BOSHQARMA BOSHLIGʻI TOMONIDAN SHAXMAT BOʻYICHA TOJIKISTON DAVLATIDA OʻTKAZILGAN MUSOBAQA SOVRINDORI TAQDIRLANDI

Xabaringiz bor, Tojikiston davlatining Dushanbe shahri mezbonligi ostida yoshlar oʻrtasida sportning shaxmat turi boʻyicha G'arbiy Osiyo chempionati bo’lib o’tdi.

Quvonarlisi, ushbu turnirning Blits yoʻnalishi bo’yicha Oʻzbekiston jamoasi safida Andijon shahri 24-umumta'lim maktabi oʻquvchisi Orkhan Sa'dullayev ham ishtirok etib, 9 imkoniyatdan 5,5 ochko jamgʻardi.

Yakunda yurtimiz terma jamoasini 2-oʻrinni egallashiga xissa qoʻshgan O.Sa'dullayev joriy yilning 17-iyun kuni Andijon viloyati MMTB boshligʻi, viloyat Shaxmat federatsiya raisi oʻrinbosari U.Shukurov tomonidan qimmatbaho planshet bilan taqdirlanib, oʻquvchining oila a'zolari va ustozlariga minnatdorchilik bildirildi.

Qo'rg'ontepa tumanining chekka hududlarida «Dolzarb 90 kunlik» tadbirlari davom etmoqda

Xabaringiz bor, yurtboshimiz tashabbusi bilan o‘quvchi-yoshlarni yozgi ta’til davrini maroqli o‘tkazishlarini ta’minlash, ular uchun ta’lim muassasalarida fan, til, musiqa va tasviriy san’at to‘garaklari, badiiy va ijodiy kechalar, teatr va kino tomoshalari hamda turli musobaqalarini tashkil etish bo‘yicha qator tashabbuslar ilgari surilmoqda.

Ushbu tashabbuslar ijrosini ta’minlash maqsadida Qo'rg'ontepa tumanidagi 62 ta maktablarning sport maydon va zallari, kutubxona hamda informatika xonalari yoshlar uchun ochilib, "Yozni maktab bilan" loyihasi o‘tkazilmoqda.

Maktablarda tashkil etilayotgan fan va til to‘garaklari, sport va san’at musobaqalari, teatr va kino tomoshalari, musiqiy kechalar va sayohatlarga tumandagi jami 16 mingdan ortiq yoshlar jalb etildi.

(Fotolavhalarda: Qo'rg'ontepa tumanining Ustoz, Xonko'cha, Dehqonobod va Nurli Yog'du hududlaridagi maktablar faoliyati)

Telegram | Facebook | Web sayt