(أربعطش عام)
.....................
هـذا السجـن دام ــــــ أربـعــطش عــام
غربه وجراحات وحزن ـــــ طاموره وآلام
,,,,,,,,,,,,,,,,,,,,,,
واجهـت الجرالي بقوتي وصبري
ويـم ربــي الخلقـنــي وكلـت أمري
انطيت السجن والغربه مـن عمري
مو عـام أخسـرت أربعـطـش تدري
عمري أنكظـه بساع ــــــ وسط السجن ضاع
ياويلي أيامي المضت ــــــ ماتنعــد أيــام
,,,,,,,,,,,,,,,,,,,,,
حرمو عيلتي من شوفتي اولدي
ويوميـه السجـن بي الدهر يحدي
من ايدين الفضل للمجرم السندي
ماخلـه الوكـت واهـس أبـد عندي
كـل مــده بمجــــان ـــــ ماخــذنــي سجـــان
ماعدها كل رحمه أبد ـــــــ عدواني ظلام
,,,,,,,,,,,,,,,,,,,,,,
 
طوامير السجون المـرت اعليه
خذت حيلـي بفعلهــا وأثـرت بيه
ظلمـه وموحشــه ماتنحمــل هيه
ومغلولــه بحديــد النوبــه رجليه
بطامــوره محجــور ــــــ وحشــه وبـلا نــور
والمثلي عايـش ماأظــن ـــــ يتهنه وينام
,,,,,,,,,,,,,,,,,,,,
مريــت بشـدايـــد أنـــا مـو شـده
أتـألــــم حزيـــن وطالـــــت المـده
وسجان السجن كل رحمه ماعده
ظالـــم لاشـــرع لاواحـــد أيـــرده
قاســـي الطبـع شــاد ـــــــ أيعاملنــي بأحقـاد
بتعذيبي سجان السجن ــــــ متحزم أحزام
,,,,,,,,,,,,,,,,,,,,
 
 
 
 
 
أترجه الفرج والطلعه من سجني
أدعــي بكل صلاه ياربي خلصني
أذانــي السجــن والظالــم أتعـبـنـي
أتمنــه الأجـل كل لحظــه ياخـذنــي
مليـــت الاسجـــون ـــــــ وعـذبنـــي هـــارون
يوميه ناقلنـي ابسجن ــــــ ويصدر أحكام
,,,,,,,,,,,,,,,,,,,,,
ودعـت الحيـاة أودعــت كلـشـي
واليوم ارتحل من هالظلم وأمشي
وأتـنـطــر قـدوم السنـدي الوحشي
أبسمـــه أمــوت ويـرتفــع نعـشــي
ومن هاي الاهمــوم ـــــ أتخـلــص الـيــوم
بالسم أموتن وأرتحـل ـــــ للباري يسلام
,,,,,,,,,,,,,,,,,,,,,,,,,,,,,
خادم أهل البيت(ع)
الشاعر: حيدر كامل العبودي

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://www.tg-me.com/ashaghalhossein

🔻کروب  للتلحین قصاید📝
👇👇👇👇

🆔 https://www.tg-me.com/ashaghalhossein2



📲Whatsapp
‎00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

1⃣قناة عشاق الحسين ع
@ashaghalhossein

2⃣قناة الأبوذیة
@ashaghalhossein3

3⃣قناة النعي
@ashaghalhossein4

4⃣ قصاید النسائیة
@ghsahdhossinyat ️ ️

5⃣عشاق الحسین صوتیات
@ashaghalhosseinmidya

6⃣ الشاعر عزيز الفيصلي
@azizalfesli

7⃣الناشر مهدي الكعبي
@mehdialkabii

8⃣قناة للموالید
@ashaghalhosseinn

9⃣قصائد فارسیه
@madahifarsii

((جرح منبر))


اريدن مــن ازور بهضمي اتحسر
وعلى الشباچ كون بدمعي اتحير
يامعنى الضليمه ويـــــاجرح منبر
يامولاي احبـك موسى ابن جعـفر

ميــــت لو عدل
بچفوفك الحبل .. هسه لو قبل

مــــولاي وتون
مرهون بسجن .. وللشيعه تحن

عشت بغربتك بـالراح والجاي
وبيام العطش أنته الچنت ماي
ياتاج أعــله راس الشيعه مولاي

يمولاي الحنين ...
                           
"""""""""""""""""""""""""""""""""""''''''''''

أسافرلك گلب يم بابك وأرجع
وهاي الآه والويلات والـــمدمع
ليش الگيد بعده الهسه موجود
الله يعينك و مــن الجرح توگع

تـــوگع بالجرح
ماتدري الصبح .. مطعون برمح

خذلان البشر
لو هذا الدهر .. لو جرحك عبر

اجيلك والگلب بضلوعي ماهاد
يبــو طلبه التظل عطآي المراد
مـــــايرهم ابـــــد ويــاك الابعاد

مولاي الحنين ...
                            """""""""""""""""""""""""""""""""""''''''''''

تظــل بحــــر العـطاء بهيبةّ أمواجه
ويـــــا كعبةّ عشگ والدنـيا حجاجه
وكل زاير يجيـــــــك مدلل بـزودك
شما تصعب وتگضي أبابك الحـاجه

حاضر بالوعد
گضاي الشدد .. نزورك وشبعد

نَحَنّ الحضرتك
ورحمةّ رايـــتك .. چبيره رحمتك

سبيل الحب أفضـه ويرجع يكون
أريد زيـــــارتك يـــــــابعد العيون
يالمسجون لجل الشيعه مسجون

مولاي الحنين ...
                             """""""""""""""""""""""""""""""""""''''''''''

نجيلك كون نهتف سيدي أبابك
ونزفلك دمــع يـاحسرةّ أمصابك
يا اشرف مكــان الجامع احبابك
ويـــا اطيب عطر ياعنبر اعتابك

مـــوقف للعشگ
اليحب ومحترگ .. وينادي صدگ

عايش للابد
للشيعه سند .. وماضي بالوعد

لويرجع امس والكــان ماكان
چا لا مايظل حسين عطشان
ولا انته بسجـن مـولاي لهفان

مولاي الحنين ...
                          
عبد زينب
محمد الابراهيمي

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://www.tg-me.com/ashaghalhossein

🔻کروب  للتلحین قصاید📝
👇👇👇👇

🆔 https://www.tg-me.com/ashaghalhossein2



📲Whatsapp
‎00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

لحن (جرح المنبر)
بصوت
ملا حسن الزينبي
ناصريه

لطمية للأهل والاحباب (( مشتاگه العيون ))


مشتاكه العيون     للماينشدون
همه النسونه وحملو     ننساهم اشلون


همه النسونه وحملو     ماردو النه
چانت حنينه اگلوبهم     تنگط محنه
الضيم اخذنه والهضم     وانريد اهلنه
كلما نصد لنزولهم      نجهر الونه
ردو علينه انصيحهم     شو مايسمعون
همه النسونه وحملو     ننساهم اشلون


يهل المحنه انصيحهم     ردو علينه
ماخله بينه افراگهم     ماخله بينه
دمع المصايب واليتم     بلل عبينه
هاي المباني اخلافهم     وحشه وحزينه
جوه التراب اتوسدوا     ماضن يگعدون
همه النسونه وحملو     ننساهم اشلون


جوه التراب اتوسدوا     حلوين الاطباع
تچوي الضلوع ولاطفت     يانار الاوداع
والعشره فلت والشمل     ماينجمع ضاع
وحشه المنازل صبحت     بغياب الاسباع
دگوا الباب اضيوفهم     عنهم ينشدون
همه النسونه وحملو     ننساهم اشلون


مروا اليوم اضيوفهم     وگفوا عله الباب
گالو نريد احبابنه     وابعاد الاحباب
غياب كلهم صبحوا    وايطول الاغياب
بيمن نشد اصوابهم     يسعر ولاطاب
اعزاز ذوله اعله الگلب     ماواحد ايهون
همه النسونه وحملو     ننساهم اشلون


اعزاز كلهم عالگلب     ذوله وغوالي
چان النزل بوجودهم     يزهي ويلالي
من فارگتهم فارگت     عزي ودلالي
كلساع اصيحن ياهلي     ومشدوه بالي
وبهاي ابد ماحسبت     عني يبعدون
همه النسونه وحملو     ننساهم اشلون


من ديوان معاني الحزن جزء السابع
لشاعرو اهل البيت
ام هجران العمارچيه

غير مبري الذمه من يمحي اسم الشاعره او يغيره او يتلاعب بالقصيده وينسب الرثاء لشخص اخر

اليوم برووس اهل زينب يهوسون
        *---------------*---------------*
وحيده اليوم زينب محد وياهه
كفال الظعن من مات خلاهه
تتنخه بدمع  وونوح غطاهه
وصاحت وينكم يهلي من لظعون
اليوم برووس اهل زينب يهوسون
        *---------------*---------------*
صاحت وينكم شو محد وياي
حركوا خيمتي وتشمت عداي
وانه خلافكم ماظل بعد راي
وفزعوا للمخيم هل يحرگون
اليوم برووس اهل زينب يهوسون
        *---------------*---------------*
فزعوا للخيم سلبوهه الاطفال
وماظل كلشي لي ومعذبه الحال
حملي اليوم مايل والدمع سال
وعدواني كفر لا مايرحمون
اليوم برووس اهل زينب يهوسون

        *---------------*---------------*
اليوم الروس شالوها اعله لرماح
يهوسون بجفافي وشامت صاح
وين حزام ضهرج عافج وراح
بنضرات الحقد ضل يضحكون
اليوم برووس اهل زينب يهوسون
        *---------------*---------------*
مااصدك اخوتي الشالوا الراس
فوك رماح شالوهم يالهناس
راس حسين راس الفحل عباس
ينضرون وعلينه تدمع عيون
اليوم برووس اهل زينب يهوسون
        *---------------*---------------*
✍باقر جبار الشويلي
✍ابو سلام الجابري

#شوط كربلاءي


وين بهل سفر ناوي ياسايگ رچاب اهلي
احلفك بالظلع والعين للملگه وعد خلي
✿────↻✿...✿↺────✿

تبعت اليحدي بالناگه واشيلن بلجدم گوه
نوبه بهدمي اتعثر ونوبه اعله الارض اهوه
ونادي بصوت يلحادي منك رايده عطوه
امشي بهيده موش بساع
أريد اشبع من اهلي اوداع
وتجيني ياشهر يا ساع
عليله واتجه لاوين لو مال او وگع حملي

✿────↻✿...✿↺────✿

اسولفلك يحادي النوگ عل اليفگد هله وناسه
المابي عله مو وجعان تصعب جرة انفاسه
وانه الماجزه الركبان شاب من البعد راسه
يحادي الناگه لاتحدي
آمل ابواالدي عندي
يگول ويه الضعن صعدي
ويركبني وي عماتي ويمسح دمعتي التهلي

✿────↻✿...✿↺────✿

مشه له صعدت فوگ النوگ ولا اخذوني وياهم
چن چنت بحلم وصحيت وعلي بعدت رواياهم
بچيت وسلمت امري وبقيت احسب الملگاهم
ارجعت گوه انگل بجدمي
الكتلني مو مرض همي
لا اختي بقت له امي
تمنيت العمر يخلص بعدهم بلعمر شلي
✿────↻✿...✿↺────✿


ارجعت لدياري محنيه وميلن من يميل الريح
صغيره لفرگت احبابي دمعي على ثيابي يطيح
وتلفت يمين يسار بلكي الحادي بسمي يصيح
بدموعي ارجعت للدار
طروش اسالها ليل نهار
من عندي توصل اخبار
لبوي حسين وتگله تاخر يمته يرجعلي

✿────↻✿...✿↺────✿

✍نور الولايه الفاطميه

جبتلكم قناة الشاعرة والمبدعه لبابه الياسين تحتوي القناة على قصائد والحان ونعي محرم الحرام 1446 ه‍ على الرابط التالي
https://www.tg-me.com/Lobabaallyassin313