رؤية هلال محرم ..

أسمع المـاي .... على حسين على حسين
يلطم اوياي .... على حسين على حسين

سال الدمع سال من شفت الِـهْلال
يلطـم اويــــاي
ـــــــــــــــــــــــــــــــــــــــــــــــــــــــــــــــــــــ

أنـا بگـلبي تعــيش أحـزان عاشـــور
وإذا ألطــم وانـوح اعليك معــــذور
أنا بطوعي هويـتـك موش مجـبـور
حزنت اعله المصيبه وغيري مسرور

آنـــه حــزنـان ...... على حسين على حسين
وغيري فرحان ..... على حسين على حسين

وِتكــدَّر الحـال من شفت الهلال
يلطم اوياي على حسين على حسين
ــــــــــــــــــــــــــــــــــــــــــــــــــــــــــــــ

أنـوح اوحـســرتي وي زينب اتـزود
شــفـتها اتعـاتب الكافـل عل اوعود
طفـل مشبوحه ظلَّت عينه عالجود
ورقـيه اتصـــيح عمي ليمت اتعـود

طال الغياب ....... على حسين على حسين
والگلب ذاب ....... على حسين على حسين

اتذكرت الأطفال من شفت الهلال
يلطم اوياي على حسين على حسين
ــــــــــــــــــــــــــــــــــــــــــــــــــــــــــــــــ

وســط عيني تبات اشـــموع جـسّــام
اوتـفـززني امن أنـام أصـوات الأيـتام
إلبـگـلبـــه جـرح مايگــــــــــدر إيـنـام
چــوَت گـلبـي حـرارة نـار الخــــــيـام

گلبي مجـروح .... على حسين على حسين
يبجي وينـوح .... على حسين على حسين

يبچـيله لازال من شفت الهلال
يلطم اوياي على حسين على حسين
ــــــــــــــــــــــــــــــــــــــــــــــــــــــــــــــــــ

خـيـم محـترگه واســمع بس الِصـياح
يبو الغـيره الخـــدر وي روحـتـك راح
تعـال حســـين أخـوك امن المهر طاح
رحت يمه وشـفـت يـم راســــه ذبّـاح

لازم السـيف ..... على حسين على حسين
يا ألف حيف ..... على حسين على حسين

گطعني أوصال من شفت الهلال
يلطم اوياي على حسين على حسين
ـــــــــــــــــــــــــــــــــــــــــــــــــــــــــــــــــــــ

شفـت الشِــــمِـر قـابـض بيـــده شيبه
ضحـك من شـافـني بهاي المصـــــيبه
صحـت عـبـاس أخوي امنـين أجـيـبه
أريـده ايشـوف حـال إخـتــه الغـريبه

خويه عباس ..... على حسين على حسين
دارت الناس ..... على حسين على حسين

وَدعت الأبطال من شفت الهلال
يلطم اوياي على حسين على حسين
_

خادم الحسين ع
مرتجى الحسَّاني

07819457321

خادم الزهراء مرتجى الحسَّاني
يازينب إنتي أول ( نهر )    تروينه بس عطشانه !!
https://www.tg-me.com/asaadshaker

بذيات ل استشهاد السيد الشهيد محمد محمد صادق الصدر قدس سره


بذكر موتك امر لجلك   صـدرنه
انوشل العين ونـــورّم   صـدرنه
يتامى اصبحنه يمحمد  صدرنه

عگب عينك يبو النفس الزكيه
ــــــــــــــــــــــــــــــــــــــــــــــــــ
اسير ابحر منّ الــــــحزن   وجري
واهل ادموع عيني اعليك   وجري
صحت يا نار وسط الگلب  وجري

على محمد او ولده بهالمسيه
ــــــــــــــــــــــــــــــــــــــــــــــــــ
عسه يومك عليّ  لا عــــاد   لاحان
رماني اسهام وسط الگلب  لا حان
قاسي وما رحمني وعليّ   لا حان

وخلّه اجگد اثر وجروح بيه
ــــــــــــــــــــــــــــــــــــــــــــــــــ

علي كاظم المنصوري

مرتاح خادم صرت  ما سحگو عظامي
محد  ذبحلي  طفل   لا شهگ  گدامي
لا بنتي شافت  سبي
لا مشت  وي  اجنبي
لا عندي مثل الگمر  يم  النهر ضامي

****

مولاي حيل اعتذر  ،، آنه  الذي قصرت
ما ميت لهسه
أذكر مصابك واون ،،  واحترگ ساعه وتمر  ،، والنوب ارد انسه

تلطم  چفوفي  ويظل  سالم ضلع  بيه
لو صدگ  خادم  الك چا جثتي مدميه
ما  موت  كلش  صلف بالحومه علويه
كافلهه   ظل   علنهر   ودوهه   مسبيه

شماله النفس بالصدر  مو حرگو  الخيمه
ركضن  بنات النبي  من  الهيمه  للهيمه
راس  الحسين  برمح
منذبح  يم     منذبح
الخادم اذا من  صدگ  يستشهد بضيمه
شماله النفس بالصدر  مو حرگو  الخيمه

**

متعوب من الشمس ،، وسيوف تاكل نحر ،، وام عون علتله
والنار يم الخيم ،، لحظات يبدي السبي ،،  وتبين  الخله

كل  هذا  وانته  نهر   والرحمه  بعيونك
خايف  عليهم  چنت  ذوله  اليذبحونك
الگطعو عليك الدرب دبچو على متونك
جمعو   حجر  كربله   ورادو   يدفنونك

من السيف حز  النحر  قد حان موعدهه 
وانته    التدگ    علارض   بيدك  تثبتهه
اهتز  العرش  للخبر
والدم  نزل   بالمطر
طبگت سمى اعله الارض بس انته ساندهه
من السيف  حز النحر  قد  حان موعدهه

**

وين انه من خدمتك ،، وانحسب من الخدم ،،  شوما عمت عيني
مبتعد ناسي وضعت ،، بالدنيا دمعه بنهر
،،  وارجع  تخليني

حاسبني  من عيلتك  يل عيلتك  بالبر
يل جمعتني   بتعب  بالحومه   تتطشر
دليني   درب   العدل    ليهسه    آتعثر
ساعدني   يابو  علي   والله   ما  أگدر

ناكر  جميل وأظل  كل  چلمة ما  عندي
وارجع وازورك   دمع بالحضره  متبدي
سامحني والله اعتذر
جيت  بگلب   منكسر
مو   خادم   وزايرك  لا   واگف  مجدي
ناكر جميل  واظل  كل  چلمه ما عندي

****

الله   يا    عالمك ،،  يلعزبت بالطفل ،
وخيامك ونحرك
تشفعلي يا سيدي ،،  والثمن حرگ العبي  ،، والدوس البصدرك

شبعن  بناتك  عطش  والرمل  يچويهن
نسوان    يا سيدي    محد      يباريهن
مو   ماي   رادن  هوى   يمك   يوديهن
المفروض من حرگتي مستشهد اعليهن
 

لو   عندي   أم  وأخت  مسبيه   وياهن
لو بنتي ماتت سحگ  چا أگدر انساهن؟
معقول    لو   بالحلم
يا   ااااخ   ما   تنفهم
للشام   تالي  الدهر   يحسين    وداهن
لو عندي  أم   واخت   مسبيه    وياهن

****

مطروح فوگ الرمل ،، ورماح ويه الحجر  ،، ما رحمن ضلوعك
تنذبح من القفى ،، وتفكيرك بشيعتك ،،
فهمني  موضوعك ؟؟

عطشان  يابس چبد  وسكينه  عطشانه
بنتك  رقيه   انتهت   مهمومه    ذبلانه
يلودعت   عيلتك  بس    باقي    ويانه 
بالدنيا  هم  باللحد   حاشاك    تنسانه

بيوم القيامه العطش  ضامي بظهر ضامي
والشيعه  تشرب  عذب  يالواهب الدامي
بالگبر       يمي    تظل
يمشون  كل      الاهل
هنيالي    يابو علي  والگاك    گدامي
بيوم  القيامه العطش ضامي بظهر ضامي

**

كلمات الخادم/   رعد الفريجي

رحت امي وفاركتني.     ونوايب.حاوطتني
صحت للموت الخذاهه.   فدوه اخذ روحي وراهه
رحت امي.  راحت امي

توسلت بالموت ارجع.  . يالخذت مني الزجيه
انا وامي بروح وحـــده    نعيش نتفارك سويه
والله من غمضت جفنها  مابفى شي صاحي بيه
وكمت احس بالكاع زغرت.  والسمه طبكت عليه

امي راحت راح كلشي.وينعشهه احلامي تمشي
يالخذت منه ضوهه.  فدوه اخذ روحي وراهه
رحت امي.  راحت امي



امي قارورة محنه.  من النعش ريحتها فاحت
والف خيعون المكابر.    تشبع بعطر امي راحت
يمه نجمه اخلاف عينج .زينب وعالكاع طاحت
وبكثر مابيه لچمه.  روحي اعله الموت صاحت

يالجيت ويتمتني.   وي دلالي فاركتني
امي ماعيش بجفاهه.   فدوه اخذ روحي وراهه
راحت امي.  راحت امي




شمحله دورتنا عليها.   جنه من نڰعد سويه
وامنه اتـــوزع محنه       اعلينه وكت المغربيه
زينب تگلي انتي روحي   والحسن عيني ضويه
والحسين انياط كلبي.    وهوه دم  اليمشي بيه

.ماكو مثل امي تحبنه تروح وترجع تشمنه
يالكطع عني هواهه.    فدوه اخذ روحي وراهه
رحت امي.  راحت امي



امي خيمه عله اليتامه.   جانت مفصله حضنهه
وكل يتيم اليفكد امه  تحسبه امي حساب ابنهه
تحرس امي اعله اليتامه.تكول جنهم قطعه منهه
وقبل لاتفتر عليهم.     والله مايغمض جفنهه

دموعه عليهم تلالي  وكل يتيم اعله امي غالي.  
ونت الفقره بعزاهه.    فدوه اخذ روحي وراهه
رحت امي.  راحت امي



عد ابونه شكد عزيزه  حيل مكسور الفكدهه
وحيله مايگدر يعينه . وظهره قوس من بعدهه
يكلهه يم بيتي وغلاتيج.   الدنيه بعدج طلگتهه
وكون مو روحج يزهره. روحي هاي الي ادفنتهه

عليهه مابطل آنينه  وففزز الموته بونينه
بروحه لو ترضه شتراهه    فدوه اخذ روحي وراهه
رحت امي.  راحت امي

خادم الزهراء ع ابو احمد الطائي

متى الفرج:
قصائد العليله ع

أنه يمهم والدمع بعيوني
شلون لوباجر هلي ايعوفوني.      عمه زينب.  
عمه زينب


بدمعي اجيتچ يالعقيله.   الغوث ياأم الخدر
اوداخله اعله الله اوعليج    الروحتي اتسهلي الامر
عمه شوفي اشصار بيّه       اوكلبي شيب ونفطر
او كمت أجر  بجدامي گوه     اوجني مو باول عمر
انتي يمي او دم تسيل  أجفوني
شلون لو باجر هلي ايعوفوني
                           عمه زينب.      عمه زينب


باجر أتسير الغوالي.    او وحدي أضلّ متحيره
اوكلبي مايهده يعمه.    اوبيش أصبره اعله الجره
لو رحلتو تعمه  عيني .         وبيتي يصبح مكبره
وانه من هسه اوغلاتچ.      روحي نار اموجره
شوفي حالي وخلهم ايرحموني
  شلون لو باجر هلي ايعوفوني
    عمه زينب.      عمه زينب

عمه من هسه أنيني.         اونوحي ذابح مهجتي
وشتعل كلبي بحنيني   اوصرختي  اتهزت دنيتي
بعد ماضل عندي غيرچ.  .   ياغياثي او رجوتي
وين اروحن واني اهلي.        كـــــــبرو هـــم علتي
ذبل غصني اوبعد ماهجروني
شلون لو باجر هلي ايعوفوني
     عمه زينب.      عمه زينب


سرجو اكبالي المحامل.     وبين بروحي الزعل
اورحت ياعمه الكفيلج        واعتذرني او ماكفل 
عمه شنهو  وليش،أنه         ترحل احبابي بعجل
ودمي دمكم يالغريبه         وانه بتكم ليش،اضل
انكسر گلبي وشيب اويه جفوني
   شلون لو باجر هلي ايعوفوني
      عمه زينب.      عمه زينب



وين اروح بهذا همي.    واشتكي حملي الثكيل
اوكلبي فرفح من عذابه.     اوصاح يازينب دخيل
عمه تدرين الليالي            وكحه يـــرادلها حيل
       والسهر طبعه الأذيه.       وابد مايرحم عليل
الحمل هدني وگوه اشيل امتوني
    شلون لو باجر هلي ايعوفوني
عمه زينب.      عمه زينب

اصياح ياعمه اصيح   وبسمج اندب واستجير
انعميت اوتاه فكري  وحگ ضلع امنه الكسير
همي غطه الدنيه كلهه.   اوزاد عالكون الجبير
اوعمه والعباس عمي     دربي ماشوفه امن أسير

ابناري اشب اوكلـكم تشوفوني
شلون لو باجر هلي ايعوفوني
عمه زينب.      عمه زينب


خادم الزهراء ع ابو احمد الطائي

https://www.tg-me.com/asaadshaker

عمه زينب 🥲

لطميه  ثكيله عن لسان  للعليلة ع

بسلامه  /  تعود ياضعن الحبايب بسلامه
بسلامه  /  وترجع   عليه   يغايب بسلامه

بسلامه      بسلامه
................

بويه اضل ادعي الك ليلي ونهاري
وبصلاتي  ادعي ربي بدمع  جاري
ربي عندك اشتكي ضيمي ومراري
راحو احبابي ومشو واظلمت داري

بسلامه / اندعي والكلب ذايب بسلامه
بسلامه / تعود  ياضعن الحبايب بسلامه
..............
اندعي ياربي ردهم خل يعودون
ناذره عيوني اطشها لو  يردون
يرد ياظعن النوده اكبال العيون
وترد جمعات الاهل لمن يكعدون

بسلامه  / والدمع بعيوني ساجب بسلامه
بسلامه  / تعود  ياضعن الحبايب بسلامه
..........
الدمع بعيوني يهل ماكطع مجراه
لمن يعود  زماني اوجهك  الكاه
حسين يرجع للمنازل واكعد وياه
اشتاك كلبي وعنت عليه  حجاياه

بسلامه / ايعودكم دهر النوايب بسلامه
بسلامه / تعود  ياضعن الحبايب بسلامه
............
يادهر رووف عله حالي ورجع اهلي
المرض سلاني وبعد وحشت محلي
هم  تلم   جمعاتهم    بالنزل     كلي
والله  صعب غيابهم ياروحي سلي

بسلامه / وماتشوفون  المصايب بسلامه
بسلامه /  اتعود  ياظعن الحبايب بسلامه
............
سالم اترد يابعد عيني ونظرها
مساهره وجياتكم كلبي نطرها
العين ذبلت يالاحبايب من سهرها
تموت روحي لوصل منكم  خبرها

بسلامه/اسم الله من نوم الترايب بسلامه
بسلامه / تعود ياظعن الحبايب بسلامه
............

✍ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي العلويه الجزء السادس

https://www.tg-me.com/asaadshaker

بالسلامه 💔تعود ياضعن الحبايب

من يجي الليل أشم ريحة هلي
من يجي الليل تون روحي إلي
،،،،،،،،،،،،،،،،،،،،،،،،،،،،،،
من يجي الليل ابات اويل جرح
تالي لظنون أحس مابي ربح
والله بحشاي تحز طعنة رمح
تمرد الروح لحد وجه الصبح

إهمومك الطف أبد ما تنجلي
،،،،،،،،،،،،،،،،،،،،،،،،،،،،،
علدهر أوف خذه خير الزلم
أشسوه بلطف عند الله العلم
حره وإشلون. أعيشن بالالم
ماهو إحسين ولا راعي العلم

تالي ما تالي خرايب منزلي
،،،،،،،،،،،،،،،،،،،،،،،،،،
سلوه وياي بقت دمعة حزن
وسط إلعيون تدور إو ماتچن
من سببهه صفه ظلمه الزمن
تجري عل خد. وحس روحي تحن

وبهوى الراح دليلي يبتلي
،،،،،،،،،،،،،،،،،،،،،،،،،،،،،
يازمن ليش على زينب. درت
تعرف اشلون عله احبابي حرت
انته وعداي اشوفك شو صرت
وين الحسين إله عيني جرت

إبنار إلفراگ دليلي ينصلي
،،،،،،،،،،،،،،،،،،،،،،،،،،،،،،،،،
✍ حيدر ناصر شداد
الاربعاء 8/7/2020

تدري مغلق باب كلبي     بس الك فاتح  حنانه
بكلبي   كاتبلك  عبارة    تدخل انته واطلع أنه
                      يا أبا عبد الله
١-
دخيلك يا وكت  رد بيه  لو عامين
اريد اشبع  لطم  ورتاح  يم حسين
بعد بيه بجي وشوغات مال سنين
عمري شويه  وهواي الدمع بالعين

عوف صدرك وخذ صدري    وكسر ضلوعي بمجانه
بكلبي      كاتبلك    عباره     تدخل انته  واطلع أنه
                          يا أبا عبد الله

٢-
بعدني  اشتم  هوه   وبالنار ما  محروك
ولا  عندي  جرح  لا   باجي  لا   مخنوك
شحال  العده  اخت  باجر تطب  للسوك
كون من ابجي لجل حسين ابجي النوك

الخادم كبال اليخدمه    واجب   يكصر  لسانه
بكلبي   كاتبلك  عباره    تدخل انته واطلع أنه
                      يا أبا عبد الله

٣
ارتبك واعثر  وكومن من يمر طاريك
شغل ما عندي  كاعد   بس افكر بيك
شنو رايك كمت من عندي اغار عليك
اطلع ومشي  ورجع  وأنه  ما ناسيك

شعدنه يحسين احنه غيرك    صعبه ننسه المانسانه
بكلبي       كاتبلك     عباره    تدخل أنته  واطلع أنه
                         يا أبا عبد الله

٤-
شنهي  الدنيا  إذا ماكو  لطم وجروح
المن  عايش  ومحبوب ما بيه  روح
انه المفروض اكضي الليل هم ونوح
لحسين   الكلب  ولغيره ما  مسموح

الكلب محجوز لغرامك     انته  يا  سيد  سمانه
بكلبي   كاتبلك   عباره     تدخل انته واطلع انه
                      يا أبا عبد الله
٥-
انه    اتمنه    العمر باجر   يرد   اردود
اريد اشبع  لطم  والله   اللطم   مريود
لتخاف اعله جسمك هوه حصت الدود
تنفعك   بالكبر     باجر   ثياب   السود

ابد ما  ينفع   غرورك     يلي ما  تحضر  عزانه
بكلبي  كاتبلك عباره      تدخل انته واطلع أنه
                     يا أبا عبد الله

____
حسين عبد الجليل المالكي