"إن لم تكن حنوناً عندَ الخطأ، فما فائدة حنانك والدنيا صحيحة؟!

وإن لم تراعِ وقتَ الحزن، فما فائدة مُراعاتك والآخر سعيد؟!

إن لم تتفهم ثورات الغضب والعِتاب والغيرة، فما فائدة فهمك للتجاوز والعالم هادئ وساكن؟!

الإنسان أكثر ما يحتاجه هو إنسان يكون كُفئًا في أوقاته الصعبة، أمَّا في الرخاء فالكل يكون كُفئًا"..🥀🤍

يحارب الأنسان أياماً كثيرة لدرجة أن أوقات الهدنة تبدو مُقلقه بالنسبة له .. يجد أن سكينته سُلبت ..🥀🤍

‏أن يُكرم الإنسان نفسه يعني أن يختار لها ما يليق بها من كل شيء، من الرفقة أطيبها، و من الحب أرقاه، و من المجالس أرحبها.🥀🤍

هـذا الصباح:
هي ضلمة و إنت عارف ضي بريقك💛

من الممكن بأن يخونك كل شيء إلا شعورك ، المرء يشعر بكل شيء في أعماقه ، يشعر بمن توقف عن حبه ، ويشعر أيضًا بمن ينتظر منه مجرد كلمة !“
— غسان كنفاني

الزمن في الناس بغير في القلوب والناس معادن 🩵

هـذا الصباح:
ما غيّرت ريدته السنين ما بدل إحساسه الزمن♥️

هل الناس البنحبهم لسه زي ما هم ولا اتبدلو؟!

ح تتفأجا إنو أكتر ناس بتحبهم لما يتختو ب مصلحتهم وبينك ح يختارو مصلحتهم ويخلوك تتأذى عادي ولو فكرت بس تقول ليه ح يقولو ليك انت ليه درامي كدا ؟! عادي ما في زول طلب منك! إتعلمت بطريقه قاسيه شديد الاتزان في العطاء الاتزان هو الحل البشر لو لقو طريقه كل يوم ح يتشكلو لينا في شكل الوجع

انا اسف أمس نتي خلص ..

اتصلت ليك تالتة العيد بس الشبكة..

اتاخرت في الرد عشان كنت في الجبنة ..

كنت جاياكِ بس ما اتسهلت..

نفسي اجيك بس الاقي الوقت المناسب..

جيتي في بالي بس الظروف

حرفيا حرفيا ماف أحلى من التبرير البجي عفوياً من دون تكلف..مقتنعة تماما من فكرة انو زولك حبيبك ح بيعرف يبرر♡.

انا ماوضحت ليك حاجة حصلت وهي انتهت وكان عادي ما بيستاهل اتكلم فيها تاني بس مابيهون علي اخليك تتسائل ليه الحاجة دي ما وقفنا فيها!

وهو التفاتيف ديا لو ما وقفنا فيها شن فايدة حبنا؟

في ناس بتشوف التبرير متعب !

حتى لو كانت مكالمة فايتة الساعة ٧مساء !
حتى لو ماعايدتك يوم العيد!
حتى لو نسيت ارد على مسج الواتساب!

صحبتنا مخطوبة لواحد بعيد منها جغرافيا وساعات بيمشي مكان مافيه شبكة فجات مرة اتناقشوا نقاش حاد وشاءت الاقدار انو يصادف ايام النقاش دة سفرة ليه للمكان الما فيه شبكة دة ..

فيمر الاسبوع وهي على قلبها لما جاء ما برر ليها غيابو بس وقتها هي اتخذت الأجراء المناسب معاه وقالت ليه ما ينفع تغيب من دون مبرر مناسب ..حتى لو كان نقاش بينا ..

ما ينفع تخليني محبوسة اسبوع ماعارفة عنك شي!

عموما هو من وقتها ما بيعمل شي الا وهي تكون عارفة♡.

المحبة يخوانا مقرونة بالتعامل الحلو واللطف والتقدير والاعذار والتبريرات..

انا حبيتك ح ابقى محتاجة منك تعامل حلو يليه تقدير تحيط بيه الأعذار و تتخللو التبريرات..

برر لي غيابك = ح اتغاطى عن سببو واحبك اكتر ♡.

كل اللي كان عندهم عذر مقبول للغياب = كسبوا قلوب البحبوهم ♡.
وزي ما قالت وحدة :"أنا أسف جملة بتكبرك ف نظري♥️".
هذا المساء:

((يمكنك دوماً ان تغيب لكن الاهم ان تبقى معي بعذر غيابك الواهي ذاك انا اقبله وارجوك ارجوك لا تفلتني ! ))

أنا شلت ريدكَ من قلِيبي ونزعتو من ساسو وجذور .. ريدا بيعمل فيني د الريد معاك انا ما بدور 💚!.

قالت

أكعب حاجة في الدنيا دي الخزلان والأنكِسار من أقرب الناس ليك.

ما كُنت خاته في بالي فيوم ونجي نفترق كُنت دايمًا مبسوطة معاه وكُنت بقيف معاه في الصغِييرة والكبيرة ونهائي ما برفض ليهُ الطلب!

عارفين أكتر حاجة بتوجع شنو لمن تدي زول قيمة أكتر من قيمتُ💚

_كنت بحبو شديد.. يمكن اكتر من نفسي عشان كده كنت دايما بفتش ليو في اعذار.. عارفة؟
غالباً بطلع روحي غلطانة.. عشان احافظ على البينا.. م كنت عاوز افقدو او اخسرو.. حاولت كتير اننا نكون سوا
=طيب كيف افترقتو؟!

_تعبتَ.. تعبتَ وانا بحاول احافظ على حاجه م بتاعتي.. حاولت انا بس خلاص فشلت.. يمكن انا اكتر انسانة م بتستهين بروحها وكرامتها بس عشانو دست على قلبي عشان افضل معاو بنيت معاو احلام وحياة م عايزاها مع انسان غيرو.. لكن هو م قدَر الحِتة دي.. لسه بسأل روحي كيف قدر انو يتخلى عني؟
بفكر هل هو كده مبسوط بحياتو؟وبرجع بقول مستحيل يلقى انسانة تحبو زي م انا عملت.💚✍️

#على_الهامش

انا شلت ريدك من قليبي ونزعتو من ساسو وجزور💚
ريدا بيعمل فيني د الريد معاك انا ما بدور💚
لو تبكي بدموعك علي انا قلبي تاني ما بتطووول💚
القصة بيناتنا أنتهت.. انا ليك ما برجع ولين💚

عن خيبه محمود درويش لما قال :
يحسبُ المرء نفسهُ عزيزاً فِي قلُوب أحبتِهِ، ثُم يأتِي مَوقف يُنهِي كُل هَذا الظَن

ح يجي عليك يوم وتعرف ان الراحة ما في زوجه بيضاء وجميلة ، ولكن في زوجه راضية واصيله ، وان الجمال مافي شكلها ، ولكن في طبعها ، وان العفة ما زوجة جميلة ، ولكن في زوجة اصيلة

والشباب البقولو لازم أتزوج دكتورة او صيدلانية او مهندسة او او عشان ترفع عينك قدام الناس وأهلك يقولو ولدنا عرس مهندسة أو دكتورة ،صدقني ما بي كدا ابداً

ح يجي يوم وح تعرف انك ظلمت نفسك لما عملت اعتبار للناس لما جيت تتزوج ، ايوا ده اعتبار للناس ، كان همك الناس تقول عليك شنو، كان همك الناس تقول على عروستك شنو، ؟ كان همك شكلك قدام الناس وبس

بس اليوم ده ح يجي متأخر للاسف ، وبنفعوك بي شنو الناس ،ما بنفعو والله ، ولو نافعين كان نفعوا غيرك ،وما كان عداد الطلاق عمل الرقم دا

لما تجي تتزوج يا صديقي ، ما تفتش على الشكل،ولأ على المظهر،ولأ تفكر على " البقولو الناس

فتش على زوجه راضية بيك، تعمل اعتبار ليك، تحفظ قيمتك وغيبتك، تراعي ربنا فيك تبقى فرحانة وطايرة بيك وتديك قيمتك ومكانتك وبس 💕

- التعافي هو أن يُلمس بالحب ما لُمس سابقًا بالخوف والخذلان! ..

- سيسيل هاني

- و اللّين باللّين
و الود بالود
و البادئ باللطف تألفه الروح و تهواه..

- بداية اليوم
الحمد لله على النعم التي اعتدناها ونسينا شكرها ، الحمد لله على اليوم الهادئ ، والمنزل الدافئ ، والأيام الآمنة ، والقلب المطمئن ، والضمير الحي ✨..

الطفل ده تم اختطافه بواسطة جنوبيه إسمه منذر راشد عوض موجود في وزارة الصحة والتنمية الاجتماعية النيل الأبيض وهو في أمان ولكن لم يتم العثور على أسرته ذكر انه أبوه ضابط وأمه اسمها إقبال رجاء أرسل الصوره حتى يتم التعرف عليه

بتمني كل الناس تشير البوست دا ربنا يجمعو بي أسرتو يارب 🙏🙏🙏🙏

طلعت من حياتي!
اضمن تمامًا انه ما حتتجاب سيرتك الا بالخير
و لو حاولوا يذكروك بغير الخير ..حتلقى البدافِع عنك والله
حتقول لي بي ياتوا حق!
بي حق العِشره و الايام السمحه و الضِحك و الزعل
انه حادعي ليك كل ما تجي في بالِي ..
انه عمري ما حاقول عنك كلام ما حلو حتى لو عملتو..
لانه لمن عملتو كٌنتَ معاي و في حياتي
و اسي انت برّاها فـ ليك كل الاحترام الفي الدنيا و الله ❤"!

‏"إِنَّهُ هُوَ يُبْدِئُ وَيُعِيد."
"يعيد القلب الذي زاغ، السعادة التي غابت، العافية التي انقلبت، العلاقة التي انقطعت، الرزق الذي نقص ويبدئ مالم يكن واستحال، فـ قف على بابه بانكسار الفقير وأمل الواثق."