يمه الدنيه ماتنراد تخنگ وانتي مو يمنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،
لو من موتج اتردين ساعه وسيري اعلينه
حته بعينج تشوفين شمسوي لوجع بينه
نعمه ومن بعد عيناج نتذكرها اسامينه
يانهر الحنان اشلون بعدج ياهو يروينه

عليج تذوبل العين .... يم حسين يايمه
هم يوم وترجعين .... يم حسين يايمه

ياوسفه يطمها تراب عين الجانت تحبنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،،،،،،،
شيبنه وعمرنه زغار مانعرف شني الفرگه
حته اگلوبنه ويه الباب يم حسين محترگه
يالزهره عليج العين سالت دمعه مختنگه
من يومج لحد اليوم ماتت جلمة الملگه

الدم بعتبت الباب .... يم حسين يايمه
كاسر ضهر ابوتراب .... يم حسين يايمه

شنسوي بعمر مابي نتنفس عطر امنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،،،،،،،
يا راحه التطب للبيت غير ندفنت الراحه
اول مره داحي الباب يمشي ولازم صفاحه
مخوصر ولدمع بالعين والله كثرت اجراحه
ضل يدنگ اعله البير عن لا نسمع صياحه

شيب رمش العيون .... يم حسين يايمه
فراگج والله ميهون .... يم حسين يايمه

ماحسبنه يازهراء بيج الدنيه تنهبنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،،،،
ويلي من يصير غروب تبدي الخنگه والحسره
نذكر گعدتج بالدار يمه ونبجي عالعشره
عفتينه الوكت مو زين باجر كلها متطشره
ذاك الينجتل مسموم ذاك الينسحگ صدره

زينب التصعد النوگ .... يم حسين يايمه
مثلج جفها محروگ .... يم حسين يايمه

يايمه العمر هاذه راح هواي يصدمنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،،،،
ابهاي الحاله ترتحلين لا يايمه مو گدرج
يافطم قحط كنعان ارحم من ألم هجرج
ما متهنيه بس لوعات يحبيبه خلص عمرج
نگعت خشبة التابوت ميته وضل يهل دمعج

ماتت راحت البال .... يم حسين يايمه
صوابج والله جتال .... يم حسين يايمه

يمه اعله لطم والنوح والمدمع تحزمنه
ياجف ياحضن ياروح بعدج ياهو اليلمنه

العبد ابوفايز الرافضي

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

ابوذيات لاستشهاد السيدة الزهراء عليها السلام

،،،،،،،،،،،،،،،،،،،،،،،،،،،،،،،،،

تون واطفالهه ونو لونهه
مصايب هلدهر وسفه لونهه
تظل ويانه بس ليله لو انهه
بعد منريد كلشي وهاي هيه

،،،،،،،،،،،،،،،،،،،،،،،،،،،،


احلف الموت بيمن ما يمرهه
ينار الروح ماصح ماي يمرهه
يهل تنشد الدنيا ما يمرهه؟
اگلك فاطمه البعدت عليه

،،،،،،،،،،،،،،،،،،،،،،،،،،،،،،،

وسفه الصوت راح وبعد ون صار
تحت ذاك التراب اندفن ونصر
يهلتسأل عزيز الروح وين صار
خذاه الموت وسفه وگطع بيه

،،،،،،،،،،،،،،،،،،،،،،،،،،،،،،،،،،،،

عطشنه اوهام وانتي الماي يمنه
ونحس بالدنيا لو تبقين يمنه
سمعت اطفالچ يصيحون يمنه آه
الحسين يگول لتعوفين اديه



،،،،،،،،،،،،،،،،،،،،،،،،،،،،،،،،،،

اوسدچ علرمال شلون بيداي
وضلعچ فاطمه يأذيچ بيه داي
يچف الشالت ام الحسن بيدي
ويجدمي اثگل جنازة كون بيه


،،،،،،،،،،،،،،،،،،،،،،،،،،،،

يدنيه الشال من عندچ ولي راح
مشت مني واجاني الهم واليراح
شنهي الباقي البعمري والي راح
الف يا حيف خلصت هاي هيه

كلمات الخادم / رعد الفريجي


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

#من_ديوان_سيدات_العفاف_ج١
قصيدة للزهراء(كون الچ حضره)
❥━──➸➽❥❂❥━──➸➽❥❂
كون الچ حضره ونجي مشايه
نسوي يم الحسن ليچ قرايه
كون الچ حضره وصحن ... وشيعتچ تگعد تون
نسوي يم الحسن ليچ قرايه
❥━──➸➽❥❂❥━──➸➽❥❂
كون الچ شباچ يالزهرة وضريح
نگعد بنصه يمولاتي ونصيح
آه واويلاه يا أم الذبيح
كون وي طيحتچ كل احنه نطيح
آه من كسر الضلع ... منه كل شيعي انفجع
نگصدچ بنت النبي عنايه
كون الچ حضره ونجي مشايه
❥━──➸➽❥❂❥━──➸➽❥❂
كل رواية تمر نظل نبچي بحزن
وبضريح حسين كل مره نون
بس نريد نشوف صحن ام الحسن
وندري بالفردوس الچ مبني صحن
وبيه تصيح ام البنين ... نور عيني يا حسين
وزينب وياها تجي نعايه
كون الچ حضره ونجي مشايه
❥━──➸➽❥❂❥━──➸➽❥❂
كل موالي يصيح آيا فاطمة
شيعيتچ يم الحسن متألمة
مخفي گبرچ من عيون الظالمة
وانتي بت خير الرسل يا عالمة
يمته يا مهدي العصر ... بيدك تشيد الگبر
وترفع اعله الگبه انته الرايه
كون الچ حضره ونجي مشايه
❥━──➸➽❥❂❥━──➸➽❥❂
عجل دخيلك آيا مهدي العصر
شيعتك والله لظهورك تنتظر
بيدك تدلينه انته اعله الگبر
گلب كل شيعي احر من الجمر
انتي للشيعه أمان ... فاطمة ام الحنان
يلتجي ليچ اليحير برايه
كون الچ حضره ونجي مشايه
❥━──➸➽❥❂❥━──➸➽❥❂
زيارتچ يا ريت مثل الأربعين
نرفع الرايات ونعلي الونين
ونتجه ليچ بگلب كله حنين
شما نون اعليچ احنه مقصرين
يالبتول اناشدچ ... وبالدموع انعاهدچ
خدمتچ هي الأمل والغايه
كون الچ حضره ونجي مشايه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

#من_ديوان_دموع_وعبرة_في_رثاء_العترة_ج٣
فزاعيه مع هوسات للزهراء (يلوك للزهرة)
❥━──➸➽❥❂❥━──➸➽❥❂
ونن والونين يلوك للزهرة
ماتت من عذاب الباب والسطرة
❥━──➸➽❥❂❥━──➸➽❥❂
دكن حيل والدمعه لمصيبتهه
نامت بالثرى وعافت بنيتهه
مهظومه وعله امها جرت دمعتهه
(تستاهل هوسه المظلومه)
❥━──➸➽❥❂❥━──➸➽❥❂
تستاهل عليها العين نعميها
وي زينب الحره الدمعة نجريها
عله الماتت زغيره خل نواسيها
( مكابل نلطم وياها)
❥━──➸➽❥❂❥━──➸➽❥❂
نواسيها العقيلة ونهمل الدمعه
امها الحملت ما الها ابد رجعه
تتباجه عليها وحيل منفجعه
(وتكلها أفراكج هد حيلي)
❥━──➸➽❥❂❥━──➸➽❥❂
من يوم المشيتي ثكلن اجدامي
الشيب استوطن بكلبي وترك هامي
وصارت يالحنينه سود ايامي
(من بعدج ضيعت سنيني)
❥━──➸➽❥❂❥━──➸➽❥❂
يا يمه شحلات الكلمة بالشفه
دمع العين اريدن جفج ينشفه
عمري كله للونات ما يكفه
(وياج اتوسد لو بيدي)
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

قصيدة ثقيلة لتغسيل الزهراء ع

من ديوان

#مواجع_الزهراء_جزء_الاول

{ تغسيل الزهراء }

علي غسل فاطمة - والضلع ينزف دمه

اتكتر ويبچي عليها
يكول هاي أم الأبيها

والضلع ينزف دمه 2

•───✧◐◐✧───•

حيدر اعله الزهره محني وحيل مابي
شالت ام بيته الحنينه ومن يسلي
هي مو بس ام حسبها رويحته البي
على افراك الغاليه الله اليقويّه

شالت وشال الأمان
وشال وياها الحنان

والضلع ينزف دمه 2

•───✧◐◐✧───•

علي يغسل فاطمه وبظلمة الليل
مرت ايده اعله الضلع مكسور ياويل
علي مايدري بضلعها بالدمه يسيل
خفت عن حيدر ضلعها يريدله حيل

شافه مكسور الضلع
حيدر يصب الدمع

والضلع ينزف دمه 2

•───✧◐◐✧───•

حيدر يون عالزچيه ويون ون الثاكله
حين شاف الضلع اعوج صب مدامع هامله
راحت ام اولادي مني وراحت ام چلمة هله
وبيتي مظلم من بعدها الورده صبحت ذابله

آه من غدر الزمن
اخذ مني ام الحسن

والضلع ينزف دمه 2

•───✧◐◐✧───•

توچه عالحايط ويبچي من لمس ذاك الضلع
اعوج من الباب شافه والنفس منه انكطع
ليش يازهره يكلها بصوت خافت وبدمع
خفيتي عني صواب ضلعچ والألم ماينجرع

حيدر يكل للزچيه
شلون اغسلنچ بديه

والضلع ينزف دمه 2

•───✧◐◐✧───•

والأشد من هذا كله من كمل وكت الغسل
علي كفنها الزچيه وصاح اولاده بعجل
صاحهم لمكم تعالو لحضه بيها نلم شَمل
ولنها فتحته چفنها وحنت الزهره بوجل

حضنت حسين وحسن
وزينب وياهم تون

والضلع ينزف ذمه2

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

#اصدار_2025

#مواجع_الزهراء_جزء_ثالث

📓ديوان مواجع الزهراء جزء الثالث

💔خاص للزهراء عليها السلام

☘️للشاعرة والملة ام علي الإماره

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش

للطلب او الاستفسار
07832535076

مكتب سماحة السيد السستاني دام ضله بخصوص الأنتخابات

انا اقول :
ان شاءالله كلنا ننتخب الأصلح للشعب ولانترك الحكومة لغير مذهبنا ننتخب لأجل مقدساتنا ننتخب حفاظآ للبلد من الأرهاب كونو ذات وعي ولاتضيعوها 👌🏻

الشاعرة ام علي الإماره

لاستشهاد السيده الزهراء عليها
من اطوار الشور



آآيبويه آآيبويه

بنتك كسروه ضلعها
شوف ابعينك وضعها

آ يبويه آيبويه

بعدك شفت هم وآسى وآنا العزيزه الغاليه
ماظل فرح بس الحزن والدمعه بعدك جاريه
يجري الدمع يجري الدمع منك دياري خاليه
آيبويه آيبويه
——————

من غمضت عينك وأنا ابهمي يبويه حايره
المن تظل عالمغتسل اثلاثة ليالي صايره
اعليّه الزمن شد العزم وشفت الليالي الجايره

آيبويه آيبويه

__________

اعليّه جسر وخدي سطر وابسوطه بويه اتلوعت
ابباب انعصر وضلعي انكسر من عنده والله اتروعت
محسن سقط طاح ووقع بعيني جنيني اتنوعت

آآيبويه آيبويه
———————
بنتك انا قدري انّسى بلغاليه شنهو السده
ضلع وگلب مني انكسر واتعده كل اهل الرده
ليت اتحضر تشوف الجره تشوف الصحابه الحاقده
آآ يبويه آآيبويه
——————

بنت_الشمري

مكتبة _بنت_الشمري


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

الديوان وصل إلى مكتبة العليله لديهم توصيل والرقم بالمقطع

توفر بمكتبة العليلة لديهم توصيل الرقم بالمقطع
ديوان محاضرات مختصرة مع نعي وقصص للزهراء

يا أسماءْ .. لا تلوميني
رأيْتُ ضِلْعَاً مِنْ ضُلوعِ فَاطِمٍ .. كَسِيـرْ
ــــــــــــــــــــــــــــــــــــــــــــــــ
ياللي توصّي بالصبر , گِلت الصبر زين
قال إلها إي بس مو على فگْد أمِّ لحْسين
شصبر و أنا منها شفِت مكسور ضلعين
و ابعيني يا أسما شفتها حَمْرة العين !

تخفي بلِحْجاب .. آثار السَّطره البالخد
اشما تخفي لصْواب .. يظهر عالمتن الأسود
اشصاير وره الباب .. او چم إيد اعليها التمتَد ؟

يومَ الدَّارْ .. ما الذي دارا ؟
وِ لِمْ إذا نظَرْتُها بِطَـرْفِها .. تُديرْ ؟

ــــــــــــــــــــــــــــــــــــــــــــــــ

أسماء خلّيني أبِث من صدري الأوجاع
كسْر الخواطر موش أقل من كسْر الأضلاع
عايش عگبها عِيشة الحَيْ وكْت اِلِـنْـزاع
خيبر على متني أخفِ من ثگل الِوْداع

ما عندي امتون .. اتساعدني ابْشيل الزَّهره
او لا عندي اعيون .. تسعدني ابْسيل العَبره
يا أسما و اشلون .. ايْعيش اللي ايشيِّع عُمره

لا واللهْ .. لسْتُ أسلوها
أدفُنُها و قبرُها بمُهْجَتي .. حفير

ــــــــــــــــــــــــــــــــــــــــــــــــــــــ

چانت تكابر عالأسى او من تبچي سكته
و اسألها : شنهو اليوجعچ ؟ واتگلّي : إنته !
اعليّه تخفي اصوابها و المخفي شفته
بالمغتسل رض الصدر بيْميني جسته

حگّي يأَسماءْ .. لو ذوِّب شحمة عيني
و أصرَخ يزهراءْ .. رحتي ابسرعه او عفتيني
حُكْم القدَر شاءْ .. تخلص بالهَم اسنيني

أبكيها .. و هْيَ تبكيني
مضَت بِطُولِ حُزْنها و عُمْرُها .. قصير !

ــــــــــــــــــــــــــــــــــــــــــــــــ

خُزَانَة الأسْرَار و اتضُم عنِّي الأسرار ؟
و آنه ادري بالصَّار او أغِض طرْفي عن الصَّار
صدْر اللي بي يغفه الحسن بي غافي مسمار
و إيد التهز مهد الحُسين انْچوَت بالنَّار

يا أسما معقول .. كل هذا الصاير بيها !
او ما چانت اتگول .. چم سوط اتلوَّه اعْليها
خل حسْرتي اتطول .. للموت أو ما أوفيها

ما تُخفيهْ .. الحُزَنَ و القبرا
و ظلمُها بَدَا بنَكثِ بيعَةِ الـــ .. غَدِيرْ

ــــــــــــــــــــــــــــــــــــــــــ
يا أسماء (2)

الرادود: محمد باقر الخاقاني

الشاعر: ميرزا عادل أشكناني

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30