لما النتيجة ترضي، والنجاح يتحقق، لما الحلم يولّي حقيقة، ولما الذات تثبت للذات قبل الكل؛ حتكون ممتن وراضي وحابب كُل التعب السهر القلق والدموع اللي خلوك تكون أنت بالشكل اللي عليه بعدين.. ماتستسلمش🤎.
اللحظة الفاصلة
الضباب اللي بعد زواله حتبان ملامح الطريق
خيارات أحني الوحيدين اللي نقدروا
نختاروا الصح منها؛
نختاروا اللي يناسبنا نختاروا اللي نحبوه...
ولإن المستقبل صناعة الحاضر
ولإن الحاضر بين يدينا موجودٌ ماتفوتوش عليكم الفرصة..
عافروا وماتستلموش🤎.
الضباب اللي بعد زواله حتبان ملامح الطريق
خيارات أحني الوحيدين اللي نقدروا
نختاروا الصح منها؛
نختاروا اللي يناسبنا نختاروا اللي نحبوه...
ولإن المستقبل صناعة الحاضر
ولإن الحاضر بين يدينا موجودٌ ماتفوتوش عليكم الفرصة..
عافروا وماتستلموش🤎.
شخص حُضوره طاغي، وقع تأثيره على النفوس ديما آخاذ، شساعة روحه عالم ثاني وسط هالعالم؛ كل من قرر يغوص في عُمق معالمه ويبحث في ثنايا تضاريسه حيتكتشف نوع فريد من الفن، حيحس الدفي وحيستشعر رقة القلب، حتبانله القوة وحيوقف مذهول قدام حبكة هالتوازن. شخص خفيف الظل، ليّن العِشرة، باذخ اللطافة، نقي السريرة، معاه وجنبه حتجزم بإنصاف الدنيا وحتشكرها على إهدائها ليك شَخص قادِر تكون في قربه حقيقي؛ وهذه الحقيقة.
(حلوة وبتحلّي أي مكان وتنوره، والله ماتلاقوا زيها لفوا الدنيا ودوروا)
بلا تكلف حضورها باين تأثيره، وبالفطرة رونق شخصيتها واخد من كل مفاتن الكون حصة، بهاء روحها مداير هالة دافية واصل مفعولها للكل، مخلية كل من تحسس لذه هالقرب يسأل نفسه: هو فيه منها اثنين؟
(دي جمالها معدي، واللي يشوفه بيقدره)
وحدة من حقائق المجتمعات أن جمال التقاسيم مُقدس عند العامة.نقطة مقدرتش نكمل معرفتش شن نكتب.
(مابتدلعشي مهي دلوعة لوحدها، الرقة ياناس رباني)
كشخص كامل الاوصاف(الكمال لله) أكيد هي مش محتاجة تتلبس وتحلق خارج هويتها، ولقوة التأثير زي ماقلت فوق مخلية مرة ثانية الكُل يجزم على أن الدلال والرقة سمات فطرية فيها.
(أنا مش حتكلم، أنا رافع إيدي مسلّم، القدي ياناس يدرس، منو الغزلان تتعلم).
بالضبط هكي، إمرأة بهذا الكيان صعب تنصفها اللغة وتوصفها الحُروف، ولهذا السبب حتى أني حطيت القلم ورفعت إيدي.
(كلام بلا وجهة).
(غزل مع حماقي).
بلا تكلف حضورها باين تأثيره، وبالفطرة رونق شخصيتها واخد من كل مفاتن الكون حصة، بهاء روحها مداير هالة دافية واصل مفعولها للكل، مخلية كل من تحسس لذه هالقرب يسأل نفسه: هو فيه منها اثنين؟
(دي جمالها معدي، واللي يشوفه بيقدره)
وحدة من حقائق المجتمعات أن جمال التقاسيم مُقدس عند العامة.نقطة مقدرتش نكمل معرفتش شن نكتب.
(مابتدلعشي مهي دلوعة لوحدها، الرقة ياناس رباني)
كشخص كامل الاوصاف(الكمال لله) أكيد هي مش محتاجة تتلبس وتحلق خارج هويتها، ولقوة التأثير زي ماقلت فوق مخلية مرة ثانية الكُل يجزم على أن الدلال والرقة سمات فطرية فيها.
(أنا مش حتكلم، أنا رافع إيدي مسلّم، القدي ياناس يدرس، منو الغزلان تتعلم).
بالضبط هكي، إمرأة بهذا الكيان صعب تنصفها اللغة وتوصفها الحُروف، ولهذا السبب حتى أني حطيت القلم ورفعت إيدي.
(كلام بلا وجهة).
(غزل مع حماقي).
أطمس صوت الحروب وعلّي صوت حُبنا... بمشوار سيارة تحت ليلها مافيهاش قمر
(ببساطة لإن القمر مقعمز جنبك)
(أووو من وين كل هالثقة؟)
(من حُبك واضحة يعني)
(ديما ذاهبة شيرتي)
(لإنك تحبني)
(واقع،
لكن شن دخل؟)
(قالت جُمان فريد: الحب ذهاب شيرة)
(اممممم ..)
معضد الكعبي:(عليها عيون فداها الكون ...)
(بالمُناسبة نحب عيونِك راه)
(وأني نحبك أنتَ)
(بالرسمي حالفة على ذهاب شيرتي)
(هههههه الحب قلنالك معش تعاود الدوه. أنهي خلاص)
(شني اللي بننهيه؟)
(النص النص)
(نص شني؟)
(منعرفش المهم نص زي كل مرة يعني، نرتب في أفكاره بنروح بنكتبه)
(باهي شني نقول؟ نقول نحبك؟)
(اي اي قولها نحب نسمعها)
(ديما نحبك)
(أحلى ختام)
شارع ما/وطن حنون.
(ببساطة لإن القمر مقعمز جنبك)
(أووو من وين كل هالثقة؟)
(من حُبك واضحة يعني)
(ديما ذاهبة شيرتي)
(لإنك تحبني)
(واقع،
لكن شن دخل؟)
(قالت جُمان فريد: الحب ذهاب شيرة)
(اممممم ..)
معضد الكعبي:(عليها عيون فداها الكون ...)
(بالمُناسبة نحب عيونِك راه)
(وأني نحبك أنتَ)
(بالرسمي حالفة على ذهاب شيرتي)
(هههههه الحب قلنالك معش تعاود الدوه. أنهي خلاص)
(شني اللي بننهيه؟)
(النص النص)
(نص شني؟)
(منعرفش المهم نص زي كل مرة يعني، نرتب في أفكاره بنروح بنكتبه)
(باهي شني نقول؟ نقول نحبك؟)
(اي اي قولها نحب نسمعها)
(ديما نحبك)
(أحلى ختام)
شارع ما/وطن حنون.
قلبين
على قساوة الدنيا قادرين
ومُرها محليين ...
في قلوب بعضهم عايشيين؛
وببعضهم مكتفيين
بشئ واحد مقتنعين:
أن الحياة مش حتقدملهم إلا الزين
مادامهم مع بعضهم ديما قاعدين.
على قساوة الدنيا قادرين
ومُرها محليين ...
في قلوب بعضهم عايشيين؛
وببعضهم مكتفيين
بشئ واحد مقتنعين:
أن الحياة مش حتقدملهم إلا الزين
مادامهم مع بعضهم ديما قاعدين.
ياريت لو نقدروا نعاودوا تفاصيل الأيام اللي فيها فرحنا، ومن وسط خاطرنا ضحكنا، لو نقدروا نعيشوا للفناء في ليلة تحت ضي قمرها سمعنا: نحبك لأول مرة، لو من خيالنا ملامح الواقع تنرسم، وبلا جهد القلوب تلتَحمٌ، لو القريب على القلب كان قريب حتى على العين، لو ماكانتش النهايات موجوده، وماكانش الفراق حاضر، لو الحظ كان ديما في صفنَا وديما صاحبنا، لو بين طيّات الأيام يجمعنا شارع نعزموا المَارّة فيه على قهوة، وتحكيلهم قداش تحِب الحياة؛ ببساطة لإن أني المرادف والمعنَى.
فخورةٌ بالطيحة قبل الوقفَة، بالفشل قبل النجاح، بالخطوة الأولى قبل الأخيرة الّي للمبتغى وصلتني، بكل شي عافرت عليه قبل الشي اللي بالساهل جانِي، فخورة بأني شخص قادر يصنع من الظلام ضي، ويخلق من العدم حَياة، لمسته باهرة، حضوره بلا جهد مميز، وبصمته وين ماتكون واضحة، ولإن اللي مايعرفش قيمة نفسه مايعرفش قيمة شي في الدنيا، أني قدامكم نبي نشكر نفسي على كل شي تقدم فيه اليوم بيش تكون نسخه أفضل غدوة❤.
بعد عقد وعامٍ على إنتفاضة الجماهير، والمضي نحو تحرير وطن أبى شيبه وشبابه الصمت أكثر.
بعد ما هب الأشاوس وثار المناضلون؛ لتحقيق القيم وبلوغ القمم.
ها نحن اليوم نجدد العهد بأن لا إنحياز إلا للتضحيات، ولا تبجيل إلا للوطن، ولا ثورة إلا فبراير السابع عشر.
لم ولن نندم🇱🇾.
بعد ما هب الأشاوس وثار المناضلون؛ لتحقيق القيم وبلوغ القمم.
ها نحن اليوم نجدد العهد بأن لا إنحياز إلا للتضحيات، ولا تبجيل إلا للوطن، ولا ثورة إلا فبراير السابع عشر.
لم ولن نندم🇱🇾.
صفعتني الحياة، طعنت من إيدين كنت خايفة عليها من الخدش، حطتني الأيام أمام خيارات الحلو فيهم مر، جبرت لما كنت مانبيش، ومشيت وقت كل شي فيا يقول: خلاص انهي، مضغتني الظروف وطمست جمال ملامحي، وإجتاحني الخوف من أنه يجي وقت نقول فيه: ياريت، خضت ملاحم في قمع السيء مني، وعشت حروب نفسية بلطف ربي مشت، تخبطت وتذمرت عيطت بحس وبكيت ليالي بان أثرها عليا بلا جهد، خارت قوتي وانعدم شغفي تضببت رؤيتي وتساوى البياض بالسواد في نظري، لكن بقدرة من مُدبر شؤون العباد ماعرفتش إلا نكون شخص نظيف، كيان واعِي وشخصية على مدى العمر لو صحلّك تقابلها؛ حتكون ممنون ونقطة.