Joriy yilning 12-iyul kuni IIV Jamoat xavfsizligi departamenti boshlig‘i o‘rinbosari, Probatsiya boshqarmasi boshlig‘i polkovnik Sharof O‘ralov boshchiligida Andijon shahri bo‘yicha IIOFMB JXX Probatsiya bo‘limi nazorati ostida turgan shaxslar bilan uchrashuv o‘tkazildi.

Ushbu uchrashuvdan asosiy ko‘zlangan maqsad probatsiya nazoratidagi shaxslar  tomonidan sodir etilishi mumkin bo‘lgan takroriy jinoyatlarni barvaqt oldini olish, ularni qiynab kelayotgan muammolarini aniqlash va ularga yechim topishdan iborat bo‘ldi.

Shuningdek, jinoyat sodir etish xavfi yuqori bo‘lgan shaxslar bilan yakka tartibdagi profilaktik suhbatlar o‘tkazildi. Ularning har birini muammolari o‘rganilib, bandligini ta’minlash va ijtimoiy hayotga moslashtirish yuzasidan tegishli ijtimoiy-profilaktik tadbirlar belgilab olindi.

Ushbu turdagi uchrashuvlar viloyatning har bir shahar va tumanlarida o‘tkazilishi rejalashtirilgan.

Website | Facebook | Telegram | Instagram | Youtube

Andijon viloyati IIB rahbariyatining navbatdagi shaxsiy qabuli bo‘lib o‘tdi
—————
Fuqarolarning murojaatlarini bevosita o‘rganish, muammolarini tinglash va hal etish maqsadida bugun 13-iyul kuni Andijon viloyati ichki ishlar boshqarmasi rahbariyati tomonidan navbatdagi shaxsiy qabul tashkil etildi.

Qabul davomida fuqarolarning ijtimoiy-huquqiy masalalardagi murojaatlari tinglanib, ularni qonuniy asosda hal etish choralari ko‘rildi.

Ayrim masalalar shu yerning o‘zida hal etildi, boshqalari esa tegishli mutasaddilarga yuborilib, muddati va ijrosi belgilab olindi.

Andijon viloyati ichki ishlar boshqarmasi rahbariyati bu kabi shaxsiy qabullarni muntazam o‘tkazish orqali xalq bilan muloqotni yanada samarali yo‘lga qo‘yish, murojaatlar ortida turgan inson taqdiriga befarq bo‘lmaslikni o‘z oldiga vazifa qilib olgan.

Website | Facebook | Telegram | Instagram | Youtube