قصيدة ثقيله للزهراء ع
حال أمير ألمؤمنين ع

من ديوان #مواجع_الزهراء_الجزء_الأول

{ مستهل القصيدة }

بيدي ادفنتها ام بيتي - بالگبر ياعافيتي

يازهرة الروح يازهرة الروح 2

•───✧◐◐✧───•

يالعشت وياها العمر ما كملت للتالي
يازهرتي الچانت سند يا امي وام اطفالي
يالخير كله بفاطمة راحت ومـا بـقـالي
اظلمت بعيني دنيتي والبيت منها خالي

كاسرني يافركاها - فاطمتي ما انساها

يازهرة الروح يازهرة الروح 2

•───✧◐◐✧───•

بيتي بغيابچ فاطمة مظلم وطايح سكفه
شله بحياته وبالعمر الفارك عزيزة اولفه
دنيايه وحشه بغيبتچ حبچ لوحده بكفه
تعبان لو جيت اكعدت يمچ اطيب واشفه

اخذتي بغيابچ روحي - فراكچ أمزيد جروحي

يازهرة الروح يازهرة الروح 2

•───✧◐◐✧───•

وكت الغسل من غسلت جسمچ الطاهر بيدي
مرت اديه اعله الضلع وتفاجئت من ايدي
معقوله مكسور الضلع شفته ولويته لجيدي
خافيته عنـي ام الحسن يادمعتي دم زيدي

تكتم ألمها عنـي - قصدها لتألمني

يازهرة الروح يازهرة الروح 2

•───✧◐◐✧───•

عمر الورد مايندفن بااول ايام اسنينه
بخصوص ايام القطف ناخذ الزهره الزينه
نداريها چن روح بجسد تنطينه عطر وزينه
بس وردتي بااول حلم كسروها كوم الشينه

كسرو غصنها الأشرار - بـنت النـبـي المختار

يازهرة الروح يازهرة الروح 2

•───✧◐◐✧───•

الله ومحمد فاطمة عليچ بذكرهم يرضون
كل الجره بيچ وسده ربنا ورسوله يعلمون
انتي الجليلة الطاهرة لجيتچ أهم ينتضرون
والصار بيچ من العده الشيعه لمصابچ يبچون

انتي الشفيعة لشيعتچ -بالحشر كلها بخدمتچ

يازهرة الروح يازهرة الروح 2

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

(إنا لله وانا اليه راجعون)
انتقلت الى جوار ربها الكريم العلوية الجليلة كريمة آية الله السيد ميرزا حسن حفيد السيد المجدد الشيرازي قدس سرهما، عقيلة سماحة المرجع الديني الاعلى السيد علي الحسيني السيستاني (دام ظله)وسيشيع جثمانها الطاهر الى مثواها الاخير في الساعة التاسعة من صباح يوم الاثنين ٦ شهر ربيع الآخر من جامع الشيخ الطوسي ويقام مجلس الفاتحة على روحها الطاهرة في جامع الخضراء يومي الاثنين والثلاثاء بعد صلاة المغرب والعشاء ، ولا حول ولا قوة الا بالله العلي العظيم.

قصيدة جنوبية للزهرااء ع

من ديوان #مواجع_الزهراء_الجزء_الأول

القصيدة التي قطعت نياط قلبي عندما كتبتها وعندما قرأتها بمآتم الزهراء 💔
بحيث اجتني رسائل كثيرة عليها من الخادمات يقولون لي بماذا احسستي عند كتابة القصيدة

{ بدايتها نعي }

دفع باب الزچيه وحيل اذاها
وكال اخذ الثار من النبي طاها
عصرها وطاحت الزهره اعله مكفاها

{ مستهل القصيدة }

شال ايده - عله الزهره وسطرها
وحمره العين صارت من اثرهــا

•───✧◐◐✧───•

شال ايده وتعدت من وره الباب
بعين الزاچيـه صايــر يـالصواب
ماصاحت علي ولا صاحت اجناب
{{ صاحت يافضه - لحكيني }}

•───✧◐◐✧───•

لحكينـي تكلها واعتني ليه
يافضه نبت بسمارهم بيه
اعوج صاير وحيل اثر عليه
{{ ياكون بساع - تطلعينه }}

•───✧◐◐✧───•

براضه طلعي البسمار من ضلعي
ياذينـي مـچانـه وماسكن روعي
كوه اخذ نفس حيل اعصر بدمعي
{{ كلما اجر نفسي - ياذيني }}

•───✧◐◐✧───•

فضه بساع اجتها وساعدتها
شالتها وعله الحجره خذتها
على افراش المنيه وسدتها
{{ توصي بفضه - تحاچيها }}

•───✧◐◐✧───•

وصتها على زينب والأولاد
تكـلها مـابقالي حيل ينعاد
ماظل بالعمر شي حته ينراد
{{ الموت اريحلي - من اللوعه }}

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

#رسالة_الى_الفاطميات

#الليالي_الفاطمية

السلام عليكم ورحمة الله وبركاته
عظم الله اجوركم اخواتي النساء الفاطميات الحبيبات بذكرى استشهاد السيدة الجوهرة فاطمة الزهراء ع

كيان المرأة في فكر السيدة الزهراء (عليها السلام) تريد منها ان تكون الاسوة والقدوة في الاسرة والمجتمع كما كانت هي “سلام الله عليها ” الاسوة الحسنة وسيدة نساء العالمين قال تعالى ” ولقد كان لكم في رسول الله اسوة حسنة ” وحيث ان الزهراء (عليها السلام) هي بضعة رسول الله ( صلى الله عليه واله ) وروحه التي بين جنبيه فهي لا شك أسوة حسنة كذلك لكل الناس رجالا ونساء .

الزهراء (ع) قدوة النساء في أخلاقها وإيمانها وعفتها


من أرث الزچية العفه اخذناها
تـاج لكل شريفه اليوم كلناهــا


من سيدة الجنة التي لاذت خلف الباب رعاية للستر والحجاب اكتب رسالتي
الحجاب : هنا مقصود من الحجاب هو الحجاب الكامل الذي يغطي جسد المرآه بالكامل وليس الذي يغطي الرأس فقط

من هذا المصاب الذي جرى على سيدة النساء الذي من اجل حجابها انكسر ضلعها وسُطرت عينها وأسقط جنينها حافظت على نفسها من اعين اللعناء كي لايروها وهي من دون حجابها الكامل هذه اكبر رسالة وضعتها السيدة الزهراء ع لنا كنساء كي نقتدي بها وتبقى اجيالآ تآخذ منها العبرة والدروس

#لنعلم_بناتنا

اختي الحبيبة الفاطمية
علمي بنتكِ الأقتاء بفاطمة علميها على ارتداء الحجاب الكامل من صغرها لأن التعلم من الصغر كالنقش على الحجر
تكلمي معها بأن الحجاب يحميكِ من شوائب العيوب قولي لها نحن جميعنا بنات فاطمة ع وعلينا اطاعتها بكل ما هي سارت عليه

☘️قولي لبنتكِ ان الحياء هو خلق رفيع يدفع صاحبه إلى اجتناب كل قبيح ويمنع من التقصير في واجبات الحق، وهو صفة محمودة تمنع من الوقوع في المعصية وخوفًا من لوم الناس أو الله،

☘️قولي لبنتك انكِ جوهرة 💎 والمجوهرات تكون أكثر جاذبية للناس فلابد لنا ان نضعكِ في خانة الزجاج الذي لايمكن الوصول اليها الا الذي يكون اهلآ لها

☘️قولي لبنتكِ ان العفة والحشمة هي أساس الجمال لكل أمرأة فعليكِ ان تكوني جميلة بحجابكِ بعبائتكِ بخطواتك المميزة المختلفة عن بقية البنات لاتكوني كقطعة من الحلوى المكشوفة التي تقف عليها الذباب وتلوثها.

كوني زهرةً جميلة بعفتكِ انتِ تستحقين ذالك بنيتي الغالية

☘️أُسمعي بنتك مفردات جميلة عن حجابها قبليها احتضنيها قولي لها انكِ تمثليني وتمثلين أرث فاطمة ع

☘️اختي الكريمة انكِ مسؤلة أمام الله على تربية بنتكِ تربية صالحة اوصيكِ وأوصي نفسي ان لانترك بُنياتنا يسيرون على ماسارن عليه السافرات و…..،،
جمال البنت بحجابها فأنها تعكس تربية الأم فلا تقصرين مع بنتك كوني أم حقيقية تُضرب بها الأمثال على مدى الأجيال
#انك_فاطمية
هذا والسلام عليكم ورحمة الله وبركاته

اختكم خادمة ألزهراء ع
#الشاعرة_أم_علي_الإماره

@um_ali313

نعي للسيدة الزهراء ع

#جديد 😭💔

زينب تودع الزاچيه اليوم
حزنت عليها وسود الهدوم
والكلب من الصار مالوم

•───✧◐◐◐✧───•

من الدمع ناكع شليلي
ومهدوم عكبج صار حيلي
من فركتچ مانمت ليلي

•───✧◐◐◐✧───•
تكلچن زينب

هم وحده مثلي مفاركة امها
وتحتار عدمن تشكي همها
لو جار الوكت بيها وهضمها

•───✧◐◐◐✧───•

ذكرن سوالفها وحچيها
وكولن بعد لا مانجيها
شالت بليل امودعيها

•───✧◐◐◐✧───•

اليوم زينب حالها شلون
تبچي على امها وعميه العيون
واليله نعش امها يدفنون

•───✧◐◐◐✧───•

يدفنون الهوى بنفاس زينب
حكها على امها ام عون تنحب
دمعتها دمه من عيونها تصب

•───✧◐◐◐✧───•

كلچن حبايب ساعدنها
من شالت ام البيت عنها
ماهده من النوح ونها

•───✧◐◐◐✧───•

تكووول …
المن بعد احچي اسراري
ظلمة عكبها اصبحت داري
اون بحزن ليلي ونهاري

•───✧◐◐◐✧───•

عله ام المحنه اليوم اونن
وكل لحضه لسوالفها احنن
نسير بعد ونروح عدمن

احوووي يم حسن يمه

•───✧◐◐◐✧───•

حنينات لوكعدن سويه
تسولف وي امها البنيه
محلاها وكت المغربيه

•───✧◐◐◐✧───•

تشكي الهضم لو مر عليها
تسولف العدها وتصغي ليها
تشيل التعب عنها وتجيها

•───✧◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

القصيده لسيده الزهراء عليها السلام

(قصيده تقرأ بطور الأهوازي/ وطور البحر الطويل )
مفتاح طور الأهوازي (يادار الأهل يادار)
ــــــــــــــــــــــــــــــــــــــــــــــ ـــــــــ

المستهل 👇👇👇

رجعي يالحنينه اليوم دارج ضلمه خلوانه
عوفي المگبره ارجاج گومي رجعي ويانه
ــــــــــــــــــــــــــــــــــــــــــــــ ـــــــــ ـــــــــ
صعبه يم حسن تمشين لديار الغرب عنه
خلافج بس نجر ونين كل ونه بأثر ونـه
حنينه الجانت ويـانه ولالحضه تفارگنه
عفتي ايتامج يونون كلها عليج ولهانـه
ــــــــــــــــــــــــــــــــــــــــــــــ ـــــــــ ـــــــــ
مكسورة ضلع رحتـي مهظمومه يعلويه
ندخل حجرتج ضلمه نبجي عليه يوميه
لحزن عمري كله عليج والدمعات مجريه
بيتج هم يــون عليـــج والبيبان حزنانه 
ــــــــــــــــــــــــــــــــــــــــــــــ ـــــــــ ـــــــــ
يالشلتي بضلام الليل عفتي ايتام يتباجون
حسن وحسين يايمه مگابل بالحزن ينعون
وليفارگ عزيزه ينوح حگهن لوعمن العيون
گلبــي ينزف وموجوع روحي عليج ذبلانه
ــــــــــــــــــــــــــــــــــــــــــــــ ـــــــــ ـــــــــ
شلون أگظي العمر يمه بلياج ومشوفنج
رديـلي ولــو ساعه مشتاگه وريـــــدنج
بدمعات الحسن وحسين يــايمه احلفنج
ردي لبيتج نريــــدج لتخليني حيــــرانه
ــــــــــــــــــــــــــــــــــــــــــــــ ـــــــــ ـــــــــ
حيرانه وصد للباب هسه امي ترد لينه
ترد ام الحنان بساع تمسح كل بواجينه
حزنانيـن كل أحنه ولشـــوفتج حنينــه
ها يم الحسن يمه كونج هسه ويـــــانه
ــــــــــــــــــــــــــــــــــــــــــــــ ـــــــــ ـــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه الى مولاي صاحب الزمان

https://www.tg-me.com/ma_x72w

(نعي مجاريد) للأم لمولاتي الزهراء عليها السلام
بلسان مولاتي زينب

👇👇👇👇👇👇👇👇👇👇👇

فزيت من نومي وجيتج
بالحجره ييمه مالگيتج
حنيتلج يمه وريـــــدج

امسه المسه وصار الغروب
وعيني يزهره اعله الدروب
شيسوي الفاگدله محبوب

ردي يــــايــــمه عليـه
والدار بعدج مو زهيــــه
جنج مشيتي وهاي هيه

مكسور گلبي وحيل مابيه
ولبيت توحشني مبانيه
اااايالعزيزه رجعي عليه

الليل يوحش لو يمرني
أدور عليج وزاد حزني
يومج يالحبيبه فجعني

يــــمحله گعداتنه وياج
يمعدله وتعجب حجاياج
ماني معلمه يمي اعله فرگاج

يامحله گعدتنه ويالحبايب
ماريـــد گعدات الغرايــــب
صبح طولج ييمه اليوم غايب

يــالغبتي عنه وماترديـــن
بنيتج ييمه أمشي لاوين
ماهي مناسبه ها يم الحسين
عفتينه بهضم ودموع بالعين


يالماكو بحنانج وين الأگيج
يشمعة بيتنه الحلوه معانيج
وتراب الگبر هاليوم غاطيج
ــــــــــــــــــــــــــــــــــــــــــــــ ـــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

https://www.tg-me.com/ma_x72w

قصيدة (وره الباب)

الى مولاتي الزهراء عليها السلام
كاني بلسان حالها
تقرأ القصيده طور الثگيل
ــــــــــــــــــــــــــــــــــــــــــــــ ـــــــــ
المستهل 👇👇👇

وره الباب عصرني ومارجف گلبه
وره الباب ضربني وتوجع الضربه

بضربته حيل ماذيني
وسقط مني جنيني

وره الباب وره الباب
ــــــــــــــــــــــــــــــــــــــــــــــ ـــــــــ
بحقد هجمو عليه الگالو اصحاب
زمـــره ضالمه مابيـــــهم احباب
وشــــبو نارهم عـــل زهره بالباب

ابابي النار شبوها
وفاطم حيل هضموها
وره الباب وره الباب
ــــــــــــــــــــــــــــــــــــــــــــــ ـــــــــ
اجه واحد دفعنــــي وگال اطلعي
وره الباب احتميت وكسر ضلعي
لله اشكيت حالي وشاف وضعي

محسن راح مني
طاح وزاد ونــي

وره الباب وره الباب
ــــــــــــــــــــــــــــــــــــــــــــــ ـــــــــ
شيليـــــني يــفضه خلص الحيــل
انذبح ابني الجنين ودمعتي اتسيل
البـــــعده مااجه للدنيـــه يــاويــــل

ردته يــصير عوان
لحسين وللأخوان

وره الباب وره الباب
ــــــــــــــــــــــــــــــــــــــــــــــ ـــــــــ
سگط مني جنيني وصحت ويلاه
وبـوك الحاسبك تعيــــش ويــــاه
شگله لــــو نشدنـــــي بدمعه وبآه

ماجنت احسب احساب
وليـــدي يروح بالباب

وره الباب وره الباب
ــــــــــــــــــــــــــــــــــــــــــــــ ـــــــــ
بــــــاجر يضهر ابني اسمه مهدي
والحقي يــــــــجيبه وثاره يبدي
وحق الــي مشت بالضعن تحدي

يضهر صاحب الثار
ابني وبيـــــده بتار

وره الباب وره الباب
ــــــــــــــــــــــــــــــــــــــــــــــ ـــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له أهدي ثواب هذه العمل الى مولاي صاحب الزمان

https://www.tg-me.com/ma_x72w

قصيده ثگيله ( بين الباب)
الى مولاتي الزهراء عليها السلام
ــــــــــــــــــــــــــــــــــــــــــــــ ـــــــــ
المستهل 👇👇👇👇

بيــــن البـاب والعصره
راحت فــاطمه الزهره

تستر روحها رادت
خلف الباب من لاذت

اويــلاه اويـلاه
ــــــــــــــــــــــــــــــــــــــــــــــ ـــــــــ
نريد اليـوم نعرف هالجريــمه
شسوت فاطمه انعصرت هضيمه
عليـها التمت الزمــره الأيـــمه

هجمو كلهم اجناب
گامو حرگو الباب
اويلاه اويلاه
ــــــــــــــــــــــــــــــــــــــــــــــ ـــــــــ
اجه واحد رفع ايـــده وضربها
وخلف الباب اجه الثاني عصرها
مابيـــــكم ولا واحـــــد رحمــها

الأمانه مارعيتوها
والزهره ضلمتوها
اويلاه اويلاه
ــــــــــــــــــــــــــــــــــــــــــــــ ـــــــــ
انعصرت حيل كسرو منها الضلوع
مــــن گــد الألم يـافاطمه تلـــوع
تستاهل عليــــها نجري الدمــــوع

كسرو منها الأضلاع
وطاح المحسن بساع
اويلاه اويلاه
ــــــــــــــــــــــــــــــــــــــــــــــ ـــــــــ
صاحت فضه عينيني اعله حالي
ماريدن علـي يشــوف الجرالـــي
بحزن ماريـــد اشوفه العندي غالي

مارادت ابو احسين
يشوف الصطره بالعين
اويلاه اويلاه
ــــــــــــــــــــــــــــــــــــــــــــــ ـــــــــ
مارادت علـي يشوف الجره وصار
الضلع والعيـن ويلي واثر بسمار
صعبه هالعزيــز تشــوفه محتار

ضمت عنه الجروح
بخفيه فاطمه تنوح
أويلاه أويلاه
ــــــــــــــــــــــــــــــــــــــــــــــــــــــ ـــــــــــــــ
بالقلم المتواضع لخادمه الحبيب الملا ام سيف الدين
غير مبري الذمه من يحذف الاسم وينسب الكلام له
اهدي ثواب هذه العمل الى مولاي صاحب الزمان

https://www.tg-me.com/ma_x72w

قصيده
الى مولاتي الزهراء عليها السلام لسان حال مولاتي زينب عليها السلام
ــــــــــــــــــــــــــــــــــــــــــــــــــــــ ـــــــــــــــ
المستهل 👇👇👇👇

ارد اعاتب هل زمان شسوى بيه
اخذ امـــي وخله دمعاتي جريــه
ــــــــــــــــــــــــــــــــــــــــــــــ ـــــــــ
راحت امي وقست ويـاي الليالي
حيل متغيره ابـد مو هذه حالي
بس دمعـتي جاريـــه ضلت تلالي
ويــن اسولف همي يـايمه العليه
ــــــــــــــــــــــــــــــــــــــــــــــ ـــــــــ
وين اسولف جرح گلبي حيل مهموم
يمه من يوم المشيتي مفارگه النوم
يــالزجيه انــــه زيـنب گلبي ملجوم
رحتي يـــــالزهره الزجيه من أديـــه
ــــــــــــــــــــــــــــــــــــــــــــــ ـــــــــ
البيت ضلمه يالحنيـــنه خلاف عينج
حيــل مهظوميـن وبـعازت حنينج
اجــو خطارج يـــــزهره مضيعينج
كلـهم يـــنشدون عنج يـــالأبيــــه
ــــــــــــــــــــــــــــــــــــــــــــــ ـــــــــ
زغيره عفتيني ييمه وعشت الحزان
وانه اشتاگ الحنانج حيلي خلصان
خذج مني هالزمان هـــواي خوان
بعد عينج شاهدت اشكال أذيـــــه
ــــــــــــــــــــــــــــــــــــــــــــــ ـــــــــ
ليـش من امـي حرمـني وزاد وني
وحيـــده بنتج يالزجيه وكثر حزني
ولاشفت راحه ييــمه وطبگ جفني
كـون نمشي يالحنينه احنه سـويه
ــــــــــــــــــــــــــــــــــــــــــــــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان
https://www.tg-me.com/ma_x72w

نعــي الى مولاتي الزهراء عليها السلام
ــــــــــــــــــــــــــــــــــــــــــــــــــــــ
الشوفت ام البيت حنيت
وصبح عليها موحش البيت
ريت الموت وياها تمنيت
ردي عليه يمه ياريت



وين ام هله أم حلو المحاجي
وخلافــها نشبـــــع بــواجي
لو ضاگ خلگي المن احاجي



اااه يـالوالده يــــالعلمتني
حنـــان ومحبه رضعتني
وعلى فراگها مهدول متني



رحتي ييمه بضلع مالوم
وگلبي عليج هواي ملجوم
رديـلي يزهره حيلي مهدوم



شوفي الحسن مكسور گلبه
غميج الجرح بـله اشيجبره
لــوعه افراگج حيـل مــــره



شوفي الحسين المرمرانــــه
ســاكـن حجرتج لـــــوعانــه
شيصبرهم وشلون اصبر انه



ويلي يم حسن يامر الفراك
والبنيـــــه لأمه دوم تشتاك
نيران الهجر للجبد حراك
ــــــــــــــــــــــــــــــــــــــــــــــــــــــ ـــــــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

https://www.tg-me.com/ma_x72w

(قصيده فزاعيه رباط هوسه) لسيده الزهراء عليها السلام
عند الهجوم على دارها وكسر ضلعها
ــــــــــــــــــــــــــــــــــــــــــــــ ـــــــــ
المستهل 👇👇👇👇

والبسمار /ضل نابت بالضلوع
ونت فـاطمه ونت المـوجوع
ــــــــــــــــــــــــــــــــــــــــــــــ ـــــــــ
ونت فاطمه مـــن الرزيـــــه
صاحت لحگـي يافضه عليه
محسن راح ياويلي امن اديه

(والمحسن طاح /وسطروني)
ــــــــــــــــــــــــــــــــــــــــــــــ ـــــــــ
صطروني يفضه وطحت بالگاع
ارد اشكي لبوي ويحضر الساع
ريته كون ويــــــانه ابن السباع

(ياخذني بحضنه /وشكيــله)
ــــــــــــــــــــــــــــــــــــــــــــــ ـــــــــ
اشكيــله وگله اشصار بعده
لعد داري اجه الضالم تعده
ريتك حاضر وشفت الي يسده

(والنار ابابــــي/ شبوها)
ــــــــــــــــــــــــــــــــــــــــــــــ ـــــــــ
حرگو بابي ماراعو حرمتك
گتلهم يـــــبويه آنـــه بـتك
طگاني بحقد بويه ويسبك

(شال ايده الضالم /طگاني)
ــــــــــــــــــــــــــــــــــــــــــــــ ـــــــــ
لله اشتكي هـــاي الهضيمه
أذونــــي العده اكبر ضليمه
خلـــــوني اون ونه ألـــــيمه

(وناتي تسعر /بضلوعي)
ــــــــــــــــــــــــــــــــــــــــــــــ ـــــــــ ـــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

https://www.tg-me.com/ma_x72w