اللهم اجرنا من جنهم وحرها💔

*🌙همسة مسائية* 🌄

*‏﴿يَعْلَمُ السِّرَّ وأخْفى* ﴾
*قال الضحاك* :
*السِّرُّ* : ما تُحَدِّثُ به نفسك،
*وأخْفى* : ما لَمْ تُحَدِّثْ به نفسك بَعْدُ.

*وقال سعيد بن جبير* :
أنْتَ تَعْلَمُ ما تُسِرُّ اليوم ولا تَعْلَمُ ما تُسِرُّ غداً، والله يَعْلَمُ ما تُسِرُّ اليوم وما تُسِرُّ غداً.

{ تفسير ابن كثير ٥/٢٧٥ }.

#بوصلة_حياة_المرأة
أوقات ضائعة وأهداف مقتولة(٢)

في المحاضرة السابقة وجهنا للمتدربات سؤال حول بعض الزجاجات، وبماذا نملؤها.
قلنا إن عندنا زجاجات مختلفة هي زجاجات الوقت اللي ربنا سبحانه وتعالى منحه لينا لاستغلاله في كل مفيد و جميل فيا ترى بتمليها بأيه ؟
أول زجاجة كانت زجاجة الماء الطبيعي ..ياترى أيه المقصود بالماء الطبيعي هنا؟🤔

بداية الماء هو سر الحياة،💧💧 مفيش كائن حي يستغنى عنه بأي حال من الأحوال. هو اللي بيمدنا بالحيوية، وانتعاش الروح بل هو اللي بيمدنا بالقدرة على الاستمرارية في الحياة.👍👍

نقدر نستغنى عن الطعام وعن معظم مقومات الحياة لعدة أيام لكن الماء منقدرش نستغنى عنه.
الوضع نفسه مع الزجاجة الأولى للوقت.
الماء الطبيعي هنا هو ماء القلب والروح
حاجات كده مينفعش اليوم يعدي من غير ما تعمليها؛ لإن هي اللي بتمدك بالسكينة، والراحة النفسية، والهدوء والسلام الداخلي.
هي اللي بتديكِ القدرة على الاستمرارية ومواجهة ضغوط الحياة.
هي اللي بتمنح وقتك البركة فتلاقي يومك كإنه أصبح عدة أيام وتلاقي وقتك رائع فعلا وقدرتِ تنجزي فيه أكبر إنجاز.
الحاجات دي هي اللي بترتقي بروحك للسماء.
هي حبل الصلة بينك وبين الله عز وجل

💦صلواتك💦

💦وردك من القرآن💦

💦أذكارك💦

دول كده تقدري تقولي عليهم الماء 💧💧اللي هو سر الحياة مينفعش نعيش من غيرهم.

💜جربي كده أول ما تصحي وتصلي الفجر تقرئي وردك وتقولي أذكارك، وتحافظي على صلواتك في أول وقتها، و تصليها بحب وطمأنينة وعدم تعجل.

جربي كده بعد كل صلاة تفضلي قاعدة في مكان صلاتك دقايق تذكري ربنا وتستغفري.

💜جربي إن وردك من القرآن يبقا أول شيء في يومك ويبقا شعارك في الحياة القرآن أولا.

💜جربي وهتلاقي بركة في يومك عجيبة جدا.

😔😔 بركة مش هتشعري بيها حتى لو قرأتِ وردك في أخر اليوم.

😔😔بركة مش هتشعري بيها لو بتصلي و أول ما تسلمي تقومي بسرعة وتجري وكإنك ما صدقتِ خلصتِ.

زي ما الأطباء بينصحونا نشرب كمية معينة من الماء يوميا، ونشرب الماء على الريق عشان فوايده كبيرة بالشكل ده، أطباء القلوب و الروح علمونا إن ماء حياة القلب لازم يتحافظ عليه يوميا ومهما حصل ما نفرطش فيه ولا نفرط في أدائه بالشكل الصحيح ، ووقتها يبقا أنت وضعتِ حجر الأساس لتنظيم وقتك وترتيب يومك.

استني رايحة فين😳😳
لسه باقي زجاجة الماء💦 💦
مامتك وباباكِ يا ترى أحوالك معاهم أيه؟
ولادك شغلوك عنهم؟
طب تزوجتي وساكنة بعيد عنهم؟
متخليش يومك يعدي من غير ما تتصلي بيهم وتطمني عليهم مهما كان شكل العلاقة بينك وبينهم افتكري إنهم طريقك للجنة.. الدعاء من قلوبهم ليكِ هيزيد حياتك جمال وروعة.
طب لو حد فيهم رحل عن الحياة؟
خلي من أساسيات يومك تدعيلهم في سجودك.

اهتمي بزجاجة الماء الطبيعي أول يومك وشوفي عجائب البركة في وقتك بإذن الله.


🍀التطبيق العملي 🍀

🌸في كشكول البوصلة اعملي صفحة لزجاجة ماء الحياة واكتبي فيها أولوياتك الدينية اللي لا يمكن تستغنى عنها مهما حصل بإذن الله.

🌸دربي نفسك على التمسك بيها، ودربي نفسك على الصلاة في أوقاتها، أذكار بعد الصلاة، ورد القرآن يكون في أول اليوم، أذكار الصباح والمساء . سؤالك عن أمك وأبيكِ ودعوتك الحلوة ليهم.


رضا الجنيدي
#بوصلة_حياة_المرأة

✍ كلنا راحلون ويبقى الأثر.. فلنترك أثرا قبل الرحيل.

صفحة المدربة والمستشارة الأسرية رضا الجنيدي على التلجرام
@Redaalgeneedy
صفحتنا على الفيس بوك
https://m.facebook.com/Reda.Geneedy