متنسوش ، الخائض ف أعراض الناس مُفلس يوم القيامة وإن صلّى وصام وقام وإعتمر.."

عارفه انك تعبان الفتره دي ، وعارفه انك ممكن تكون بتمر بأسوأ فتراتك ، وعارفاك انك مش قادر ، ودايما بتسأل نفسك سؤال ، طب اعمل أي؟ ، حابب اقولك انت لازم تفهم إن ربنا مش ضددك ، مش ضدد سعادتك ، ولا ضدد راحتك ، كل حاجه بتحصل معاك ربنا ليه حكمه فيها ، أوعي تفتكر ان ربنا ناسيك ، ربنا عالم بتعبك ، بحزنك ، بصعاب اللي بتمر بيها ، ربنا عالم بصعوبة حياتك الفتره دي ، عالم ان طاقتك شبه خلصت ، لكن خليك عارف برغم كل ده ، ربنا مستحيل يسيبك في موقف صعب عليك ، وقريب هتعرف الحكمة من اللي انت مريت بيه ، وصبرت عليه ، خليك عارف ان ربنا لما بيعوض بيخليك تنسي اي تعب او اي حزن مريت بيه

..


- للأسف الواحد بطل عنده حيل يكتب ولا يعبر عن الي بداخله من هول ما نعيش وما نرى !

- في كلام كتير ومشاهد كتيرة بشوفها بشكل يومي نفسي أنقلها وأعبر عنها ، لكن صدقاً الواحد بطل عارف يعبر عن المعاناة ولا قادر يكتب عن المآسي التي نعيشها ونراها !!

- بس بنقول الحمدلله على كل حال ..
اللهم إنا راضون عنك فارضَ عنا ..
تخلى عنا القريب والبعيد وليس لنا إلا أنت يا رحمن يا رحيم .. يا مغيث أغثنا ..يا مغيث أغثنا .. يا مغيث أغثنا .. 🤲🏻💔

من النهارده لحد يوم وقفه عرفات ادعي الادعيه دي مهمه اللهم لك الحمد كما ينبغي لجلال وجهك وعظيم سلطانك، اللهم اجعلني من عتقائك من النار في يوم عرفة."

"اللهم إنك عفوٌ كريمٌ تحب العفو فاعفُ عني، اللهم اجعلني ممن دعاك فأجبت، وتوكل عليك فكفيت، واستغفرك فغفرت له."

ربنا آتنا في الدنيا حسنة، وفي الآخرة حسنة، وقنا عذاب النار."

اللهم اجعل عملي كله صالحًا، واجعله لوجهك خالصًا، ولا تجعل لأحدٍ فيه شيئًا."

"اللهم اكتبني عندك من المقبولين، واغفر لي ولوالدي ولأهلي ولمن أحببت، واجمعني بهم في جنات النعيم."

يا رب إن كنت لا أستحق رحمتك فرحمتك أهلٌ أن تبلغني، اللهم لا تردني خائبًا في يوم عرفة، فأنت الكريم الذي لا يخيب من دعاك."

اللهم ثبت قلبي على دينك، ووفقني لما تحب وترضى، واغفر لي ما قدمت وما أخرت، وما أسررت وما أعلنت."

"اللهم اجعل هذا اليوم شفاءً لكل مريض، وفرجًا لكل مهموم، ورزقًا لكل محتاج، وهداية لكل ضال، وتوفيقًا لكل من دعاك."

"اللهم ارحم موتانا، واشفِ مرضانا، وفكّ أسرانا، واغنِ فقيرنا، واهدِ شبابنا، وانصرنا على من عادانا."

. "اللهم اجعلني ممن ينال شفاعة نبيك محمد صلى الله عليه وسلم، واسقني من حوضه شربةً لا أظمأ بعدها أبدًا

خليها على صفحتك عرف غيرك !

وعلشان ترجع ليها يوم عرفه تدعي بيها ♥️

أنا فقدت القدرة على المشاركة مبقتش اعرف احكي اي حاجة مضايقاني او اي حاجة مش مخلياني على راحتي اي عتاب اي زعل اي مشاعر سلبية بقيت احتفظ بيها لنفسي واعزل نفسي عن كل الناس وا pretend أن كل حاجة تمام، كل محاولاتي اني اتكلم بتفشل وبتتعبني اكتر.

‏معنديش طاقه، عندي حزن.

جميل..

الاسبوع الجاي في 3 خطب
خطبة الجمعة وخطبة عرفة وخطبة العيد
يارب يبقوا أربعة

بشتري حواوشي ففي بنوتة واقفة جنبي طلبت اتنين وبتتكلم في التلفون بتقول: (أنا جعانة بغباء مااكلتش طول اليوم فهجيب حواوشي عشان بحبه أوي ممكن أكل منه أربعة من حلاوته)

أنا خدت طلبي وهي خدت روحنا المترو والحاجة في شنطتنا لسة ماطلعنهاش يعني مش عاملة ريحة اصلا
لاقينا بنت شكلها ١٣ سنة بتتكلم مع مامتها: نفسي مرة ناكل كفتة أو أي حاجة من اللي بنشم ريحتها دي ومش بنشوفها، مامتها شتمتها وقالت لها وطي صوتك هنجيب شيبسي واحنا ماشيين، أنا الكلمة فطرت قلبي أقسم بالله

لقيت البنت اللي اشترت جنبي وكانت هتموت من الجوع طلعت الكيس كله من غير ماتفتحه ولا تاكل منه حتة وراحت مديهالهم وقالت بالنص للصغنونة: أنتِ بنت حلال أنا كلت وشبعت أوي وكنت بقول حرام يترموا كدة، والبنت كانت هتموت من الفرحة ورب الكعبة لمعة عنيها خطفت قلبي
البنت عشان ماتحرجهمش راحت آخر العربية بعيد عنهم

روحت وراها عشان ناكل سوا (أنا كنت شارية واحد) بكل أريحية كلنا نص رغيف كل واحدة وشبعنا جامد جداااا
ولاقيتني وأنا نازلة بحضنها وبتقولي شبعت كأني آكلة ألف واحد ❤❤❤

(لن تنالوا البر حتى تنفقوا مما تحبون)
"الخير في أمتي إلى يوم الدين"

" لا أعلم ما فى بيوتكم ، و لكني أسأل الله ، إن كان فيها "مريضاً" أن يمن عليه بالشفاء العاجل ، وإن كان فيها "مهموماً" أن يفرج همه ، وإن كان فيها "مديوناً" أن يقضي دينه ، وإن كان فيها "مُبتلاً" أن يعافيه ، وإن كان فيها "معيوناً" أن يبطل العين التي أصابته ، و إن كان فيها "ميتاً" أن يرحم موتانا وموتاكم ويجمعنا بهم في الفردوس الأعلى، يآرب العالمين .."

صباح الخير احب افكركم بأنه:
لا يجتاز الإنسان منّا أيّامه الصعبة بقدر ثباته بل بقدر يقينه بالله، ولا ينجح بقدر سعيه بل بقدر توفيقه من الله، ولا يأمن قلبه ولا يأنس بوجود أحد بقدر أُنسه بالله.

ولا معنى لأي شيء دون الافتقار إلى الله والانكسار له، فاصلح لنا شئننا كله ولا تكلنا إلى أنفسنا طرفة عين يارب.

••
تم حذف الرسالة.

في أدبيّات التواصل في هذا العصر الرقمي، يختبئ خلقٌ دقيق غاب عن وعي كثيرين: أدب التغافل عن الرسائل المحذوفة، فمن الناس من يكتب، ثم يستدرك، فيحذف؛ لا هروبًا ولا مواربة، بل لأن بصيرته نبّهته أن ما كُتب لا يليق أن يُرى، أو أن توقيته قد فات، أو أن العبارة خانت المعنى الذي أراد، وربما كان ذوقاً خفيّ، أو تردّد نبيل.

فلا يكن حرصك على ما حُذف أشد من حرص كاتبه على ألا يُرى، ولا تلبس نظارة المحقق وأنت تقف على أطلال رسالة لم تشأ أقدار الله أن تُقرأ، فلا نُفسد جمال الحذف بفضول السؤال 📌

اليوم الي هتموت فيه مش هيكون مميز !
هتصحى الصبح عادي خالص زي كل يوم تاكل وتشرب وتهزر وفي لحظة هتموت ..
الفكرة أن عادي خالص اليوم بيكمل وبعد م بيدفنوك الي وراه حاجه بيروح يعملها والناس بتروح تنام عشان تصحى الصبح تاكل وتشرب وتهزر ..
مفيش تغير كبير هيحصل بفقدك في العالم .. في البلد .. في الأسرة ، حتى عم ياسر البقال هيفتح تاني يوم عادي جدا بغض النظر عن العزا بتاعك !
كل شئ هيستمر عادي خالص
اصل مش مهم يعني والحي ابقى من الميت وكدا
انت بس الي حياتك هتتغير تغير جذري ..
محدش هيسند معاك اليوم الفارق دا !
اشتغل ليوم موتك ⁦💙'

لبيكَ وَإِن قست القلوب ، لبيكَ وَإِن فاضت الذنوب ، لبيكَ إنَّا عائِدُون ، تائِبُون ، نادِمُون ...
"لبيّك إنّا مُتعبون ، اجبُرنا كأننا لم نرى حُزناً 🤍

*دڪتور حازم شومـــان قال :*

*لو ربنا ڪشف لينا القبور دي..
*قلوبنا هترتجف ورؤوسنا هتشيب.!*
*جهنَّــم مش لعبة .. جهنَّـم مش حريقة .. جهنَّـم مش نار هتولع وهتطفي ..*
*"جهنَّـم دي أخطر تهديد لـ مصيـرك"
*المقابر هي القطعة الوحيدة من الآخرة الِ موجودة على الأرض.!

*`مش هنفوق بقا

لا تجلس صامتًا
"سبّح، هلّل، كبّر"
فأنتَ في أفضل أيام الدنيا على الإطلاق.

-

فيـه حاجـة بدعـي بيهـا كتيـر وقلبـي معلـق بيهـا بشـدة ، لـو ربنـا ﷻ استجـاب لـي وحصلـت و وُفِقـت لهـا، هكـون سعيـد جِـدًا جِـدًا جِـدًا واللهِ!
فـ أنـا جاي اطلـب منكـم الدُّعـاء، أن يقضـي الله حاجتـي ويـدنُ لـي مُـرادي ويجعلـه حقيقـة🤍..
http://ma7hmoudgamal82.sarhne.com

بتجيلك فترة تحس إنك بتكره نفسك وشايف إنك مش كويس وتصرفاتك كُلها وحشة وإنك مش عايز تكمل حياتك بالمنظر دا ومحتاج تتغير ، بتحس إنك أنت بس اللي بتغلط رغم إن مفيش بني أدم معصوم من الخطأ وكلنا بنغلط ،
بلاش تيجي علي نفسك وتلوم علي نفسك زيادة ، ربنا غفور رحيم إحساسك بالذنب دا جزء كبير فـِ تعليمك إنك غلط ومحتاج تبقي أحسن ربنا بيسامح وأنت بتتعلم مهما كانت غلطاتك ربنا حاسس بيك وهيسمعك ، بلاش تفضل تفكر فِـ إمبارح كنت إزاي وتصرفاتك كانت إزاي وبلاش تسمع لكلام الناس عشان كلام الناس فعلاً بيهد البني أدم نفسياً إتعلم وإتغير لنفسك وخليك واثق إنك مش متأخر ، إبدأ إنك تشوف أي وحش فيك وتغيره مهما كانت تصرفاتك ، البداية قدامك ركز فِـ اللي عايز توصله و إنسي إمبارح وربنا عمره ما هيسيبك ."❤️✨

في يوم عرفه

اللهم اغفر لابي و ارحمه واجعله من اهل الجنة ♥️🙂