. حايره تندب يواليها
حركوها الخيم كوم الحك عليها

🖋️🖋️🖋️🖋️🖋️🖋️🖋️

حركوها الخيم واطفال عذبوها
ماعدهم رحم بلسوط لو عوها
رقيه من صغرها ليش بجوها
تنادي حسين ابوها خل يحاميها

🖋️🖋️🖋️🖋️🖋️🖋️🖋️

ماتدري ببوهه على الارض دامي
راسه على الرمح مرفوع كدامي
بقيت بلا ولي ولا ظل الي حامي
وجروحي الولي هو اليداويها

🖋️🖋️🖋️🖋️🖋️🖋️🖋️

كلما اذكر حسين اذكر حروفه
كلبي من الالم ظل ينزف جروحه
إنه البلفخر ياناس موصوفه
وفنهه اعداي والله الرقبه يلويها

🖋️🖋️🖋️🖋️🖋️🖋️🖋️

على طول الدرب والروح حزنانه
بس روس النودهم ليش ويانه
حزينه الروح لجلهم حيل ولهانه
وحيده اليوم والعدوان حاديها

🖋️🖋️🖋️🖋️🖋️🖋️🖋️

يجر بينه العدو بحبال ربطونه
ولبن زياد ليش اليوم يهدونه
ثلث ساعات بلديوان وكفونه
ويكول النذل هليوم سابيها

🖋️🖋️🖋️🖋️🖋️🖋️🖋️

تمت والحمد لله✍️ بقلمي
الشاعره ام احمد شهد الرضوي


https://www.tg-me.com/alzmqpa

🌺 قصيده للقاسم ع 🌺

اذا راح الولد هيهات تلكينه
ابنج علرمل ونتي تشوفينه

🖤🖤🖤🖤🖤🖤

اموسد علتراب ومحد ايشيله
يرمله ابنج دكومي اليوم فييله
دكومي للعزه والنوح سويله

(. وظميهه يارمله اهدومه )

اهدوم العرس يارمله ضميهه
اشعندج كاعده والمن تخليهه
والخيمه يرمله اليوم هديهه

(. راعيهه نايم علغبره )

اتراب الرمل غير معانيه
رايح الولدمامن بعد جيه
نايم ياحسافه حدر الوطيه

(. وتاليهه نايم بلظلمه )

اندهولي الولد بلكي يرد ليه
كلت يكبر وليدي وكعد بفيه
رايح. للكبر وعاكد النيه

( ومخليني يايمه شلون )

من بعد الولد روحي إنه نحيله
ثكل حملي ييمه وياهو اليشيله
اظل طول الدهر للدوم إنه انعيله

(. اكظيهه بلدك والنوح)

🖤🖤🖤🖤🖤🖤

تمت والحمد لله ✍️ بقلمي الشاعره

ام احمد شهد الرضوي

https://www.tg-me.com/alzmqpa

🖤. قصيده لمولاتنا رقيه ع 🖤

رقيه تصيح يابويه يظربوني
لجلهه اليوم عميانه إنه عيوني

$$$$$$$$$$$$$$$$$

يظربهه النذل وحيل المهه
وحدهه يويلي وزاد كل همهه
براس الولي. هليوم شادهه

(. وغميانه طاحت علراس )

عذبوهه الصغيره وحيل الموهه

من تذكر ابوهه بسوط ظربوهه
تنحب علولي او مايخلوهه

(. وبجوهه بتك يحسين )

حظنت راس ابوهه ولا نفس بيهه
وزينب الحزن. هليوم عاليهه
هلظلت وحيده ومن. يحاميهه

(. ولياهه نامو علغبره )

زينب حايره جاوين تدفنهه
زركه. متونهه. محد. يغسلهه
ماعدهم رحم والنذل عذبهه

(. يظربوهه وتعلي الصوت )

حرت إنه بدفنهه وين اخليهه
بارض الشام مدري إنه ارد بيه
بس عدوان والله اليوم حاديهه

(. ايباروني عدوانك خويه )


🖤🖤🖤🖤🖤🖤🖤

تمت والحمد لله ✍️ بقلمي
الشاعره ام احمد شهد الرضوي

https://www.tg-me.com/alzmqpa

🌺 قصيده للسبي 🌺


مشت للشام والحادي سره بيهه
بممشاهه اتعثر راح و اليهه

🍁🍁🍁🍁🍁🍁🍁

مشت والعين منهه اليوم هماله
ويه زينب يدنيه ليش. مياله
حسين علارض داسته الخياله

(. وعلى ضلوعه ودوس الخيل )

مشت للشام والعدوان توليهه
اتصيح بصوت والله الحزن عاليهه
ريض. بلولي بلله يحاديهه


(. يباريهه راسك يحسين )

على نوك الهزل زينب يصعدونه
بحبال وسناسل ليش ربطوهه
كدام اليتامه الروس شالوهه

(. ايضربوهه تصرخ عباس )

هلظالم يويلي بسوط ظرباهه
تبجي علاهل هليوم خلاهه
هلظلت وحيده خلاف ولياهه

(. حيرانه خلاف الراحو )

راحت اليسر محد مشه وياهه
تمشي والحزن هل يوم سلاهه
بعد ياهو اليجيهه ويكعد حذاهه

(. سهرانه خلاف الراحو )

🍁🍁🍁🍁🍁🍁🍁

تمت والحمد لله ✍️ بقلمي

الشاعره ام احمد شهد الرضوي

https://www.tg-me.com/alzmqpa

🥀  قصيده للسبي 🥀

القصيده على طور ثكيله جروحي
  عتاب زينب ع

يخويه حسيني -- الالم ياذيني --اهم بيكم
واحن تدريني -- صعب يسنيني --اناديكم

🌴🌴🌴🌴🌴🌴🌴

حسين شوف البعد وسوه بيه
خلالي بس الحزن والهم عليه
غصب ولله فاركتكم مو بديه
خويه ولله من بعدكم هلسبيه

الدموع بعيني --انه تدريني --احبنكم

🌴🌴🌴🌴🌴🌴🌴

حيرتني حسين بطفال ويتامه
ليش وحدي اني اضلن للملامه
باجر اني عايفتكم بلسلامه
والشمر يحدي الضعن اه ياندامه

صدك عفتوني --علهزل مشوني --ابعدت عنكم
🌴🌴🌴🌴🌴🌴🌴

الروس خويه اشلون اني انظرلها
ماعندي بس دمعتي اني اهلها
ودوم تنشدني رقيه انه وشكلها
حايره وهلت دمعتي وي دمعها

مورمات امتوني --بسوط ويظربوني --اعاديكم
🌴🌴🌴🌴🌴🌴🌴

فزت بنص الليالي وناشدتهه
اتكول اريد حسين ابوي وهل دمعهه
تالي ماتت علنحر ولله شفتهه
حرت ياخويه برقيه وبدفنهه

اشوكت تلفوني --هلي عفتوني --تناشدكم
🌴🌴🌴🌴🌴🌴🌴

ليش ياخويه يسموني السبيه
ولله اني اخلافكم شفت الاذيه
ليش كلكم رحتو ولله من اديه
ادعي الله يعيني بكل مغربيه

الزمن عاداني --بحزن خلاني --اون ليكم
🌴🌴🌴🌴🌴🌴🌴🌴


تمت والحمد لله ✍️ بقلمي الشاعره
ام احمد شهد الرضوي
غير مبري الذمه من يغير اسم الشاعره

قصائد نسائيه*ابوذيات * هوسات +؛
https://www.tg-me.com/alzmqpa ترى

نعي للعليله ع

عيني على صوب المرحلين
كلهم مشو جاوين ناوين
على غيابهم بس تهمل العين

😭😭😭😭😭😭

شفت الاهل والله يحملون
وبضعونهم. يمه يشيلون
وعليهم تراني مغيره اللون

😭😭😭😭😭😭😭

على غيابك يبويه حيل ونيت
والشوفتك يحسين حنيت
ولو تدري يبويه بحالتي جيت

😭😭😭😭😭😭😭

جن الاهل والله نسوني
وإنه عليله ولوعوني
وبغيابهم همه فجعوني

😭😭😭😭😭😭

البنيه مدلله ابجاه ابوهه
تبجي تريد الدللوهه
وين الاهل ويسكتوهه

😭😭😭😭😭😭😭

يمه الاهل كلش عزيزين
بفراكهم مانامت العين
عليه فراكهم شو طول سنين

😭😭😭😭😭😭😭

تمت والحمد لله✍️ بقلمي
الشاعره ام احمد شهد الرضوي


https://www.tg-me.com/alzmqpa