ياما نفسي اشوفك تاني في اقرب ميعاد 🥺❤️

" اه من الفراق اللي يتفقوا الحبايب فيه يبقوا صحاب ! "
سنة 2009 .. عمرو دياب قدم لنا واحدة من أهم الأغاني في تاريخه
موضوع الأغنية مختلف و ما اتقدمش كتير ..
الأغنية بتبدأ و بيدخل في الموضوع علطول فبيقول :

اااه من الفراق .. اللي يتفقوا الحبايب فيه يبقوا صحاب .. ده أصعب عذاب ! "
و بيكمل سرد للمعاناه فبيقول :

" و يا عيني ع اللي كان بيحب التاني أكتر
بيهرب من المكان و بيبقى عذابه أكبر "
و من أجمل الجُمل في الاغنية لما قال :
" و يا عيني ع اللُقا من غير غيرة وعتاب ده مفيش بين الصحاب غيره وعتاب ! "
الجملة دي عظيمة الحقيقة .. أدد ايه الكاتب ( بهاء الدين محمد ) كان دقيق في وصفه

و بيكمل يقول :
" دلوقتي لقانا هادي قال يعني شوقنا غايب
و يبان كلامنا عادي .. مع إنه كلام حبايب ! " 💔🎼

اغنيه عمرو دياب "اديني رجعتلك" دى المفروض تتدرس كنموذج
يحتذى بيه ف العلاقات العاطفيه
ولا هو همه انها سابته و بعدت و اول ما نادته راح جري عليها
ولما رجع مش قعد يعاتبها ويخنق اهلها .. لأ ده قالها ( لا هعاتبك ع اللى فات ولا حتى هلوم عليكي )
ولما عيطت مقلهاش مش تقرفينا بقا ما انا معاكي اهو لا دا حاول يهديها
ويقولها (كفايه دموع بقا مش عارف اشوف عينيكي)
لا وكمان بيحاول يحافظ ع كرامتها قدام الناس وان مش هي اللي رجعتله
وقالها (قوليلهم مش ندهانى هو اللى وحشته وجانى)
لا وعشان مش تبان وحشه وان هى اللى رجعتله ندمانه
قالها ( قولى لقلبك يسمعنى مش دمعه اللى مرجعني .. من غير ما تنادى وتشكى الشوق كان هيرجعنى ) يعنى كدا كدا راجع
وبيختم الاغنيه بالكوبليه الأعظم ف التاريخ
( مشتاق لضحكتك يا اجمل ذكرياتى .. خديني لجنتك يا اغلي من حياتى ) !!!❤