YUNESKOning bosh konferentsiyasida O‘zbekiston Prezidenti Shavkat Mirziyoyev tomonidan ilgari  surilgan muhim tashabbuslardan biri – "YUNESKO ekologik poytaxti" (UNESCO Ecological Capital) dasturidir.

🟢Ushbu tashabbus “yashil” dasturlarni samarali amalga oshirayotgan shaharlarni qo‘llab-quvvatlashga qaratilgan.
✅ Bundan tashqari, davlatimiz rahbari YUNESKO Ijroiya Kengashining “Globallashuv va iqlim o‘zgarishlari sharoitida madaniy merosni asrab-avaylash bo‘yicha chora-tadbirlarni kuchaytirish to‘g‘risida”gi rezolyutsiyasini ishlab chiqish taklifini bildirildi. 

✅ Mazkur masala bo‘yicha Xiva shahrida iqlim o‘zgarishi sharoitida madaniy merosni muhofaza qilish bo‘yicha xalqaro simpozium o‘tkazish taklif etildi.

Prezident Sh.Mirziyoyev YUNESKOning “Jahon xotirasi” dasturi doirasida Xalqaro raqamli meros institutini tashkil etish tashabbusini ilgari surdi.

📌Bunday noyob meros ob'ektlari bo‘lgan xalq og‘zaki ijodiyoti, qo‘lyozmalar, arxivlar va qimmatli tarixiy hujjatlar, madaniy ma'lumotlarni saqlash, ularning barcha uchun ochiqligini ta'minlash maqsadida yaratilgan YUNESKOning “Jahon xotirasi” dasturini rivojlantirishdan manfaatdormiz, dedi davlatimiz rahbari.

✍️ Ushbu institut arxivlar, qo‘lyozmalar va nodir kollektsiyalarni raqamlashtirish bilan shug‘ullanadi.

Shu bilan birga, O‘zbekiston yetakchisi qadimiy Buxoro hunarmandchilik bo‘yicha YUNESKO Ijodkor shaharlar tarmog‘ining a'zosi ekanligini ta'kidlab, ushbu shaharda 2027 yili mazkur yo‘nalishda xalqaro kongressni qabul qilishga tayyorligini bildirdi.