*محرم الحرام: لمولاتي العليله عليها السلام*

*عليله وبنت الحسين يسموني العليله*
*عليله وبس المفارگ محب گلبه دليله*
*عليله وأنــــشد اليــل*
*عليله ودمعتي اتسيل*
*عليله وبنت الحسين يسموني العليله*

الچ ياروحي اشكي وضيمي سمعي
عله شــوف الحبـايـــــب زاد ولعـي
چيف اصبر يروحي ويجـري دمعي
ابتوالی الیـــل اكشف راسي ودعي
وين اهلي ويرجعون
عليهم گلبي محزون
عليله وبنت الحسين يسموني العليله

يروحي اشلون اهـــود انه اريده
ابوي حسيــــــن خلاني وحيــده
شالوا كل هلي اديـــــــار البعيده
اشلون اخلافهم ابقــــــه سعيده
دليلي ابهم تـره ينوح
عليله وحلمي مذبوح
عليله وبنت الحسين يسموني العليله

اتاني كـــل هلـي يــم عتبـت الباب
واكت ادمــوع بلكي ترجـــع احباب
واعد احسب ليـــالي لجل الاطياب
بحزن خلصن دموعي وگلبي انعاب
لجلهـــم لعمي العيـن
يـ بلكي ايرد الحسين
عليله وبنت الحسين يسموني العليله

من عاده العليــــــل ايبـاشرونه
احـــــــذاله تگعد اهله ايدللونه
وتلتم الاحبــــــــه الكل يجونه
وتشيل الحزن منه امه الحنونه
و لاچن هم نسوني
عليـله وضيـعوني
عليله وبنت الحسين يسموني العليله

اريد انـــــذر نذر بلكت يعودون
ابوي حسين واهلي الكل يردون
تراهو افراگــــــهم ودرلي العيون
عماني اتجرحت مني هالجفون
نظـر لعلــگها الشموع
واصبن عيني ادموع
عليله وبنت الحسين يسموني العليله

✍🏻 *ام حيدر مكي النصاري*

‏"توسّلوا بأمّ البنين، إنّها سيّدة العطاء ، وحقّ
أبا الفضل إنّها لا تردّ أحداً خائباً أبداً".

رسالة /1

من اول خطوة جان الموت يمشي وياك
و اتمنيته واتمناك وتمشيت

جان الموت ظن يحسين
بس نحرك قدر محتوم

هد ايدك ، لزمت الموت ، گتله وياي

رد الموت عنك وانت ما رديت

واثق من خلودك من تموت اتدوم

بيدك مشعل وتمشي بدرب ملغوم

بكل حبة رمل من مكة للكوفة الغدر مضموم

بالصحرا وظلام الليل

سبحة نور تتلولح كبال حسين

خيط من السما للكاع
بس روس وجثث ملضوم

اول خرزة راس حسين
واخر خرزة راس حسين

والتسبيحة يا ( مظلوم )

ورسايل صفرة فوگك بالطريق تحوم

ويجيك الموت

ياخذ من ضواك عيون

يقرالك رسايلهم

رسايل كلها مكتوبة بحبر مسموم

رسايل بس تعال هلال
يا عيد الضوة بملكاك راح الناس كلها تصوم

مظلومين گالولك نريدك صوت

رسمتلهم ضمير وصوت فوگ الغيم

ما رفعوا ولا هامة
ولا عدهم عيون تلوح ذاك الغيم

رفعت ايدك تنزل الغيم يم عيونهم رفضوك

عبيد ومالهم قيمة
يلبسون المذلة هدوم

من اهيمن بيك
يومين القيامة تصير
ومثل يومك ولا مر يوم

عقيل العرد

ولدي يا قاسم، أوصيك أنك إذا رأيت عمَّك الحسين (عليه السلام) في كربلاء وقد أحاطت به الأعداء فلا تترك البراز والجهاد لأعداء الله وأعداء رسوله، ولا تبخل عليه بروحك، وكلَّما نهاك عن البراز عاوده ليأذن لك في البراز، لتحظى في السعادة الأبدية .

وصية الامام الحسن المجتبى ع لأبنه القاسم

إن تنكروني فأنا ابن الحسن
سبط النبي المصطفى والمؤتمن
هذا حسين كالأسير المرتهن
بين أناس لاسقوا صوب المزن
#واقاسماه

‏ليلة ٨ مُحرم |
السَلامُ علىٰ عريس ڪربَلآء،
‏ السلَامُ علىٰ مِن زفتَهہ السيوف وحنتهه الدماء
السِّـلام على قلوب أمهِّاتِ شهِدائنا اللَّيلة
وَ السَلامُ على قواسِـم عصرنَا 💔
... 🌿'

«وقف الإمام الحسين عليه السلام، وهو ملاذ العالم الوحيد، وموئل عالم الإمكان، وقف إلى جانب جسد أبي الفضل العبّاس عليه السلام، وقال كلاماً لا بدّ أن نفهم منه حجم المصيبة؛ فمن اكتوى فؤاده بولده علي الأكبر عليه السلام، وحمل بيديه جسده إلى المخيم، لم يقل مثل هذه الجملة التي قالها حينما وقف إلى جانب جسد أخيه العباس عليه السلام: "الآنَ انْكَسَرَ ظَهْرِي وَانْقَطَعَ رَجَائِي"، ثمّ عاد وحيداً إلى الخيام.

لماذا لم يحمل الحسين عليه السلام جسد العبّاس عليه السلام إلى الخيام؟ فقد جمعت هناك جميع الأجساد، إلاّ ذلك الجسد الذي بقي في مكانه، لست أقوى على ذكر السبب؛ فإنّ جسده الطاهر كان مقطع الأعضاء، متى ما حُمل منه عضو سقط العضو الآخر. ولما وصل الحسين عليه السلام إلى الخيام هرع إليه النساء والأطفال، يسألونه عن العبّاس عليه السلام، فلم ينبس ببنت شفة، بل ذهب إلى خيمة أخيه، فأزال عمودها لتهوي...»


•مصباح الهدى وسفينة النجاة| الشيخ وحيد الخراساني (دام ظله

نعي حول  الشباب.




فك باب كبرك جيت اشوفك
وانشدك عله حنت اجفوفك
يل بعدك شباب اشلون  اعوفك

____🎤🖤🖤🎤
تكعد يبعد امك يغالي
وانشدني الولد بالله عله حالي
اخبرك عله ظيم  اليالي
صعبه ويظل الدمع هالي

____🎤🖤🖤🎤
تكعد وامك كوم ليهه
ومو ربتك بثنين اديهه
صار اربعين اشلون بيهه
يكلف تره افراكك عليهه
____🎤🖤🖤🎤

يم كبر الولد جينه وكعدنه
وبجينه اشكثر ماظن سمعنه
ردنه يكوم  ويانه ردنه.

____🎤🖤🖤🎤
ردنه الولد من كبره يكعد
وصوب النزل لو يسمع يرد
ليش بلحد يا حلو امدد

____🎤🖤🖤🎤
اندهه كلت ويعود يمي
وعاشره ويشرك ابهمي
ما كال متعنيه عليه الوالده امي

____🎤🖤🖤🎤
ما سمع وني ابيوم ونيت
ومن اليسر مشتاكه رديت
ابصف الكبر يا الولد كعديت

____🎤🖤🖤🎤
كعديت وعتابي حجيته
ويم الولد وني بديته
ليش الربه يبني ضيعيته

____🎤🖤🖤🎤
ضاع الربه وياك يبني
وفك الكبر وحذاك حطني
للموت فدوه ليك اخذني

____🎤🖤🖤🎤
اخذني يمن فدوه رحتلك
وفك باب كبرك حته اشمك
يروحي تظل يالولد عدك

____🎤🖤🖤🎤
مشتاكه يروحي وياك ملكه
وعالمكبره لو اجيت شلكه
نارك ابكلبي بس تحركه
____🎤🖤🖤🎤

تحرك حرك نارك سريه
وما طفت يمه الولد بيه
شويه ترد نكعد اشويه

____🎤🖤🖤🎤
اكعد شويه ريع كلبي
وعليك ابجي طول دربي
عتبي عله ابني هواي عتبي

____🎤🖤🖤🎤

عتبي عليك اهواي اجره
وخل الملاكه يصير مره
ما فتح لامه الولد كبره
وتشتم تريد اليوم عطره
____🎤🖤🖤🎤

عزيز شكثر وانه اجيتك
مشتاكه عليك وما لكيتك
بالكبر يبني ضيعيتك
تسمع ونيني الولد ريتك

____🎤🖤🖤🎤
ونيت الك يالولد ونات
جاليش نايم بل مظلمات
وعيونك يغالي اشكثر حلوات
متغيره اظن يبني البسمات

____🎤🖤🖤🎤

*لخادمة الزهراء.   العلويه ام جعفر*
غير مبري الذمه من يحذف الاسم وياخذ الكلام وينسبه له🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام