#الزهراء ع

لسان حال مولاتي زينب عليها السلام



*ليلية احاچي الباب يايمه*
*صابچ وماصوبني يايمه*

*ياريتني گبلچ متت*

*يازهرة يايمه يازهره يايمه*



عالباب زينب تنتظر امها اتعود
وذيچ المحنه الشالت اترد اردود
شنهي الزغيره الگاعده اتون اگعود
وفص عينها من هالمدامع ممرود

شنهاليتيمه الشالت امها ابسكته
يا هو اليگلها گومي امچ ميته

*يازهرة يايمه يازهره يايمه*
.........................

يا يمه ادورچ وين ما گلتيلي
شو ماكو يمه بياكتر طلعيلي
خاف انه ما اشوفن يزهره اوميلي
وعليلي صوتچ بالنزل صيحيلي

مشلوع گلبي والهضم گاظيني
يمه انا بتچ ليش چا عفتيني

*يازهرة يايمه يازهره يايمه*

...........................

ابلايه امها اشتسوه چا البنيه
مثل الغريبه اتصير بالدنّيه
ايفوتها اربات امها والحنّيه
وتعيش بالدنيا صدگ محنيه

تعبني يمه افراگچ اوهد حيلي
ومن هسه لجلچ گمت اساهر ليلي

*يازهرة يايمه يازهره يايمه*

........................


يمه اليتم تعبني ورم چبدي
وانتي الحبيبه وغيرچ انه اشعندي
لا من حبايب لا اخيه ابگدي
واكسر گلبها اتشوف دمعي ابخدي

لا عندي خاله ولا اخت يرعني
هي الزچيه وهسه شالت عني

*يازهرة يايمه يازهره يايمه*

......................

يمطوله الغياب وعليه اشگلتي
ما گلتي خاف اتموت زينب بتي
عدمن تركتيني ييمه ورحتي
وخليتي عيني معاشره دمعتي

مشتاگه اغفى بذاكه حضنچ يمه
وشلون حضنچ گاع صلفه اتضمه


*يازهرة يايمه يازهره يايمه*

................

*أم علي رضا الشريفي الحسيني*


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

اليكِ يافاطمة
#الزهراء ع

*شمعة البيت انطفت*
*وچلمة اليمه اختفت*

*اوبقت بس الذكريات*
*اوبقت بس الذكريات*
.......................

امي ماتت آخ يا هذا الخبر
امي شالت وانعمه اعليها النظر
چنت اظن ايطيب ظلع اللي انكسر
تالي لا طابت ولا گلبي انجبر

وبصدرها اتعورت
لا تشافت لا برت

امي أحن الامهات
*اوبقت بس الذكريات*

.......................

امي ماكو اثنين بالدنيا مثلها
امي ربتنا ابمدامعها التهلها
هسه عن حالي بعد ياهو اليگلها
يحچي اشصاير ابتها اويشرحلها

يا هو اليگلها گضت
شمت الشيله وابچت

وشابگه اهدومچ تبات
*اوبقت بس الذكريات*
............................

اگظي ليلي يالحنينه ابچي عليچ
يمه دليني ابمچانچ خل اجيچ
مسحي دمعاتي يمحزونه بديچ
يمه يا ريت الزمان ايعود بيچ

كل حياتي اتكدرت
ساعة امي الحملت

بعد ما تسوى الحياة

*اوبقت بس الذكريات*
............................

غاليه امي اشما گلت كلش قليل
امي چفها يشافي ويبري العليل
الموت لويرضى بعمر زينب بديل
انطي عمري وعسى عمر امي طويل


هيچ عد زينب بخت
ترد عليها امها المشت

وينجمع بيها الشتات
بقت بس الذكريات


*اوبقت بس الذكريات*
*اوبقت بس الذكريات*


....................


ام علي رضا الشريفي الحسيني

القصيدة سجلت في سجل الزهراء عليها السلام
من يغير اسمي  اوينسبها له خصمه فاطمة

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

اليك يافاطمة

#الزهراء ع

*جايب نعش لام الحسن*

*گوموا نشيع وي علي*


گوموا نعينه ابمحنته
فاگد الليله حرمته
بنت النبي وبضعته
لمصابها دمعه ايهلي


شد اللثام امن الحزن
بسكوت حيدر من يون
مهضوم دمعاته جرن
عگبچ يزهره اشظللي


هذا النعش يمدلل ه
ميلوگلچ يمعدله
بعدچ شبابچ باوله
علبيت واهله ادللي


شلتي وضلوعچ ما برت
وزينب عليچ اتحيرت
جابوا نعش واتكدرت
صاحت ييمه اتعطلي


وين اليشيع فاطمه
ويعين حماي الحمه
تعبان من عيني العمه
و ابهالرزيه مبتلي


يله يشيعة حيدره
گوموا نشيع الطاهره
منها الضلوع امكسره
چاوين والدها الولي



*أم علي رضا الشريفي الحسيني*


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

فزاعيه للسيده فاطمه الزهراء عليها السلام
--------------------
تحزم يالابو ...والحك الدفانه
الزهره راضيه ....لو مشت زعلانه
------------------------
اتحزم يالابو بله الحك الحره
مهمومه الزجيه او تجري العبره
كسروهه الضلوع او عينهه حمره
( سطروهه ..عل عين الشفجه )
###############
عصروهه ام حسن واسكطوا محسنهه
كوم الحك عليهه اهنا يوالدهه
ما جتك اخبار انسطرت ابخدهه
( يضربوهه ...شلون الزهره )
##########
حيدر شيعاهه او شالهه ابليل
يصيح بصوت يا وسفه والف ويل
يا بت النبي يل راهنه الحيل
( هديتيه ...حيل اولادج )
#########
اولادج يا حسافه تجري العيون
شالوا نعشج ابهيبه اعله الامتون
ابليل اضلم يوسفه من يدفنون
( ايدفنونه ..النور الليله )
########
يايمه الحنينه وين منواج
يا وسفه التراب شلون غطاج
لو ضاك الخلك جا وين نلكاج
( ضيعناه ...رسمج يمه )
---------





بقلم
خادمة الزهراء عليها السلام
ام احمد ..... ميسان
😭😭😭😭



من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

قصيدة بحق مولاتنا السيدة فاطمة الزهراء عليها السلام
تقرأ بألحان مختلفة



*الحد هسه ما لاگينه*
*كبر الزجيه وينه*

*يالمهدي كلنه نرجاك*
*إعله الكبر دلينه*
.......................

كبر الحزينه مجهول والشيعه ماتندله
أمنيه عند الأحباب كبر ام حسن توصله

حرمونه من إزيارتج (حسافه حسافه )
مخفي الكبر عونه الوصله( اوشافه اوشافه )
ذاك الدرب لوبس نعرف (اوصافه اوصافه)

بس ياهو اليدلينه كبر الزجيه وينه

.........................
نترجه مهدينه إيصيح هذا الكبر كبر أمنه
واداعت علي يازهراء كبرج صدك هاضمنه

لومره ياام الأطهار( نزوره نزوره )
ليش البقيع ايظم ليش (اكَبوره اكَبوره)
كل إحنه ندري الضلعين (مكسوره مكسوره)

بس ياهو اليدلينه كبر الزجيه وينه

.........................
مولاتي طبع الأحباب تتلاكَه بعد الفركَه
واليلتقي إويه المحبوب يشبكَ عليه ابحركَه

يم الحسن من فركاج (ملينه ملينه)
الخاطر علي كَبرج وين (دلينه دلينه )
من نوصل الذاك الباب (لاكَينه لاكَينه)


بس ياهو اليدلينه كبر الزجيه وينه

.........................
أتمنى عندج بنيان شباج بيه وحضرة
وعندج صحن يم حسين نلطم ابنصه ونقره

طال الوعد والموعود (ننتظره ننتظره)
يحدي بمواكب زوار (للزهره للزهره)
المازار كَبرج محزون (كل عمره -كل عمره )

بس ياهو اليدلينه كبر الزجيه وينه

.........................

عونه الوصل ذيج الدار وصب الدمع يم بابج
وعاتب هذاك البسمار إشلون رد اوصابج

شلتي وتركتي اطفالج (يتامه يتامه )
والشالت امه بس دمع (كلامه كلامه )
خلي إعله كبرج للمحب (علامه علامه)


بس ياهو اليدلينه كبر الزجيه وينه

.........................

*تمت*

العمل مهدى إلى مولاتي فاطمة الزهراء صلوات الله عليها

*ام علي رضا الشريفي الحسيني*

نسألكم الدعاء

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

قصيدة للزهراء حال السيدة زينب

من ديوان #انوار_الشفاعة_الجزء_الأول



أظلم صفه البيت من شالت امي
مهضومه ظليت كثران همــي

ماينحمل فركاها
مااكدر امي انساها

مهظومه ضليت كثران همي

•───✧◐◐✧───•

زغيرونه عافتني ومشت مااكدر بلياها
زينب اكلها يم حسن حن كلبي الملكاها
يالشالت باأول عمر وكليبي راح وياها

تدريني مااحمل هجر
عافتني امي من الصغر

مايرحم البين زيدلي هظمي

•───✧◐◐✧───•

مصلاية أمي امتربه وغرفتها وحشه
چانت تصلي للصبح كعدتها غبشه
ماحسبت بااول عمر والدتي تنسه

وتروح عني بالعجل
والفركه ابد ماتنحمل

فراك المشت نار حاركلي دمي

•───✧◐◐✧───•

ياكل بروحي فراكها وسهرانه ليلي
من نومي افز واحتاجها تشفي دليلي
شالت الزهره من وكت وانهدم حيلي

شيعودها يالغربت
وعني بسرعه تبعدت

ولو حنت الروح اتمنه يمي

•───✧◐◐✧───•

يمه ارد اسولف عالهجر سمعيني مره
طفله وتفارك من وكت والفركه جمره
وشلون لو فكدت بشر عاش اعله عطره

من ينكطع ياذيها
ذاك الحنان البيها

رديلي يايمه صحت اذاني حلمي

•───✧◐◐✧───•

يافاطمه افراكچ صعب خلالي عله
زغيرونه مو مالت تعب مكدر احمله
شلتي ييمه من وكت بس دمعي اهله

واعليچ عميانه العين
من ضلعچ انتي تونين

من عملة الباب ماشيل هدمي

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

- للمرحوم عبد الرضا النجفي..

أيام أيام.. هاي الدنيا أيام..
يوم الأهل يحمونه.. يوم العدة يسلبونه!💔

القصيدة : راحت الزهراء
الرادود : يحيى عفارة
الشاعر : احمد سوار
×××××××××××××××××××××
آه .. إنا للَّه
وإنا إليهِ رَاجِعون
×××××××××××××××××××××
آه واويلاه . علي بحزنه يكول
آه واويلاه . بعد فقد البتول
آه واويلاه . كضت بنت البتول
آه واويلاه

حسين وحسن
يم الحنونه والدمع بالخد أنهمر
وزينب بالآلم
تنظر لأمها والقلب بالهم إنكسر
وحيدر منفجع
اللَّه اكبر موقف يفت حتى الصخر
وأملاك السمه
نصبت عزه على أم الحسن بنوح وكدر
×××××××××××××××××××××
آه يا زهراء . يا حزني الما برد
آه يا زهراء . يا روحي والسند
آه يا زهراء . بعد مالي أحد
آه يازهراء

ما يسوى العمر
وأنتي الضوه وأنتي الهوه وأنتي دنيتي
وشلون أصطبر
من كسروا ضلوعچ ولا جفت دمعتي
ومن يوم الرجس
سقط جنينج وأنا مكسور بعيرتي
وبهذا الرحيل
چني أحس بهالمسى طفوا شمعتي
×××××××××××××××××××××
راحت الزهراء . يا مقسى هالرحيل
راحت الزهراء . ويتاماها بعويل
راحت الزهراء . وصدى عرش الجليل
راحت الزهراء

جبريل بألم
نادى وقلبه منكسر بالهم والشجن
نادى يا علي
عن البتوله نحي لحسين وي الحسن
ندري شكد صعب
وندري على البضعه البتوله جار الزمن
والموقف صعب
الزهراء ترحل والحنونه ليهم وطن
×××××××××××××××××××××
شيعوا البضعه . على وي صحيته
شيعوا البضعه . وفي عينه دمعته
شيعوا البضعه . يا مقسى مصيبته
شيعوا البضعه

من شالوا النعش
إتخيل المشهد علي يمشي للقبر
شايل فاطمه
شايل جمال ايامه وأحلى أيام العمر
نزلها القبر
بوسط اللحد وسدها ودموعه تنهمر
وبأخر وداع
قلها أسمحيلي قصرت منچ أعتذر
×××××××××××××××××××××
في ظلام الليل . علي يم القبر
في ظلام الليل . ودمع عينه يدر
في ظلام الليل . وقلبه يعتصر
في ظلام الليل

جاها المرتضى
بليل وظلام وعالقبر يذرف عبرته
مكسور القلب
يا ساعد اللَّه المرتضى فاكد شمعته
ينعاها بألم
وهيَ بقبرها موسده وتسمع ونته
وفجأة چنه صوت
وبلحظه من وسط القبر فاطم نادته

أرجع يا علي
بالدار زينب هذي طفله ومدلله
وباجر تنولي
تشوف النوايب والهظيمه في كربله
وتشوف الغريب
فوق الترايب منجدل محد غسله
ومن بعد الدلال
تمشي سبيه واللي يحديها حرمله
×××××××××××××××××××××

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

القصيدة : أم الوجود
الرادود : يحيى عفارة
الشاعر : ميثاق الحمداني
__🕊️_____🕊️
أماه يا زهراء
أماه يا زهراء
__🕊️_____🕊️
يالزجيه . هاي اديه
تلطملج ونوحي يعله
تقبليني . بهايه عيني
صلى الدمع وانتِ قبله
عمري خدمه . راح اختمه
واليخدمج ماكو مثله
يالعظيمه . شكد كريمه
اليبجيلج عيونه تحله

أخذي بأيدي يم الحسين
ضايع جيت وحزنج وطن
طالب حنانيكِ يا زهراء
من كل خوف بهذا الزمن
إنتِ أم لكل الوجود
إنتِ مو بس أم الحسن

نعم يا أمي ٫٫ عزاكِ همي
رضاكِ حلمي
__🕊️_____🕊️
ما أجامل . بل أقاتل
وببابج الكه العقيده
الما يدافع . يعني دافع
وبعصرتج خله ايده
القلبه شاعر . يعني شاعر
والما يحس ما نريده
هذا حبنه . ولو تعبنه
نداوي الجروح بقصيده

حاشى نجامل دافع الباب
ذاك الطفه بعينج ضوه
الخله دموعج تجري بالليل
وما فاد ويه ضلوعج دوه
يُحْكى أنكِ يا زهراء
تتأذين بشهك الهوه

رأيتي الصفعا ٫٫ لمستي الضلعا
سكبتي الدمعا
__🕊️_____🕊️
الخدمه فرضي . اعليه فأرضي
حتى اللّٰه يرضى عليه
خلي بيدي . ولا تزيدي
حتى ابقه امدلج اديه
برزقي قطري . أنه ادري
كثرة دلالي أذيه
رسمي دربي . ظُمِّي قلبي
لا ياخذوه يالزجيه

الحب شوك ودمعه بليل
والما يبجي حبه جذب
والما باجي لكسر الضلوع
كل عمره ما يعرف يحب
لجلج أكضي أيامي بالآه
خدمه وشوك ودمعه وندب

لكِ يا فاطم ٫٫ بدمعي قادم
واسمي خادم
__🕊️_____🕊️

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

القصيدة : وحشة البيت
الرادود : علي الساعدي
الشاعر : تحسين الخفاجي
🥀🥀🥀
اول تالي .. يروح الغالي
اشما سد عيني .. تصير اكبالي
كل ما اجيها شلونك تكلي
من الهوه تخاف حتى اعله ضلي
🥀🥀🥀
ذيج الايام . صارت أحلام
وخطيت الذكره الحلوه بدمعاتي
عايش مهظوم . وأصفن كل يوم
وأنطبعت فوك الحايط صفناتي

طبع اليشيب من وكت
الدنيا اشكثر ناهبته
الميت اذا غالي تره
ميت يشوفك انتَ
فك ريجه بجروحي الحزن
والليل ابد ما نمته

من عافتني .. اشكد اذتني
جانت تفرح .. لو شافتني
عكب الحبيبه بالدنيه شلي
من الهوه تخاف حتى اعله ضلي
🥀🥀🥀
الها اشتاكيت . ضل وحشه البيت
ما حسبالي تفاركني وتنساني
امشي ومكسور . وأصبر مجبور
حط عله الليل بقلبي وبجاني

ماتت اديه يا علي
من أهد ما شالتها
وطبع الحنينه لو مشت
محد يسد خلتها
اتعذب وأشبع قهر
من أدخل الحجرتها

محد يمي .. وزايد همي
وكل الدنيا .. متعوض أمي
وطير الحباري ما ناح مثلي
من الهوه تخاف حتى اعله ضلي
🥀🥀🥀
ليش الاجناب . يرفسون الباب
دفعوها الزهره بقوه وعصروها
تنهض وتطيح . ويا فضه تصيح
خلي ايدج جوه ضلوعي الكسروها

ليش الرفسها اعله البطن
عالخد رجع طكاها
وتصيح آخ من الألم
ام الحسن خلاها
والنار بالباب الدوت
محد ركض طفاها

وطاح المحسن .. والزهره تون
كل ما توكف .. للموت اتحن
وبيا ذنب راح نادتني طفلي
من الهوه تخاف حتى اعله ضلي
🥀🥀🥀
ما بيه افراك . كل لحظه اشتاك
ليش الدنيه بلا ام تخليني
مليان جروح . وتعبني النوح
كل ما عاين رحتها تبجيني

محرابها خالي صبح
بي بس المصلايه
اهواي تحب حيدر تره
وحيدر يحبها اهوايه
تتركني وحدي بغربتي
ما فكريت بهايه

كل ما تدعي .. اتأشر ضلعي
وي دمعتها .. ينزل دمعي
يمه انه الحسين كلتلها اعدلي
من الهوه تخاف حتى اعله ضلي
🥀🥀🥀
شيصبر العين . هذا انه حسين
باجر بالطف اتغرب وتحير
صدري بلا حيل . مو مالت خيل
ياهو ايلم باجر ضلعي اليتكسر

باجر يصوبني السهم
ويوصل ييمه الضهري
ويصعد على صدري الشمر
وبسيفه يكطع نحري
ويشيل راسي اعله الرمح
ودمي اعله ثوبه يجري

وعيني الزينب .. كل ما تنحب
تحشم بيه .. وانه مسلب
واعله الرمح راح بالطف أصلي
من الهوه تخاف حتى اعله ضلي
🥀🥀🥀


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

📜 القصيدة: يعالم مصيبة
🎤 أداء: مسلم الوائلي
🖋 كلمات: محمود الموسوي
~~~~
واويلي على الزهراء
~~
يعالم مصيبه الجذع والزلم
يدفعون والضلوع غدت تنهشم
الزجيه غريبه وعگب جف علي
تره الباب عصرها وبدت تنشتم

وين آل هاشم عالباب من عدكم اندفعت مره
تعبانه حيل ام حسين وضلوع عدها مكسره
~~
عجيبه المثلها مره وتنولي
والأعجب يطگون عزيزة علي
حبيبت محمد ضلعها انكسر
طفت عين مره تصيح الحگوا يا هلي

ما فطرت السبعه شلون فطروا گلب حامي الحمه
يستوحدون ام حسين الله واكبر فاطمه
~~
يعالم تره النار ولا تنجرع
تخيل مره وطاح عليها الجذع
ولا تگدر اتصيح علي ولو حجت
الكسر عدها شتصيح ولا تنسمع

لو صايحه اعله الكرار جا قالع الدنيه علي
الله امتحنها وبالباب صار الجواب الأزلي
~~
صفات الأمامه وصفات النبي
هذني الصفات بمره وتنسبي
اميره وعظيمه وشهيده بطفل
احترگ باب عليها وشتمها اجنبي

أعظم مصيبه بهالكون فاطم مثلها ما جرت
شاركها بالضيم حسين وخيام زينب وجرت
~~
عزيزة اهلها وحناها الكسر
واذا اجت تصلي النفس ينعصر
عليها صعب صار تگوم العلي
يكسر گلبها بأخير العمر

متعوده وي حيدر دوم تتگاسم وياه العمر
شايل محنه بتابوت حيدر ورايح للگبر
°°°°°°°°°°°°°°°°°°°°°°°°°°°°°°°°°°°°°
توجع طگت البسمار .. وأم حسين ما بيها
°°°°°°°°°°°°°°°°°°°°°°°°°°°°°°°°°°°°°°

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30

المقطع يستحق الأستماع خدام الحسين ع
ركزو على خدمتكم مو اعتباطآ انطلق عليك اسم خادم فخلو اسم خادم او خادمة قولآ وفعلاً

لطمية شدة للسيده الزهراء عليها السلام
===============
اليوم الزجية ام الحسن ورام ظلعها
وزينب تصد ليها وتون وتهل دمعها
===
زينب تون وتصيح يحبيبة ييمه
اشلون بية من تمسي الدار ضلمه
ازغيرة بعدني بفركتج اشبع مغمه
وناتهة سكته ام حسن محدسمعها
===
يمة اليتم جتال والفركة طويله
فراكج ييمه يمرد الروح شيشيله
بدار ضلت ريحتج وشتم الشيله
طيبت يمه الحجرتج توحش وضلمه
واليل كلة تلوج من شده وجعها
===
حسرات راواني الوكت واني زغيره
وبيتج عكب عينج ييمه اشلون اديره
يالوعتي وكت العصر روحي بحيره
احا ينار غيابهه روحي شلعها
===
تمنيت عمري وياج يخلص يلحنينه
ماجنت اضنن يوم يمة تفاركينه
شنحجي على المكتوب والقسمة شبدينه
بسكوت لو رادت تون محد سمعها
===
يبجي الحسين ايكول أريد امي الحنينه
من غيابهة يا أبا الحسن متنه وعمينه
نار وكتلنة غيابهة وما خلة بينه
ب الباب لاذت يا علي وزايد وجعها
===
يوحش مجان الوالده يم المحنه
يمة نون عليج والعبره بصدرنه
على حملت عزلت حملها من حملنه
لمتمة وياج الدهر مايرجعها
===
يمتة الزمان ايعود وتردين لينه
ونفرح بجيتج للنزل اه يلحنينه
نكعد سوة وترجع سوالفنة وحجينه
يا يمة من كثر الحزن روحي شلعها

===
ما هادت الروح وتون للفاركنه
يم دارهن جينة العصر نجذب الونه
بضيم العلينة ما درن من فاركنه
عافن بنيتهن تون يجري دمعها
===
حادي ضعنهن سار بيهن للمنايه
وهموم عدنة بلكلب كلش اهوايه
مجروج يحباب الكلب ما طاب دايه
احا ينار فراكهن ما اكدر اجرعها
===
تمت بحمد الله تعالى بقلمي شاعره وخادمه اهل البيت عليهم السلام ملا زينب الطويرجاوي القصيدة من ديوان بسمار وضلع

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tg-me.com/amAli30