النص دة عنكم :
في المرة ديه بسرد حالتكم علي الملأ
من غير تزييف في حقايق خايفين تقولوها
كل اللي اطمن للدنيا وآمن للناس
اصبح متعود علي الخذلان
بقي أمله الأول انه ينام
من غير تفكير او حزن وخوف
من غير ما يشوف كل اللي حصله
بيتكرر .. يومياً ف يفتَح جرحه
من غير ما الشوق يغلب روحه
من غير ما يحن لناس بايعاه
كل اللي اطمن لدنيا وآمن للناس
ملقاش في حياته غير المُعاناه
صاحب من فترة ..
اوصاحب فترة ومات جواه
بدايات حلوة وصبحت مأساه
علي فين مرساه!
وحده في توهه ..
وحده في مُعاناه
-
نيكوتين الوحدة احسن بكتير
من سرطانهم
قهوتك المُرة هتفضل صاحب مش بيمل
قلمك مجدع وهيفضل خِل
وحيطان الأوضة هتفضل بتداري أنينك
وتداري عليك
ورقك من كتر ما غز السن في بطنه
مبقاش يصرخ ولا حاسس بألام من قلمك
بقي اكتر واحد حاسس بيك
وبحزنك وقساوة ألمك
الوحدة حقيقي احسن بكتير
من ناس فترات حلوة وزايفة
عينك من كتر ضلام روحك
طلعت للنور واهي مش شايفة
عاجبك حالك!؟
مبسوط والناس بتبص عليك وتقول مالك!؟
باين ضعفك ، وشروخ قلبك ، تجاعيد وشك
باين غشك في كلام زايف انك مبسوط
مبسوط واللي سابوك انتصروا
وانت لوحدك لسة مكانك!
- خايف اطلع من كسر لكسر!
الحرب اللي انت بقيت اضعف
من انك حتي تخوض فيها
هتدمر فيك
في معارك ممكن تكسبها متضيعهاش
اهلك .. حلمك .. والبنت اللي استنت قلبك
علشان يفتح ليها ومفتاحش
صاحب شدة موجود ومامتش
بس انت اللي بتعمي عيونك
عن ناس حباك!
عمال تبكي علي ناس بايعاك
وانت اللي مُصر!
خليك واقف ومحلك سر
خليك لسة بتخاف م الشمس
ومستني الليل علشان يداويك
الحرب اللي انت بقيت اضعف
من انك حتي تخوض فيها
هتدمر فيك !
في المرة ديه بسرد حالتكم علي الملأ
من غير تزييف في حقايق خايفين تقولوها
كل اللي اطمن للدنيا وآمن للناس
اصبح متعود علي الخذلان
بقي أمله الأول انه ينام
من غير تفكير او حزن وخوف
من غير ما يشوف كل اللي حصله
بيتكرر .. يومياً ف يفتَح جرحه
من غير ما الشوق يغلب روحه
من غير ما يحن لناس بايعاه
كل اللي اطمن لدنيا وآمن للناس
ملقاش في حياته غير المُعاناه
صاحب من فترة ..
اوصاحب فترة ومات جواه
بدايات حلوة وصبحت مأساه
علي فين مرساه!
وحده في توهه ..
وحده في مُعاناه
-
نيكوتين الوحدة احسن بكتير
من سرطانهم
قهوتك المُرة هتفضل صاحب مش بيمل
قلمك مجدع وهيفضل خِل
وحيطان الأوضة هتفضل بتداري أنينك
وتداري عليك
ورقك من كتر ما غز السن في بطنه
مبقاش يصرخ ولا حاسس بألام من قلمك
بقي اكتر واحد حاسس بيك
وبحزنك وقساوة ألمك
الوحدة حقيقي احسن بكتير
من ناس فترات حلوة وزايفة
عينك من كتر ضلام روحك
طلعت للنور واهي مش شايفة
عاجبك حالك!؟
مبسوط والناس بتبص عليك وتقول مالك!؟
باين ضعفك ، وشروخ قلبك ، تجاعيد وشك
باين غشك في كلام زايف انك مبسوط
مبسوط واللي سابوك انتصروا
وانت لوحدك لسة مكانك!
- خايف اطلع من كسر لكسر!
الحرب اللي انت بقيت اضعف
من انك حتي تخوض فيها
هتدمر فيك
في معارك ممكن تكسبها متضيعهاش
اهلك .. حلمك .. والبنت اللي استنت قلبك
علشان يفتح ليها ومفتاحش
صاحب شدة موجود ومامتش
بس انت اللي بتعمي عيونك
عن ناس حباك!
عمال تبكي علي ناس بايعاك
وانت اللي مُصر!
خليك واقف ومحلك سر
خليك لسة بتخاف م الشمس
ومستني الليل علشان يداويك
الحرب اللي انت بقيت اضعف
من انك حتي تخوض فيها
هتدمر فيك !
لأول مرة معرفش أميِّز صوته في التليفون
و أقول أيوه بتطلب مين؟!
يقول آسف.. أقول أهلًا
وحشتيني؟
ورايا شغل مش فاضية
إذا حابب مساعدة في شئ
أنا كالعادة بنت أصول
يقول: نرجع
أقول معلش مش سامعة
و بكرة نبقى نتكلم
يفوت بكرة.. يفوق بعده
تعدي شهور
و أنا بنجح
و هو لوحده بيعيط عشان مكسور
أهيه الدنيا!
و أهيه الأيام
و داين بس راح تُدان
بحق دموع عينينا زمان
أديك عَمَّال تسد الدّين
و مش عارف تروح على فين
و مش لاقي في حياتك خير
و لا لاقي لجروحك بيت
و أنا بنجح
و واقفة و ثابتة و بقولك
أنا خفيت!
و أقول أيوه بتطلب مين؟!
يقول آسف.. أقول أهلًا
وحشتيني؟
ورايا شغل مش فاضية
إذا حابب مساعدة في شئ
أنا كالعادة بنت أصول
يقول: نرجع
أقول معلش مش سامعة
و بكرة نبقى نتكلم
يفوت بكرة.. يفوق بعده
تعدي شهور
و أنا بنجح
و هو لوحده بيعيط عشان مكسور
أهيه الدنيا!
و أهيه الأيام
و داين بس راح تُدان
بحق دموع عينينا زمان
أديك عَمَّال تسد الدّين
و مش عارف تروح على فين
و مش لاقي في حياتك خير
و لا لاقي لجروحك بيت
و أنا بنجح
و واقفة و ثابتة و بقولك
أنا خفيت!
سِت الشِعر والأبيات ، مُعافرة ١٠٠٪
وسِت الناس وتاج عـ الراس ، اميرة مصر " اه هي " ❤️ 👑
وسِت الناس وتاج عـ الراس ، اميرة مصر " اه هي " ❤️ 👑
كان عندي صاحب من سنين فاتوا
ضحك فـ وشي وقاللي هتعدي
الحزن لسة معايا من يومها
وصديقي قاللي السكة هتودي
واديني واقف وحدي جوا الحرب
مخاليق كتيرة وكلهم ضدي
حطولي قلبي جوا حبل طويل
وقالولي غصب لابد هتشدي ..
كل اما اشد القي الوجع بيزيد
وبقول لـ نفسي لسة هتصدي؟
نَفَسي اتقطع ولازلت غاوية عِناد
رافضة الهزيمة وصعب استسلم
انا واقفة لسة .. بطولي مع ذلك
هيكون في يوم الإنتصار ردي ..
ضحك فـ وشي وقاللي هتعدي
الحزن لسة معايا من يومها
وصديقي قاللي السكة هتودي
واديني واقف وحدي جوا الحرب
مخاليق كتيرة وكلهم ضدي
حطولي قلبي جوا حبل طويل
وقالولي غصب لابد هتشدي ..
كل اما اشد القي الوجع بيزيد
وبقول لـ نفسي لسة هتصدي؟
نَفَسي اتقطع ولازلت غاوية عِناد
رافضة الهزيمة وصعب استسلم
انا واقفة لسة .. بطولي مع ذلك
هيكون في يوم الإنتصار ردي ..
الصبح يجيي ببقى أنا نسياك
و الليل يجيني ألاقيك بتوحشني
بتجيني ليه ف حلمي؟
مليت يزيد الحزن جوايا
مليت أزيد السرد عنك كل يوم بالشِّعْر
بصحى بفزع و انده على اسمك
إثمك كبير و الذنب راح يتردّ
يارب.. أنا مَلِّيْت.. بيوحشني!
قلبي اكتفى من كُتر ما بينزف
لأول مرة أتمنى يغيب من بالي والله
يُوماتي ببكي و برتجف
لو سيرته جت وسط الكلام
يارب أنا نفسي أنام
من غير ما يجيي ف حلمي يحضني
معرفش ليه يصوني؟
معرفش ليه يحبني، طب كان بيكدب ليه؟
مش قادرة أتخيل إنه بقا ف حضنها
يارب نسيني، ضعفت، قويني!
و شيله من بالي
يارب كان مالي حبيته ليه!
مش عايزه أحن إليه
ولا عايزه اشتاق له
و الليل يجيني ألاقيك بتوحشني
بتجيني ليه ف حلمي؟
مليت يزيد الحزن جوايا
مليت أزيد السرد عنك كل يوم بالشِّعْر
بصحى بفزع و انده على اسمك
إثمك كبير و الذنب راح يتردّ
يارب.. أنا مَلِّيْت.. بيوحشني!
قلبي اكتفى من كُتر ما بينزف
لأول مرة أتمنى يغيب من بالي والله
يُوماتي ببكي و برتجف
لو سيرته جت وسط الكلام
يارب أنا نفسي أنام
من غير ما يجيي ف حلمي يحضني
معرفش ليه يصوني؟
معرفش ليه يحبني، طب كان بيكدب ليه؟
مش قادرة أتخيل إنه بقا ف حضنها
يارب نسيني، ضعفت، قويني!
و شيله من بالي
يارب كان مالي حبيته ليه!
مش عايزه أحن إليه
ولا عايزه اشتاق له
مش قولتلك!
مانا كنت يومها بحذرك من كل دة
كان كل غرضي تحافظي علي قلبك
اهو ساب ايديكي
ف المرة ديه منك إليها مش مني ليكي
عاجبك كدة!
اهو باع وخان كل الوعود بينكم
سميته يوم " كلب البنات " كان عندي حق
وقولتلك هيخون .. قولتيلي لأ
واديكي صدقتيه
ياريتك يومها قدرتي الكلام او خدتي بيه
مانا كنت خايفة عليكي من يوم الفراق
مش قولتلك اهربي!
- طيب خلاص .. اشربي
مبسوطة دلوقتي
وانتي بتبكي كل يوم من الخوف
حلوة الظروف وحجته إياها؟
حلوة الأحلام اللي رسمها معاكي ؟
حلو دُعاكي وحسبنتك فيه!!
حلوة الأيام والليل بعديه ؟
مانا كنت يومها بحذرك من كل دة
كان كل غرضي تحافظي علي قلبك
اهو ساب ايديكي
ف المرة ديه منك إليها مش مني ليكي
عاجبك كدة!
اهو باع وخان كل الوعود بينكم
سميته يوم " كلب البنات " كان عندي حق
وقولتلك هيخون .. قولتيلي لأ
واديكي صدقتيه
ياريتك يومها قدرتي الكلام او خدتي بيه
مانا كنت خايفة عليكي من يوم الفراق
مش قولتلك اهربي!
- طيب خلاص .. اشربي
مبسوطة دلوقتي
وانتي بتبكي كل يوم من الخوف
حلوة الظروف وحجته إياها؟
حلوة الأحلام اللي رسمها معاكي ؟
حلو دُعاكي وحسبنتك فيه!!
حلوة الأيام والليل بعديه ؟
قربت ليه لما أنت ناوي على الفُراق؟
قلبك غريب ضل الطرق
جبتك و سكنتك في روحي
جعلت منك إكسير حياة ليَّا!
و آخرتها؟
قولت عني كلام والله مش فيَّا
قولت إني وحشة و قلبي مش و لابُد
و إني مصونتش حُبَّك الطاهر
كان كل شئ ظاهر، و أنا اللي كنت بصون
و أنا اللي كنت بهون على قلبك المذنب
جيت قولتلي بقسوة كلام سايب علامة حزن جوايا
و كنت دَوَاك برغم إنك مفيش مرة تكونلي علاجي و دوايا
كسرت في قلبي بجحودك، و غيبت بدون سبب واضح
فُراقك فعل مش فاضح
قلبك غريب ضل الطرق
جبتك و سكنتك في روحي
جعلت منك إكسير حياة ليَّا!
و آخرتها؟
قولت عني كلام والله مش فيَّا
قولت إني وحشة و قلبي مش و لابُد
و إني مصونتش حُبَّك الطاهر
كان كل شئ ظاهر، و أنا اللي كنت بصون
و أنا اللي كنت بهون على قلبك المذنب
جيت قولتلي بقسوة كلام سايب علامة حزن جوايا
و كنت دَوَاك برغم إنك مفيش مرة تكونلي علاجي و دوايا
كسرت في قلبي بجحودك، و غيبت بدون سبب واضح
فُراقك فعل مش فاضح
الغدر اقسي من البعاد والليل
والضلمة احسن من شموع الغير
مش كل شخص ملامحه هتطمنك
يبقي اللي جوا ف قلبه حب وخير
في ناس كتير تظهِرلك الإخلاص
لكن تعيش علشان تسيب وتخون
دايرة حياتنا فيها كام موسي!
لكن تقرب تلقي ميت فرعون
والضلمة احسن من شموع الغير
مش كل شخص ملامحه هتطمنك
يبقي اللي جوا ف قلبه حب وخير
في ناس كتير تظهِرلك الإخلاص
لكن تعيش علشان تسيب وتخون
دايرة حياتنا فيها كام موسي!
لكن تقرب تلقي ميت فرعون
ده رسول الله كان ضحكه حياه كان يضحك بس يزيد النور وكان ضحكه ينبت كوكب بور
ما تصلوا عليه. 🤍🌿
ما تصلوا عليه. 🤍🌿
اسكندرية
الساعة كانت 5 تحديداً
والشمس بتزق الضلام بأيديها علشاني
حاولت تقولي متخافيش انا جيت
وبزيل بأيدي الذكريات وطلعت
بلكونة قدامي بتطفي انوارها
شباك يميني بيتفتح بهدوء
حارس عمارة بتطل عـ الشارع
فتح بيبانها وبيأكل العصافير
وتاكسي مار من تحت بيتي
لجار قريب مني بيقول صباح الخير لأشغاله
صبية فاتحة دراعاتها ومشغلة فيروز
وقهوة بردت وعلب سجاير افرغت قوتها
وأنا روحي حالفة ترد علي المشهد
كالعادة بـ سكوتها ..
أوراق كتير جواها شِعر اترمت
لـ نصوص بداية سردها موتها
وبراود النوم عن نفسه مقبلنيش!
ورفضني لما الذكريات علت معاه صوتها
سكك كتير كان نفسي متفوتنيش
رغم أن عقلي قاللي هتفوتها
وفضلت اقاوح فـ الفراق وأمسك
وقلبي كورة الكل بيشوطها
إسكندرية الفرقة فـ شطوطها ..
هتروحلها فـ حزنك!
هتعود سليم لكن بدون ما تحب!
إسكندرية الطيبة والطب
بتداوي وجعك لو بعيد عنها
هتحب منها وتيجي تشكيلها
هتزيد فـ حزنك م الوجع أضعاف
إسكندرية مطاف! واستانلي كعبتها
الكوبري دة يشهد علي الف قصة حب
ماتت بدون ما يدب شيب العجز فيها!
إسكندرية حلوة وتجيها لما يكون الحزن براها
علشان كدة اهرب! إسكندرية انين!
كل البشر فـ الظلم مُتعادلين
كل الي ساب اتساب بدون علة
أنا كنت قولت زمان!
" قلب الفراق كافر ملوش ملة "
وإسكندرية الشتا والفرقة والأحزان
متجييش وايدك حاضنة فـ الكتمان
هتعري وجعك للشاطبي وتقوله
والشاطبي مبيسترش علي إنسان !
هتروح جليم تلقيه بيبص لك شفقة
ابوقير تطل عليه وفـ عينه حزن وخوف!
إسكندرية مطاف! مش اي حد يطوف
لو كنت قادر ع الطواف روح لها
إياك تبين ضعف وتقول ها!
إسكندرية الحزن لو منها!
هتشوف دموعك فـ المطر فيضان!
إياك تكون فـ إسكندرية وانت مش ولابد
البحر فـ الأحزان عنده لسان بيرد
فـ اياك تجيلها وتشتكي منها
هتروح لبلدك والجروح ملياك💔
في الشاطبي تلقي هناك
راجل فقد قلبه مع موجة قاصدة تفرقه نصين
ولحد هذا الوقت مش ناسي
بيجيي ينده عليها كل يوم
بدون حركة ، بدون ما يمل
ثابت وعنده يقين بأنها سمعاه
ف عز البرد واقف
والموج بيخبط فيه ويقوله ماتت فوق
يرفع عينيه بكسرة ويقول يارب
عايزها ترجع ليا لو ثانية
البحر خدها بدون ما يستأذن
كات جوا حضني .. بس راحت فين
يارب اجيبها منين!!
يا بحر هاتها احضنها مرة كمان
او حتي اطول في السلام
او بس اودعها بضمير
طب خدني يمكن عيني تلمحها
رجعها واحييني!!
علشان كدة اسكندرية
مبتسترش علي مجروح
اسكندرية جروح .. قاسية مش بتلم
سوتر القهوة فيه بتسم ..
شارع فؤاد ليك ذكري صعبة معاه
والمندرة مش حلوة إلا معاه
ودية حاجة كافية تمنعك تيجي
لسة المطاعم في المنتزة فاكراك
وميامي حالفة تسيب اثر جواك
واشارة اسبورتنج فاكرة انتظارك ليه
الشاطبي بائس والحزن جوا عينيه
سيدي بشر فاكر مسكتك لأيديه
والمركب اللي ف بحري تشهدلك
كل الشوارع حالفة لتفكرك
علشان كدة
لو ناوي تنسي .. او ناوي حتي تعيش
متجيش
الساعة كانت 5 تحديداً
والشمس بتزق الضلام بأيديها علشاني
حاولت تقولي متخافيش انا جيت
وبزيل بأيدي الذكريات وطلعت
بلكونة قدامي بتطفي انوارها
شباك يميني بيتفتح بهدوء
حارس عمارة بتطل عـ الشارع
فتح بيبانها وبيأكل العصافير
وتاكسي مار من تحت بيتي
لجار قريب مني بيقول صباح الخير لأشغاله
صبية فاتحة دراعاتها ومشغلة فيروز
وقهوة بردت وعلب سجاير افرغت قوتها
وأنا روحي حالفة ترد علي المشهد
كالعادة بـ سكوتها ..
أوراق كتير جواها شِعر اترمت
لـ نصوص بداية سردها موتها
وبراود النوم عن نفسه مقبلنيش!
ورفضني لما الذكريات علت معاه صوتها
سكك كتير كان نفسي متفوتنيش
رغم أن عقلي قاللي هتفوتها
وفضلت اقاوح فـ الفراق وأمسك
وقلبي كورة الكل بيشوطها
إسكندرية الفرقة فـ شطوطها ..
هتروحلها فـ حزنك!
هتعود سليم لكن بدون ما تحب!
إسكندرية الطيبة والطب
بتداوي وجعك لو بعيد عنها
هتحب منها وتيجي تشكيلها
هتزيد فـ حزنك م الوجع أضعاف
إسكندرية مطاف! واستانلي كعبتها
الكوبري دة يشهد علي الف قصة حب
ماتت بدون ما يدب شيب العجز فيها!
إسكندرية حلوة وتجيها لما يكون الحزن براها
علشان كدة اهرب! إسكندرية انين!
كل البشر فـ الظلم مُتعادلين
كل الي ساب اتساب بدون علة
أنا كنت قولت زمان!
" قلب الفراق كافر ملوش ملة "
وإسكندرية الشتا والفرقة والأحزان
متجييش وايدك حاضنة فـ الكتمان
هتعري وجعك للشاطبي وتقوله
والشاطبي مبيسترش علي إنسان !
هتروح جليم تلقيه بيبص لك شفقة
ابوقير تطل عليه وفـ عينه حزن وخوف!
إسكندرية مطاف! مش اي حد يطوف
لو كنت قادر ع الطواف روح لها
إياك تبين ضعف وتقول ها!
إسكندرية الحزن لو منها!
هتشوف دموعك فـ المطر فيضان!
إياك تكون فـ إسكندرية وانت مش ولابد
البحر فـ الأحزان عنده لسان بيرد
فـ اياك تجيلها وتشتكي منها
هتروح لبلدك والجروح ملياك💔
في الشاطبي تلقي هناك
راجل فقد قلبه مع موجة قاصدة تفرقه نصين
ولحد هذا الوقت مش ناسي
بيجيي ينده عليها كل يوم
بدون حركة ، بدون ما يمل
ثابت وعنده يقين بأنها سمعاه
ف عز البرد واقف
والموج بيخبط فيه ويقوله ماتت فوق
يرفع عينيه بكسرة ويقول يارب
عايزها ترجع ليا لو ثانية
البحر خدها بدون ما يستأذن
كات جوا حضني .. بس راحت فين
يارب اجيبها منين!!
يا بحر هاتها احضنها مرة كمان
او حتي اطول في السلام
او بس اودعها بضمير
طب خدني يمكن عيني تلمحها
رجعها واحييني!!
علشان كدة اسكندرية
مبتسترش علي مجروح
اسكندرية جروح .. قاسية مش بتلم
سوتر القهوة فيه بتسم ..
شارع فؤاد ليك ذكري صعبة معاه
والمندرة مش حلوة إلا معاه
ودية حاجة كافية تمنعك تيجي
لسة المطاعم في المنتزة فاكراك
وميامي حالفة تسيب اثر جواك
واشارة اسبورتنج فاكرة انتظارك ليه
الشاطبي بائس والحزن جوا عينيه
سيدي بشر فاكر مسكتك لأيديه
والمركب اللي ف بحري تشهدلك
كل الشوارع حالفة لتفكرك
علشان كدة
لو ناوي تنسي .. او ناوي حتي تعيش
متجيش
في المرة دي بسردلكم حالتي
و أنا بس طالبة تسمعوني بحرص
أنا مش بخير
أنا فيَّا شئ اتكسر و طفاني بالإجبار
أنا بنت واقفة فـ أرض مش أرضها
رجليها غاوية تشب للسموات
و مبتوصلش
بكتبلكم و فـ إيدي تليفوني
و فـ ودني هاند فري
و معايا قهوة و سجاير و فـ جو شتوي جميل
الدنيا ليل
و الجو سقعة بشكل خلَّى ضلوعي صابها البرد
كان كل شئ أحسن قبل اما أحس بضعف يقتلني
كان كل شئ مقبول إلا الإهانة بـ فعل أو بالرَّد
كل البشر ماشيين بفعل الجرد، و أنا إن أملّ سرد
و أديني أهو بكتبلكم وجعي
الغُنا أعظم سبيل للفضفضة لكنه مش تبعي
و مفيش فـ إيدي إلا حَبِّة شِعْر
الأوضة ضلمة إلا منفذ نور
و الحزن واقف جنبي وقفة جدعنة
و الست بتغني بصوت مكسور
"هو حناني عليك قسَّاك حتى عليَّا"
و أنا بس طالبة تسمعوني بحرص
أنا مش بخير
أنا فيَّا شئ اتكسر و طفاني بالإجبار
أنا بنت واقفة فـ أرض مش أرضها
رجليها غاوية تشب للسموات
و مبتوصلش
بكتبلكم و فـ إيدي تليفوني
و فـ ودني هاند فري
و معايا قهوة و سجاير و فـ جو شتوي جميل
الدنيا ليل
و الجو سقعة بشكل خلَّى ضلوعي صابها البرد
كان كل شئ أحسن قبل اما أحس بضعف يقتلني
كان كل شئ مقبول إلا الإهانة بـ فعل أو بالرَّد
كل البشر ماشيين بفعل الجرد، و أنا إن أملّ سرد
و أديني أهو بكتبلكم وجعي
الغُنا أعظم سبيل للفضفضة لكنه مش تبعي
و مفيش فـ إيدي إلا حَبِّة شِعْر
الأوضة ضلمة إلا منفذ نور
و الحزن واقف جنبي وقفة جدعنة
و الست بتغني بصوت مكسور
"هو حناني عليك قسَّاك حتى عليَّا"
وحشتني
مش عدل تبقى بعيد كده عني
ملقيتش إيد بعدك تهون أو لقيت
بس الحقيقة أني محتاجة لإيديك
حاولت أخبي بقدر خوفي عليك
لكن دموعي مش بتحفظ سر
وعشان كده من بعد بُعدك
أنا لسه ببكي
لسه!
لسه محلك سر
#ناقصني_روح
مش عدل تبقى بعيد كده عني
ملقيتش إيد بعدك تهون أو لقيت
بس الحقيقة أني محتاجة لإيديك
حاولت أخبي بقدر خوفي عليك
لكن دموعي مش بتحفظ سر
وعشان كده من بعد بُعدك
أنا لسه ببكي
لسه!
لسه محلك سر
#ناقصني_روح
اللي بيصلي الفجر بيكون في ذمة الله ، يعني الشخص بيكون في ضمان وحفظ الله ورعايته ، أوعى تفوتك صلاة الفجر ❤️