(﷽)
قصيدة: صار اهواي ماشفتك
الشاعر: السيد عبدالخالق المحنه
بصوت: محمد الجنامي
🖤🔶🔶🖤🔶🔶🖤

صار هواي ماشفتك .. ليلي نجومه مطفيه
               لا مـر الـهوى عــليه
قالـوا راح ما يـرجع .. يـمكـن مـا الك جـيه
               و انه اتــبده حــنيه

عجب عجب .. ولا طـيفـك يـمر
تـعـب تـعـب .. شفت نجم الظهر

🖤🔶🔶🖤🔶🔶🖤

    روح المشتاقه .. صوغتها ملاقه
و التشبع روحه فراق عينه تنام مشبوحه
     مارفت عينك .. من كثر الوينك
من تبعد عني يصير كلشي بعيد ما لوحه

حـلم .. بين عيـوني وليل الغربه شينامه
سهر  .. شال رموشي وطاحت جمره ملامه
الـــم .. هو اليفقد مثلك ينسه السلامه

بجـفاك يبني .. مـكسور متني
وسنين شالك .. و تغيب عني

آه يا نار دلالي .. هـوه اليفـگد وليده
       بالله الدنيه شتفيده
هاليل ماشفته .. وادري صارت بعيده
        يرجع و العلم بيده

عتب عتب .. كسـر جنح الصبر
تـعب تـعب .. شفت نجم الظهر

🖤🔶🔶🖤🔶🔶🖤

   تذكر بوداعك .. بستك بذراعك
قتلك يا اول شوق صار فراق من تالي
  تقره البعيوني .. تعرفني شلوني
من يرضه عليك حسين هذا الفوز يالغالي

شـهم .. اعرف طبعك واعرف تنبض حميه
صرت .. عين الزهره على ابن الزهره الزجيه
وفي .. تنطي جفوفك يابو جفوف السخيه

لليــوم ردتــك .. و الماي حصتك
واتگول حاضر .. شتگول اختك ؟

آنه وياك سـولـفنه .. جلمه انعادت اهوايه
          و أنت انطيتني حچايه
قتلك زينب وقتلي .. هاي إم عون بحمايه
            حتـى بطيـحه الرايـه

غضب غضب .. بده يجدح جمر
تـعـب تـعـب .. شفت نجم الظهر

🖤🔶🔶🖤🔶🔶🖤

  زينب و حسينك .. انطيهم عينك
بس بأمرك و الصار يم حسين احچيها
و اختك احميها .. لازم ترضيها
لو رادت منك ماي ظل عطشان وارويها

حرس .. ليل نهار و ايدك بيد الحبيبه
نعم .. نفرض طلبت منك زمزم تجيبه
تره .. بيني الخوه بلايه مروه مصيبه

لو طاح زندك .. ما طاح وعدك
لحسين ارجع .. و الماي عندك

خل ام الخدر تحجي .. عن اطباعك الحلوه
             و الغيـــره و المـــروه
وتكلـي شسـولفلج .. عــن الخــوته خـوه
              من طب للنهر گوه

وجب وجب .. لبو فاضل شكر
تـعب تـعب .. شفت نجم الظهر
الناشر ابو يعقوب السوداني
▪️▪️▪️▪️▪️
#اللهم_عجل_لوليك_الفرج_والنصر_والعافية
صار أهواي ما شفتك .. مكتوبة

للأستماع 👇
یوسف الزهراء 💔

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0