🌹 قصيده للعباس ع🌹

سبع تيام جادركم تنصبون
علعباس يستاهل تلطمون
🌴🌴🌴🌴🌴

شدي الحيل يازينب على الزين
مثل عباس وين اليوم تلكين
حزنج مايفل ابطول السنين

( اعلى متوني الطم للزين )

اعليه اليوم مكلوبه الدواوين
راح الزين المعدل الموازين
وفيت اليوم ياعباس هل دين

( موافيهه عباس الخوه )

يستاهل لطمنه ابن الميامين
لجله اليوم افديله تره العين
انعلي الصوت لضلو مطاعين

( انواسيهه اخت العباس )

ماتحمل تره زينب مصايب
على العباس قلبهه حيل ذايب
ولله دموعهه تجري سجايب

( العباسي افديهه اعيوني )

اليوم وياي شو كومن ينسوان
وي زينب تراهي القلب خلصان
عل العباس منهه القلب لهفان

ومن عدهه رايح عباس )

🌹🌹🌹🌹🌹
تمت والحمد لله ✍🏻 بقلمي
الشاعره ام احمد شهد الرضوي
قناه رقيه للشاعره ام احمد شهد الرضوي
قصائد نسائيه*ابوذيات * هوسات +؛
https://www.tg-me.com/alzmqpa

اهلا وسهلا بكل من اشترك بقناتي
ان شاءلله قصائدي تنول رضاكم
خادمتكم الشاعره ام احمد شهد الرضوي
نورتونه🌺

🌸قصيده للعباس ع 🌸

وسفه مشمره اجفوفك يعباس
نايم علنهر ونه الطم الراس
🍃🍃🍃🍃🍃🍃

غافي عل نهر عدوانك تعيل
من بعدك يخويه احمولي تميل
مافليت حزني ودمعتي اتسيل
عليك النوح ياخويه ينوماس
🍃🍃🍃🍃🍃
نوحي عليك ما بطلنه للدوم
قلبي يلاخو للدوم مالوم
من كثر المصايب حيلي مهدوم
وحنه اليوم خويه بغير حراس
🍃🍃🍃🍃🍃🍃
افديلك تراني اليوم عيناي
بس اكعد يخويه وكوم وياي
صرت انه يخويه بوليه اعداي
وينه اليوم اخويه اليرفع الراس
🍃🍃🍃🍃🍃🍃
مشيت ميسره غصبن عليه
اعاين علنهر وشلون بيه
ليش علارض كلكم رميه
اشدن معصبي ولطم انه الراس
🍃🍃🍃🍃🍃🍃
اون اعليك زاد اليوم وني
رحتو ليش كلكم ويل عني
ماكلتو خطيه عمت ابني
ذلونه يخويه ذول الانجاس
🍃🍃🍃🍃🍃🍃

تمت والحمد لله ✍🏻 بقلمي
الشاعره ام احمد شهد الرضوي
قناه رقيه للشاعره ام احمد شهد الرضوي
قصائد نسائيه*ابوذيات * هوسات +؛
https://www.tg-me.com/alzmqpa

🌹 قصيده فزاعيه للحسين ع 🌹

حسين على الارض مطروح
ويوصي على عياله
🌴🌴🌴🌴🌴
ايوصي والدمع بلعين
وينادي يازينب وين
زينب هلكظاج البين

( ايوصيهه والدمعه بعينه )

توصيمن يخويه اليوم
ونه الحيل هل مهدوم
قلبي عليك هل مالوم

( ايألمني يومك ياخوي )

وصيتك هدمت حيلي
بعدك مظلمه ليلي
سكنه تصيح ياويلي

( تحيروني بيتام اشلون )



بعينه ينظر العدوان
كامو حركو الصيوان
لاخوان لا صحبان

( ووحيده وينادي الكوم)

كل همه على عياله
حسين اليوم من شاله
شلون اليوم ياحاله

( بلحومه خلوه ايون )


🥀🥀🥀🥀🥀
تمت والحمد لله ✍🏻 بقلمي
الشاعره ام احمد شهد الرضوي
قناه رقيه للشاعره ام احمد شهد الرضوي
قصائد نسائيه*ابوذيات * هوسات +؛
https://www.tg-me.com/alzmqpa

♦️قصيده للعليله ع ولفراق الاهل ♦️

تقراء بطور ثكيل

مشو عني هلي دبجن يلعيون
عليه افراكهم لا ابد ميهون
💔💔💔💔💔💔

غريبه الوحدي ولايمي احباب
مشو عني ييمه وسدو الباب
اظل انشد عليهم ماكو اجواب
من يوم يرحلو شو ماينشدون
♦️♦️♦️♦️♦️♦️
لاجاني خبر منكم يهلنه
ليش اليوم كطعيتو وصلنه
راح وبعدو اهل المحنه
اظل متانيه ماظن يردون
♦️♦️♦️♦️♦️♦️
حرت هليوم شعتب وشكلهم
عافوني صغيره موش انه بتهم
اظل مكابله انه صورهم
من كثر البجي ذبلن هلجفون
♦️♦️♦️♦️♦️♦️
تره بليل يعله انه ونيني
مثل حن الحمام انه حنيني
بلكي من هلي واحد يجيني
راحو ايست ومايردون
♦️♦️♦️♦️♦️♦️
راحو ايست وكطعت ظنهم
ولله مشبعت ياناس منهم
افز بليل كل ظني انه يمهم
صفو حدر الرمل ومايرجعون
♦️♦️♦️♦️♦️♦️

تمت والحمد لله ✍🏻 بقلمي الشاعره
ام احمد شهد الرضوي غير مبري
الذمه من يغير اسم الشاعره
قناه رقيه للشاعره ام احمد شهد الرضوي

قصائد نسائيه*ابوذيات * هوسات +؛
https://www.tg-me.com/alzmqpa

♦️ قصيده لفراق الاهل ♦️

اه ياهلي شسوه بيه افراكم
روحي تحن وتريد هسه وياكم

😭😭😭😭😭
روحي مشتاكه وتحن لرسومكم
ونه يوميه بأمل وعيونكم
تجون لو مره علينه نشوفكم
اه يتراب الكبر اذاكم
😭😭😭😭😭
كلبي مايحمل بعد افراكهم
جنه من نكعد سوه شمحلاهم
حبهم بوسط القلب يهواهم
كلبي ماشاف الفرح بغيابكم
😭😭😭😭😭
عميت من كثر البجي صدكوني
رحتو كلكم ياهلي عفتوني
المن اشكي حالتي تدروني
اشكي المن والكبر ضماكم
😭😭😭😭😭
بس صوركم ياهلي تواسيني
من بعدكم ضاعت انه سنيني
المن انه ياهلي مخليني
قلبي انه وروحي هل تهواكم
😭😭😭😭😭
ليش بيكم ياهلي تعذبوني
عليكم انه هلعميت عيوني
ويه الحزن عايشه خلوني
الموت ويلي بلكبر خلاكم
😭😭😭😭😭

تمت والحمد لله✍🏻 بقلمي
الشاعره ام احمد شهد الرضوي
غير مبري الذمه من يغير اسم الشاعره

قناه رقيه للشاعره ام احمد شهد الرضوي
قصائد نسائيه*ابوذيات * هوسات +؛
https://www.tg-me.com/alzmqpa

🌹 قصيده لرقيه ع 🌹

رقيه من صغرها ليش هظموها
تبجي عل الابو وبحزن خلوها
🌴🌴🌴🌴🌴

ويلي والحزن غير معانيها
ليش اليوم عفتوها يواليها
لاواحد رحمها ولايحن ليها
بنيه ولليسر ياحيف مشوها
🌴🌴🌴🌴🌴
تمشي والدمع بلعين مجريه
صار افراكهم من غير وعديه
شسوي للصغيره انه وشبيديه
مجتفيهه بحبل ويل ويظربوها
🌴🌴🌴🌴🌴
مشوها يويلي وحيل مابيهه
طول الليل تصرخ اه يواليهه
صغيره علحزن والهظم غاطيهه
ماتحمل تراهي وحيل عذبوها
🌴🌴🌴🌴🌴🌴
وصلنه الشام وهي تشهك بعبره
العليل ايعاينلهه ياعظم صبره
ايعاين الرقيه ويجر بلحسره
جابو راس ابوها وحيل الموها
🌴🌴🌴🌴🌴
تنظر راس ابوهه والدمع يجري
ياويلي حزنهه بلقلب يسري
اتكول ابوي راح اليوم من عندي
علراس وغفت وشلون شالوها
🌴🌴🌴🌴🌴

تمت والحمد لله ✍🏻 بقلمي الشاعره
ام احمد شهد الرضوي
قناه رقيه للشاعره ام احمد شهد الرضوي
قصائد نسائيه*ابوذيات * هوسات +؛
https://www.tg-me.com/alzmqpa

🥀قصيده ماهمني الكوم 🥀

ماهمني الكوم بس همي اليونون
جيفن على الارض ظلو يونون
🌹🌹🌹🌹🌹
اشوفن علارض نومه اخوتي
وياهم انه تمنيت موتي
وياهم تره راحت عزوتي
ولله فراكهم عليه ميهون
🌹🌹🌹🌹🌹
ياون الاعزاز ايهدم الحيل
اظل ابجي عليهم مانمت ليل
نيران علخدي دموعي اتسيل
اعتب علدهر البينه ايخون
🌹🌹🌹🌹🌹
اظل انحب عليهم طول السنين
اصيح بصوت وين اليوم الحنين
ليش انه وحيده بدون الحسين
من كثر البجي ذبلن هلجفون
🌹🌹🌹🌹🌹
ظلي ابجي ياعين ولا تبطلين
باجر للسبي ماندري لا وين
قلبي عل الاحبهم صار نصين
راحو مني ولقلبي يمردون
🌹🌹🌹🌹🌹
امشي علارض ونظر الخوان
اشلون امشي يدنيه بغير اخوان
ابقه انه غريبه بدون الحنان
ولله انه عليهم لعمي العيون
🌹🌹🌹🌹🌹
تمت والحمد لله ✍🏻 بقلمي
الشاعره ام احمد شهد الرضوي
: قناه رقيه للشاعره ام احمد شهد الرضوي
قصائد نسائيه*ابوذيات * هوسات +؛
https://www.tg-me.com/alzmqpa