Tirikligida suhbatini olish kerak bo'lgan ikki jasur yozuvchi bular. Yaqin tariximizning barcha kirdikorlarini yuqori doiradan turib guvoh bo'lgan insonlar bular.

Bugun siyosatshunos Hamid Sodiq tarjima qilgan "Qonunlar ruhi haqida" kitobining eng so'nggi bosqichlaridan biri - musahhihlik ishini boshladik.

Videoni ko'ring va "Jamiyat uyg'onyapti", degan jumlaga o'z munosabatingizni bildiring.

Muhojirlar haqida bitilgan she'rni tinglang. Shu o'rinda 8 yillik abiturient + talabalik davrimdan qilgan xulosamni o'rtoqlashmoqchiman.

Men shu paytga qadar haqiqatda qunt qilib ilm olgan, har qanday vaziyatda ham ortga chekinmay qaysidir sohada ham nazariy, ham amaliy tajriba to'plagan biror kishining aynan qora ishlarda muhojir bo'lganini bilmayman. Xalq ichida diplomlilar ham Peterburgda, Astanada quruvchilik qilyapti, taksi haydayapti degan gap bor. Talabalar juda yaxshi bilishadiki, institutda olingan diplomning hech qanday qiymati yo'q. Hamma gap odam o'zini-o'zi aldamasdan vaqti borida ilm olishida va amaliyotga tezroq kirishishda deb o'ylayman.

Lekin puli ma'lum miqdorda bor odamlargina kursga borganini, puli yo'qlar maktabni bitiriboq qora mehnat orqali kun ko'rishga odatlanganini inkor qilib bo'lmaydi. Bunda shubhasiz birinchi ma'muriyat qilgan iqtisodiy kamchiliklar asosiy sababchi.

Xulosa va 14-19-yoshli vatandoshlarga maslahat shuki, erta yoshdan ilm va amaliyotni parallel olib boring.

Xushxabar!🥳🥳🥳

"Qonunlar ruhi haqida" kitobi Xudo xohlasa 2-maydan boshlab ibook kitob do'konida sotuvda bo'ladi!

"Qonunlar ruhi haqida" kitobi sotuvda!

Kitobdan iqtibos izlash jarayonida shuni xulosa qilish mumkinki, Monteskyening har bir fikri chuqur ahamiyatga ega va ayniqsa bugungi kunda dolzarb. Tarjimaning bu qadar tushunarli va sifatli bo'lgani uchun ustoz Hamid Sodiqqa butun kitobxonlar nomidan tashakkur aytaman.

Ertaga soat 11:00 da ISFIda kitobning ilk taqdimoti bo'lib o'tadi.

Mehmonlar: Kamoliddin Rabbimov va Farhod Tolipov

"Fikrlaydigan millat" - chiroylimi, tushunarlimi, jozibadormi, ishonchlimi?

Xullas, eski finalni tugatib, yoz uchun yangi bir loyiha boshlamoqchimiz.
“Fikrlaydigan millat” tanlovi ilk mavsum - yoz bosqichi

1. Bu qanday tanlov?

Nashriyotning vazifalaridan biri kitobxonni ragʻbatlantirish orqali kitob targʻibotini amalga oshirish va yoshlar orasida salmoqli adabiyotlar ahamiyatini yuksaltirish hisoblanadi. Shundan xulosa qilib, “Tirilish” nashriyoti har faslda “Fikrlaydigan millat” tanlovini tashkillashtiradi. Ilk tanlov 2024-yil yoz fasliga toʻgʻri kelib, u shartli ravishda “ilk mavsum - yoz bosqichi” deb nomlanadi.

Tanlovda 60 kun davomida 3 ta kitob mutolaa qilinadi. Tanlovga roʻyxatdan oʻtish uchun maxsus bot yaratiladi, uning vazifasi ishtirokchilarning ism-familiyasi, telefon raqamini olish va ularni tartiblab chiqish boʻladi. Botdan roʻyxatdan oʻtmay turib tanlov ishtirokchisi boʻlishning imkoni boʻlmaydi. Roʻyxatdan oʻtish uchun tanlov eʼlonidan boshlab 30 kun vaqt beriladi. Roʻyxatdan oʻtish chegarasi 2000 (raqam o'zgarishi mumkin) tani tashkil qiladi. Tanlovda ishtirok etish uchun yosh chegarasi mavjud emas.

Tanlov ikki bosqichda tekshiriladi. Avgust oyining 10-kunida test, 17-kunida yozma insho (final) tashkillashtiriladi. Final bosqichida 50 nafar ishtirokchi qatnasha oladi.

1-o'ringa Dubayga yoki Istanbulga dam olish uchun tur paket, 2-o'rin notebook, 3-o'rin smartfon va hokazo.

Bu hali tasdiqlangan xabarlar emas, sizningcha nimani o'zgartirish kerak, qaysi qismi yaxshi o'ylangan va hokazo. Mulohazalaringiz bilan o'rtoqlashsangiz. Rahmat!

Nomidan va maqsadidan bilish mumkinki, bu loyihada asosan siyosiy, ilmiy-ommabop va og'ir vazn bosadigan badiiy adabiyotlar tanlab olinadi. Loyiha rivojlanishi kerakligi va tijoriy bo'lganidan kelib chiqsak, kitoblar homiy nashriyotdan tanlanadi. Yoz mavsumi uchun Monteskyening "Qonunlar ruhi haqida", Oruellning "Ruhoniy qizi", Treysmen va Guriyevning "Manipulyativ diktatorlar" kitobini rejalashtiryapmiz.