Xo'jaobod tumanidagi maktablarda «Dolzarb 90 kunlik» tadbirlari davom etmoqda

Xabaringiz bor, yurtboshimiz tashabbusi bilan o‘quvchi-yoshlarni yozgi ta’til davrini maroqli o‘tkazishlarini ta’minlash, ular uchun ta’lim muassasalarida fan, til, musiqa va tasviriy san’at to‘garaklari, badiiy va ijodiy kechalar, teatr va kino tomoshalari hamda turli musobaqalarini tashkil etish bo‘yicha qator tashabbuslar ilgari surilmoqda.

Ushbu tashabbuslar ijrosini ta’minlash maqsadida Xo'jaobod tumanidagi 34 ta maktablarning sport maydon va zallari, kutubxona hamda informatika xonalari yoshlar uchun ochilib, "Yozni maktab bilan" loyihasi o‘tkazilmoqda.

Maktablarda tashkil etilayotgan fan va til to‘garaklari, sport va san’at musobaqalari, teatr va kino tomoshalari, musiqiy kechalar va sayohatlarga tumandagi jami 12 ming nafardan ortiq yoshlar jalb etildi.

(Fotolavhalarda: Xo'jaobod tumanining Chimbuloq, Garaguri va Navbahor hududlaridagi maktablar faoliyati)

Telegram | Facebook | Web sayt

BOSHQARMA VA IT-PARK HAMKORLIGIDA XALQARO TAJRIBALAR OʻRGANILMOQDA

Xabaringiz bor, yurtimizda yosh avlodni raqamli texnologiyalardan foydalanishlari va dunyo Innovatsion texnologiya bozorlariga raqobatbardosh kadrlar yetishtirib chiqarish maqsadida qator tashabbuslar ilgari surilmoqda.

Mazkur tashabbuslar ijrosini taʼminlash maqsadida joriy yilning 19-iyun kuni Andijon viloyati maktabgacha va maktab taʼlimi boshqarmasi, Raqamli ta’limni rivojlantirish markazi, Raqamli hukumat loyihalarini boshqarish markazi hamda IT Park hamkorligida Buloqboshi tumani Maktabgacha va maktab taʼlimi boʻlimi tasarrufidagi umumtaʼlim maktablarning informatika va axborot texnologiyalari fani oʻqituvchilari hamda o‘quvchilari ishtirokida "Bir million dasturchi" loyihasining mantiqiy davomi hisoblangan “Coursera” platformasining bepul hamda professional maxsus oʻquv kurslarida taʼlim olish mavzusida seminar boʻlib oʻtdi.

Seminarda “Coursera” onlayn platformasiga joylashtirilgan kurslar, Startup loyihalari, xalqaro sertifikatlar olish dolzarbligi va ahamiyati borasida fikrlar yuritilib, savol-javob, bahs va munozaralar natijasida soha rivoji uchun istiqbolli rejalar belgilab olindi.