إذا ضاق صدرك ...

#بوصلة_حياة_المرأة
🌺سر السعادة ٤🌺

الخطوة الرابعة من خطوات السعادة من المنظور الإسلامي إنك تصححي نيتك.

ياترى بتعملي أعمالك لمين؟🤔🤔
برتب البيت وزوجي عمره ماقال كلمة حلوة فمش سعيدة😥
ببر أهلى ومحدش سائل فيا فمش سعيدة😥
ببساطة ركزي مع الآية دي👇👇👇

"قل إن صلاتي ونسكي ومحياي ومماتي لله رب العالمين"
يعني خلي أعمالك كلها لله
غيري نيتك تسعدي✅✅
هتقولي لي من حقي اسمع كلمة شكر لإني بشر.
طبعا من حقك ومن حقي ومن حق كل إنسان، وده احتياجك واحتياجي واحتياجنا كلنا.. بس ده احتياجنا بس متخلهوش احتياج يعجزك عن استكمال خطواتك لو متوفرش.
يعني لو مسمعتش كلمة حلوة هعمل أيه؟
أزعل
أحزن
أفقد الثقة في نفسي وفي الناس؟
أتوقف عن العطاء ؟

أبدا لإني بعمل لله
صلاتي لله
كل نسكي ( يعنى العبادات ) لله

صححي النية هتتسلك شرايين السعادة جواك

حياتنا من أول اليوم لآخره المفترض نربطها بالغاية الكبرى ..الفردوس الأعلى.
فبالتالي هنشعر بالرضا عن نفسنا آخر اليوم حتى لو مشفناش الرضا في عيون اللي حوالينا
وساعتها هنصل لمرحلة إنه يكون مماتنا لله رب العالمين
نموت على الفطرة النقية والعقيدة السليمة.
نستمتع بحياتنا في الدنيا ونستمتع باخرتنا.
وطبعا هستمتع بحياتي ( وسط المنغصات والابتلاءات لإنها دار كبد وعناء)
يعنى لما بقولك هتكوني سعيدة مش معنى كده السعادة الدائمة اللي مفيهاش منغصات
ابدا
كلنا في حياتنا منغصات يومية
ومنغصات ممكن يكون قُدر لنا إنها تصاحبنا طول العمر أو جزء من العمر سواء مرض دائم أو زوج لا يتقي الله فينا، أو ابن عاق أو حماة مطلعة عينك أو ضيق ذات اليد كلها أمور بتتعبنا أكيد بس أحنا بعلاقتنا بالله عز وجل وتصحيح نيتنا نقدر نوصل لمرحلة إننا بنتغاضى عن بعض المنغصات لإننا مش بنبذل الجهد للبشر ولكن لرب البشر.

🌺التطبيق العملي🌺

اربطي اعمالك كلها بالله عز وجل وبالآخرة
اربطي أعمالك كلها بالغاية الكبرى تسعدي
رضا الجنيدي
#بوصلة_حياة_المرأة

✍ كلنا راحلون ويبقى الأثر.. فلنترك أثرا قبل الرحيل.

صفحة المدربة والمستشارة الأسرية رضا الجنيدي على التلجرام
@Redaalgeneedy
صفحتنا على الفيس بوك
https://m.facebook.com/Reda.Geneedy

#سلسلة_من_غيب_لشهادة ١٨

فضل سوره الكهف. ؟

- سورة: الكهف .
- القارئ: علي جابر .

🌟لو تشعر أن حياتك أصبحت مظلمة..
فنورها
بسورة الكهف🌟

قال ﷺ:

«من قرأ سورةَ الكهفِ في يومِ الجمعةِ،
أضاء له من النورِ ما بين الجمُعتَينِ»

❤️وهذا النُّورُ يَقذِفُه اللهُ في قَلبِ القارِئِ،
أو في بَصَرِه، أو بَصيرَتِه، أو في كُلِّ أحوالِه

❤️أو هو نُورٌ يَصعَدُ له مع أعمالِه إلى السَّماءِ،
أو تُشاهِدُه المَلائِكةُ

❤️أو يَسطَعُ له في الآخِرةِ نُورٌ زيادةً على غَيرِه يَومَ القيامةِ

🕊ويَظَلُّ هذا
النُّورُ بهذا المَعنى طُوالَ الأُسبوعِ مِنَ الجُمُعةِ إلى الجُمُعةِ.

- الدُرَر السَّنية
=================

معنى الصلاة على النبي ﷺ 🪴
د. عبدالرزاق البدر

*مع الله ،،،​*
فلا أمس يحزنك ،،، ولا يوم يشغلك ،،، ولا غد يقلقك ،،،
*فالله يكفيك ،،،!*
*​مع الله ،،،​*
فلا خوف من بشر ،،، ولا رعب من مكر ،،، ولا قلق من غدر ،،،
*فالله ينجينك*
*​مع الله ،،،​*
*فلا جزع من مرض ،،، ولا حذر من هرم ،،، ولا وجل من موت ،،،*

لما بتوضى ف الجامعة بيبيقى صعب انى ارفع لبسى للكوع او اخلع الحجاب فبمسح بالمياه ع لبسى من الخارج وكذلك فى الاذن كدا عادى ولا حرام مينفعش ؟

ج / لا مينفعش فيما يتعلق بالذراع قولا واحدا.

أما المسح على الخمار فواسع يمكن الترخص بتقليده فهو قول معتبر لبعض الفقهاء كالحنابلة ودليله قوي.

الشيخ عمرو بسيوني .

أنا بكسل أصلي يا دكتور وعندي 21 سنة، خايفة أفضل كده!!

ج/ ابدئي على الفور قبل أن تتعودي على هجر الصلاة، وتفقدي الإحساس بالألم عند تركها.
حتى لو هتصلي في البداية صلاتين في اليوم، لا تتوقفي واستمري..

صلاتان في اليوم أفضل من ترك الصلاة بالكلية.
النقص مع الوقت سيكتمل.
والضعيف مع الإصرار والدعاء سيقوى.

ودوامة الحياة كلما كبرت ستسحبك أكثر بعيدا عن شط الإيمان ما لم تنتبهي وتستدركي.

فكري دائما في معينات ومقويات:

1- اتفقي مع من يشجعك من أهلك أو أصحابك على الصلاة.

2- اسمعي دروس إيمانية تشحن القلب بالعزم والقوة.. درس كل يوم مثلا.

3- اجعلي حولك صاحبات من المحافظات على الصلاة، الصاحب ساحب، وكم من مصل ترك الصلاة لأنه أحاط نفسه لفترة طويلة بمن لا يصلي.

الله سبحانه وتعالى سيعينك..
وسيمدك بالعزم لأني أحسبك صادقة، والله لا يخذل من رجاه وألقى همومه على عتبة مولاه.

د.خالد أبو شادي

لو سمحت يا شيخنا فيه حد واكل ورث وهو كان معترف بيه قبل ما يموت لما مات مات يوم الترويه فى العشر من ذى حجه هل موته فى اليوم دا يدل على ان كان عمله صالح ولا مش شرط اليوم؟

ج / ولو مات في ليلة القدر في حجر الكعبة وهو ظالم سيئ العمل فذلك لن يغني عنه من الله شيئا، ابن أبي مات في المدينة ودفن في البقيع وكفن في قميص النبي صلى الله عليه وسلم، العبرة بصلاح العمل وفساده، وعلى ورثته أن يبرئوا ذمته ويردوا الحق الذي عليه.

الشيخ محمود مداد

هو لما أقول على حد رخم وهو فعلاً رخم كده غيبة؟

ج/ نعم..

لإنه ميحبش إنك تقول عنه رخم حتى لو هو فعلا رخم.

(وهل يكب الناس في النار إلا حصائد ألسنتهم)

الشيخ محمد عبد الهادي

#بوصلة_حياة_المرأة

🌺سر السعادة🌺

الخطوة الخامسة في طريق السعادة والرضا عن الذات والراحة
هي أثرك
يعنى هنرجع لنفس نقطة بداية الكورس، ونرجع لإجابة السؤال اللي سألته السبوع الماضي👇
أنت مين وليه
السؤال اللي معظمكم جاوب عليه بشكل مختلف عن حقيقته.

تعالي أقولك أنت مين؟
أنت مسلمة ربنا خلقها لإعمار الكون
هتقولي لي بس أنا امرأة وده مش واجبي
مين قال كده ؟!
لا واجبك وواجب الرجل بس كل في مجاله، وفي إطار الحدود اللي ربنا سبحانه وتعالى وضعها ليك وليه.
إعمار الكون مش معناه إنك لازم تنزلي وتختلطي بالرجال .
اعمار الكون ممكن يكون بإعمار نفس بتقع.
بإعمار إنسان بإنك تقربيه لربنا.
بإعمار طفل بإنك تخليه ينشأ على حب الله.
بإعمار نفوس ولادك.
بإعمار بيتك بالخير.
بإعمار نفسك بإصلاحها دينيا ونفسيا وفكريا.
يا ترى عرفتِ أنت مين وليه؟
أنت خليفة الله في الأرض ربنا كرمك وخلقك إنسان
ربنا يريد لك الخير
يريد لك جنات الخلد
يا ترى أنت بتعيشي لغاية كبرى توصلك لجنات الخلد فعلا؟
بتعيشي لترك أثر
بتعيشي لإعمار الكون وإعمار النفوس
ولا عايشة بس تجرفي في عقلك وقلبك وسعادتك ونظرتك لنفسك؟
تعالي نشوف إجابة السؤال التاني 👇👇
فاكرة لما سألتك أنت مش مين وليه؟
أنت مش المرأة اللي عايشة تطبخ وتكنس وتمسح وبس- مع احترامي لكل ده - لإن ده من واجباتنا اللي بنؤجر عليها وبنعملها بحب وسعادة لإننا بنعملها لله ولإسعاد أهل بيتنا، ولإنها لا تنتقص ابدا من قدرنا ولكن أحنا مش الدور ده وبس.
أحنا لينا أدوار تانية مهمة زي ما دورنا ده مهم.
زي ما كنت بقولك أنت مش وظيفة بتتعرفي بيها .. أنت برضه رب بيت بس ربة بيت مثقفة، عاقلة، حكيمة، تعرف قدر نفسها وبتوظف قدراتها صح.
زي ما كنت بقولك أنت مش وظيفة بتتعرفي بيها أنت برضه مش مجرد جسم بيستمتع بيه الزوج وعايشة طول اليوم تفكري وتتفنني ازاي تعيش في دور نجوم الإغراء

كل ده جميل وواجبك تعفي زوجك وتحسي بأنوثتك بس برضه مش ده دورك في الحياة أنت دورك أكبر وأعمق
أنت مجموعة أدوار فمتهليش دور يطغى على دور تاني.
أنت مش مدرسة قاعدة تذاكر لولادها وتشخط فيهم وعاوزاهم يجيبوا اعلى الدرجات حتى لو على سبيل صحتهم النفسية
أنت مش بنك عمال يحوش في فلوس للمستقبل
أنت مش أنت طول ما أنت شايفة نفسك قليلة
وحشة
ملكيش لازمة
أنت مش كده ابدا
🌟أنت خليفة الله في الأرض
🌟أنت مخلوقة لإعمار الحياة وإضافة كل مقومات السعادة ليها
🌟أنت السكن والمودة والرحمة و الحنان والعطاء

يا ترى لسه واقفة مكانك ومش عاوزة يكون لك أثر؟
يا ترى لسه بتهدي في نفسك وشايفة إنك ولا حاجة ؟
أنت ولاحاجة فعلا لما تعوزي تكوني ولا حاجة
أنت ولا حاجة فعلا لما تقرري إنك تكوني ولا حاجة
أنت هتكوني مش أنت لما تقرري إنك تدوري في نفس الدوامة دي اللي أنت دايرة فيها.

كفاية بقا
كفاية هدم للذات
كفاية حياة بدون أثر
كفاية حياة مش مربوطة بالغاية الكبرى
كفاية كلام سلبي لنفسك🤦‍♀🤦‍♀
قومي
اتحركي🏃‍♀🏃‍♀
أحنا في نهاية البوصلة بس مش في نهاية الطريق أحنا في بدايته
يا ترى قررتي يكون لك أثر؟👣👣
يا ترى قررتي توقفي الحرب الداخلية اللي كلها هدم للذات؟🤔
ياريت فعلا تكوني قررتي تعملي كده لإنك وقتها هتحسي بالسعادة الحقيقية وبالرضا عن الذات وبالراحة وهتحسي إنك أنت هو أنت
هتحسي إنك الشخصية اللي ترضيك✅✅
مش هتحسي إنك لابسة قناع ومدارية هموم وأحزان خلف الأقنعة.😔😔

رضا الجنيدي
#بوصلة_حياة_المرأة

✍ كلنا راحلون ويبقى الأثر.. فلنترك أثرا قبل الرحيل.

صفحة المدربة والمستشارة الأسرية رضا الجنيدي على التلجرام
@Redaalgeneedy
صفحتنا على الفيس بوك
https://m.facebook.com/Reda.Geneedy

#سلسلة_من_غيب_لشهادة ١٩