🌹قصيده لام البنين ع 🌹


فرشنه سفرتج هليوم

والحاجه طلبناهه

🥀🥀🥀🥀🥀🥀🥀

يم عباس ناخيتج
وانه اليوم طالبتج
اريدن حاجتي منج
هليوم نترجاهه

🥀🥀🥀🥀🥀🥀🥀

ام عباس معروفه
صيت وكرم موصوفه
الينخه ابد متعوفه
واحنه مانسيناهه

🥀🥀🥀🥀🥀🥀🥀

احلفج بلبطل عباس
راعي الجود والنوماس
ابد ماهبطالج راس
وبلعباس ننخاهه

🥀🥀🥀🥀🥀

ام الاربعه الحيود
منهه القلب ممرود
تشوف حسين هلممدود
محد صاح وياهه

🥀🥀🥀🥀🥀🥀🥀

كلنه اليوم ملتمين
علحره وهل العين
تستاهل لطمنه الزين
والدمعه جريناهه

🥀🥀🥀🥀🥀🥀🥀


تمت ✍ الشاعره ام احمد شهد الرضوي

غير مبري الذمه من يغير اسم ا للشاعره
https://www.tg-me.com/alzmqpa

🥀قصيده لام البنين ع🥀
قصيده ثكيله


تبجي حزينه ام البنين تريد الاحباب
راحو اولاد اربعه والقلب ذاب

🥀🥀🥀🥀🥀🥀🥀

حانت ساعه وفاتي ودمعت العين
انحرم من عدهم انه وصفك الايدين
راحو كلهم يزينب فدوه الحسين
واني عليهم تره ازيد العتاب

🥀🥀🥀🥀🥀🥀🥀

صعب يوم الولد لا ولله ميهون
تمنيت اليوم يمي بلحدي يحظرون
يكعدون يم الكبر وتصب العيون
وانه ولله الفكدهم دمعي سجاب

🥀🥀🥀🥀🥀🥀🥀
انشد انه على الاحبهم مايعودون
ابقه هسه الوحدي ومايرجعون
قسه وياي الدهر ومايردون
ليش عاداني زماني والكمر غاب

🥀🥀🥀🥀🥀🥀🥀
اليوم انشدنج يزينب عن ابني عباس
كون ماقصر وليدي وهبط الراس
ادري بيه انه يزينب ميهاب الارجاس
بقيت اسأل عليهم الهوه الهاب

🥀🥀🥀🥀🥀🥀🥀

وانه بفكد الحسين اتغير الون
وحيده بلايه ولد النعشي يشيعون
عكب عباس صاير مظلم الكون
واني ولله البعدهم القلب عطاب

🥀🥀🥀🥀🥀🥀🥀🥀

تمت ✍الشاعره ام احمد
شهد الرضوي
غير مبري الذمه من يغير اسم الشاعره

https://www.tg-me.com/alzmqpa

🥀قصيده لام البنين ع🥀

يم البنين حاجتي تكظيهه

يم البنين ادري ماتخليهه

انتي باب الله الجبير ودومه مفتوح

وانه انخاج بقصيده وقلبي مجروح

يم البنين يم البنين

🥀🥀🥀🥀🥀🥀🥀

انت ياام الوفه تشافيلي علتي
انه ماعندي امل بس ربي ونتي
تشافيني من المرض دواي صرتي
ابجي ولله الوحدي انه بغربتي

يم البنين حاجتي تعرفيهه
يم البنين انتي اتحليهه

انتي باب الله الجبير ودومه مفتوح
وانه انخاج بقصيده وقلبي مجروح

يم البنين يم البنين

🥀🥀🥀🥀🥀🥀🥀

انه احن لزيارتج قبل المنيه
ولله مليت الهجر انت ادره بيه
كثرن همومي يحره انه عليه
دمعتي ولله على خدي جريه

يم البنين شيعتج حضريهه
يم البنين حفرتي تنوريهه

انتي باب الله الجبير ودومه مفتوح
ونه انخاج بقصيده وقلبي مجروح

يم البنين يم البنين

🥀🥀🥀🥀🥀🥀

اقره انه زيارتج بالدمع والنوح

لاصحن عندج يحره وذابت الروح
انتي اكظيتي العمر بالهم والجروح
شلون من شفتي حسينج ولله مذبوح

يم البنين هامته مخضبيهه
يم البنين اشلون من شفتيهه
انتي باب الله الجبير ودومه مفتوح
انه انخاج بقصيده وقلبي مجروح

يم البنين يم البنين

🥀🥀🥀🥀🥀🥀🥀
اليوم جينه بمجلسج يم البنين
زادن همومي عليه وزايد البين
قلبي من الهظم يم عباس نصين
الليله احلفج يلوفيه بدم الحسين

يم البنين همومي تدريهه
يم البنين بيدج خليهه

انتي باب الله الجبير ودومه مفتوح
انه انخاج بقصيده وقلبي مجروح

يم البنين يم البنين

🥀🥀🥀🥀🥀🥀🥀
اليوم رب العرش فاطمه علاج
بلوفه بأعلى المراتب ربنه خلاج
ميزج عالخلج والعباس اهداج
الليله كل الكون ينحب على بلواج

يم البنين دمعتي هليتهه
يم البنين علخدي انه اجريهه

انتي باب الله الجبير ودومه مفتوح
انه انخاج بقصيده وقلبي مجروح

يم البنين يم البنين

🥀🥀🥀🥀🥀🥀🥀

تمت ✍ الشاعره ام احمد شهد الرضوي
غير مبري الذمه من يغير اسم الشاعره
https://www.tg-me.com/alzmqpa

🥀قصيده لابو الفضل العباس ع🥀


جاسهه من الهظم ما جاسهه
زينب من امست بلا عباسهه
🥀🥀🥀🥀🥀🥀🥀
صبحت يوم اهدعش زينب تنوح
عگب ابو النوماس ويامن تروح

للنهر صدت ومليانه جروح
گوم لينه بعجل يانبراسها

الشاعره ام منذر الحجار
🥀🥀🥀🥀🥀🥀ر🥀

خويه كوم بساع ياوالينه

تدري يبن امي الشمر حادينه

والكلب عباس زاد ونينه

كوم يااصل الشجاعه وساسها
العلويه ام محمد تقي
🥀🥀🥀🥀🥀🥀ر🥀

كوم يأصل الشجاعه والوفه
شوف زينب عالهزيله امجتفه
بس دمع وهموم من عدكم صفه
ليش تجرح ياوليها احساسها

الشاعره ام سجاد العسكري
🥀🥀🥀🥀🥀🥀

يبو فاضل ليش نايم بلفله
هاي اميرتكم وحيده ابكربلاء
ضلت احمول الها بتكم مايله
من الهظم كوه تجر انفاسها

الشاعره ام عدنان سياحى
🥀🥀🥀🥀🥀🥀🥀
خويه كوم بساع يابو المرجله
ترضى زينب يالكفيل معلعله
بالحرم واطفال هي مكلفه
وعلترب نايم يضل عباسها

الشاعره ام علي البابلي

🥀🥀🥀🥀🥀🥀
زينب الحره الابيه ام المصاب
طاح مدمعهه لجن ظل الحجاب
ليله الوحشه تشاهد عالتراب
اموذر اعله المشرعه نوماسها

الشاعره ام سحر البديريه

🥀🥀🥀🥀🥀🥀🥀

جيت انشدك يالبطل شنهو الجره

وشفت ذرعانه وجربته مشمره
وبعد بلعامود هامه مطبره
بجت بت حيدر وضربت راسها

الشاعره ام وليد الموسوي

🥀🥀🥀🥀🥀🥀🥀

زينب اعلى اخوتهه دوم محسره
نادت العباس سولفلي الجره
تنظر الجفين والله مشمره
صرخت ونادت على نوماسها

الشاعره ام احمد شهد الرضوي
🥀🥀🥀🥀🥀🥀🥀

تمت ✍️ باقلام الشاعرات في رابطه ابو الجوادين

https://www.tg-me.com/alzmqpa

قصيده لمولاتنا زينب عليها السلام
على طور يا زمن وين الاحباب
للمله باسم الكربلائي

🩸.•°``°•.🩸¸.•°``°•.🩸.•°``°•.🩸

من بعد عين الاحنان

اسمي صار ام الاحزان

اليوم اريدلي دفان اليوم اريدلي دفان

🩸.•°``°•.🩸¸.•°``°•.🩸.•°``°•.🩸

اليوم روحي رادت اخوان اليجوها
ماتت ابديره غرب ليش اتركوها
تريدهم يم النعش و يشيعوها
ابساعه الدفنه اخوان اليدفنوها

زينب الوحدها ظلت
لا اخو لا امها حضرت

والله يادهري خوان
اليوم اريدلي دفان

✍ام احمد الساعدي

🩸.•°``°•.🩸¸.•°``°•.🩸.•°``°•.🩸

حنت الروح اوتريد اعزاز يلفون
من الاهل للشام للدفنه يحضرون
زينب ابديره غرب وتهل العيون
تنادي وين احباب گلبي ما يسمعون

جرح گلبي ولاطاب
ما يحضرون الاحباب

بالدفن تحضر الخوان
اليوم اريدلي دفان

✍م سجاد العسكري

🩸.•°``°•.🩸¸.•°``°•
.🩸.•°``°•.🩸

وسفه غربه للنعش ياهلي اتشيل
كضه عمري انتظر والمدمع يسيل
ماحضر موت الغريبه اخو ياويل
ابعاد عني وانتزع وجلجل الليل

صعبه يااهلي عليه
ما حضرتو بالمنيه

من البعد حيلي خلصان
اليوم اريدلي دفان

✍ام عباس السكيني

🩸.•°``°•.🩸¸.•°``°•.🩸.•°``°•.🩸

براحه ياموت انتظر فد ساعه اليه

خل تجي احبابي وتودعني المسيه

خاف خواني تجي وتزعل عليه

تحضر التشيع تدفني سويه

بعيد عن كربله الشام
علي بويه يضرغام

حضرني ياداحي البيبان
اليوم اريدلي دفان


✍ام منذرالحجار

🩸.•°``°•.🩸¸.•°``°•.🩸.•°``°•.🩸

اليوم بديره غرب اهلي نسوني
راحو وعني بعدو جنهم جفوني
كربت منيتي وريد اهلي يجوني
وانه لجلهم عمت حتى عيوني

قلبي مايحمل مصاب
روح ملت الغياب

اه يافكد الاخوان
اليوم اريدلي دفان

✍شهد الرضوي

🩸.•°``°•.🩸¸.•°``°•.🩸.•°``°•.🩸
دفنوها الغريبه بليل ظلمه

ولامن عزه ولا نوح يمه

هاي العقيله وياكبر ضمه

وهي بت علي الكرار ولزهره امه

ضمه الكبر ياويلي
اضلم بعده ليلي

هاي قصة ام الاحزان
اليوم اريدلي دفان


الخادمه ام هدى السباعي

🩸.•°``°•.🩸¸.•°``°•.🩸.•°``°•.🩸

تـــمـ بعون الله تعالى ـــت
بقـــ✍ـــلم خادمات اهل
البيت ع في رابطة دموع العقيله
لانجيز حذف الاسماء شرعاً
نجيز للاخوه الروادید ان ینسبوها لخدام الحسين ع
https://www.tg-me.com/alzmqpa

🌸 قصيده لمولاتنه رقيه ع 🌸

تقراء بطور ثكيل وبعدت اطوار



زركه امتونهه. من ظرب السياط
ياون. الصغيره. ايكطع. النياط

😭😭😭😭😭😭😭

طول الليل لا مابطلت ونهه
تفز من نومهه وتريد والدهه
يضربهه النذل شيريد منعدهه
والعدوان بيهه بكل كتر حاط

😭😭😭😭😭😭😭

ايام البعد صارن طويلات
عافاهه الغريب اشلون من مات
بعد عيونهم. صرنه غريبات
عليه ثوب الحزن امخيط اخياط

😭😭😭😭😭😭😭😭

صغيره وعلى السبي ماتحمل افراك
ولشوفت. ابوهه. دوم تشتارك
تره افراك . الاهل. ياناس. حراك
مابطلت. بجيهه. والكلب. شاط

😭😭😭😭😭😭😭😭

من كثر. الضرب. شو سود المتون
صفت على الاهل. عميانه. العيون
راحو. للاسف. لا ما يعودون
وعلى متونهه اثار. السياط

😭😭😭😭😭😭😭

صاحت صوت والعدوان ظربوهه
ماعدهم. رحم. بلراس عذبوهه
حيف من الابو ياناس حرموهه
بحبال اليوم هيه مربطه رباط

😭😭😭😭😭😭😭

تمت والحمد لله ✍🏻 بقلمي
الشاعره ام احمد شهد الرضوي

https://www.tg-me.com/alzmqpa

🌷السلام عليكم 🌷

مشتركيني بعض الاحيان اتصير
عندي اخطاء املأئيه
لان شوي نظري قليل فبعض
الاحيان مااركز علكتابه
فألتمس العذر منكم واتمنى قصائدي
تنول رضاكم
🌺خادمكتم الشاعره ام احمد شهد الرضوي🌺

🌴قصيده للاحباب 🌴

موشح


روحي ملت الغياب
ولله بفكد الاحباب
ونه زيدت العتاب

🥀🥀🥀🥀🥀🥀
اه يادنيه حرمتني من اعز كل ناسي
وهمه الجانو إلي بحساسي
ذوله بيهم جان رفعت راسي
گلبي الهم والله لا ماناسي

انتظر بعتب الباب
ماكو منهم اجواب
ونه زيدت العتاب

✍️الشاعره شهد الرضوي
🥀🥀🥀🥀🥀🥀

روحي مشتاكه وتحن للضيعوها
شلون يادنيا مشو عنها ونسوها
هجر فركاهم صعب لا معذروها
شيصير لو ساعه يعودون الجفوها

ونت الروح للحباب
بلكي ويعودون الاصحاب
ونه زيدت العتاب
✍️الشاعره ام علي البابلي
🥀🥀🥀🥀🥀🥀
اشلون بيه انه ياربي احبهم
راحو ابعيد ومشو وابعد دربهم
والله كل يوم اليمر انه ابذكرهم
اه يانار البعد بعد شملهم

انشد انه الهوه الهاب
دمعي اجريته علباب
ونه زيدت العتاب

✍️ الشاعره شهد الرضوي

🥀🥀🥀🥀🥀🥀🥀
خالي ظل البيت واعزازي جفوني
كون ياربي يعودون النسوني
وكعد وياهم ارد الفاركوني
واعتب عليهم اهلي الي اتركوني

شيعودكم كلولي يلاحباب
هيهات ماترجع الغياب
ونه زيدت العتاب
✍️ الشاره ام علي البابلي
🥀🥀🥀🥀🥀🥀🥀
اهلي الراحو ابعدو اوماشفتهم
وهمه اعزاز القلب يكلف بعدهم
انه مااكدر بعد ولله الهجرهم
عني راحو بعد ياربي شيردهم

ودليلي ولله انعاب
راحو وقلبي نصاب
ونه زيدت العتاب
✍ الشاعره شهد الرضوي

***
تمت ✍️
ا لشاعره ام احمد شهد الرضوي

غير مبري الذمه من يغير اسماء الشاعرات
https://www.tg-me.com/alzmqpa

🥀قصيده لرقيه ع 🥀
الوزن بحر الطويل القصيده على طور
يانوك وين تريدين لسيد فاقد

~~~
ياعمه ليش تنوحين
تذكرتي ابوي حسين
بليل سهرانه عيني
دمعاتج ولله تأذيني

🥀🥀🥀🥀🥀🥀🥀
بخرابه كعدوني اليوم دمعاتي هي تواسيني
بحلامي ونه فزيت كلولي جاوين حسيني
عمتي تواسيني بدمعه وتكلي انت تدريني
حسينج بلطف ظل ظامي بحالي انه خليني

ياعمه لا لا تبجين
ادموعج ذوبتلي العين
بليل سهرانه عيني
دمعاتج ولله تأذيني

🥀🥀🥀🥀🥀🥀🥀
بأرض الشام ياويلي ناسه امعيده لمصابي
ولاجنه النبي جدي اوساده البشر انسابي
ابخرابه نزلوني اشلون اوحر الشمس احجابي
اتغطه ابلهيب السوط واتوسد انه اترابي

وعليه مصاب البين
انطي هالوجه لاوين
عمتي اسمع تناديني
دمعاتج والله تاذيني
*
جابولي راس حسين مني ذايب ادليلي
مخضب بدمه اشلون شفته ورايح كل حيلي
ابجي دوم انه اعليه ولله مانمت ليلي
خلوني بحسره اليوم ادموعي بعيني تلالي

ياروحي كافي تونين
باجر ويم حسين
عمتي زيدت ونيني
دمعاتج ولله تاذيني
*
وفه ابوي اليوم بوعده ولله وفالي
خليته دامي بحظني عمه شوفيلي الحالي
كل همي تراها اليوم اشوفه ويكعد كبالي
تالي ابحلم شفته خابت ولله امالي

انه اريده الحين
ابويه هذا الحنين
ياعمه بلله عينيني
دمعاتج ولله تأذيني

****
ناديت ابعالي الصوت منك ليش حرموني
بويه محمل الفركه بعدك ولله يتموني
ليش وحيده هذا اليوم واهلي انه يجفوني
بويه ماريد دنيه بعدك ظلمه بعيوني

توجع ظربات العين
زركه بويه الايدين
عمه انه خليني
دمعاتج ولله تأذيني



*×*
تمت والحمد لله ✍ بقلمي
ا لشاعره ام احمد شهد الرضوي
https://www.tg-me.com/alzmqpa

♦️ قصيده للسبي♦️

على طور توؤم يازمان

لباسم الكربلائي


وينك ياعلي ماظل من هلي

بس يتامه وبس عليل امكيدينه

✒✒✒✒✒✒✒
ياعلي صوت العقيله ؛؛؛؛ هذا التسمعه يبوها ؛؛؛ ماتجيها

تحشمك ودمعة حزنها ؛؛؛ تجري بخدود المصيبه ؛؛؛ ياعليها

الجانت بجالك عزيزه ؛؛؛ هسه برض الطف غريبه ؛؛؛ ياوليها

لا اخو الظل عدها واكثر ؛؛؛ لا كفيل ولا خيمها ؛؛؛ امحرّكيها

ياحامي الدخيل ؛؛؛؛ ماظل بس عليل

كطعو العباس يسراه ويمينه

✍️شهد الرضوي
✒✒✒✒✒✒✒
يمن للينخاك تحضر ؛؛؛ زينب بشدّه وتريدك ؛؛؛ تحضر الها
بين خيل ونار تركض ؛؛؛ تجمع اطفال اللي تاهت ؛؛؛ بعد اهلها
لاخيم عدها وتلمها ؛؛؛ ولا محامي الظل يبوها؛؛؛ ولازلمها
كلها نومه اعله الوطيه ؛؛؛ صرعى ولياها يحيدر ؛؛؛ والكفلها
ماظل عنده شوف
مكطوع الجفوف
بسهم ياحامي الحمه مطفيه عينه

✍️شهد الرضوي
✒✒✒✒✒✒✒

ساعه تركض لابن ابوها شافته جثه رميه زاد ونها
مشت يم حسين كعدت تحجي ويه الجثه ضلت عن المها
شافت الاكبر موذر وليلى نامت على المنحر ياابنها

ونت وزايد حملها حرم واطفال باملها ياسهمها
منتظره تجي
ماعدها ولي
تبجي وتصيح اه يكلبي الله يعينه

ام علي البابلي
✒✒✒✒✒✒✒✒✒

طبتي لديوان ظالم بس علي وياي سالم ياعظمها
شفته يضرب راس اخويه صحت وينك علي بويه يا ذخرها
تالي كعدونه بخرابه لاسكف لاالها بابه بشمس جنها
صاحت وونت رقيه علطشت جتها المنيه ياسهمها

خلصت زينب عمرها تبجي وتنوح بيسرها من رحمها

وناتي بسكوت تاليتي اموت

من هظم ضيم المصايب التجينه

✍ ام علي البابلي

🎤🎤🎤🎤🎤🎤🎤🎤🎤

كمت احن الذكرياتي والحزن غير حياتي ياحزنها

كمت اشوف حسين يمي
يصيح وينج يبت امي

ياوضعها

ليش خلوني وحيده اخويه ولله انه اريده
يحن عليها

ياألم تحمل يقلبي بالحزن ضليت وحدي
بت ابوها
احسين ياوحيد عني هل بعيد
اذكر مصاب الولي سوه بينه

✍️ شهد الرضوي
✒✒✒✒✒✒✒

تمت ✍️ باقلام الشاعره شهد الرضوي ولشاعره ام علي البابلي غير مبري الذمه من يغير اسماء الشاعرات


قناة رقيه للشاعره ام احمد شهد الرضوي
https://www.tg-me.com/alzmqpa

🌸 قصيده لمولانه الحسن ع🌸


حدر الكاع نام معزب الدار
شكل للي يجي هليوم خطار

🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️

عليه اليوم مغلوكه الدواوين
شايل وين يانسل الميامين
عليه تنحب الشيعه طول السنين

( حزنانه والشيعه ادك)

فكدك يلاخو هلذوب احشاي
بعدك مظلمه هليوم دنياي
لوكت الضيج ردتك دوم وياي

( مخليني وشلون تروح)

اون بكل صباح وما بطل وني
منك يلحسن انه اكطعت ظني
يومك دولاباني وحيل شادهني

( مدولبني يومك ياخوي)

مكدره الدار يوم الشال راعيهه
احبابك تون. المن. امخليهه
الشيعه تنوح تريد اليوم واليهه

( ايسمونه وشذنب الوالي)

حدر الكاع نايم والكبر ظلمه
وسفه علكبر هليوم من ظمه
حسين عليه ولله هلكثر همه

( وحسين ايون راح عضيده. )

💥💥💥💥💥💥💥


تمت والحمد لله ✍🏻 بقلمي
الشاعره ام احمد شهد الرضوي


https://www.tg-me.com/alzmqpa