🥀 قصيده لشجاعه زينب ع🥀

زينب من مشت للشام
لتكولون مسبيه

🌟🌸🌟🌸🌟🌸🌟🌸

ماهابت تره الارجاس
جنهه الحيد ابو النوماس
لاماهبطت هل راس

( وبيديهه والرايه ترف)

من دخلت على الظلام
زينب ابد ماتنظام
كلبتها تراهي الشام

( كلبتها هاي الحيد)

من دخلت تره الديولن
وياها تره النسوان
ماهابت تره العدوان

( وياهيبه اخت العباس)

وتكل ليزيد اليوم
متشوف الفرح للدوم
وعرشك لا ابد ميدوم

( صدكوني وانه بت حيدر. )

اي ولله وحق ديني
لاخذ ثارك حسيني
انه اليوم ارد ديني

( وثارتك اخذهه اليوم)

🌸☘️🌸☘️🌸☘️🌸☘️

تمت والحمد لله ✍🏻 بقلمي
الشاعره ام احمد شهد الرضوي

https://www.tg-me.com/alzmqpa

قصيده للاحباب

اه يلحباب راحو بعيد ونسونه
اه يلحباب ابفكدهم هلنسونه

ماودعونه من فاركونه

اه يلحباب اه يلحباب

****

ورود جنهم ياحسافه الموت اخذهم
يصعب علينه المفارك من بعدهم
شلون بينه والبعد فرك شملهم

اعزاز عدنه ومانريد احنه بعدهم

اشكد عذبونه من فاركونه

اه يلحباب اه يلحباب

***
احنه ماننسه كضينه حلوه الايام
وابحبهم دليلي ذايب واهام
حسافه ياخلك هالشمل مادام
رمانه هالدهر للفركه اسهام

ماظن نسونه من فاركونه

اه يلحباب اه يلحباب
***
نهار وليل بس انه بذكرهم
ابابي عيوني مرسومه صورهم
نذرت اسنين عمري انه العمرهم
يربي اشكثر انه ادعي يردهم
ولله جرحونه من فاركونه
اه يلحباب اه يلحباب

****
يريت وياهم احبابي خذوني
كل ساعه على حالي انشدوني
ولا حسيت بيهم فاركوني
وبشوك ومحبه ايصاحبوني

ابنار اتركونه من فاركونه
اه يلحباب اه يلحباب

****

يحبابي اشوكت لينه تعودون

يمن شوفتكم الكلبي تسرون

على راسي ورود حبكم تنثرون
كبل يوم الاجل يمي تحظرون
مايذكرونه من فاركونه

اه يلحباب اه يلحباب

***
مو انه العليله ابداري ضليت
يردولي هلي وحبابي تانيت
طال افراكهم من عمري مليت
عليه من بعدهم مو حش البيت

اظنهم نسونه من فاركونه

اه يلحباب اه يلحباب

***
قناة رقيه للشاعره ام احمد شهد الرضوي
https://www.tg-me.com/alzmqpa

قصيده للعباس مع الوالده

الوزن شبكها


سامحيني يمه موتج ماحظرته
سامحيني ابكبري اعتابج سمعته
سامحيني سامحيني

****

يمه حال الموت مابينج وبيني
انه بلطف والسهم صوب العيني
يمه اقدم اعتذاري اقبليني
مرمي فوك الشاطي ريتج تنظريني

اعذريني اعليج دمعي مانثرته

اعذريني اعذريني
****
يمه عندج خبر من كطعو أديه
خبر عندج زينب راحت سبيه
من مشت يمه الظعن مرو عليه
منظر عليه اشد من المنيه
عاتبوني والعتب لمن سمعته
عاتبوني كل طفل يمه بدمعته

عاتبوني عاتبوني
****

يمه انه بالحد واسمع ونينج
جفوف ماعندي اغمض بيه عينج
راسي بلشامات ظل اشلون اجيلج
يمي يم الوفه وفيت انه دينج

حشموني الحرم الجودي حملته

حشموني والعمر الهم نذرتهه
تعرفيني تعرفيني
*

يمه انه وياج نتلاكه سويه
اوكر عينج انه كدام الزجيه
الج وفيت الربه بالغاظريه
بس تظل ناري على مصابج سريه

من ولوني عالنهر اسمك ذكرته

من ولوني الماي ابد ماشربته
اكبال عيني اكبال عيني

*
يمه انه ماحظرتج علم عندج
انذرت دمي لبو اليمه دون دمج
انطيت يحبيبه جفوفي دون خدرج
خدر زينب استلمته يمه منج
ضخرتيني للخدر وانه حفضته
ضخرتيني من العده يمه حرسته

انصرت ديني انصرت ديني
**

يمه الله اوياج يلي ارضعت طيبج
محظرت يم الوفه بلاجل يومج
ريت انزل بالحد وانظر الطولج
اوكل صباح الجمعه يحبيبه ازورج
تسمعيني دمعي لو يمج سجبته
تسمعيني يمه اسمج لو ندبته

اتجاوبيني اتجاوبيني


***


✍تمت والحمد لله بقلمي الشاعره ام احمد شهد الرضوي

غير مبري الذمه من يغير اسم الشاعره[
https://www.tg-me.com/alzmqpa

: قصيده للعليله ع ولفقد الاحباب


شيفيد العتب نامو بلتراب
ودعنه شكثر بلدنيه احباب
جم غالي علينه دفناهم بدينه
شيفيد العتب نامو بلتراب

***
راحو وبعدو عني شبديه
ياناس الزمن جاير عليه
شبيدي ياهلي رحتو من اديه
اهلي الاحبهم اعليه شيردهم
عن عيني بعدو وانه انطر الباب
شيفيد العتب نامو بلتراب
**

عني ابعدو اهل الحميه
لا ام لا ابو ظلي او اخيه
شيجيب الوكت نكعد سويه
حنيت انه الهم كتابي ماوصلهم
كظت ايام مارد منهم اجواب
شيفيد العتب نامو بلتراب
***
تانيت اشكثر بلكي يردون
اهلي بالضعن ليه يرجعون
خلوني وحيده ومايسالون
تاليهه بفكدهم عميت انه البعدهم
ادعي ياالهي ابدمع سجاب
شيفيد العتب نامو بلتراب
*****
امس داري بهلي جانت زهيه
وابوي احسين يتحنن عليه
اسمعت هذا المسه بلغاظريه
بديار المصايب عماتي غرايب
يانار البعد منه الجبد ذاب
شيفيد العتب نامو بلتراب

***
فجر عاشور لو اجبل يهل الناس
يطيح اعله النهر عمي العباس
ابو الغيره تكطع اجفوفه الارجاس
يوكع علشريعه اجفوفه
كطيعه
بعد عينه العده تحرك للطناب
شيفيد العتب نامو بلتراب

***
تمت والحمد لله ✍ بقلمي الشاعره ام احمد
شهد الرضوي

[ https://www.tg-me.com/alzmqpa

قصيده فزاعيه للحسين ع


طاح الولي علتربان

محد كام تجاله
****

مرمي بساحه الميدان

داست صدره العدوان
راسه مرتفع عالزان
ابعينه ينظر عياله
**
ابجي وشابجه العشره
صح بصوت وبعبره
كطعو للولي نحره
عليه ادموعي هماله
*****
بلعبره صحت يحسين
هجمت هالعده صوبين
اطفالك خويه محتارين
ظعني منهو يبراله
**
سكنه تصيح يايابه
نار بصدري لهابه
ابكه الدمعه سجابه
محد والدي شاله
*****
كمت ابهمي اتعثر
بين الخيل والعسكر
انشد وين ابن حيدر
كالو دنت اجاله
**
اخيه انه من شفته
اويلي مكطعه جثته
صدره العده هاشمته
مكدر أوصف الحاله
***
تمت والحمد لله ✍🏻للشاعره ام احمد شهد الرضوي
https://www.tg-me.com/alzmqpa

قصيده للحسين ع لليله العاشر من محرم عتاب زينب ع
وزن هجري

تصيح بت عقد الوله شيبتني كربله
ليله بيها ذبح اخوتي ونار قلبي مسعره

😭😭😭😭😭😭

حسين بس هليله يمي وباجر يطش الشمل
ليش من عكبك يخويه ضاع من عندي الامل
ولله وسفه بعد اخوتي واني برجاهم اظل
ابقه اتانيهم انه وهمه نومه بلفله
بس دمعتي هامله شيبتي كربله
ليله بيها ذبح خوتي ونار قلبي مسعره

😭😭😭😭😭

شلون ترضه حسين خويه امشي انه ميسره
من عكب ذاك الدلال وجنت خويه مخدره
هسه بس الشمر يبره بسوط متني ورمه
وياي اطفال ونسه وحايره وياهم انه
يبقى قلبي عد اخوتي نومه بأرضج كربله
ليله بيها ذبح اخوتي ونار قلبي مسعره

😭😭😭😭😭

حسين والعباس ظلو نومه بارض الطفوف
لا محامي اليحمي عني واني بعيني اشوف
حركو خيمنه علينه والعده كامت تحوف
الراس شالوهه العده وانه بعيني انظره
صعب يومك يخويه كلي اشلون اتحمله
ليله بيها ذبح اخوتي ونار قلبي مسعره

😭😭😭😭😭

اليله ليله وحشه خويه كثرت عليه الهظام
واني كعدوني بخرابه وحيل محرومه المنام
بس رقيه تبجي يمي وحيل كاتلهه الغرام

منين اجيبلي صبر صبح باجر لو يطر

بس دمعتي هامله شيبتني كربله

ليله بيها ذبح اخوتي ونار قلبي مسعره

😭😭😭😭😭
احسين ياروحي وحياتي لجلك انذرت العمر
انت كلها امنياتي يلخذك مني الدهر
ليش هسه رحت عني واني كاتلني السهر
ابجي من هم العليه اه من غدر الدهر

شفنه منج بس مصايب شيبتني كربله
ليله بيها ذبح اخوتي ونار قلبي مسعره
😭😭😭😭😭😭😭

تمت والحمد لله ✍ بقلمي الشاعره ام احمد شهد الرضوي
غير مبري الذمه من يغير اسم الشاعره
https://www.tg-me.com/alzmqpa

🥀قصيده فزاعيه 🥀
عتاب زينب ع للدار

اعاتبن ولج يادار

واهلي اليوم مابيها

****
صفت هليوم خلوانه
وين الجانو ويانه
مظلمه ليش ديرانه

(حزنانه علراحو منهه )

ظلمه عكب راعيها
بعد اشلون اطب ليها
بعد حسين واليها

(انطب ليها وشلون اليوم )

اعاين والدموع اتسيل
خليه من يجيهه الليل
علزينين نلطم حيل

(ولطم علصدر وصيح ياخويه )
تنعى الدار للطيبين
لا عباس لا هو حسين
مكلوبه السمه كونين
( ويسونه الون والنوح )

وين اهلج مشو يادار

بعد ماطبهه عكب الصار
حزينه والقلب محتار

(حزنانه للدوم عيوني )


***
تمت والحمد لله ✍ الشاعره ام احمد شهد الرضوي https://www.tg-me.com/alzmqpa

قصيده على طور باسم الكربلائي
كلما تمر نسمه صيف

لسان حال مولاتنا زينب ع


يابو علي خذني وياك. باجر تره تعيل عداك
انه الهظم غاطيني

بخيمتي و تشب النار. عقلي عليك انه احتار
بعدك منو يباريني

🌹🌹🌹🌹🌹🌹🌹

باجر يخويه على الثره. جثتك تراهي موذره
عطشان ماشارب أميه
ايتام عندي تنتحب. ودموعي ولله هلتصب
وانه ياخويه شبديه
العباس راح ومارجع. عليه كلبي منفجع
وسفه رايح من اديه
صعبه عليه يالاخو. من يهجم علينه العدو
انه اظل بلاحميه
بخيمتي ولن مهرك اجه هلن عيونه وبجه
جنه ايكلي مصوبينه

بخيمتي تشب النار. عقلي عليك انه احتار

بعدك منو يباريني

🌹🌹🌹🌹🌹🌹🌹

للشام امشي ميسره. العباس بيه مادره
وبحبال ربطوهه اديه
وصرخ ونادي يلكفل. من محبتك لا ماامل
وياي تنحب الزجيه
يشتمني ياخويه الشمر وبحبال بيه انه يجر
اخذوني ياخويه سبيه
اطب ديوان النذل. وعيونك انه مااذل
ونه بت حامي الحميه
راسك جابوه بطشت. دمعت عيوني وهلمتت
وكلساع تنشدني رقيه

بخيمتي تشب النار. عقلي عليك انه احتار
بعدك منو يباريني

🌹🌹🌹🌹🌹🌹🌹

رقيه تنشدني وبجت. وعليهه انه تمرمرت
اتكول شوراح ونساني
بحلمي شفته عمه اجه. عافاني وحدي وهلمشه
افراكه ياعمه عماني
بحظنه هلت دمعتي. شعظمهه ولله كسرتي
لشوكت ابقه انه اعاني

جابو راسك بلطشت. من شفته انه تحسرت
افراكك بويه سباني
لحظه ولنهه هودت. وصوت لني انه سمعت
ماتت تراهي رقيه
بخيمتي تشب النار. وعقلي عليك انه احتار
بعدك منو يباريني

🌹🌹🌹🌹🌹🌹🌹🌹

زركه يخويه انه المتن. عمري اعيشه بلمحن
عليك مابطل ونيني
عيوني عساهه بلعمه. شلون خال ابني مشه
من بعده جاياهو اليجيني
عليك لو طال الزمن . سنين مابطل الحزن.
مافله لو خلصن سنيني
عيوني مابطلن سهر. احلفت وبطول العمر.

عليك خل يكثر نحيبي
عاداني ياخويه الدهر. بسواد كظيت العمر
وحيده انه ويه غربتي

بخيمتي تشب النار. عقلي عليك انه احتار
بعدك منو يباريني

🌹🌹🌹🌹🌹🌹🌹🌹

تمت والحمد لله ✍🏻 بقلمي
الشاعره ام احمد شهد الرضوي

https://www.tg-me.com/alzmqpa

🌸 قصيده ختاميه🌸


كوم اكعد ياخال ابني

عليك بداعت الخوه

كلبي علبك يتجوه

شوف العدو شسوه

خذاني لليسر كوه

عليه السوط يتلوه

باليني الدهر بلوه

وانتم للكلب سلوه

شلون تنام علغبره

كل لحظه اذب حسره

كلبي هلخلص صبره

كلساعه اجر عبره

مني ليش تتبره

كلبي وشعظم كسره


شلون الخيل ادوسك وانت ابن الكرار

💥☘️💥☘️💥☘️💥

تمت والحمد لله ✍🏻 بقلمي
الشاعره ام احمد شهد الرضوي

https://www.tg-me.com/alzmqpa

☘️ قصيده للقاسم ع ☘️

القصيده على طور حنيت الك لمحمد الجنامي

من دمك اتحنيت. يلقاسم انه ابجيت
ازفك انه تمنيت. عريس يبني
ضايع ييمه ادواك. ولله وحك عيناك

عريس يبني

😭😭😭😭😭😭😭

عرسك ييمه انه انحرم. وشلون ارتاح
كظيت عمري بس اون. اكظيهه بصياح
حسين كلي ابنج مشه. نوحي على الراح
دمك ييمه يلولد. علارض ساح

منك اريد ارباي. يرويحتي وسلواي
ظلمه تره دنياي. عريس يبني
اتمنى اموت وياك. ولله وحك عيناك
عريس يبني

😭😭😭😭😭😭😭😭

حنيت الك بعيني دمع اونت الروح
صعبه عليه من بعدت. زيدت الجروح
عيني العمه ولاشوف بلخيمه مطروح
بلياك يمه يلولد. ظل كلبي مجروح
جرحك غميج اهواي. منه انعمت عيناي
شو زيدت بلواي. عريس يبني
خل اندفن بحذاك. ولله وحك عيناك
عريس يبني

😭😭😭😭😭😭😭

بلخيمه يمه من اطب. انظر للهدوم
اثياب العرس امعلكه. وحيلي مهدوم
عليك اظل ابجي واون. وكليبي مالوم
حزني ابد لا ماافل. عاشرت الهموم
تجري تره عيناي. همومي ييمه اهواي.
عريس يبني
كل لحظه الك اشتاك. ولله وحك عيناك
عريس يبني

😭😭😭😭😭😭😭😭

من بعدك انه يلولد. حالي شلون
غاطيني الهم والحزن. عميانه العيون
يمه عليه من ابعدت. امغيره اللون
اذكر شبابك ونتحب. ربعك ينشدون
شلون اشربه الماي. يابعد هاي وهاي
عريس يبني

يمه الزمت يمناك. انه تره اتناك
عريس يبني

😭😭😭😭😭😭😭

تمت والحمد لله ✍🏻 بقلمي الشاعره
ام احمد شهد الرضوي https://www.tg-me.com/alzmqpa