Баъзи  туйғулар  асл  туйғуларни англаш  учун, холос.
Ўзингизни  асл  туйғулар  учун асранг!

Шуҳрат  ОРИФ

Сен тонгда уйғондинг. Газга қўйдинг чой.
Бу меҳр мен учун эмас, ҳойнаҳой.

Сен оппоқ кўйлакка урасан дазмол.
Бу ишни мен учун қилмоғинг - маҳол.

Уйни супирасан, поклайсан чангдан.
Супириб отмайсан мени бу ғамдан.

Овқат пиширасан. Мўл-кўл дастурхон...
Овқатингни мақтар ўзга бир инсон.

Болангнинг кўзига боқиб тўймайсан.
Сен менинг боламни ўпиб қўймайсан.

Аммо ёлғиз қолсанг эгилар бошинг -
Кўзингдан сўрамай оқади ёшинг.

Мени соғиндингми? Куйдингми?.. Раҳмат!..
Кўз ёшинг меники, кўз ёшинг фақат...

Усмон Азим

Ba'zan bolalikdagi bezorilik qilib yurgan damlarimga qaytgim keladi.
Axir shikastlangan qalbdan ko'ra, shilingan tizzaning bitishi osonroq...

© Anton Chexov