عتبة دارنا

أول جرح

لاتلوموني وانه العاش المصيبه
والحنان الراح صعبه منين اجيبه

اه اه جرحي مايطيب
اه اه بفركة القريب

مصيبه مصيبة ...
----------------------------------------------------------------------------------
1
أذكر أيامي الخوالي العشت وياها بأمان..
چنه من نكعد سويه يكعد بصفنه الحنان ..
شافت هموم العليه امن الصحابة امن الزمان ..
نظرت بنظره الحنينه ومابقه الهمي مكان ..

بنظره وحده وراحت هموم العليه ..
وشمحله هل الكعده علي ويه الزجيه ..

اه اه جانت الطبيب ..
اه اه بفركة القريب ..

مصيبة مصيبة....
--------------------------------------
2
-جان كلشي وياها ينبض كل شي بي روح بزمنهه ..
البيت من يفكدهه لحظه أشوف حياطنهه يجنهه ..
الرحه لو تفكد اديهه تنشد ابولادي عنهه ..
شلون بيه وفاكد انه الزهره والمحسن ابنهه ..

شيبت وخدودي متفارك دموعي..
والروح تنشدني شوكت تكسر ضلوعي ..

اه اه وما ألي نصيب ....
اه اه بفركة القريب...

مصيبة مصيبة ..
-----------------------------------------------------------------------------
3
ماتت الزهره الزجيه بغدر من ولد الحرام ..
والكمر لو غاب ضيه حتما ايصير الظلام ..
الوحشه الشافتهه عيني يمهه مايرهم كلام..
ايروح ليل ويجي ليل وعلي مايعرف ينام ..

عيوني متعلمه تشوف الزهره يمي..
وصوت بذني ايصيح بويه انريد امي ..

اه اه واسمع النحيب ..
اه اه بفركة القريب ..

مصيبة مصيبة ..
-----------------------------------------------------------------------
4
بركن من ركن الزوايا اكعد ويوميه انوح ..
راسي بين أركبي ينزل والدمع فوك الطموح ..
اسأل بروحي واعاتب أيفزن بعيني الجروح ..
هاي اول مره چفي السيفي مايكدر يلوح ..

واليظل بعتاب متغمض جروحه ..
واتخيل المشهد علي ايعاتب بروحه ..

اه اه والقدر يصيب ..
اه اه بفركة القريب..

مصيبة مصيبة..
--------------------------------------------------------------------------
5
زينب وياصبر زينب طفله ماتعرف نياح..
شلون تتحمل الفركه لو جبل چا والله طاح..
وطبع بالبنت الحنينه اتلوذ ب امهه وتستراح..
وادري من بعد الزجيه اتعيش مكسورة اجناح..

شلون بيهه وماتشوف امهه بكترهه..
وبعد الله اليعلم الجاي بعمرها..

اه اه والوكت غريب..
اه اه بفركة القريب..

مصيبه مصيبة..
--------------------------------------
الشاعر.. محمد الكروي

جرحي مايطيب

#ما_اسرع_الرحيل
خطاب رسول الله (صلى الله عليه وآله) مع حبيبتهِ فاطمة (سلام الله عليها).
————————————

بِنتاهُ هيا فاللقاءُ أتى .. والشوقُ في قلبي أماتَ المتى
من مُهجَتي ضِلعَاً فَرى
ومُحسِناً فـَـوقَ الثـّرى

بنتاهُ هيّا فاللقاءُ أتى

* ١ *
في عَينها حِزنٌ جَلي … هَل لوّعُوا قلبَ عَلي
ماذا جَرى في البَابِ يا زَهرتي؟
مالي أرى حِجرَاً خَلا … منكِ ولاحَـت كَربـلا
ما قَـدّروا حَقّي أيـا حَســرتي

إدنـيْ إليَّ فـاطِـمَـه وأغـفِي عَلى صَـدري
عِطري انطوى فِيكِ ومَا إستَنشَقوا عِطري
قد خـانَـنـا بـابٌ ولـم أرتـاحُ في دَهـري

سَلْ صدرها عمّا جرى
ومُحسِـناً فـوقَ الثرى

* ٢ *
جبريلُ مِن بّيتي دَنا … مِـن فاطِـمٍ واستَـأذنا
كيف العِـدا داسـوا على بابَـها؟
دارٌ بهاْ النورُ ارتَفع … مِنها الى العَرشِ سَطع
والرجسُ يهَتكُ حُرمةً ما خَافها

مـا خلّـفوا في عِتـرتي إلا دَمـاً يجـري
ودموعُ فاطمتي جَرت حُزناً على قبري
يا والدي نارٌ كَوَت مِن حِقدَهم صَبري

الدِفءُ من بيتي سَـرى
ومُحسِـناً فـوقَ الثـرى

* ٣ *
بـ نفاقِهم يـا بَضعتي … قـد أهمَـلوا وصيتي
حُزناً تكسّر خاطِري معَ كَسرها
مازلتُ أسمعُ صَوتها … بالدمعِ تقضي وقتها
مـا عُـظمُ بَلـواها أيـا صبـرها

همّاً تثـاقلَ حَملهُ في فاطِمٍ صارا
نارٌ بِها قَد أُسعِرَت والسَّوطُ تِذكارا
مِن رَفسةٍ قَد بَعثروا في الدّارِ أسرارا

هيَ بنتُ أحمدَ هل دَرى
ومُحـسِـناً فـوقَ الـثـرى

* ٤ *
أيتـامُها مـا ذنبهم … الحـقـدُ يـقـتـلُ أُمهم
واليِـتمُ سَهمٌ لا يُـداوى جَرحهُ
في لِحدها حنّت لهم … من ذا يُنشّف دَمعهم
في قلبها شـوقٌ عَسيـرٌ شَرحهُ

جاؤوا لها في ليلةٍ ناحوا على القَبرِ
أماهُ قـومي لِلـقا يـا فَـرحةَ العُـمرِ
مِدّي يَدَيكِ قبِّليِ قَبلَ القَـنا نَحرِي

هذا حُسيـنٌ قَد يرى
ومُحسِناً فوقَ الـثرى

* ٥ *
في الدارُ تبكي زيـنباً … وحسيـنُ يغفو ناحِباً
وترى الحسن في الدار ينعاها
المُرتضى يدعو لها … ويَـشّمُ شـوقـاً ثوبـها
رحلت وعاشَ بـ بيتهم ذِكراها

دامَ الأمـيـرُ عـَزاءهُ حتى ثـوىَ اللّـحدِ
دُفنت أنيسَتُ خاطري يا غُربتي وحدي
كانت بجَنبي فَـرحتي والآنَ مَن عِندي

ذاكَ حُسيـنـاً بالـعرى
ومُحسِـناً فوقَ الـثرى




عباس خليل السماوي.

ما أسرع الرحيل 💔

بالطف مذبوح

لمولاتي فاطمه صلوات الله عليها

عِجز عن وصفج  إدراكي وسجد يم الاسم
القرون الأولى مافهمت اجي آني افتهم!!
الفضل لو واضح انلزمه
نعم هم نعجز انفهمه
…
حدائق روحي التّوصفج خريف الفكره حل بيها
وينابيع الفكر جفت وقَحط دائم اجه اعليها
جفوف الرَجعت حيدر شنو من سر جعل لِيها
ولإن إلها فداء انتي (الولايه) نجهل اشبيها

اشكثر لذه صبح عندي بالالهام الالج
غِطاء الدنيه لو يُرفع نضل مانفهمج
ونّصَيح كلنه هالكلمه
نعم مانكدر انفهمه
…
انشرح صدري بإسم فاطم  وعِلت فرحت عجز وصفج
نعم انتي ابوسط مجلس ولكن صعبه نندلج
يالمحجوبه عن كل كون ورحمنه الله ابلفض اسمج
الملائك منج اتعلمت تعبد جا شنو فضلج

ابآية ابنج آني افهم امر يَُم الولي
إلي يَّلي اخدمت فاطم ترد راضٍ رَضي
وعطائج انتي للخدمه
نعم مانكدر انفهمه
…
ابدخولي لمجلسج يُمه لروحي الضاعت آني املُك
واروح لعش (تَفجع) بيج واحاول اطي مااملُك
واقر ابكل حواسي إهنا دموعي وحيلي مااملُك
أنه اطيني الخِدِامه ابروح وغيري لكلشي خل يملُك

ابعدم جنت وجعلتيني ابوجود المتقين
ويزيل الشك عن افكاري الدمع لو بي يقين
لإدينج يُمه تلتزمه
نعم مانكدر انفهمه
… .
انحسر شوف الوجود اعليج وبصيرة روحه ماتنظر
طلب عندي يَّمن الحجار اذا طاعج تحول در
علميني الكلام وياج شسولف وانتي كلج سر
قلم روحي بصيره ايريد ابذكر فضلج يضل يبحر

واوراق الوعي يُمه الج ماتنتهي
واتيهن بيها واكتبلج شعر ماينّسي
واصيحن فضلج ابهمه
نعم مااكدر افتهمه
…
النظام الكامل العادل يصير ابطاعتج يُمه
اشحلات إلي بعيد اعليج ونخاج وجفج ايلزمه
العجز وياج احله اهواي من فِهم إلي مافهمه
سلطانة بني هاشم وحُجَه انتي عله الّيِمه

الحجه الواضحه انتي يبرهان العلي
شسولف عنج وشخصج فقط كوفئه علي
واضل احجيها يايُمه
نعم مااكدر افتهمه
… .
مجتبى الدفاعي

وصف ماينوصف

للمحسن عليه السلام

ما صاير ومكتول هاي بيا دهر
ما صاير وطولك على العتبة انشمر
محظره الدلول...يبني يمچتول
.......
محظرة ألك حظني ودلالي ومو على بالي الونين
هدوم ما عندي لصيارك أنلبسك أهدوم الحسين
وطرزت اسمك عليهن وليدي محسن يالحنين

ما عشت مرحلة الطفل...گبل الولادة و تنقتل...ويه اخوتك ردتك عدل...تعيش

يالما بده عمرك وبالدفعة گصر
عالگاع أنه وياك والظالم عبر
يمه الحچي يطول...يبني يمچتول
.........
يمه تدري أبين اديه من تموت انا اموت
انا ما شفت بحياتي طفل ما يطلعله صوت
لا سمعنه ضحكه منك ولا بچي متت ابسكوت

من اسمعت صاحو و إن...ظل يرجف فراگ الحظن...بالباب معصورة و أون...عليك

شمسويه ومناغاك من عنده انحرم
شمسويه وبعيني انطبع چف الظلم
وشصار ماگول....يبني يمچتول
.....
يبني چا زينب شگلها اعليك من تسألني احير
وهي يومية تگلي يمته چا محسن يصير
يمه حضرتلك حظنها ومثل طولك هم زغير

الگماط گالتلي سهل ...گمطت ايدي بالحبل..وهزت المهد مثل الهزل...تصير

زبنب تريدك لچن ما طال العمر
تصيرلها في لو طاح الحسين الظهر
وأعليه الخيول...يبني يمچتول
......
صح اخير اخونك انت بس صرت اول جرح
وعشت گبل حسين جرحك وضگت الآم الذبح
ابين اديه انت طايح بس اخوك اعلى الرمح

مو هيجي الحساب احسبت...يوليدي يم عيني متت...ما ضايگ أجفوفي ورحت...شهيد

ميت وألوليك دللول الولد
يالحسرة بجفوفي تظل هزت المهد
بتراب مغسول...يبني يمچتول
.......

ماصاير ومكتول

مدّي ايدج

كومي صاح

ظهری انکسر. یلگمر. من ودعتنی

گلبی انفطر. یلفخر. من فارگتنی

شفت المنیه بلغاضریه
➖➖➖➖➖➖
وحدی ابغربتی,,,وتهل دمعتی,,,,لیش اضل ابلااهل

طفوشمعتی,,,ایاحسرتی,,,,ونگطع منی الامل

یلی اکفلت,,,ماشفت,,,,زینب یهیبه

لمن طحت,,,حشمت,,,بعدک غریبه

رحت امندیه بلغاضریه
➖➖➖➖➖➖
من شفت الحسین,,,دم تجری العین,,,اسمعته یندب یاعلی

وین الگمروین,,,مگطوعه چفین,,,وسفه طایح کافلی

صحت ابآلم,,,ماسلم وامهشم الراس

طاح العلم,,,ولحرم,,,تندب یعباس

وجثته. رمیه بلغاضریه
➖➖➖➖➖➖
حرگوهه الخیام,,,مرعوبه.الیتام,,, وبس صفتلی ونتی

ومدنگهاالهام,,,مسبیه لشام,,,بیش اردن هیبتی

یالوعتی,,,,وحسرتی,,,من یسرونی

بس سلوتی,,,دمعتی,,,وحرگت جفونی

وآنه سبیه بلغاضریه
➖➖➖➖➖➖
من المصایب,,,شفت العجایب,,,من خذونی امیسرا

بدرب النوایب,,,نمت ابخرایب,,,وانه هیبت حیدرا

وحدی ابغرب,,,موصعب,,,یاهیبت الگوم

من انظرب,,,یاگلب,,,یحمل هل هموم

شفت الاذیه بلغاضریه
➖➖➖➖➖➖
شافت مصابا,,,بلدم خضابا,,,راسه شافت بلطشت

یاهوالی صابا,,,وتنادی بابا,,,وانه ونیت وطحت

تبچی وتون,,,من تحن,,,ابسوط اظربوها

وجر الاذن ابکل حزن تشکی الابوها

وتنحب رقیه بلغاضریه
➖➖➖➖➖➖
واسکینه اتنوح,,,شافته مذبوح,,,تبچی وتون للابو

دلالی مجروح,,,ابصوتی الی مبحوح ,,,گمت اصیحن للاخو

اندب هلی,,,ویلولی,,,مایسمع الصوت

ضنوت علی,,,کافلی,,,فرگنه الموت

صرنه الظحیه بلغاضریه
➖➖➖➖➖➖
خادم الزهراعلی سیلاوی

طفله وتنادی یبابا

انفجعت ابشوفت مصابا

یارقیه یارقیه
➖➖➖➖
اتعاتب الراسی وتحاچی

اتگله سلبوهاالتراچی

بویه ملتنی البواچی

من کثرهم الرزیه

یارقیه یارقیه
➖➖➖➖
بویه ذوبنی انتظاری

لیلی مانمته ونهاری

یلنمت عل غبره عاری

امنل حزن دمعی جریه

یارقیه یارقیه
➖➖➖➖
انسطرت وعینی حمره

واذکرت امی الزهره

حافیه ورجلینی جمره

دیره من دیره سبیه

,یارقیه یارقیه
➖➖➖➖
تگله بعدک مارعونی

ابسوطهم ورموامتونی

امنلبچی راحن اعیونی

بویه سمونی اجنبیه

یارقیه یارقیه

➖➖➖➖
اصفن وافکاری تندار

من یضربونی الاشرار

ظلعی بس ناگصله بسمار

مثل ظلع امی الزچیه

یارقیه یارقیه
➖➖➖➖
لیش سلبوهاالعمامه

وعلرمح شالوالهامه

عمی ابراسه علامه

چن علی حامی الحمیه

یارقیه یارقیه
➖➖➖➖
خادم الزهراعلی سیلاوی