انا بتعاقب ليه علي حبك؟🙂💔

الحنين لعنيكي جارف
صعب نرجع تاني عارف
بس ماسك ف الأمل بجميع ما فيا.
💔

لما بفكر بقسم لاتنين ، وأما بقرر باضرب ف اتنين
كنت بكلم جوايا اتنين نفسي ومكانك جوايا.
😞

غيابك طال وبوّختي ف هزار بُعدك
أنا بعدك
عرفت اني ماليش بعدك!

فخور بيكي
وبطموحك
وبالقصة اللي عيشتيها
بفوز أملك على جروحِك
وع الأيام ومآسيها
فخور بيكي كإن بشوف
نجاحك جزء من حلمي
كفاحك سطر من شعري
وألمع جزء من فيلمي
وكوني ليا فيكي رصيد
ده رزق من السما واصل
كفاية انك آمنتيلي
برغم الجاري والحاصل
وعيني عليكي فاتحة الزوم
مادمنا بنمشي ونواصل
امدّ ايديا قبل ماتطلبي وقفة
ولما بتنجحي بسبق جميع الخلق ف السقفة
وشايفك سيرة تستاهل تكون نبراس
وشايفك ست تستاهل تكون ع الراس
وراصد قلبي ودماغي جوزين حراس
يصدوا الدنيا لو حاولت تطيح فيكي
فخور بيكي ❤️

فأخدت قرار اني انساها
من يومها وانا بدونها معاها
براقبها بعين عيّل محروم .
💔

أنا الشخص اللي كله عيوب لكن مليان حاجات تتحب.

ولا بتبعد ولا تجيني، ولا بدونها ولا معاها
كتبتلها وحشتيني، سمعها الكل إلّاها.

ابص بقلبي لعنيها ، عنيها جماد مابيحنّوا
أكلم ربنا عنها ، تكلم ربنا عنه.

انا مشتاق لك
واذا فاكره ان انا لحظة نسيتك متهيألك ..