نزله للعباس عليه السلام

شــال الرايه ____ شــال الرايه
طب للحومه ____ وشال الرايه
_____________________
بــالطــف نــازل مـثل الآيــه
يـلمع وجــهه چــنّـه مــرايه
گاصد صوب الشاطي ومايه
وفــوگ الـراس تــرف الـرايه

يـمشي بزوده ____ يـمشي بزوده
داس خشوم ____ ويمشي بزوده
______
طگ ظهر الخيل الراكبها
وجـيوش الظـالم يرعبها
يـخبط ويّــصفي ويگلبها
والسهله أعـليهم صعّبها

منهو إيگدره ____ منهو إيگدره
لو سل سيفه ____ منهو يگدره
______
من طب عباس الميدانه
محد ظل واكـف بمچانه
والشـمر أنخطفت ألوانه
من شافه يچردف بردانه

ماجر سـيفه ____ ماجر سـيفه
بس أتخوصر ____ ماجر سيفه
______
عباس إلي يـكرم ضـيفه
حــار ولا مـا يبرد سـيفه
ويـصيد العـدوان بكيفه
هـذا يقتله وذاكه يعيفه

ماظل واحـد ____ ماظل واحد
من طب ليهم____ماظل واحد
______
بــكيفه يــقاتل عــم السـاده
ويّــدور بـــس أعــله القــاده
شگد صاح أعله الشمر وناده
ضـمها الروحـه أبـين أسـياده

حـتى أخـياله ____ حـتى أخـياله
هم ضم روحه ____ حتى أخياله
______
آلآف أصــطـفت لقــتاله
عـسكر وجـيوش وخـياله
ماحط كل هالجيش أباله
بـس دوّر عـاليزعم خـاله

يصرخ ويـنه ____ يصرخ وينه
اليزعم خالي ____ يصرخ وينه
______
من حيدر ماخذ هـالشمره
مــن يـقتل واحـد مـيغدره
لا مــهزوم ودايـــر ظـــهره
بس يعميها العينه بسطره

ثگل چفوفه ____ ثگل چفوفه
أجبال أتـهد ____ ثگل چفوفه
____________________
الشاعر (اسعد قاسم الگريعاوي)

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tg-me.com/ahmed_alziwar1