-❤️.

اكتئابك .. ردّ بابَك.. سِبت كل الناس وغِبت
اللي سابَك .. اسمه سابَك.. انت عمرك يوم ماسِبت

انا كل املي فالحياه انتي ❤️.

ولو كل اللي عارفينك قالولك اني مانفعكيش
ولو كل اللي عارفينني قالولي بكره تنسيني
وحشتيني ♥️

طلع بعدك فايتني كتير
وحاسّه كمان بفرق كبير
في أيامي واحلامي
وحتى سكوتي وكلامي
واسمك لما كان يتقال
باقول عادي واصون غيبتك
بقيت اهدى عشان ناسياك
بقيت أجمل عشان سِبتك.

أنا ممكن اكون عصبي واكون غلطت ف حقك
بس والله انا عمري ماحبيت حد غيرك ولا قدك
فماتزعليش مني عشان مالناش الا بعض. 😞♥️

رجعالي؟ بعد استقرار وضعي الحالي 🖤.

غيابِك
طال
وبوّختي
في
هزار
بعدك
أنا
بعدِك
عرفت
اني
ماليش
بعدك .
💔

وحشتيني 🖤.
- @amrhassanx .

مفيش انسان ملوش ماضي
مفيش راجل مالوش أخطاء
لكن دايما فـ نقطه ضعف ونقطه ضعفي هي انتي ❤️.

وحشتيني ٢ 🖤.
- @amrhassanx .

وبسكت لما قلبي يقول
يقول فينك
ياريت كل اللي عارفينك قالولك اني بيكي بعيش ، ياريت كل اللي عارفني سابوني لـ شكي ويقيني ❤️.

وحشتيني ٣ 🖤.
- @amrhassanx .

ياورداية ف جبل روحي
يا أول شمس في الدنيا
يا شيء Well Done
يا Only One
يا زوجتي الأولى والتانية
وأجمل ضحكة في سنيني
وحشتيني ♥️

عماله تفكر فيه مع ان شكلها متماسك من بره
ماعرفش ازاي فيه ناس بتحّن .. لناس قتلوهم كذا مرة ؟!

كلنا بنسيب ونشقى ، كلنا بنعيش صدام
الجميل ان انت تبقى ، حد بيسيب باحترام

هو الانسان ايه كل مناه غير بس يميّل على انسان
يسمع همسه
يعرف أمسه ويعدل سيره
هو الانسان ايه غير غيرُه ؟
الشخص اللي بيعرف امتى يكونلك ضله
ويعرف امتى بيبقالك شمس
واحد يعرف انك مكسور وبقيت باللمس .

خليتنا صحاب زي ماقولتي
والناتج ايه !!
انا وانتي يوماتي بنستعبط
بنكلم بعض
ونخاف علي بعض
ونطمن بعض
ونغير علي بعض
الحاجة اللي انا واثق منها
اننا لسه بنكدب على بعض .

وهاتلي شكل غير شكلي ،
وهاتلي حل لمشاكلي ،
وهاتلي صديق مابيملش
وهاتلي حب رغم البعد ما يقلش
وهاتلي حضن في عز الخوف يطمني.
وهاتلي قلب يسكني .. ومايسبنيش .
وهاتلي عمر في بدايته ، وهاتلي ضحكه في نهايته
ما ببكيش .
وهاتلي من الحياه لحظه أقرر فيها إني أعيش .
وهاتلي حلم يتحقق ، وهاتلي حنين مايكسرنيش
.وهاتلي اجابه تنفعني ، وحد بجد يسمعني
،، وصوره لبكره بالالوان
وهاتلي صبر من ايوب ،، وهاتلي حكمه من لقمان .
وهاتلي كمان طريق للبر ،، وخير يحاوطني وقت الشر .
ونور ما يتوهش في الملكوت.
يارب استرني بين الناس
وريح قلبي قبل ما اموت .

كان لازم احبك من ساعه ما قابلتك 💖.