ردآ على الصرخي واتباعه ☝️☝️

شال سيفه وعالنهر عباس غار
ومن هطر سيفه الخوذ جدحت نار
گلب يمنتها على اليسره ويگول
انه ابن حيدر ووارث ذو الفقار

سيفه مصايب  يسوي العجايب
وبسطرته   ايوكع الشوارب
من والده رس  من سيفه يهمس
فنه التكلم       الكل يمه تخنس

من عيونه لعيونه   بكل صفحه يلگونه
هو رعيد  هو صنديد

ابا الفظل ياعباس
ــــــــــــــــــــــــــــــــــــــــــــــــــــــ
حيره حيرها الگمر بيها يحوس
عله وجوه القاده بجدامه يدوس
ايترهدن من يطب مشيه اعلهون
ماذره اچفوفه يعوج بيها طوس

طگته عجيبه   الخزره مصيبه
من البعيد   الشارد يجيبه

مر سيفه حنظل   بكل طگه يثگل
سيفه مطيره     وعالرگبه هطّل

واللاحه بالسطره  يگطع بزر بزره
هو رعديد هو صنديد
ابا الفظل ياعباس
ــــــــــــــــــــــــــــــــــــــــــــــــــــــ
ابمحضره الزامط يجي وحلگه يشگ
ويعوج الدرعه اعله صدره من يطگ
الميت ومامش اثر بي من الفقار
بلمطهم داسه اخو زينب وميت منسحگ

كلمن جزه اعليه     ميت يخليه
والمنه شارد       بخزره ينهيه

زعله حلاله       بسيفه جماله
بتابوته يرجع    كلمن دناله

والخزرته عيونه   ميت يلاگونه
هو رعديد    هو صنديد
ابا الفظل ياعباس
ــــــــــــــــــــــــــــــــــــــــــــــــــــــ
(البراءه) لون يم زينب گعد
(الذاريات) الحب يطشهن والسعد
بس بلمعارچ تشوفه بالنزال
(القارعه) و(الزلزله) وصور(الرعد)

لحسينه يقره      يفديله نحره
عضدك نشده      بالخوه يقره

سورة وفاها       بالطف قراها
علشط ادينه      من گطعاها

(يانون)(ألم نشرح)   ذبحهم اتذبح
هو رعديد  هو صنديد
ابا الفظل ياعباس

مصطفى الحمداوي

مودع بالله حبيبي 😭