السلام عليكم خدام الحسين أعظم الله اجركم بمصاب ابا الحسن علي المرتضی جعلنا الله واياكم من شيعته ومواليه

تنويه الى بعض اضعاف النفوس الي ياخذون مفردات القصائد والمعاني غير مبري الذمه من ياخذ. كلام من اول القصيده الى اخرها. من بعد ما تنزل القصائد نشوف بعض القصائد تاخذ المعاني او من داخل القصيده وينكتب عليها حرام لا اجيز. اي احد يدخل القناة وياخذ. خصيمهم اخو زينب

موشح للأمام علي عليه السلام ( گوم صلي )

گوم صلي ... وعوف هاي النومه
اتصيح بويه وتلطم المهضومه


هاك بويه ميزرك واعمامتك
حلوه بالمحراب تعجب وگفتك
خل اتچيلك واشدن هامتك
دولبتني هامتك مهشومه
گوم صلي ... وعوف هاي النومه


هامتك بالسيف بويه امهشمه
من امس لليوم تتناگط دمه
اسمع اونين ومناحه بالسمه
ومنبرك مهضوم ياجيدومه
گوم صلي ... وعوف هاي النومه


منبرك مهضوم ياحامي الدخيل
لاتفك عينك ولاتگدر تميل
ينهدم حيلي امن اشوفنك عليل
روحي مثلك گاضيه ومالومه
گوم صلي ... وعوف هاي النومه


روحي مالومه وگضت وي روحك
جرحي ينزف من اشوف جروحك
سيف ابن ملجم ندامه ايلوحك
وانته محد گابلك بالحومه
گوم صلي ... وعوف هاي النومه


محد ايلاويك لو صارت حرب
ياشجاع وياغيور وياصعب
تالي ماتالي بصلاتك تنضرب
ضربت اليكره صدگ ميشومه
گوم صلي ... وعوف هاي النومه


طاحت الضربه اعله راسك بالجبين
من عمت عين اللعين ابن اللعين
كون اموت ومااودعك يالحنين
اوجهك ايضيعن عليه ارسومه
گوم صلي ... وعوف هاي النومه


اشلون اودعنك واضيعك بالتراب
علمتني اعليك موش اعله الغياب
يامصيبه ايشيل گلبي وياعذاب
امصيبتك وامصيبة المظلومه
گوم صلي ... وعوف هاي النومه



لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://www.tg-me.com/amhejran12345

نعي وحشة دار امير المؤمنين




خليه اديار ابوي الكبل بيهه
نتسامر ونكصد عليهه
وحشه ولا احد يجيهه


مظلم وبس صوت الحزن بيه
وكل ساع اون ونوب احاجيه
جاوين ابوي الانتجي عليه


يوحش بيتنه والباب مسدود
والشال عنه ماظن ايعود
مثلم الحلم مانكعد اردود

مسدود بيته وحيراني
وشايل ابوي الدللاني
فراكه ثجيل وعذباني

عذبني كلش طاري الافراك
وحن الكلب واليوم مشتاك
مكطوع نفسي والخلك ضاك


ضاك الخلك والدمع يجري
ولا طال بعد الراح عمري
فكري انشده من شال فكري

مشدوه بالي وبيه حسره
ونفسي عليه بل كوه اجره
كسر الابو محد يجبره



لخادمة الزهراء العلويه غير مبري الذمه من يحذف الاسم الاسم الكلام الكلام له ج






https://www.tg-me.com/amhejran12345

‏مستند من طف الزهراء

نعي حول العيد ولاحباب



عيد المبارك خن نكلهم
احباب المشو واحنه بذكرهم
بالعيد اجينه اليوم يمهم


للمكبره بالعيد اجينه
وذيج اوجوهم عنت علينه
غير الحزن شو ما لكينه

اجينه وكعدنه يم الاحباب
وغاطي اوجوهم يا حيف الاتراب
وعيد المبارك مالها جواب

ما جاوبونه بچلمة العيد
ولا يدرون بينه وياهم انريد
عيد المبارك بعد شتفيد

شيفيد عيد بلايه اهلنه
وغرب ويه البيهم محنه
بس الحزن ظل ابنزلنه

انعيد احباب الكلب مريود
بالمكبره السكنو بللحود
وين الحنين وشايل الزود

لخادمة الزهراء العلويه ام جعفر غير مبري الذمه من يحذف الاسم وياخذ الكلام وينسبه له ج





https://www.tg-me.com/am_jafar

السلام عليكم اخواتي وعزيزاتي في كروباتنا الحسينيه

🏴🏴🏴🏴

ونحن نتهيء الى اختيار وشراء الاجهزة الصوتية واللاقطات المميزة والراقيه والحديثه👌🏻 لخدمة زبائنا خدام الامام الحسين عليه السلام✋🏻
ونختار من مناشيء عالية الجوة والتقنية👌🏻 وندرج عليها ماركتنا المميزة في الاسواق المحلية والعالمية لنثبت لزبائننا نحن باقين على العهد في خدمة الإمام الحسين عليه السلام 🏴 ونتقدم بالشكر والتقدير لمن ساندنا في انجاح عملنا وخولنا اختنا الغالية ام احمد🙏🏻 للنشر مايصلنا من اجهزة ولاقطات واسعار في جميع الكروبات✍🏻 وبالسعر الموحد والتوصل وعلية تم ادرجاء تلفون👈🏻 الاخت ام احمد ٠٧٧١٢٣٩٢٣٢٠ بالتخويل والتفاوض لجميع الكروبات العائدة لنا والاسعار موحدة ومن الله التوفيق
✍🏻✍🏻✍🏻✍🏻✍🏻